Litli Bergþór - 01.07.2014, Blaðsíða 8

8 Litli-Bergþór
það sé subbuskapur eftir gesti. Við leggjum okkur
fram um að sinna öllu kvabbi, þó það sé seint, jafnvel
eftir miðnætti, og vinnudagurinn er því oft langur.
Heyið sem selt er hér í skálunum á Tungnaafrétti
er frá okkur, um 115 til 120 rúllur á sumri. Ef það
vantar hey höfum við keypt það sem á vantar af Agli
í Hjarðarlandi. Það sem við seljum í Hólaskógi (80 til
90 rúllur) er frá Sigurði Loftssyni í Steinsholti.
Það er svefnpokagisting í öllum skálunum og hóparnir
elda sjálfir. Hér í Skálanum í
Myrkholti sköffum við reyndar
lök og koddaver, en ekki rúmföt
og hér er líka þvottavél og
þurrkari til afnota fyrir gesti.
Hóparnir sem koma eru mikið í
gegnum erlendar ferðaskrifstofur,
mest Frakkar og Ítalir. Þjóðverjar
koma sjálfir á bílaleigubílum. Það
er gaman að því að sama fólkið
kemur oft aftur og aftur, ár eftir
ár. Það eru bestu meðmælin. Til
dæmis gistu hér eitt árið útlend
hjón í hestaferð með Eldhestum,
árið eftir komu þau aftur á bíl
og þriðja árið voru þau hjólandi
með elsta syni sínum! Um helgar
eru oft fjölskyldumót og sumar
fjölskyldur eiga fráteknar helgar á hverju ári. Minni
kórar eru með æfingabúðir um helgar að vetrinum,
afmæli eru haldin hér og svo mætti lengi telja.
Það eru verðir í þrem húsum, Árbúðum, Gíslaskála og
Hólaskógi, sem sjá um þrif, raða fólki niður í húsin og
aðstoða það á alla lund. Alls erum við sjö sem vinnum
við þetta nú í sumar, við Loftur og sonardætur okkar
Vilborg og Stefanía hér heima í Skálanum, og svo
verðirnir þrír. Í Árbúðum er stöðug traffík, sérstaklega
eftir að kaffistofan kom og einnig er mikil traffík í
Árbúðir. Hrefnubúð er hvíta húsið lengst t.v.
Gíslaskáli í Svartárbotnum á Kili.