Litli Bergþór - 01.07.2014, Blaðsíða 16
16 Litli-Bergþór
leiddur upp brekkuna í húsið eftir þessari rás, sem
grófst síðan út með árunum.
Um tíma áttu þau Hveratúnshjón einnig kú sem bar
nafnið Kusa og hest, sem fékk óhentugt uppeldi sem
slíkur, en hét Jarpur.
Guðný og Skúli eignuðust fimm börn, en þau eru:
Elín Ásta (sjá Sólveigarstaðir) Sigrún Ingibjörg (f.
20.05. 1949), Páll Magnús (sjá Kvistholt), Benedikt
(sjá Kirkjuholt) og Magnús (sjá neðar). Þar að auki
flutti faðir Skúla, Magnús Jónsson (f. 05.11. 1888, d.
06.01. 1965) í Hveratún 1950. Það varð því ljóst þegar
á leið 6. áratuginn að fjölskyldan myndi þurfa stærra
húsnæði og því var hafist handa við að byggja. Með
fæðingu síðasta barnsins taldi fjölskyldan átta manns.
Það var flutt í nýja húsið, eða „nýja bæinn“ eins og
húsið kallaðist til aðgreiningar frá „gamla bænum“,
1961.
Gamli bærinn gegndi áfram hlutverki langt fram á 9.
áratuginn, fyrst sem fyrsta húsaskjól fjölskyldna sem
voru að flytja í Laugarás og þurftu afdrep meðan þær
voru að byggja yfir sig, og síðar sem tímabundinn
íverustaður barna Guðnýjar og Skúla, aðallega á
sumrum.
Þessar fjölskyldur bjuggu í gamla bænum í Hveratúni
um lengri eða skemmri tíma:
1964-1967 Hörður Vignir Sigurðsson og Ingibjörg
Bjarnadóttir sem stofnuðu Lyngás.
1967-1968 Óttar Guðmundsson og Gíslunn
Jóhannsdóttir sem
stofnuðu Teig.
1968-1971 Helgi Kúld og
Guðrún Skúladóttir sem
stofnuðu Asparlund.
1971-1975 Gunnar
Tómasson og Elsa
Marísdóttir sem keyptu
Asparlund.
Eftir að Gunnar og Elsa
fluttu í nýtt íbúðarhús
dvaldi hjúkrunarfræðingur
við heilsugæslustöðina í
húsinu ásamt tveim börnum
skamma hríð. Eftir það var
ekki föst búseta í húsinu.
Hveratún.
Gamli bærinn í Hveratúni.