Litli Bergþór - 01.07.2014, Blaðsíða 26
26 Litli-Bergþór
Ungmennafélag
Biskupstungna
sendir félögum sínum
bestu óskir um gott
og gjöfult sumar
1030 og kenndi í Bæ til 1049 en þá varð hann ábóti við
klaustrið í Abingdon á Englandi.
Í Bæ er talið að Hróðólfur og hans menn hafi menntað
fyrstu kynslóð íslenskra kennimanna, þ.m.t. Sigfús
Loðmundarson frá Odda, föður Sæmundar „fróða“.
Kristnisaga segir að eftir að Hróðólfur fór hafi þrír
munkar verið áfram í Bæ og má telja víst að þeir hafi
áfram kennt höfðingjasonum af Vesturlandi m.a. að
draga til stafs á móðurmálinu. Í Bæ var því eitt fyrsta
menntasetur á Íslandi og við hæfi að draga fram þá
gleymdu sögu við upphaf göngunnar til Skálholts.
Frá því árið 2001 hefur árlega verið gengið frá
Þingvöllum til Skálholts í tengslum við Skálholtshátíð.
Fyrir nokkrum árum tóku svo áhugamenn sig til og
gengu frá Bæ, Reykholti og Fitjum eftir gömlum
þjóðleiðum og sameinuðust göngunni frá Þingvöllum á
Skálholtshátið. Þessar ferðir, ásamt pílagrímagöngum
að kirkjum í Borgarfirði urðu kveikjan að stofnun
félagsins Pílagrímar sem hefur það m.a. á stefnuskrá
sinni að standa árlega fyrir göngu frá Bæ á
Skálholtshátíð.
Árið 2013 var leiðin frá Bæ í Skálholt opnuð formlega
með hátíð í Bæ og göngu í sex áföngum til Skálholts.
Nú í sumar verður lagt af stað frá Bæ þann 15. júlí og
komið til Skálholts 20. júlí, í þann mund sem messa er
að hefjast á Skálholtshátíð.
Þetta er auðkennismerki íslensku
pílagrímaleiðarinnar. Það er
afbrigði af pílagrímsmerkinu
sem markar Ólafsvegi þ.e.
pílagrímsvegi í Noregi og Svíþjóð
sem stefna til Niðaróssdómkirkju.
Þekktasti Ólafsvegurinn er milli
Óslóar og Þrándheims (Niðaróss), rúmlega 900 km
langur.
Auk þess að merkja og ganga leiðina milli Bæjar
og Skálholts er það von
félagsins að frá Skálholti
verði merkt pílagrímaleið
til Eyrarbakka í samvinnu
við heimamenn. Þar með
opnaðist möguleiki á
að geta tengt sjóleiðina
til Noregs og síðan um
Ólafsveg til Niðaróss.
Þannig gæti íslenska leiðin
tengst menningarvegum
Evrópu.
Nánari upplýsingar um
pílagrímaleiðina Bær –
Skálholt má finna á vef
félagsins: http://pilagrimar.
is og með tölvupósti á
pilagrimar@pilagrimar.is
Þá má leita upplýsinga um
Ólafsvegi á: http://pilegrimsleden.no; www.pilegrim.
no og lesa nánar um menningarvegi Evrópu á: http://
www.culture-rout-es.lu
Hulda Guðmundsdóttir.