Umbrot - 15.02.1978, Blaðsíða 10
UMBROT
Miðvikudagur 15. lebróar 1978. Verð kr. 120
Nýlega var opnuð á Akranesi verslun sem ber nafnið Verslunin
Ásberg sf. Eigendur hennar eru Guðlaug Vestmann, Guðjón Á.
Jónsson og Grétar Jónsson.
Ásberg sf. verslar með húsgögn og er aðal uppistaðan reyrhús-
gögn. Einnig eru á boðstólnum bastvörur ýmisskonar. — Versl-
unin er opin alla virka daga kl. 1—6 og á laugardögum kl. 9—12.
(Ljósm.: Sigurbjörn)
Fyrir stuttu var opnuð hárgreiðslustofa að Kirkjubraut 4.
Ber hún nafnið Hárgreiðslustofan ELLA. Eigendur stofunnar eru
Elín Jónsdóttir og Klara Sigurðardóttir. Elín er meistari, en
Klara er í námi. Hárgreiðslustofan er opin alla daga kl. 9—6,
nema þriðjudagsmorgna, en þá er Elín með verklega kennslu
í hárgreiðslu í Fjölbrautaskólanum. Þó er tekið á móti pöntunum
á þriðjudagsmorgna í síma 2244. Á laugardögum er opið kl. 9—1.
(Ljósm.: Sigurbjörn)
Lofsvert framtak
fþróttabandalag Akraness og
Góðtemplarareglan á Akranesi
hafa hvort í sínu lagi látið út-
búa endurskinsmerki með merkj
um félaganna.
Merki f.Á. er hvítt að lit með
lími á bakhlið og er auðvelt að
líma þau á föt og taka af aftur
án þess að nokkuð sjái á föt-
unum. Merki Góðtemplararegl-
unnar eru úr málmi með nælu
og eru rauðgul að lit.
Oft er erfitt að fá böm og
unglinga til að bera endurskins
merki, en með því móti að þau
jafnframt beri merki vinsælla
félagasamtaka, þá verður þetta
auðvelt og jafnframt vinsælt.
Ekki er nokkur vafi á að notk-
un endurskinsmerkja hefur forð
að mörgum frá slysum.
Umferðanefnd Akraness þakk
ar fyrmefndum félagssamtök-
um, fyrir þetta lofsverða fram
tak og hvetur alla, bæði eldri og
yngri til að nota endurskins-
merki. Færri slys er allra hag-
ur.
Umferðanefnd Akraness.
Harður árekstur
5. febr. sl. varð harður bif-
reiðaárekstur á gatnamótum
Þjóðvegar og Innnesvegar, er
fólksbíll ók í veg fyrir sendi-
ferðabifreið. Fólksbíllinn kast-
aðist langar leiðir og er hann
talinn ónýtur. Ökumaður slapp
lítið meiddur.
Sl. haust varð alvarlegt um-
ferðarslys skammt frá þessum
stað. Sú spurning hlýtur að
vakna, hvort hér sé ekki óþarf-
lega mikið af gatnamótum sem
þessum og hvort ekki sé tími
til kominn að auka verulega
alla umferðagæslu og umferðar-
merknigar og jafnvel að koma
upp umferðaljósum á ákveðnum
gantamótum.
1 haust var haldin hér umferð
arvika. Einn liður á þeirri viku
var verulega hert umferðagæsla
og virtist hún gefast vel.
Því hlýtur það að vera rökrétt
ályktun, að stórbæta þurfi um-
ferðargæslu allt árið, en ekki
eina til tvær vikur á ári. Akra
nes er ört vaxandi bær og um
ferð vex að sama skapi, og því
er ekki hægt að halda sig við
umferðargæslu sem e.t.v. var í
góðu lagi fyrir 10 árum.
Þá hljóta bæjaryfirvöld að
verða að gera sér grein fyrir
því, að þegar unnið er að nýju
skipulagi fyrir bæinn, verði
þannig frá því gengið að um-
ferð sé sem greiðust um bæinn
og geti gengið fljótt og örugg-
lega fyrir sig.
6 taka þátt í prófkjöri
Alþýðuflokksins
Sl. sunnudagskvöld rann út
frestur til að skila framboðum
til prófkjörs Alþýðuflokksins á
Akranesi við bæjarstjómarkosn-
ingarnar í vor.
Samkv. upplýsingum for-
manns fulltrúaráðs Alþýðu-
flokksfélaganna á Akranesi, Jó-
hannesar Jónssonar, bárust eft-
irtalin framboð.
Guðmundur Vésteinss. í 2. sæti.
Ríkharður Jónsson í 1. og 2.
Rannveig Edda Hálfdánardótt-
ir í 3. sæti.
Skúli Þórðarson í 1. 2. og 3.
Sigurjón Hannesson í 1. 2. 3. 4.
Þorvaldur Þorvaldsson í 1. og 2.
Prófkjörið fer fram 4. og 5.
mars og verður kosið um 4 efstu
sætin.
Kútmagakvöld Þyrils
Hið árlega ,,Kútmagakvöld“
Kiwanisklúbbsins Þyrils verður
haldið föstudaginn 17. febr. nk.
í.Hótel Akranes og verður hús-
ið opnað kl. 19. Hinn vinsæli
matseðill samanstendur af sjáv-
arréttum eingöngu eða allt frá
rækjum og upp í hval.
Auk þess verða skemmtiatriði
eins og venja er; m.a. Halli og
Laddi, auk ýmissa annarra
landsþekktra manna. Gestur
kvöldsins er Jónas Guðmunds-
son, stýrimaður.
Félagar Þyrils sjá um sölu
aðgöngumiða, en auk þess fást
þeir við innganginn á meðan hús
rúm leyfir.
Ferja H
prýðir Blautós
I síðustu viku var gamla sementsferjan dregin frá höfn-
. inni og henni valin staður við Blautós. Eins og fólk rekur
minni til var gamla ferjan geymd á þessum sama stað í
mörg ár og þótti lítil prýði af. Ekkert hefur breyst á þessum
árum sem gefur til kynna að meiri prýði sé af í dag og
er þetta því afar furðuleg ákvörðun.
Fyrir stuttu varð slys um borð í ferjunni, þegar maður
féll niður um op og slasaðist hann töluvert. Búast má við
að börn og unglingar sækist eftir að fara um borð í ferjuna
þar sem hún er nú og gæti hún því orðið slysagildra.
UMBROT hafði samband við bæjarstjóra og spurðist fyrir
um þetta mál. — Bæjarstjóri sagði að vélar og siglingatæki
hefðu verið tekin úr ferjunni og sett í geymslu í áhaldahúsi
bæjarins. Komið hefur til tals að panta rafala við vélarnar
og nýta þær fyrir vararafstöðvar.
Þegar búið var að taka vélarnar, var ferjan orðin svo létt
að hætta var talin stafa af henni í höfninni. Því var það
ráð tekið að draga hana inn í Blautós og geyma hana þar
til bráðabirgða, en fyrirhugað er að selja hana í brotajárn.
Hvað slysahættu viðkæmi, sagði bæjarstjóri að reynt
hefði verið að ganga þannig frá ferjunni, að óhægt yrði um
uppgöngu í hana.