Umbrot - 01.09.1978, Blaðsíða 2
UMBRDT
Útgefandi: UMBROT sf.
Blaðstjórn og ábyrgðarmenn:
Indriði Valdimarsson, ritstj. og Sigurvin Sigurjónsson
augl.stj.
Auglýsingasími: 1127 — Pósthólf 110.
Gtróreikn. nr. 22110-4 — Verð kr. 150
'Setning og prentun: Prentverk Akraness hf.
^ ------------------------------------------
Því verður ekki trúað, að Akurnesingar
hafi ekki um eitt og annað að skrifa
Enn á ný hefur UMBROT göngu sína, og nú eftir þriggja mánaða
sumarfrí. Það er greinilegt að blaðið hefur öðlast ákveðinn sess í
bæjarlífinu og fólk vill ekki missa það, ef marka má samtöl við ýmsa
aðila nú í sumar. Sífellt er spurt: Hvenær kemur Umbrot næst?
Þetta er mjög uppörvandi fyrir þá sem að blaðinu standa og
hvetur þá til áframhaldandi útgáfu. En þetta er ekki nóg. Bæjarbúar
sjálfir verða að hjálpa til. Það ge.fur blaðinu miklu skemmtilegri blæ,
að sem flestir skrifi í það, og því verður ekki trúað, að Akurnes-
ingar hafi ekki um eitt og annað að skrifa.
Umbrot er opið öllum og við treystum því að Akurnesingar taki sig
nú virkilega á í þessu efni og sendi okkur greinar um hvað sem þeim
dettur í hug og velsæmi leyfir. Nafn og heimilisfang verður að fylgja
með, en ekki er þóskilyrði að birta nöfnin í blaðinu og verður þeim
haldið leyndum ef óskað er.
Að lokum skal þess getið að þetta blað er unnið í offset í
Prentverki Akraness. Prentverkið hefur verið að koma sér upp
nýjum tækjum og er þetta fyrsta blaðið sem unnið er í þeim. Því má
búast við að einhverjar útlitsbreytingar verði á næstu blöðum, en
vonandi verða þær aðeins til að bæta það.
Fréttir
frá lœknafélagi Vesturlands
Starfsemi félagsins hefur verið
fremur lítil á undanförnum árum,
aðeins einn fundur haldinn, þ.e.
aðalfundur og hefur þá jafnframt
verið haldinn fræðandi fyrirlestur
um læknisfræðilegt efni.
A sl. starfsári voru hins vegar
haldnir 4 fræðandi fyrirlestrar á
vegum félagsins, allir í Sjúkrahúsi
Akraness.
Aðalfundur félagsins var haidinn
i Sjúkrahúsi Akraness þann 6. mai
1978 og var mjög vel mætt á fund-
inn. Skýrði fyrrverandi formaður,
Pálmi Frimannsson og formaður,
Guðmundur Árnason, frá því helsta,
sem rætt hafði verið á aðalfundi
Læknafélags íslands og formanna-
ráðstefnum.
Því næst fór fram stjórnarkjör.
Fráfarandi stjórn stakk upp á Jónii
Jóhannessyni, lækni á Akranesi,
sem formanni, Guðbrandi Kjartans-
syni, Akranesi, ritara og Arna
Ingólfssyni, Akranesi, gjaldkera og
voru þeir kosnir samhljóða.
Valgarður Björnsson, Borgarnesi,
var kjörinn endurskoðandi og Guð-
mundur Arnason varafulltrúi á
aðalfundi, einnig samhljóða.
Tillaga kom fram frá fráfarandi
stjórn um stofnun sögunefndar, til
að kanna æviferil félagsins, sem
mun stofnað í kringum 1955 og hafa
á reiðum höndum á 25 ára afmælinu
á næsta ári. í nefndina voru kosnir
samhljóða læknarnir Bragi Níelsson
og Hallgrímur Björnsson. í þessu
sambandi var rætt nokkuð um varð-
veislu skjala félagsins, en flest skjöl
félagsins munu týnd. Var talið koma
til greina, að forngripir yrðu
geymdir í bókasafni Sjúkrahúss
Akraness, en ekki voru gerðar um
það neinar samþykktir.
Hallgrímúr Björnsson gerður
að heiðursfélaga læknafélagsins.
Um kvöldið hélt Sjúkrahús Akra-
ness kvöldverðarboð fyrir lækna og
eiginkonur þeirra. Þar færði frá-
farandi formaður, Guðmundur
Árnason, Hallgrími Björnssyni,
lækni, Akranesi, innrammað
heiðursskjal, sem heiðursfélaga
læknafélags Vesturlands. Var það
gert fyrir margháttuð og farsæl
störf hans fyrir íbúa Akraness og
nágrennis sl. 41 ár og fyrir störf
hans í Sjúkrahúsi Akraness og i
læknafélagi Vesturlands.
Hallgrímur hafði raunar verið
kjörinn heiðursfélagi á aðalfundi
vorið 1976 I Borgarnesi og var
heiðursskjalið nú staðfesting þess.
N
Veggsamstæður
Um mánaðarmót eru þess-
ar veggsamstæður væntan
legar. — Ennfremur borð-
stofuborð, stólar og hjóna-
rúma.
Fyrirliggjandi
Rococo stólar
Sófasett
ýmsar gerðir
Húsgagnaversl. STOFAN
Stekkarholti 10 — Sími 1970
________________________________________________________ -
V
2