Umbrot - 19.10.1978, Blaðsíða 3

7 bœkur vœntanlegar
frá Hörpuútgáfunni
Frá Hörpuútgáfunni á Akranesi eru
væntanlegar 7 bækur á þessu
hausti.
BORGFIRZK BLANDA II — sagnir
og fróðleikur úr Mýra- og Borgar-
fjarðarsýslum. BORGFIRZK
BLANDA I kom út fyrir síðustu jól
og seldist upp. Bragi Þórðarson
bókaútgefandi á Akranesi hefur
safnað efni í báðar bækurnar. Nýja
blandan er með svipuðu sniði og hin
fyrr. Hún skiptist i þjóðlífshætti,
persónuþætti, sagnaþætti, frásagnir
af slysförum, draumum og
dulrænum atburðum, ferðaþætti,
gamanmál og lausavísur. Enda þótt
efni bókarinnar sé fyrst og fremst
úr Mýra- og Borgarfjarðarsýslum á
það erindi til allra, sem unna
þjóðlegum fróðleik og frásögnum af
skemmtilegu fólki og undarlegum
atburðum. Fátt af þessu efni hefur
verið prentað áður. Meðal höfunda,
sem eiga efni í bókinni eru: Andrés
Eyjólfsson í Síðumúla, Ari Gíslason,
Akranesi, Arni Ola ritstjóri, Björn
Jakobsson, tónskáld og ritstjóri frá
Varmalæk, Bragi Þórðarson,
Akranesi, Guðlaug Ólafsdóttir,
Akranesi, Guðmundur Illugason frá
Skógum í Flókadal, Gunnar
Guðmundsson frá Hofi í Dýrafirði,
Herdís Ólafsdóttir, Akranesi, Jón
Helgason ritstjóri, Jón Sigurðsson
frá Haukagili, Magnús Sveinsson
kennari frá Hvítsstöðum, Sigurður
Ásgeirsson Reykjum i
Lundarreykjadal, Sigurður
Guðmundsson frá Kolsstöðum i
Hvítársíðu, Sigurður Jónsson frá
Haukagili, Sigurður Jónsson,
Akranesi, Þórður Kristleifsson,
kennari og söngstjóri frá Stóra-
Kroppi, Þorsteinn Guðmundsson,
Skálpastöðum, Lundarreykjadal.
BORGFIRZK BLANDA II er 248
bls. í stóru broti, innbundin 1
vandað band. í bókinni eru margar
myndir og nafnaskrá.
HETJUDÁÐIR er nýr bókaflokkur,
sem Hörpuútgáfan setur af stað á
þessu hausti. í þessum flokki verða
eingöngu sannar frásagnir af
hetjudáðum og mannraunum.
Fyrsta bókin heitir EFTIRLÝSTUR
AF GESTAPÓ, og er sönn skjalfest
frásögn af Norðmanninum Jaan
Baalsrud, sem var eltur af
hundruðum þrautþjálfaðra Gestapo-
hermanna í hálendi Noregs í stór-
hríð og vetrarstormum. Norska
blaðið Aftenposten segir m.a. um
bókina: „Ein bezta og mest
spennandi saga, sem skrifuð hefur
verið um norska hernámið".
Margföld metsölubók, sem hefur
verið kvikmynduð. Þetta er 2.
útgáfa bókarinnar. — A MEÐAN
FÆTURNIR BERA MIG heitir
önnur bókin í þessum flokki. Hún
segir frá þýzkum liðsforingja, sem
særist á Austurvigstöðvunum I lok
stríðsins. Hann er tekinn til fanga
og tekst að flýja gegnum auðnir
Síberíu, þar sem ótrúlegar
mannraunir bíða hans. Þetta er
stórbrotin, spennandi frásögn um
karlmennsku og þrautseigju.
FÓTMÁL DAUÐANS er 11. bókin,
sem út kemur á íslenzku eftir
FRANCIS CLIFFORD. Bækur hans
hafa notið mikilla vinsælda
hérlendis, enda hefur Clifford
hlotið fjölda af verðlaunum fyrir
bækur sínar, sem eru þrungnar
látlausri spennu.
VIÐ SIGRUM EÐA DEYJUM eftir
metsöluhöfundinn GAVIN LYALL,
sem skrifaði bækurnar Teflt á
tæpasta vað, og Lífshættuleg
eftirför. Gavin Lyall er talinn einn
af fimm bestu höfundum æsisagna
(thriller), sem nú eru uppi. „Látið
mig vita, þegar út kemur skáldsaga,
sem er meira spennandi en þessi“,
sagði P.G. Woodhouse.
ÉG ÞRÁI AST ÞlNA er 10. bókin,
sem Hörpuútgáfan sendir frá sér
eftir BODIL FORSBERG, einn
vinsæiasta ástarsagnahöfund á
Norðurlöndum. Bækur Bodil
Forsbreg eru spennandi og
viðburðaríkar.
ÞAÐ ERT ÞÚ SEM ÉG ELSKA er
þriðja bókin í flokknum Rauðu
ástarsögurnar. Höfundurinn er
ERLING POULSEN, sem islenzkir
lesendur þekkja, því að vinsælustu
framhaldssögurnar í dönsku
blöðunum eru einmitt eftir hann.
Verður loks
byrjað á
Garðaskóla?
Bæjarstjórn hefur ákveðið að
byrjað verði á byggingu A-áfanga í
Garðaskóla. Fram kom á bæjar-
stjórnarfundinum að með því að
taka þennan áfanga á undan, fæst
meira húsnæði í notkun fyrr, heldur
en ef B-áfangi yrði tekinn á undan.
Hins vegar er A-áfangi dýrari,
kostar 510 Mkr á móti 300 Mkr i
B-hlutanum.
Ekki hefur fengist ákveðið loforð
frá ráðuneytinu um fjármögnun, en
þó töldu menn rétt að fara í A-
hlutann á undan, þar sem fyrir-
sjáanleg eru mikil
húsnæðisvandræði skólanna, sem
þarf að leysa úr.
Æviskrár
Akurnesinga
Þess hefur fyrr verið getið, og
varla farið fram hjá neinum að
verið er að taka saman rit þar sem
allra er getið sem hafa átt heima á
Akranesi frá 1930, allra sem eru
fæddir þar og aldir upp ffa 1930-78.
Bréf hafa verið send i hús til
útfyllingar, sum hafa verið sótt,
önnur verða sótt og nokkrir hafa
skilað þeim. Þessu verki verður
haldið áfram nú þar til lokið er.
Fyrsti hlutinn fer i prentun nú um
áramót og allt verður það sett á
næsta ári og kemur út 1980.
Myndum og áskriftum verður
safnað að þessu einstæða ritsafni.
Þar sem sagt er frá hverjum manni
sem átt hefur heima i sæmilega
stórum kaupstað allt frá því hann
fékk kaupstaðarréttindi og 10 árum
betur.
Það var upphaflega meiningin að
gera þetta 1975-77. En þvi miður
fórst það fyrir. Hjá þeim sem
svöruðu spurningunum 1973-74
hafa orðið viðbætur og breytingar
aðallega með fjölskyldu og störf.
Það væri mjög æskilegt að þeir sem
þetta á við sendu mér sem allra
fyrst viðauka og breytingar, eða
hefðu samband við mig. Einnig að
þeir sem ekki hafa fengið blöð til
útfyllingar, nálgist þau og skili
þeim aftur mjög fljótlega útfylltum.
Vinsamlegast
Ari Gíslason,
Vesturgötu 138,
S. 1627.
Aðalfundur Átthagafélags
Strandamanna verður hald-
inn í Slysavarnahúsinu,
sunnudaginn 22. okt. nk.
klukkan 15.
Stjórain.