Bæjarblaðið - 10.01.1958, Síða 2
2
BÆJARBLAÐIÐ
Mánudagur 10. janúar 1958
/--------------------------- ---------
BÆJARBLAÐIÐ
Ritnefnd:
Ragnar Jóhannesson, Valgarður Kristjánsson
Karl Helgason og Þorvaldur Þorvaldsson.
AfgreiSslan er í
Bókaverzlun Andrésar Níelssonar h.f.
Sími 85.
PrentaS í Prentverki Akraness h.f.
K_____________________________________________________—'
Bak kosningum
Þá er nú kosningahríðin liðin hjá að sinni, og má með sanni
segja, að það sé eins og bylur detti af húsi. Margt færist úr
skorðum við kosningar, og er það að sumu leyti til góðs, að
smnu leyti til ills eins.
Þeir, sem ofstækisfullir eru, ganga venjulega af göflunum
fyrir kosningar. Stundum eru þetta þó menn, sem eru þessu
marki brenndir alla tið, eiga þess vegna erfitt með að umgang-
ast annað fólk, eiga því fáa vini og einangrast. Kosningaundir-
búningurhm er því þeirra bezti tími, því að þá komast þeir
í betra samband við aðra og fleiri en vant er. En í stað þess að
stillast, espast þeir. Slíkir menn eru víst til í öllum flokkum,
því að þetta fer eftir skapgerð, en ekki pólitík.
Viðkvæmni manna fyrir orðum og gerðutn vex um allan
helming fyrir kosningar. Það, sem teljast verður vita saklaust
á miðju kjörtimabili, getur af sumum talizt stórum hlutdrægt,
ef ekki glæpsamlegt, þegar dregur að kosningum. Þess vegna
á hlutlaust blað eins og Bæjarblaðið mjög í vök að verjast í
kosningahríðinni, og tóku útgefendur því það fangaráð að
láta blaðið „hverfa“ nokkrar vikur fyrir kosningar til þess að
spilla ekki vinsældum þess, þvi að hætta gat verið á, að báðir
flokkar bæru hlutdrægnissakir á einstaka ritnefndarmenn,
meðan viðkvæmnin var mest í kosningahitanum. Telur blað-
ið sér það til kosta, að við hefir borið, að einstakir ritnefndar-
menn hafa sætt ákúrum hjá flokksbræðrum sínum fyrir rit
sín í blaðið. Annars ber ekki að skilja þessi orð mín svo, að
Bæjarblaðið telji sig bera ábyrgð gagnvart nokkrum stjórnmála-
flokki eða s tj órnmálaskoðun um, enda verður það ekki sakað
um neitt slíkt með nokkurri dómbærri skynsemi. Það hefir
frá upphafi áskilið sér þann sjálfsagða rétt óháðs borgara að
vinna að málefnum bæjarins, einkum menningarmálum, al-
gerlega eftir sínu höfði.
Þegar frá líðux kosningum, gera lesendur ekki athugasemdir
við þessa eðlilegu og hlutlausu blaðamennsku, og ber það
menningu Akurnesinga fagran vitnisburð, að hægt hefir verið
að halda slíku blaði úti á áttunda ár.
Ótalinn er enn stór galli við kosningar í lýðræðisþjóðfélagi,
en það er hinn taumlausi áróður, sem þrengt er upp á fólk
í blöðum, á fundum og í samtölum. Það er alveg á takmörkum,
að ákvæði stjórnarskrárinnar um friðhelgi einstaklings og heim-
ilis séu í heiðri höfð. En taka verður það til athugunar, að í
mörgum tilfellum er þetta kjósendunum sjálfum að kenna.
Þeir gera sumir litlar eða engar tilraunir til að mynda sér
ákveðnar skoðanir í stjórnmálum og allt of margir hafa ekki
hærri hugmyndir um atkvæðisréttinn og sóma sjálfs sin en
svo, að þeir gera sér far um að meta hvort tveggja til einka-
hagsmuna, og verður ekki lægra lagzt í þeim efnum. En
með þessu bjóða þeir atkvæðasmölunum heim. Undarlega er
Hka því fólki liáttað, sem neitar að fara á kjörstað og hefir svo
engan frið fyrir útsendurum flokkanna allan kosningadaginn.
Því er varla eins leitt og það lætur, því að ef það vildi losna
við ágang, mundi það auðvitað fara strax við fyrsta tækifæri
á kjörstað og skila auðu, ef það vildi engan kjósa.
Loks er ótalinn sá ókostur kosninganna, hve málum er oft
snúið öfugt, meira og minna vísvitandi. Fyrir óbreyttan kjós-
anda er mjög erfitt að gera sér grein fyrir ýmsum málum, t. d.
fjármálum bæja og ríkis, fyrir kosningar. Það, sem einn fram-
bjóðandinn segir kannske að sé hvítt, segir annar hiklaust, að
sé svart. I kósningabaráttunni er gert meira að því að villa og
blekkja en nokkurn tíma endranær. En eigi að síður það skylda
hvers kjósanda að reyna að grilla í gegn um blekkingamold-
viðrið og reyna að hafa það sem sannara reynist.
En er þá ekkert gott að finna við kosningar? Fjarri fer þvi
að svo sé, enda eru þær fjöregg lýðræðis og þingræðis og ein-
kenni þess. Þá er kjósandanum fengið í hendur æðsta valdið
í þjóðfélaginu, og kosningarétturinn er, þrátt fyrir allt, helgasti
þjóðfélagsréttur borgarans. Þrátt fyrir það, sem að ofan var
sagt um áróður og blekkingar, skýrist margt við kosningar
ÞAKKIR
Skarðsbúð 19. des. 1957.
Innilegt hjartans þakklæti færum við vetrarhjálpinni
fyrir þá stóru gjöf, sem okkur var færð fyrir jólin. —
Einnig þökkum við hjartanlega öllum nær og fjær, skyld-
um og vandalausum, fyrir gjafir og alla góðvild, sem
okkur var sýnd um liðna hátíð. — Óskum við öllum vin-
rnn og vanda mönnum gleðilegs nýjárs.
Halldóra Ólafsdóttir,
JónfríSur GuSjónsdóttir.
Eins og oft áður, sendu bæjarbúar elliheimilinu fyrir
síðustu jól, góðar jólagjafir, til glaðnings gamla fólkinu.
— Ekki er mögulegt að nefna nöfn þeirra allra, en frú
Ingunn Sveinsdóttir og Haraldur Böðvarsson og bókaverzl.
Andrésar Níelssonar h.f., virðast hafa tekið það upp sem
fasta reglu að senda vistmönnum elliheimilisins jólagjafir.
Þeim og öðrum, sem gera sér far um að gleðja gamla
fólkið hér á heimilinu, flyt ég hjartans þakkir. Við, sem
höfum það hlutverk, að annast þetta fólk, verðum þess
varar, að frá því liggur ósýnilegur strengur, sem flytur
þakkir hvers og eins. Sá strengur er ekki líklegur til að
rofna, meðan ráð og líf endist.
F.h. elliheimilisins
Sigríður Árnadóttir.
Almenna bókafélagid
— AKRANESUMBOÐ —
Vegna breyttrar tilhögunar á útgáfu félagsbókanna og
afgreiðslu þeirra, er nauðsynlegt að allir þeir, sem ekki
hafa vitjað bóka sinni, vindi að því bráðan bug. Bið ég
félagsmenn vinsamlegast að athuga þetta og taka það
til greina.
Nýkomnar aukabækur: „Islenzk list frá fyrri öldum“.
Verð kr. 160.00 og Hin nýja stétt, eftir Djilas, verð kr.
60.00 í bandi.
Bækurnar afgreiddar að Jaðarsbraut 5 öll kvöld eftir
kl. 20.00 og á öðrum tímum eftir samkomulagi.
VALGARÐUR KRISTJÁNSSON
umbóðsmaSur — Sími 398.
Frá pósthúsínu á Akranesí
1 ákvæðum póstlaga er gert ráð fyrir, að póstkröfur megi
Hggja allt að 14 dögum óinnleystar. Séu þær ekki inn-
leystar innan þess tíma skulu þær endursendar.
Liggi póstkröfur lengur en tilskilinn tima, getur send-
andi kröfunnar gert viðtökupósthúsið ábyrgt fyrir kröfu-
upphæðinni og er þá forstöðumaður þess ábyrgur fyrir
upphaíðinni. — Að gefnu slíku tilefni, aðvarast hér með,
að póstkröfur verða hér eftir endursendar eftir hálfan
mánuð, séu þær ekki innleystar og án sérstakrar ítrekunar.
Pósthúsið, Akranesi,
KARL HELGASON.
I------------------------------------——
— FLUGFÉLAGIÐ
Framhald af 4. síðu.
á árunum 1938—39, eru enn
starfandi hjá félaginu, en það
eru: Brandur Tómasson, yfir-
flugvirki, er lengst hefur starf-
að hjá félaginu, Kristinn Jóns-
son, afgreiðslumaðin félagsins
á Akureyri, öm 0. Johnson,
framkvæmdastjóri og Ásgeir
Magnússon, flugvirki.
F.I. hefur skrifstofur erlendis
í Glasgow, Hamborg, Kaup-
mannahöfn, Lundúnum og
Oslo. Eru skrifstofur þessar oft
á tíðum nokkurs konar „sendi-
ráð“ Islendinga, sem staddir
eru í iitlöndum, enda veita þær
hina margvíslegustu fyrir-
greiðslu.
Frá upphafi vega hafa flug-
vélar Flugfélags Islands flutt
samtals 445.000 farþega.
Niiverandi stjórn Flugfélags
Islands skipa: Guðmundur Vil-
hjálmsson, sem verið hefur for-
maður síðan 1945, Bergur G.
Gíslason, varaformaður, Jakob
Frímannsson, ritari, Bjöm Ól-
afsson og Richard Thors, með-
stjóraendur.
— SKYLDU-
SPARNAÐUR
Framhald af 1. síðu.
halda honum áfram eftir 26
ára aldur.
Hver sá, sem notar heimild
þessa, skal njóta sömu réttinda
og heimiluð er skv. 13. gr.
reglugerðar þessarar, en þar
segir:
Hver sá, sem eignast hefur
fé á sérreikningi skv. 12. gr.
og hefur náð 26 ára aldri, eða
gengur í hjónaband og stofnar
heimili, skal eiga þess kost að
fá sparifé sitt endurgreitt að
viðbættum þeim vöxtum og
uppbót vegna vísitöluhækkun-
ar, sem greidd er af vísitölu-
bundnimi verðbréfum á inn-
lánstímanum.
15- gr.
Fé það, sem skylt er að
spara skv. 1. og 2. gr. þessarar
reglugerðar, skal undanþegið
tekjuskatti og útsvari.
Fé þetta er einnig skatt- og
útsvarsfrjálst sem eign og ekki
framtalsskylt. Vextir af fé
þessu eru undanþegnir framtals
skyldu til tekjuskatts og útsvars
frjálsir.
18. gr.
Nú kemur í ljós, sbr. 16. og
17. gr., að sparimerkjakaup
hafa verið vanrækt og skal þá
skattyfirvald úrskurða gjald á
hendur þeim, sem sekur er um
vanrækslu, sem nema skal allt
að þrefaldri þeirri upphæð, sem
vanrækt hefur verið að kaupa
sparimerki fyrir.
Þeim, sem vanrækir að
mæta, láta mæta eða senda
sparimerkjabók sína, skv. 17.
gr., án lögmætra forfalla, skal
gert að greiða 200 króna gjald.
Hérhafa verið birt þau á-
kvæði reglugerðarmnar, sein
viðkemur fyrirkomulagi um af-
greiðslu sparimerkjanna. I því
sambandi skal sérstaklega bent
á, að nauðsynlegt er að spari-
fjárnotandi taki sparimerkja-
bók áður en launaútborgun fer
fram, svo að vinnuveitandi geti
límt merkin strax í bókina.
Karl Helgason.
og stundum hreinsa þær hið pólitíska andrúmsloft, flokkarnir
gera sér ljóst fylgi sitt og aðstöðu, og kosnir Irúnaðarmenn sjá
nú í kosningaúrslitunum vilja kjósendanna.
Bæjarblaðið óskar hinum nýju bæjarstjórnarmönnum, öllum
saman, heilla og farsældar í starfi. Það efast ekki um, að
allir þessir menn geri sér ljósa ábyrgð sína, hvort sem þeir
eru í meiri hluta eða minni hluta, og hvar í flokki sem þeir
standa. Megi þeir jafnan vera þess minnugir í hverju máli,
sem fyrir bæjarstjórn kemur, að þeir eru þar ekki staddir
sem fulltrúar einhvers stjórnmálaflokks fyrst og fremst, held-
ur sem fulltrúar Akraness og íbúa þess. Eftir því verða störf
þeirra metin. Þeir hafa víst allir lofað ýmsu fögru fyrir kosn-
ingar, bæjarfélaginu til framdráttar og vegsauka. Nú er að
sjá hversu lagnir, kænir og fylgnir sér þeir era að breyta
þeim loforðum í veraleika .... Ekki vegna flokksins síns elsku-
legs, — heldur góðrar samvizku sinnar og bæjarfélagsins.
R.JÓH.