Bæjarblaðið - 06.11.1958, Blaðsíða 4

BÆJARBLAÐIÐ
Akranesi, fimmtucLaginn 6. nóvember 1958
Auglýsið í
BÆJARBLAÐINU
- Tlorðurlandaför
Akurnesingar! Kaupið
BÆJARBLAÐIÐ
Framhald af 1. síðu.
höfn og slást í för með þeim
austur á bógirm.
Ferðin hjá okkur hófst því
fimmtudaginn 14. ágúst á
Reykjavíkurflugvelli í bezta
veðri. Er kveðjiun og mynda-
tökum var lokið, steig flugvél-
in í loft upp og var lent á
Fornebu-flugvellinum í Oslo
fimm tímum síðar. Þar var
maður frá Lilleström til að
taka á móti ckkur og ókum við
með bíl þangað. Það er aðeins
35 km leið eftir víðáttumikl-
um og þéttbyggðum dal. Lille-
ström er ca. 12 þúsund manna
bær. Var um þessar mundir
mikil hátíðahöld í bænum
vegna 50 ára afmælis bæjarins.
Þ. e. a. s. fimmtíu ár voru lið-
in síðan hann fékk kaupstaða-
réttindi. f tilefni af þessu var
allmikið Tívolí uppistandandi
á aðaltorgi bæjarins og var það
opið á hverju kvöldi í 7 eða
8 vikur. Var þar útileiksvið
m. a. og þar skemmtu ýmsir
listamenn- og voru þar ný at-
riði á hverju kvöldi. Þar var
auk þess danspallur og naut
hann mikilla vinsælda, þegar
fór að líða á kvöldið.
Þegar við komum til Lille-
ström var okkur vísað til sæng-
ur í járnbrautarsvefnvögnum,
sem stóðu á sporum rétt hjá
jámbrautarstöðinni. Var okk-
ur sagt, að von væri á dönsku
og sænsku knattspymuliði, sem
bæði áttu líka að sofa í vögn-
um þessum. Kom svo í ljós, að
piltarnir okkar áttu ekki að
keppa við lið frá Lilleström í
bænum, heldur við sænska lið-
ið og átti sá leikur að fara
fram á sunnudaginn, sem liður
í hátíðahöldunum. Við höfðum
því rúman tíma á föstudag og
laugardag til að skoða bæinn.
Var æft í sól og hita báða
morgnana fyrir hádegi en eftir
hádegi sá hver um sig, en á
kvöldin skemmtu menn sér í
Tívoli.
Á sunnudaginn fóru svo
fram tveir leikir, sá fyrri var
„seríuleikur" milli Lilleström
og Raufors. Voru þar margi:
áhorfendur og lyktaði leikn
rnn með 7:1 fyrir Lilleström
Hálftíma síðar hófst leikur
milli Ákraness og liðs frá
Landskróna í Sviþjóð. Vorr:
áhorfendur að þeim leik ca
40—50 og lauk leiknum mec
sigri Akraness 4:2. Á mánu
daginn var farið með lest til
Oslo og svo með Gjöviks-lest-
inni upp til Raufors. Þar átti
að spila á þriðjudagskvöld
Þetta er alllöng leið og mjög
falleg. Raufors er lítill bær ca
3000 manns. Þar vinna allir
íbúar við verksmiðju eina, sem
er inni í fjalli þar nálægt. Var
okkur sýnd verksmiðjan á
þriðjudagsmorguninn. Þar eru
steyptir vélahlutar, valsaðar
messings- og eirplötur, búin til
skiptis vopn og fleira. Könnuð-
ust margir hinna eldri knatt-
spyrnumanna hér við sig í Rau
fors, því að þeir kepptu einnig
þar í Noregsferðinni 1952. —
Voru gárungar í hópniun að
svipast um eftir kunnugum
andlitum á 5—6 ára bömum,
en með litlum árangri. Knatt-
spyrnuvöllurinn í Raufors er
í sérlega fallegu umhverfi, þar
sem há tré skýla fyrir vindi af
öllum áttum. Leikurinn í Rau-
fors endaði 5:1 okkar mönmun
í hag. Á miðvikudaginn lá svo
leiðin með bíl til Lillehammer
með viðkomu í Gjövik. Báðir
þessir bæir standa við Mjösa,
stærsta stöðuvatn Noregs.
Lillehammer stendur við norð-
urendann og er það mynni
Guðbrandsdals. Lillehammer
er ca. 6000 manna bær og er
náttúrufegurð þar geysimikil.
Er mikið af hótelum þar og
ferðafólk skiptir þúsundum á
sumri hverju. Bjuggum við á
farfuglaheimili ofan við bæinn
og heitir það Ungdómsheimili
Birkibeina. Sá skemmtistaður í
Lillehammer, er mestrar hylli
naut af okkar hálfu, var úti-
skemmtistaður í miðjum bæn-
rnn og kölluðum við hann
„Ljónagryfjima“. Þar ægði
öllu saman, stásslegar meyjar
svifu um á ljósum pokakjólum
og við hlið þeirra rokkuðu ungl
-ingar í tilheyrandi rokkbux-
um. En það sem Lillehammer-
búum finnst mest gaman að
sýna aðkomumönnum, er
byggðasafnið „Mayhaugen“,
en þar er safn af bóndabæjum
frá Guðbrandsdal. Sá, sem upp-
haflega stofnaði þetta sáfn, var
tannlæknir, og fyrstu gripirn-
ir til safnsins voru greiðslur
fyrir tanntökur, greiddar í
gömlum skrínum og keröldum
í stað peninga. Má því með
sanni segja, að það hafi kostað
miklar kvalir og margar þraut-
ir að koma safni þessu upp.
Þarna var okkur boðið í æva-
gamla stafkirkju frá Sturlunga-
öld, þar sem enn í dag fara
fram hjónavígslur að æva-
gömlum sið. Einnig var okkur
sýnt inn ' gamalt matarbúr,
þar sem uppi héngu kjötlæri
frá ýmsum tímum, þau elztu
voru 250 ára gömul bjarn-
dýrslæri. Flatbrauð og mysu-
ostur voru þarna meir en ald-
argamalt. Yar lyktin þarna
nokkuð undarleg og ekki bein-
línis góð. 1 Lillehammér varð
knattspyrnuleikurinn jafntefli
2:2.
Á föstudeginum var farið
með lest frá Lillehammer með-
fram austurströnd Mjösa, gegn
-um Hamar til LiUeström
Þaðan var svo ekið með bíl
sama dag til Oslo og þegið
eftirmiðdagsboð hjá sendi-
herrahjónunum kl. 5 e. h. Átt-
um við þar glaða stund og nut-
um þar gestrisni og höfðings-
skapar í bezta lagi. Um kvöld-
ið var svo kveðjuhóf fyrir okk-
ur í Lilleström. Bættist þá góð-
ur félagi í hópinn, en það var
Guðmundur Sveinbjörnsson,
sem ekki gat komizt fyrr vegna
anna hér heima. Daginn eftir,
laugardag 23. ágúst, flugum
við svo frá Oslo til Hafnar og
komum við þangað í grenjandi
rigningu, enda hafði þá rignt
þar látlaust mest allt sumarið.
Lentum við þar í smáerfiðleik-
um vegna peningaskipta. Við
kominn sem sé til Hafnar á
laugardagskvöldi, allir bank-
ar lokaðir og helgi í hönd, en
allt bjargaðist þó með aðstoð
góðra manna.
f Kaupmannahöfn var svo
dvalizt til miðvikudags, nema
við fimmmenningarnir, sem
áttum ófarið í austurveg, við
tókum okkur fari til Helsing-
fors á þriðjudagskvöld með
flugvél frá S.A.S. og hófst þá
nýr þáttur ferðarinnar, en frá-
sagnir þaðan verða sjálfsagt að
bíða næsta blaðs.
Framhald af 2. síðu.
stæður eru oftast slæmar.
Einnig eru þau óhentug til
æfinga því tógin blotna og
hættir því við að fúna. Nú eru
komin á markaðinn ný tæki,
búin nylonlínum og eru þau
sérlega létt og meðfærileg, og
hafa líinurnar mun meira
geymsluþol, heldur en gömlu
tógin, þó þær blotni. Þessi tæki
eru nú komin til nokkurra
björgunarsveita á landinu. Við
fórum þess nú á leit við Slysa-
vamafélag fslánds, að það léti
okkur í té svona tæki. Þessari
málaleitan okkar var tekið
mjög vel og fáum við þau
næstu daga. Með tilkomu þess-
ara nýju tækja og skýlis verð-
ur mun hægara fyrir björg-
unarsveitina að koma á hjá sér
æfingum ,en þær eru mesta
nauðsyn, til þess að menn séu
öruggir ef á þarf að halda.
Formaður björgunarsveitar-
innar er Axel Sveinbjömsson
kaupmaður (áður skipstjóri)
og hefur hann skipað það sæti
í allmörg ár, og er áhugi hans
og árvekni mn slysvarnamál,
kunn öllum, sem til þekkja,
og þau skipti ótalin, sem hann
hefur útvegað og veitt aðstoð,
þegar hætta hefur steðjað að.
Lg vil nota þetta tækifæri
og þakka fyrir hcnd slysa-
varnadeildarinnar Hjálpin hér
á Akranesi þeim skipstjómm
og skipshöfnum, sem hafa
brugðið fljótt og vel við, þegar
til þeirra hefur verið leitað, og
þeir beðnir að leita að, eða
veita bátum aðstoð.
Það er ósk og von okkar
allra, að sjóslys hendi ekki, og
sem betur fer, fækkar þeim
mjög vegna stærri og betur út-
búinna skipa, en samt megum
við alls ekki slaka á kröfunum
um það, að góð og örugg björg-
unartæki séu fyrir hendi, ef
ógæfan skellur á. Þau em orð-
in of mörg heimilin sem sjó-
slysin hafa höggvið skarð í,
svo að við getum ekki og meg-
um ekki sýna þessum málum
tómlæti.
Valdimar IndriSason
(form. slysvarnadeildarinnar
Hjálpin, Akranesi)
ÞESSIHAPP-
DRÆTTISNÚMER
frá hlutaveltu Barna-
verndarfélagsins eru
ósótt:
5148 — 4284 — 5676
5325 — 5269 — 5019.
Vinninganna sé vitjað
í verzl. GRÍMA.
Nr. 25/1958
TILIÍYNNING
Innflutningsskrifstofan hefur ákveðið eftirfarandi
hámarksverð á unnum kjötvörum:
Heildsala Smásala
Miðdegispylsur, pr. kg. . . kr. 24.15 kr. 29.00
Vínarpylsur og bjúgu .... — 27.50 — 33.00
Kjötfars ............. — 17-50 — 21.00
Söluskattur og útflutningssjóðsgjald er innifalið
í verðinu.
Reykjavík, 3. okt. 1958.
Verðlagsstjórinn.
Nr. 27/1958.
TILKYNNING
Innflutningsskrifstofan hefur ákveðið að fram-
lengja fyrst um sinn ákvæði tilkynningar nr. 21 frá
8 september 1958 um undanþáguverð á nýrri báta-
ýsu þar sem sérstakir örðugleikar eru á öflun hennar.
Reykjavík 15. okt. 1958.
Verðlagsstjórinn.
IÍBÚÐ ÓSIK.AST
til leigu. 3 herbergi og eldhús.
Upplýsingar í síma 450
aiviniia
Ung stúlka óskar eftir atvinnu. — Helzt
við afgreiðslustörf. Hefur gagnfræðapróf. —
Upplýsingar í síma 499.
-J