Skagablaðið - 15.03.1985, Blaðsíða 1
Sjö spólur fund-
ust til viðbótar
Sjö videóspólur til viðbótar þeim 13, sem rak á fjörur við
frystihús Heimaskaga á þriðjudag, fundust á sömu slóðum á
miðvikudag að sögn Svans Geirdal, yfirlögregluþjóns.
Spólurnar eru allar af Fuji-gerð og ómerktar með öllu. Pykir
það benda til þess að um sé að ræða óáteknar spólur til einkanota.
Eins og nærri má geta eru spólurnar allar ónýtar en virðast ekki
hafa legið lengi í sjó.
Menn hafa mjög velt vöngum yfir þvx hvaðan spólurnar kunna
að vera. Flestir hallast að því að hér sé komið fram brot þess
smyglvarnings, sem fór um borð í Álafoss erlendis, en fannst
aldrei hér heima þrátt fyrir ítarlega leit.
Lögreglumenn leita í fjöruborðinu við Heimaskaga.
Myndirnar segja e.t.v. meira en mörg orð um
aðkomuna eftir innbrotið.
Yfirþyimandi
skemmdarfýsn
—bortist inn í vélsmiðju SFA og allar læstar hurðir í húsinu sprengdar upp
Hún var ófögur aðkoman hjá
starfsmönnum vélsmiðju SFA við
Akursbrautina er þeir komu til
vinnu á þriðjudagsmorgun. Brot-
ist hafði verið inn í fyrirtækið og
allar læstar hirslur sprengdar
upp. Ekki höfðu innbrotsvargarn-
ir látið þar staðar numið
heldur vaðið upp um allt húsið
(gamla Akurs-húsið) og sprengt
upp allar hurðir, sem urðu á vegi
Að sögn lögreglu liggur enn
ekki ljóst fyrir hvort eða hvaða
verðmætum var stolið í innbrot-
inu en ljóst er að skemmdirnar
eru miklar. A.m.k. 3 rúður höfðu
verið brotnar á neðstu hæðinni og
má furðulegt þykja ef enginn
hefur orðið þjófsins eða þjófanna
var. Málið er í rannsókn.
Þá var gerð tilraun til innbrots
í Apótekið fyrir skemmstu en
tókst ekki. Um fyrri helgi var
brotin rúða í Bjarnalaug eftir að
farið hafði verið yfir girðinguna
umhverfis heita pottinn en einskis
var saknað þaðan.
Innbrotið í BSA, sem framið
var undir lok síðustu viku, er nú
að fullu upplýst. Þjófurinn braut
rúðu í útihurð og lét greipar sópa
um sælgætis- og tóbaksbirgðir
stöðvarinnar. Hinn seki reyndist
aðkomumaður, skipverji á loðnu-
bát. Þýfið mun að mestu hafa
komist til skila.
„Verið að gera Irtið
úr úttekt Magnúsar0
- skólastjóri tónlistarskólans óhress með ummæli bæjarfulltrúa
„Ég vil nú aðeins lýsa vonbrigðum mínum með ummæli Guð-
mundar Yésteinssonar, bæjarfulltrúa Alþýðuflokksins, og mótmæla
þeim um leið. Mér fmnst þarna sem verið sé að gera lítið úr þeirri
úttekt Magnúsar Ólafssonar, sem hann gerði á gamla Iðnskólanum.
Auðvitað er ekki hægt að koma fram með tölur yfir einhverjar
framkvæmdir sem enginn veit með vissu hverjar eru. Það er hreint
ekki Ijóst hversu mikið þarf að endurnýja húsnæðið til þess að nota
megi það undir starfsemi á borð við þá sem um hefur verið rætt,“ sagði
Jón Karl Einarsson, skólastjóri tónlistarskólans, í samtali við
Skagablaðið í vikunni. Hann bætti svo við: „Til hvers er verið að leita
álits manns með sérþekkingu ef ekki á að taka neitt mark á því?“
í úttekt Magnúsar segir m.a.
orðrétt á einum stað: „Það verður
ekki lagt á það mat hér hver
kostnaðurinn við þessar breyting-
ar verður, frekari athuganir þurfa
að koma til, en ljóst er þrátt fyrir
mikinn kostnað verður húsið aldr-
ei fullnægjandi sem varanlegt hús-
næði fyrir tónlistarskólann.“
„Númer eitt er auðvitað ný-
bygging," sagði Jón Karl er blað-
ið bar það undir hann hver væri
vænlegasta lau'snin í húsnæðis-
málum skólans. „Annar kostur er
sá að nýta t.d. Þekjuna með
tilheyrandi breytingum og sá
þriðji er að kaupa hæðina fyrir
húsnæði skólans að Skólabraut
21, sem mér hefur skilist að sé tjl
sölu.“
Þá sagði Jón Karl þá hugmynd
hafa komið upp að hýsa skólann
á einni hæð í hinni nýju við-
byggingu Brekkubæjarskóla en
jafn ágæt og sú hugmynd nú væri
hefði hún strandað, einhvers stað-
ar í kerfinu. Hér væri að sínu mati
aðlaðandi lausn á tvískiptingu
húsnæðis skólans og um leið væri
hægt að lækka rekstrarkostnað
verulega frá þvr' sem nú er með
því að nýta sameiginlega ýmsan
tækjakost í Brekkubæjarskóla
svo og kennslustofu svo dæmi
væru nefnd. Sambærilegt hefði
verið reynt á Húsavík með prýði-
legum árangri.
Þess má að lokum geta að í
næsta blaði birtist grein eftir Jón
Karl í Skagablaðinu undir fyrir-
sögninni „Um þrjósku".
Skáta-tívolí á sunnudag
Skáta-tívolíið, sem notið hefur feikilegra vinsælda þau tvö
skipti sem það hefur verið haldið til þessa, verður haldið þriðja
sinni á sunnudag og hefst kl. 12 á hádegi. Þessi mynd var tekin
eitt kvöldið í vikunni í Grundaskóla en þá stóð undirbúningur
fyrir tívolíið sem hæst. Á myndinni eru fjórar skátastúlkur, sem
unnið hafa ötullega við undirbúningsvinnu, við eitt nýju
leiktækjanna. Frá vinstri: Anney Ágústsdóttir, Svava Sigríður
Ragnarsdóttir, Unnur María Sólmundardóttir og Bergþóra
Sigurðardóttir. Sjá nánar á bls. 2.