Skagablaðið - 12.04.1985, Blaðsíða 7

„Bjartsýnn á aó þessar feróir
—segir Fridrik Jónsson, deikt»s^órí flutninga og
sölu hjá SR, im reglubundnar siglingar Skipa-
útgefðarinnar til Akraness sem hefjast fljótlega
Skagablaðið fregnaði fyrir
skemmstu, að Skipaútgerð rflds-
ins myndi hefja reglubundnar
áætlunarviðkomur á Akranesi á
næstunni. Vegna þessa hafði
biaðið samband við Friðrik Jóns-
son, deildarstjóra flutninga og
sölu hjá Sementsverksmiðju rík-
isins, og innti hann eftir því hvort
þetta væri rétt.
„Já, þetta er rétt, samningar
hafa tekist við Skipaútgerð rík-
isins og munu skip útgerðarinnar
hafa hér nokkrar fastar viðkomur
þann tíma sem einhverjir teljandi
flutningar eru héðan. Þetta á
aðallega við vor, sumar og haust,
en verður í eitthvað minna mæli á
veturna."
— Hvað kemur til að útgerðin
tekur upp siglingar til Akraness?
„Tilefnið er að samfara því að
pökkunarstöð Sementsverk-
smiðjunnar í Reykjavík verður
lögð niður flyst mestöll útskipun
á sementi hingað aftur. Þetta
verður fljótlega núna eftir pásk-
ana. Sementsverksmiðjan hefur
nýverið gert samning við Ríkis-
skip um að þau annist dreifingu
sements frá Akranesi til þeirra
hafna, sem ms Freyfaxi (síðar ms
Haukur) annaðist áður. Frá sama
tíma er áformað að ms Haukur
hætti dreifingu á sementi. Fram
að þessu hefur hluta sekkjaðs
sements verið dreift með skipum
Skipaútgerðarinnar frá Reykja-
vík. Sú dreifing fellur nú niður og
flyst til Akraness. Þetta álít ég
vera til mikilla hagsbóta fyrir
bæjarfélagið, þar sem tekjur
hafnarinnar vegna vörugjalda og
hafnargjalda aukast vegna þessa
og sfðast en ekki síst er Akranes
og nágrenni komið í bein tengsl
sjóleiðina við landsbyggðina."
— Hverju breytir það í raun?
„Þetta þýðir t.d. að iðnfyrir-
tæki geta komið sinni fram-
leiðslu beint í skip hér í stað þess
að þurfa að leggja í aukakostnað
við flutninga til Reykjavíkur. Þau
koma því til með að hafa að þessu
leyti sömu möguleika á að koma
framleiðslu sinni á markað úti um
landsbyggðina og fyrirtæki á
Reykjavíkursvæðinu hafa. Þetta
tel ég einnig til hagsbóta fyrir
fyrirtæki í Borgarnesi."
— Eykur þetta atvinnu í bæn-
um?
„Ef fyrirtæki hér á staðnum
vilja notfæra sér þessi tækifæri
sem nú bjóðast efa ég ekki að það
myndi auka umsvif þeirra og efla
og sem beint framhald af því gætu
skapast fleiri atvinnutækifæri.
Þessar samgöngur ættu að verka
hvetjandi fyrir þá sem hefðu hug
á að koma hér upp nýjum fyrir-
tækjum og einnig þá sem hefðu
hug á að flytja fyrirtæki til bæj-
arins en sjónvarpsauglýsingin
sem sýnd hefur verið að undan-
förnu hefur vakið ýmsa til í-
hugunar í þá veru.
Ég er bjartsýnn á að þessar
ferðir verði bæjarbúum til hags-
bóta. Það er þó einn þröskuldur,
sem þarna er hugsanlega í vegi en
ég vona að með velvilja hlutað-
eigandi verði honum rutt úr vegi.
Þarna á ég við samþykkt Verka-
lýðsfélagsins um yfirvinnubann
við skip í Akraneshöfn. Þar sem
skip Skipaútgerðarinnar sigla eft-
ir strangri áætlun verður ekki hjá
því komist að einhverjar tilslak-
anir þurfi þarna að koma til enda
hefi ég ekki ástæðu til að ætla
annað en nauðsynleg leyfi fáist.
Sementsverksmiðjan er eina
fyrirtækið sinnar tegundar hér á
landi. Hún veitir fjölda bæjarbúa
atvinnu, því tel ég að sú skylda
hvíli á okkur að sjá til þess að
aðrir landshlutar geti fengið fram-
leiðsluna á þeim tíma, sem henn-
ar er þörf, og þar er ég viss um að
allir, sem hlut eiga að máli, eru
mér sammála. Þótt SR muni sjálf
sjá um útskipun á sementi tel ég
ekki ólíklegt að útgerðin verði sér
úti um umboðsmann hér á Akra-
nesi innan tíðar.“
Séð yfir Akraneshöfn.
„Barist um hvem ferÓa-
mann, en allt í góðu
• vel heppnað Vesturlandskvöld Feriamálasamtaka Vesturlands
Ferðamálasamtök Vesturlands
héldu skemmtun i Hótel Akra-
nes föstudaginn 29. mars. Hún
samanstóð af borðhaldi,
skemmtiatriðum og síðan var
dansað við undirleik hljómsveitar
tii klukkan þrjú um nóttina.
Þessi skemmtidagskrá verður
flutt víðar um landið á næstunni,
13. apríl verður hún í Hótel
Borgarnesi og einnig fer hún til
Reykjavíkur (í Broadway), til
Skemmtileg
samvinna
Að undanförnu hafa við-
skiptavinir vörumarkaðar
Skagavers getað skoðað nýj-
ar árgerðir bifreiða frá Heklu
hf. í húsnæði verslunarinnar
ýmist áður en þeir versla eða
eftir að innkaupum er lokið.
Þarna hafa menn gott dæmi
þess hvernig hægt er að sam-
eina hagsmuni tveggja fyrir-
tækja á einfaldan en þó
skemmtilegan hátt. Umboðs-
aðili Heklu á Akranesi er
Ásgeir R. Guðmundsson.
Akureyrar (í Sjallann) og víðar.
Skemmtikraftar þeir sem koma
fram á þessum kvöldum eru víðs-
vegar af Vesturlandi og einnig
verður einhver kynning á Vest-
urlandi til að reyna að laða fólk í
fjórðunginn.-
Þessi samtök voru stofnuð
snemma árs 1982 til þess að
sameina þá aðila sem vinna að
ferðaþjónustu í kjördæminu.
Þessir aðilar vinna saman að því
marki að fá fólk til að koma á
Vesturland en síðan er sam-
keppni milli einstakra aðila innan
svæðisins um ferðamennina.
„Það er barist um hvern ferða-
mann sem kemur á svæðið, — en
þó allt í góðu“, eins og Óli Jón
Ólason ferðamálafulltrúi samtak-
anna sagði. Meðal þess semferða-
málasamtök Vesturlands eru að
vinna að núna er myndband með
landslagsmyndum frá Vestur-
landi sem ferðamenn geta keypt í
stað „slides“-mynda, einnig er
hluti af því í myndbandi sem
kynna á Island. Þessi myndbönd
eru með tali á 4 tungumálum og
verður dreift til markaðsaðila er-
lendis til kynningar.
Óli sagðist líka vera að vinna
að undirbúningi 10 ára áætlunar
um ferðamál í fjórðungnum, þ.e.
kanna ónýtta möguleika og at-
huga þær áætlanir sem menn hafa
um framtíðina til að samræma
framkvæmdir. Samtökin geta
samt ekki sagt fólki hvað það á að
gera, þau eru einungis ráðgefandi
aðili og hjálpa einnig til við að
útvega fjármagn og þess háttar.
Vildarkjör um Vesturland,
ferðir með minnst tveggja nátta
gistingu á Vesturlandi með allt að
30% afslætti, verða í gangi í
sumar eins og tvö síðustu sumur,
á tímabilinu 10. maí til 10. júní og
11. ágúst til 9. september. Inni-
falið í þessum ferðum eru af-
sláttarkort sem gilda á veitinga-
staði, í rútur og flug með Arn-
arflugi.
Óli gat þess einnig að tilgang-
urinn með Vesturlandskvöldun-
um væri meðal annars að opna
augu íbúa Vesturlands fyrir um-
hverfi sínu. Alltof algengt væri að
fólk leitaði langt yfir skammt á
ferðalögum sínum, hefði jafnvel
ekki skoðað söfn og merkisstaði í
sínu nánasta umhverfi. Hann
hafði það t.d. eftir einum far-
arstjóra, að hæfilegur tími á leið-
inni milli Akraness og Reykja-
víkur væri þrír dagar, ef skoða
ætti allt markvert á leiðinni.
—SEÞ.

Opið laugardag
til kl. 15 og
sunnudag til
kl. 16
Bíómaríkið
Kirkjubraut 14 - sími 2822
7