Skagablaðið - 19.04.1985, Blaðsíða 5
Skátaskeyti
Munið fermingarskeytasölu skátanna.
Opið er í skátahúsinu á laugardaginn kl. 14-18
og fermingardagana kl. 10-18.
Hringið og við sækjum pöntunina.
skAtafélag akkaness
Opið alla daga frá kl. 8
til kl. 23.30. Föstudaga og
laugardaga frá kl. 8 til 01
Tökum VISA
Verið velkomin
SKAGANESTI
kurnesingar
- nágrenni
Pantið tímanlega afskorin blóm fyrir ferminguna.
Opió laugardag og sunnudag.
Skólabraut 23,
mSíitií 1301™
Tl
Hinir frábæru norsku Helsport svefnpokar.
3 gerðir Tjaldborgarsvefnpokar.
Einnig Bergans bakpokar, 3 stærðir
og mikið úrval af æfingagöllum.
Sendum gegn póstkröfu.
Skólabraut 28, Akranesi
Sími: 93-2290
Skagablaðið heimsækir Sigga Jóns hjá Sheffield Wednesday — síðari hluti
„Aðalmunurinn ligg-
ur í erfiðari æfing-
um og aðstöðunni“
—segir Siggi Jóns um muninn hjá ÍA og Wednesday
Framhald úr
síðasta blaði
Vendipunktur
„Það hefur vafalítið verið
vendipunkturinn í þessu öllu hjá
mér þegar ég ákvað að leika
fremur með 16-18 ára landsliðinu
í Englandi fremur en að leika
með 21 árs landsliðinu í Skotlandi
á sínum tíma,“ sagði Siggi. „Tony
Knapp vildi að ég léki með eldri
strákunum en ég vildi heldur
leika með jafnöldrunum. Taldi
víst að ef ég næði að standa mig
almennilega í þeim leik ætti ég
Hver er
Howard
Wilkinson?
Hver er Howard Wilkinson
kynnu e.t.v. margir að spyrja þar
sem þessi „stjóri“ Sheffield
Wednesday er okkur Islending-
um ekki mjög vel kunnur enda
ber lítið á honum í fjölmiðlum
þrátt fyrir velgengni liðsins.
Wilkinson lék hér á árum áður
með Wednesday og reyndar einn-
ig Brighton áður en hann sneri sér
að þjálfun. Fyrir fimmtán árum
stýrði hann áhugamannaliðinu
Boston United til sigurs í North-
ern Premier-deildinni í Englandi,
en sú er önnur tveggja stacstu
áhugamannadeildanna í Eng-
landi, og frá þeim tíma hefur
vegur hans farið mjög vaxandi.
Wilkinson lagði stund á svo-
kallaða „physical education",
eins konar þjálfunar- og
íþróttafræði, og fór síðan í þjálf-
araskóla breska knattspyrnusam-
bandsins. Otskrifaðist þaðan með
æðstu gráðu.
Fyrir nokkrum árum réðst
Wilkinson til Notts County og á
fyrsta keppnistímabili hans þar
vann félagið sig upp í 1. deildina.
Hann réðst svo til Wednesday
1983 og strax á 1. ári kom hann
liðinu í hóp hinna bestu. Voru þá
liðin 14 ár frá því liðið lék síðast í
1. deild og áhangendur þess orðn-
ir langeygir eftir leikjum gegn
„stóru“ liðunum.
Ekki aðeins er Wilkinson nú
stjóri Wednesday heldur er hann
þjálfari breska B-landsliðsins og
landsliðs leikmanna undir 21. árs
aldri. Hefur hann náð mjög góð-
um árangri með unglingalandslið-
ið og störf hans verið rómuð enda
ekki að ófyrirsynju.
meiri möguleika á að komast á
samning í Englandi, þar sem ég
vissi að fylgst var með mér.
Howard Wilkinson var á meðal
þeirra, sem sáu þann leik.“
Eftir að hafa séð leikinn varð
Wilkinson staðráðinn í að krækja
í þennan stórgóða tengilið Skaga-
manna og framhaldið er flestum
kunnugt. Siggi skrifaði undir
samning til 3'/2 árs í janúar þannig
að hann rennur ekki út fyrr en í
júní 1988. Það var skammt liðið á
nýja árið þegar Siggi hélt út til
Englands og við spurðum hann
hvernig fyrstu viðbrögðin hefðu
verið.
„Ég var ansi stressaður fyrst
enda vakti koma mín talsverða
Fyrir utan leikmannainnganginn á
heimavelli Wednesday, Hillsbor-
ough.
athygli héma úti, sérstaklega þó
hjá blöðunum hér í Sheffield. Það
tók mig nokkurn tíma að komast
inn í gang mála en hjálpaði mikið
hversu vel mér var tekið bæði af
fjölskyldunni, sem ég bý hjá og
eins af öllum í liðinu. Ég var fyrst
mest með unglingaliðinu en síðan
fór ég að æfa á fullu meða
aðalliðinu og þróunin þar hefur
verið jákvæð. Kannski átti ég
innst inni von á að fá tækifæri fyrr
en seinna — sérstaklega eftir fund
sem Wilkinson hélt með þeim
leikmönnum sem næst stóðu Uð-
inu — en mér hefur óneitanlega
vegnað þokkalega. Ég fékk ágæta
dóma fyrir þessa tvo leiki sem ég
spilaði um daginn, gegn Leicester
og Luton, en sjálfum fannst mér
ég standa mig mun betur gegn
Leicester. Ég fann ekki fyrir
neinu stressi þá en var óstyrkari í
leiknum gegn Luton enda á
heimavelli. Þar var ég heldur ekki
eins mikið í boltanum og gegn
Siggi hitar uppfyrir leikinn gegn Manchester United á þriðjudag í fyrri
viku.
Leiceter og það hafði sitt að
segja.“
— Varðstu ekki fyrir von-
brigðum þegar þú varst settur út
úr liðinu eftir þessa tvo leiki?
„Nei, alls ekki. Wilkinson
sagði mér strax að hann ætlaði sér
ekkert að vera að þrýsta á mig,
heldur vildi hann gefa mér að-
lögunartíma. Tækifærið kom
bara vegna þess að Andy Blair
meiddist. Hann kom svo aftur inn
í liðið. Ég hef nógan tíma og ætla
ekkert að æsa mig yfir því hvað
gerist á þessu keppnistímabili.
Nú er um að gera að standa sig
þegar maður fær tækifæri og sjá
svo bara hvað haustið ber í skauti
sér þegar nýtt keppnistímabil
hefst.“
Saknar ýsunnar
Eins og fram kemur hér á
undan hefur Siggi notað tímann
vel til að laga sig að breyttu
umhverfi og aðstæðum. Hann
sagðist sáttur við mataræðið að
mestu en saknaði þó ýsunnar.
Hann hefði tvívegis farið til
Grimsby til að ná sér í fisk og þá
hefði verið hátíð. Bílinn sagði
hann hafa breytt miklu. Bíllaus
hefði hann verið eins og væng-
brotinn fugl. Senn kemur að því
að hannflytur í eigin íbúð eða öllu
heldur íbúð, sem félagið á en
hann fær til umráða. „Það er fínt
að vera hjá þessu fólki en ég held
ég hefði gott af því að flytja í eigin
húsnæði.“
Ég spurði hann að því í hverju
hann teldi meginmuninn liggja
hjá Wednesday og Akranesi, þ.e.
hvað æfingar snerti.
„Æfingarnar hérna eru miklu
erfiðari og álagið margfalt meira.
Ein æfing um daginn var í tæpa 5
tíma með fundi. Ég átti í tals-
verðum erfiðleikum fyrst á
hlaupaæfingunum enda þær ekk-
ert venjulegar. Aðalmunurinn er
þó kannski aðstaðan.
Áður hafði Siggi ekið með
okkur leiðina sem hann og félagar
hans hlaupa á erfiðustu æfingun-
um. Það eitt að fara þessa leið í
bíl er nóg til þess að fá okkur
aulana til að svitna. Fyrstu 4
kílómetrarnir eru ein allsherjar
brekka og það brött. Þegar upp á
topp er komið er hæðarmunurinn
frá jafnsléttu örugglega orðinn
hátt á þriðja hundrað metra. Þai
er ekki látið staðar numið heldur
hlaupið í eina 8 kílómetra til
viðbótar. „Ég var algerlega búinn
eftir að hafa hlaupið þetta í fyrsta
sinn, enda er brekkan þessi köll-
uð „persónuleikaprófið“. Þótt
þetta hafi lagast hjá manni líður
manni alveg einsog á leiðinni í
gasklefann þegar við förum þarna
uppeftir í rútunni."
Nógur tími
Þótt atvinnumennskan sé eng-
inn dans á rósum eiga atvinnu-
menn sínar frístundir eins og
annað fólk þótt ekki geti þeir
e.t.v. gert allt það sem hinn
almenni borgari getur leyft sér.
Siggi sagðist reyndar hafa verið
mikið heima til þessa. Ef hann
færi út væri það helst með strák-
unum í unglingaliðinu. Þá hefði
hann farið nokkrum sinnum á
popptónleika, m.a. séð Paul
Young og Phil Collins nýverið, og
einig á veðreiðar. „Það er fínt að
fara á veðreiðarnar. Maður
kemst þá út í sveit og getur alveg
gleymt öllu álaginu, sem vill
fylgja þessu. Svo er líka gaman að
leggja eitthvað undir.“
Það eitt að vera leikmaður hjá
Sheffield Wednesday færir leik-
mönnunum ýmis konar fríðindi.
Þeim eru mörgum hverjum iagðir
til bílar, þeir fá ókeypis aðgang
t.d. á tónleika og á diskótek,
afslátt í flestum tískuvöruversl-
unum og svo mætti lengi telja.
„Ég gæti eflaust nýtt mér það
miklu meira en ég geri að vera
leikmaður hjá liðinu en það tekur
tíma að læra á þetta allt saman,“
sagði Siggi. Ég hef nægan tíma og
mér liggur ekkert á.“
„Ég vona að Siggi verði fastamaður
en það er undir honum sjálfum komið"
- segir Howard Wilkinson, framkvæmdastjórí Sheffield Wednesday, í viðtali við Skagabla&ið
Howard Wilkinson rœðir við Skagablaðið.
„Það er langt síðan ég frétti fyrst af Sigga, reyndar svo langt að ég
hreinlega man ekki hvenær það var,“ sagði Howard Wilkinson,
framkvæmdastjóri Sheffield Wednesday, er Skagablaðið náði tali af
honum úti í Sheffield í síðustu viku. „Ég sá hann síðan í leik með
íslenska landsliðinu, skipað leikmönnum 16-18 ára, í leik gegn enskum
jafnöldrum sínum.“
Wilkinson hélt síðan áfram:
„Ég talaði síðan beint við hann í
október í fyrra og fannst þá strax
augljóst, að hann hafði mikinn
áhuga á að leika í ensku knatt-
spymunni. Eftir að hafa svo rætt
við Harald Sturlaugsson varð ég
sannfærður um að það sem meg-
inmáli skipti í þessu öllu var ferill
°8 hagur Sigga — ekki bara
peningarnir einir."
— Heldurður að Siggi eigi
meiri möguleika á að standa sig
hér en á meginlandinu?
„Já, ég er sannfærður um það
°8 það að hann skuli hafa gengið
til liðs við Wednesday tel ég happ
bæði fyrir hann og félagið. Það
skiptir miklu máli hve vel honum
hefir tekist að komast inn í
hlutina hér og hann talar mjög
8óða ensku. Hann kemst hér
strax í snertingu við andrúms-
loftið í erfiðustu deildinni í Evr-
ópu og ef hann stendur sig hér —
sem ég vonast einlægt eftir að
hann geri — þarf hann ekki að
hafa af því áhyggjur að geta ekki
boðið keppinautum annars staðar
í Evrópu byrginn. Ef hann hefði
t.d. farið, segjum til Ítalíu eða
Spánar, er ég sannfærður um að
hann hefði átt erfiðara uppdráttar
en hér. En Siggi er klár í koll-
inum, rólegur og yfirvegaður, og
ég er sannfærður um að hann á
eftir að standa sig hér.“
— Varstu aldrei efins um að þið
gætur klófest Sigga í samkeppni
við stóru félögin í Evrópu?
„Nei, í rauninni ekki. Eftir að
hafa heyrt hljóðið í honum og
síðan Haraldi var ég á því að við
ættum fullt eins mikla möguleika
á að krækja í hann eins og hvert
annað enskt lið.“
— Nú er hraðinn í ensku
knattspyrnunni feikilegur, þú hef-
ur ekki efast um að Siggi næði að
aðlaga sig honum?
„Nei, í sjálfu sér ekki. Honum
hefur farið mikið fram frá því
hann kom til okkar og hefur sýnt
það í þeim leikjum, sem hann
hefur fengið að spreyta sig, að
hann á ekki í neinum vandræðum
með að standa sig.“
— Heldurðu að hann verði
fastamaður í Wednesday-liðinu
þegar keppnistímabilið hefst að
nýju í haust?
„Já, ég vona það innilega. Það
skiptir mestu að óþolinmæðin nái
ekki tökum á honum. Hann hefur
reyndar fengið að spila aðeins nú
þegar þannig að það hjálpar ef-
laust eitthvað en það er fyrst og
fremst undir honum sjálfum kom-
ið hvort hann kemst í lið. Leik-
mennimir velja sig sjálfir í lið. Ég
ætla að vona að Siggi standi sig —
ég hef fulla trú á því.“
Við vikum talinu síðan að
gengi Sheffield Wednesday í vet-
ur og ég spurði Wilkinson að því
hvort hann teldi sína menn enn
eiga möguleika á Evrópusæti.
„Tvímælalaust eigum við það.
Við eigum eftir 9 leiki og ég tel
okkur þurfa 16-17 stig af þeim 27
mögulegum, sem í boði eru.
Takist það er ég vongóður um að
við komumst í UEFA-keppnina
næsta haust. Það yrði tvímæla-
laust góður áfangi fyrir okkur.
Hver hefði trúað því fyrir ári
síðan að við værum í baráttu um
Evrópusæti núna. Tæpast bjart-
sýnustu áhangendur liðsins?"
Þess má geta að Wednesday hefur
leikið tvo leiki frá því við ræddum
við hann og unnið báða og því
færst nær takmarki sínu.“
Ég spurði Wilkinson að því í
lokin hvort hann væri ekki hrædd-
ur um að næsta keppnistímabil
yrði liðinu enn erfiðara en það
sem núna er að renna sitt skeið á
enda og vísaði þá til svipaðra
erfiðieika margra liða, sem kom-
ið hafa upp úr 2. deildinni á
liðnum árum og staðið sig vel
fyrsta árið en síðan átt í basli
næsta keppnistímabil í 1. deild-
inni.
„Nei, það verður ekkert erfið-
ara fyrir okkur en þessi vetur —
ekkert auðveldara heldur. Það
verður erfitt eins og í ár en hafi
leikmenn lært sína lexíu í vetur
þá er ég ekki í neinum vafa um að
við munum standa okkur bæri-
lega,“ sagði Howard Wilkinson,
beinskeyttur að vanda. — SSv.
rfÁAe^in^aA
Opið laugardag
til kl. 15 og
sunnudag til
kl. 16
Bfómarikið
Kirkjubraut 14 - sími 2822
4
5