Skagablaðið - 19.04.1985, Blaðsíða 7
Frá því Skagablaðið hóf göngu
sína hefur átt sér stað mikil
umfjöliun á síðum þess um helstu
mál sem eru í umræðu og af-
greiðslu hjá bæjarstjórn á hverj-
um tíma. Um það ætti ekki
að vera nema gott eitt að segja,
þannig fáum við bæjarbúar fréttir
og frásagnir af gangi mála. Ollu
alvarlegra er þegar fréttir fara að
vera brenglaðar og eins umfjöllun
ósanngjöm gagnvart einstökum
bæjarfulltrúum.
Þetta finnst mér eftir lestur
síðasta tölublaðs Skagablaðsins
um frásögn ritstjórans á umræðu
um fjárhagsáætlun bæjarins. Til
þess að það valdi ekki misskiln-
ingi var ég staddur á þessum
umrædda fundi og tel mig þess
vegna geta fj allað um frásögnina.
Áður en ég fer yfir það sem mér
mislíkaði langar mig að staldra
við og hugleiða hugsanlegar or-
sakir slíkra skrifa. Eins og all-
flestir vita er meirihluti starfandi
í bæjarstjórn skipaður fjórum
fulltrúm Sjálfstæðisflokksins og
einum frá Alþýðuflokki. Minni-
hlutinn er sxðan myndaður þrem-
ur fulltrúm Framsóknarflokks og
einum frá Alþýðubandalagi. Nú
hafa bæjarfulltrúar mikið skrifað
í blaðið og eins eftir þeim haft um
ýmis málefni. Töluvert áberandi í
skrifum minnihlutamanna eru
ásakanir á hendur blaðinu fyrir
hlutdrægni til handa meirihlut-
anum. I næst síðasta blaði t.d.
skrifaði Engilbert leiðréttingu við
frásögn blaðsins og notaði auð-
vitað tækifærið til að skammast.
Hluti af svari ritstjórans var ein-
mitt að Skagablaðið væri enginn
málsvari meirihluta bæjarstjórn-
ar. Því vil ég spyrja er minni-
hlutinn búinn að hræða blaðið til
hlýðni? Er það ekki lengur frjálst
og engum háð?
Tilviljun
Frá þessum hugleiðingum er
rétt að snúa sér að efninu. f
frásögn blaðsins er þess getið að
sjö bæjarfulltrúar hafi staðið upp
og haft skoðun um fjárhagsáætl-
unina. Hvernig var með hina tvo?
Er það tilviljun að báðir þessir
fulltrúar eru Sjálfstæðismenn og
annar er forseti bæjarstjórnar og
bæjarráðsmaður? Ætlar blaðið
að segja bæjarbúum frá því að
Guðjón Guðmundsson er einna
mest hefur unnið við gerð þess-
arar fjárhagsáætlunar og eins við
að ná samkomulagi um hana hafi
ekkert sagt? Nei takk, þessum
vinnubrögðum vil ég mótmæla.
Hámarkið finnst mér svo þegar
ritstjóri eignar Jóni Sveinssyni
umræðuna um lágar tekjur sveit-
arfélagsins og samanburð við önn-
ur og eins tölur fengnar úr Sveit-
arstjórnarmálum. Eg held að ef
ég kallaði menn til vitnis þá gætu
þeir borið það með mér að Guð-
jón Guðmundsson hóf umræðuna
um þetta mál. Hvers vegna er
þess ekki getið og hvar fékk
ritstjórinn upplýsingar um ein-
takið af Sveitarstjórnarmálum?
Hann hlýtur að hafa fengið þær
hjá Guðjóni.
Ritstjórinn segir í síðasta blaði
að eftir á að hyggja hafi umræður
verið ótrúlega langdregnar. Eftir
lestur frásagnar hans kemur í ljós
að hann hefur skrifað uppeftir
bæjarfulltrúum það sem þeim
fannst helst vanta. Hvernig var
með allt það jákvæða í áætl-
uninni? Það kom t.d. fram að
tekjuöflun væri skynsamleg, flest-
ir ánægðir með skiptingu til fram-
kvæmda, bókhaldið væri loks að
verða virkt stjórnunartæki og á
þessu kjörtímabili hefðu skuldir
stórlækkað hjá bæjarfélaginu.
Væri þess vegna ekki betra fyrir
blaðið að meta betur frásagnir og
staðfestar upplýsingar málum við-
komandi þannig að það hefði
skoðanir sjálft?
Þetta er skrifað í þeirri von að
allir megi jafnir sitja í frásögn
blaðsins í svo stóru máli sem
fjárhagsáætlun Akranesbæjar er.
Þórður Björgvinsson.
E.s. Þessi grein er skrifuð fyrir
síðasta blað og var ósk mín að
hún fengi að birtast þar. Því
miður fékkst hún ekki birt þá
vegna þrengsla og mikilvægara
efnis. Betra hefði mér þótt að sjá
hana birtast jafnframt afsökunar-
beiðni ritstjórans.
Svar Skagablaðsins
Þórður spyr hvort það sé til-
viljun, að ekki hafi verið minnst á
tvo bæjarfulltrúa Sjálfstæðis-
flokksins í umfjöllun blaðsins um
fjárhagsáætlun. Það er hreint eng-
in tilviljun. Nafn Guðjóns datt
Steinunn Ámadóttir skrifar um starfsvelli:
Sumarafþreyingu bamama
kippt burtu á ári æskumar
Ágætu bæjarbúar!
Bæjarstjómin okkar hefur ný-
lokið síðari umræðu um fjárhags-
áætlun bæjarins. Eins og aUtaf á
þeim bæ þarf að vega og meta
hvað skal hafa forgang og hverju
skal sleppa. Við lestur fjárhags-
áætlunarinnar sést að einn af
þeim liðum, sem skomir hafa
verið niður, er rekstur starfsvallar
fyrir börn.
Mér finnst þetta fyrir neðan
allar hellur, að bæjarstjórn skuli
á ári æskunnar ráðast á einn af
þeim póstum, sem ungum börn-
um í bænum var boðið upp á til
sumarafþreyingar. Ég viðurkenni
það fúslega, að eins og undan-
farin ár hefur árangur af þessu
starfi ekki alltaf orðið sem skyldi,
en aðbúnaður hefur yfirleitt aldr-
ei verið neinn. Það er sérstakur
vilji ráðamanna bæjarins að velja
þessum starfsvelli stað, þar sem
hann fær sjaldnast að vera í friði
vegna þess að landslag eða ná-
grannar gera allt að óframkvæm-
anlegt að gera svæðið skemmti-
legt.
Éf ég rifja upp þau svæði sem
ég man eftir að völlurinn hefur
verið staðsettur á þá koma upp í
hugann staðir eins og fyrir neðan
íþróttavöllinn (við vitann), að
vestanverðu í Jörundarholti, á
mölinni við íþróttahúsið og á
Jaðarsbraut, fyrir neðan gömlu
mjólkurstöðina. Eins og sjá má af
þessari upptalningu er enginn
þessara staða spennandi staður til
þess að gera þarna skemmtilegan
starfsvöll.
Hugmyndir
í þeirri von að einhver af
ráðamönnum bæjarins eða sú
nefnd á vegum bæjarins, sem sér
um rekstur þessa vallar, lesi þess-
ar fáu línur, ætla ég að lýsa hér
mínum hugmyndum um starfs-
völl.
1. Staðsetning. Best væri að
hafa marga en smáa velli um bæinn
þannig að börnin þyftu ekki að
fara of langt frá sínu hverfi (en
það verður seint eða aldrei sem
sá draumur rætist þar sem búið
er að þurrka þennan eina út), en
ef aðeins á að vera einn völlur
þarf hann að vera miðsvæðis í
bænum. Hann þarf að vera þann-
ig staðsettur að enginn hætta stafi
af umferð við hann, en samt sem
áður þarf að vera hægt að koma
bílum og tækjum inn á hann
(vegna efnisflutninga og annars).
2. Velja þarf stað, þar sem
völlurinn getur staðið til nokk-
urra ára, en ekki aðeins í eitt ár í
einu.
3. Til að tryggja, að það séu
ekki unnin skemmdarverk á vell-
inum þarf hann helst að vera inni
í íbúðabyggð, a.m.k. alveg við
hana.
Sfðan þarf að haga rekstri
vallarins þannig, að ýmsar fram-
kvæmdir, sem unnar eru, séu
sumar til margra ára, t.d. mótun
landslags með hólum og hæðum,
tjörnum, sandkössum og öðrum
leiktækjum. Síðan væri hægt að
byggja inn í þetta mótaða skipu-
lag ýmsar byggingar, sem börn-
unum dettur í hug og þannig búa
til lítinn bæ og aðlaðandi leik-
svæði.
Kjörinn staður
Ég held, að með því að skapa
börnunum viðunandi aðstöðu
megi koma í veg fyrir kofabygg-
ingar, sem eru orðnar árviss við-
burður á ýmsum opnum svæðum
í bænum eins og nú er t.d. við
Víkurbraut. Varðandi staðsetn-
ingu fyrir starfsvöllinn dettur mér
einn staður í hug, sem fullnægir
öllum þessum skilyrðum, en það
er leikvöllurinn á milli Heiðar-
brautar og Brekkubrautar. Þar er
völlur, sem aldrei er notaður,
enda flest leiktækin orðin mjög
þreytt. Þarna er íbúabyggð hæfi-
lega nálægt vellinum þannig að
skemmdarverk yrðu ekki unnin á
honum en samt er byggðin það
langt frá að engin óþægindi ættu
að stafa af nærveru hans. Er þetta
ekki staðurinn? Hvernig væri að
koma upp skemmtilegum starfs
velli þarna, strax?
Steinunn Árnadóttir
eðlilega út vegna mistakanna,
sem hér að framan greinir, og
Ragnheiður Ólafsdóttir hafði
ekkert um málið að segja. Reynd-
ar sat undirritaður aðeins fram að
matarhléi og því kann að vera að
Ragnheiður hafi komið fram með
eitthvað athyglisvert eftir hléið.
Þórður spyr hvort blaðið sé
ekki lengur frjálst og engum háð?
Skagablaðið hefur ekkert breyst
og það er enn frjálst og óháð.
Hluti frelsis felst einmitt í því að
geta skrifað það sem ritstjórn
býður svo við í það og það
skiptið. Gildir það jafnt um frá-
sagnir af bæjarstjórnarfundum
sem annað efni. Blaðið hefur þó
aldrei gerst sekt um vísvitandi
brenglun frásagna þótt mistök
hafi orðið í stöku tilfelli eins og
gengur. Hvað varðar þá spurn-
ingu Þórðar í fyrirsögn greinar
hans hvort Skagablaðið sé máls-
vari minnihluta bæjarstjórnar er
þvísvaraðneitandiHins vegar eru
dylgjur stjórnmálamanna bæjar-
ins um stuðning blaðsins við þenn-
an eða hinn flokkinn orðnar af-
skaplega þreytandi svo ekki sé
dýpra í árinni tekið.
Sigurður Sverrisson.
Frá starfsvellinum, sem var við Jaðarsbraut. Ekki ber á öðru en
guttarnir séu ánœgðir með lífið.
sbbí Starfsmaður
á gæsluvöll
Hér með er óskað eftir umsóknum
um starf á gæsluvelli í sumar.
Um er að ræða um það bil 75% starf
fyrir og eftir hádegi. Umsækjendur
þurfa að geta hafið störf í maí.
Skriflegar umsóknir sendist undir-
rituðum fyrir 23. apríl 1985.
Umsóknareyðublöð fást á bæjar-
skrifstofunni.
Félagsmálastjóri
Kirkjubraut 28 sími 1211
Er Skagablaðið málsvari
minnihlutans í bæjarstjóm?
7