Skagablaðið - 26.04.1985, Síða 1

14. TBL. 2. ÁRG.
FÖSTUDAGUR 26. APRÍL 1985
VERÐ KR. 30,
Nóg f ramboo af blóði
Það vantaði ekki að allt væri á fullu þegar við Skagablaðsmenn litum inn í Rein eftir hádegi á
þriðjudag. Blóðbankinn var í heimsókn og ekki bar á öðru en Skagamenn væru vel aflögufærir. Hver
einasti legubekkur var upptekinn og fjöldi manns beið eftir því að komast að. „Það hefur alltaf gengið
vel hér á Akranesi," sagði starfsmaður bankans. „Við höfum fengið 80-90 manns þegar við höfum
komið hingað en venjulega höfum við komið hér einu sinni á ári.“ Meðfylgjandi mynd segir
væntanlega meira en mörg orð.
Höikugóo silungsveioi
í Laxá um síðustu helgi
Margir Skagamenn voru við
silungsveiðar í Laxá í góða veðr-
inu á sunnudaginn. Göngulax
mátti byrja að veiða þann 1. aprfl
og leyfa bændur við ána veiðar til
20. maí en þá er lokað fyrir þær
veiðar enda er orðið stutt í h
veiðitímabilið sem hefst um mi
an júní.
Mjög eru bændur við ána sann-
gjarnir við verðlagningu veiði-
leyfa í silungsveiðunum og leyfa
veiðar í landi sínu án endur-
gjalds. Oft fæst góð veiði úr ánni
á vorin og veiðist þá vftt og breitt
um ána þótt mest sé jafnan í
Laxfossi og þar fyrir neðan. Þó er
þetta nokkuð breytilegt frá ári til
árs. Silungur sem veiðist ofar í
ánni er yfirleitt vænni en sá, sem
veiðist neðar.
Ef ís er lengi fram eftir vori á
ánni vill koma fyrir, að laxinn frá
árinu áður sé ekki búinn að
yfirgefa hana þegar silungsveið-
arnar hefjast. Þá gerist það stund-
um að einn og einn bítur á agnið
en sjaldnast eru mikil brögð að
því. Mörg vorin verður alls ekkert
vart við hoplaxinn.
Þegar tíðindamaður blaðsins var
á ferð uppi við Laxá á sunnudag-
inn hafði hann tal af tveimur
veiðifélögum, þeim Ólafi Þór
Jónssyni og Jóni M. Jónssyni, og
voru þeir búnir að fá góða veiði,
eins og meðfylgjandi mynd sýnir.
Var hún tekin af þeim félögum
ásamt minkabananum Trítlu, sem
er á milli þeirra.
Þessi frétt er ekkert aprílgabb
heldur blákaldur sannleikur.
Skagamenn fá nýja „krá“
Skagamönnum gefst innan skamms kostur á að væta kverkarnar
víðar en á Hótelinu því ný bjórlíkiskrá verður opnuð að Stillholti 2,
þar sem samnefnt veitingahús er nú til húsa, upp úr miðjum næsta
mánuði. Eigendur eru Einar Ingólfssonog Olgeir Olgeirssoa
Staðnum hefur enn ekki verið
gefið nafn að sögn Einars en auk
bjórlíkis verður boðið upp á ýmsa
rétti, „ódýran, einfaldan mat með
nútímasniði“, eins og Einar
komst að orði. Hugmyndin er að
opið verði frá kl. 11.30 til 14 og
opna svo aftur kl. 18 og fylgja þá
opnunartíma vínveitingahúsa,
þ.e. til 23.30 virka daga en 02.30
um helgar.
Hugmyndin er að auk bjórlíkis
og smárétta verði boðið upp á
skemmtiatriði og þá einkum og
sér í lagi lifandi tónlist. Einar
sagðist bjartsýnn á að uppákomur
yrðu vel sóttar því ekkert kæmi til
með að kosta inn. „Ég býst við að
bjórinn laði að,“ sagði hann.
Skátafélag Akraness:
Andlitslyfting fyÞ
ir tívolíhagnaðinn
Skátafélagi Akraness var út-
hlutaður byggingastyrkur við af-
greiðslu fjárhagsáætlunar fyrir
skömmu. Við fórum að spá í hvað
skátarnir væru að byggja og feng-
um Guðbjart Hannesson til að
svala forvitni okkar.
„Þessi styrkur rennur til skáta-
skálans í Skorradal, eins og und-
anfarin ár.“
— Fer skálinn ekki að verða
tilbúinn?
„Hann verður það eflaust aldr-
ei, það verður alltaf nóg að gera í
kringum hann. Það sem mest
liggur á nú í sumar er að koma
upp vörnum gegn ágangi vatns.
Við þurfum að setja drenlögn og
grafa frárennslisskurði vegna
vatnságangs ofan úr hlíðinni fyrir
ofan skálann og koma upp rusla-
gryfjum. Auk þess á eftir að
innrétta í öðrum enda skálans og
það vantar húsgögn og ýmislegt
fleira.“
— En verður ekkert gert við
Skátahúsið?
„Jú, tívolípeningarnir verða
notaðir í það meðal annars. Það
er búið að skipta um gler og
frárennslislagnir. Síðan verður
unnið að endurbótum á húsinu
sjálfu í sumar og lagað til um-
hverfis húsið líka. Það verður
allsherjar andlitslyfting fyrir tív-
olípeningana.“
— Gekk það vel fjárhagslega?
„Já, það voru rúm 200.000 sem
við fengum.“
— En hvað verður með húsið
sem þið fluttuð upp í Akrafjall, er
það ónýtt?
„Ja, það má segja að við höfum
gefist upp á því. Það var alltaf
skemmt. Það fauk svo af stöpl-
unum í janúar og skemmdist
talsvert, til dæmis er mest allt járn
fokið. En við ætlum að reyna að
selja það til niðurrifs, gegn því að
kaupandinn gangi frá svæðinu
eftir húsið."
—SEÞ.
Skagablaösmótið í körfuknattleik:
Blikamir unnu
Breiðabliksmenn slógu heldur betur í gegn á Skagablaðsmótinu
í körfuknattleik, sem haldið var um helgina. Blikarnir unnu alla
leiki sína af öryggi og hlutu fullt hús stiga. Njarðvíkingar höfnuðu
í 2. sætinu en Skagamenn í því 3. Á myndinni hampar fyrirliði
Blikanna sigurlaununum hróðugur. Sjá nánar á bls. 6 og 7 f
blaðinu í dag.