Skagablaðið - 04.09.1985, Blaðsíða 8
Sigurður Már vann
Haraldarbikarinn
- 73 tóku þátt í mótinu aö þessu sinni
Það var Sigurður Már Harðar-
son, sem kom sá og sigraði í
Haraldarmótinu í golfi, sem fram
fór hjá Leyni nú fyrir nokkrum
dögum. Mótið í ár var sérstakt
afmælismót í tilefni 20 ára afmælis
klúbbsins og tóku hvorki fleiri né
færri en 73 þátt í því. Keppt er um
bikarinn með forgjöf.
Sem fyrr sagði sigraði Sigurður
Már á 60 höggum nettó. Hefur
því greinilega leikið langt undir
forgjöfinni sinni og verður ef-
laust snarlækkaður við fyrstu
hentugleika. Glæsilegt engu að
síður. I öðru sæti varð Guðbrand-
ur Sigurbergsson, GK á 65 nettó
og þriðji varð gamla kempan Þor-
steinn Þorvaldsson, GL, á 67
höggum. Lætur ekki deigan síga
hann Steini.
í keppni fullorðinna án forgjaf-
ar sigraði Ómar Örn Ragnarsson
á 74 höggum en Guðmundur
Valdimarsson varð annar á 77.
Guðbrandur Sigurbergsson, GK,
varð þriðji á 78. Ómar Örn og
Guðmundur eru báðir í Leyni.
í flokki unglinga sigraði Krist-
inn G. Bjarnason á 64 höggum
með forgjöf, annar varð Hafþór
Birgisson á 65 og þriðji Árni P.
Reynisson á 66. Hörð keppni
þarna. í keppni án forgjafar sigr-
aði Rósant Birgisson á 82
höggum, Árni P. varð annar á 86
og Jón T. Njarðarson þriðji á 92
höggum.
Akraprjónsmótið í golfi um helgina:
Utanbæjaifconumar enn
skæðar í verðlaununum
Heldur varð hlutur Skaga-
kvennanna rýr í hinu árlega Akra-
prjónsmóti í golfi, sem fram fór
um helgina. Af sex verðlaunum
sem voru í boði fengu Skaga-
kvinnurnar aðeins ein en utan-
bæjarkonur hirtu hin fimm. Verð-
launin voru hin veglegustu að
vanda, gefin af Akraprjóni.
í keppninni án forgjafar sigraði
Lóa Sigurbjörnsdóttir, GK, á 94
höggum. Lóa hefur áður gert það
gott í þessu móti og getur eigin-
lega talist Skagamaður, þar sem
hún er systir Halldórs, Donna,
heitins Sigurbjörnssonar. Önnur
varð Áslaug Bernhöft á 96 högg-
um og þriðja sætið kom í hlut
Sigríðar Ingvadóttur, sem lék 18
holurnar á 103 höggum.
Áslaug hirti svo sigurlaunin
með forgjöf, lék á 68 höggum
nettó eða tveimur höggum undir
pari vallarins. Katla Ólafsdóttir,
GR, varð í 2. sæti með forgjöf á
74 höggum en þriðja sætið kom í
hlut Lóu.
Á myndinni eru frá vinstri:
Sigrfður, Áslaug, Katla og Lóa.
Unnu sigur í lokaleiknum
Annar flokkur lauk keppnistímabilinu mcð sigri en strákarnir
unnu KA frá Akureyri í lokaleiknum sínum 2:1. Stefán Viðarsson
og Alexander Högnason skoruðu mörkin en Skagamenn voru
mun betri aðilinn í seinni hálfleik.
Sigurður Már, handhafi Haraldarbikarsins í ár, og Kristinn G.
Bjarnason, sem sigraði í flokki unglinga með forgjöf.
Nýliðaskjöldurinn hjá Leyni:
Halldór lék á 60
höggum nettó og
sigraði önigglega
Nýliðaskjöldur er mót, sem árlega er keppt um hjá Leyni, og
er eins og nafnið gefur til kynna keppni á milli þeirra, sem eru
nýbyrjaðir að leika golf. Hefur sá háttur verið hafður á að
þátttökurétt hafa þeir, sem byrjað hafa að stunda golf árið sem
keppt er og svo árið á undan.
I þessari keppni, sem er með forgjöf, gerðust þau undir og
stórmerki að Halldór Hallgrímsson lék 18 holurnar á 60 höggum
nettó! Þykir frammistaða hans með slíkum ólíkindum að menn
skilja vart neitt í neinu. Eflaust verður eitthvað hróflað við
forgjöfinni hans eftir þetta. Annar varð Þórður Ólafsson á 65
höggum og þriðji Þorsteinn Ingason á 70 höggum nettó.
Það er því Halldór, sem fær nafn sitt letrað á skjöldinn í ár, en
hann var á sínum tíma gefinn af Sverri Valtýssyni. Myndin er af
nýliðunum í þremur efstu sætunum.
8