Skagablaðið - 02.10.1985, Blaðsíða 4

LAUFEY SKORAÐITVÖ
í FYRSTA LEIK SÍNUM
- kom inn á sem varamaöur í 7:2 sigri Bergisch Gladbach gegn
Schalke 04 um helgina og sló í gegn
„Þetta gekk bara vel hjá mér,“ sagði Laufey Sigurðardóttir,
knattspyrnukempa, er Skagablaðið sló á þráðinn til hennar í
Þýskalandi í fyrrakvöld eftir að hún hafði skorað tvö mörk í 7:2 sigri
Bergisch Gladbach yfir Schalke 04 í vestur-þýsku 1. deildinni í
kvennaknattspyrnu um helgina.
Laufey kom inn á í hálfleik í
leiknum og skoraði fyrsta mark
liðs síns í síðari hálfleik en staðan
í hálfleik var 2:0. Mark Laufeyjar
var skorað með skalla eftir auka-
spyrnu. Laufey var svo á ferð
síðar í leiknum er hnn skoraði 6.
mark Bergisch Gladbach.
Hitasvækja
„Þetta var dálítið erfitt því það
var hitasvækja á meðan á leiknum
stóð og algert logn. Veðrið hérna
er ennþá alveg frábært," sagði
Laufey, sem nú hefur komið sér
fyrir í íbúð með tveimur öðrum
stúlkum úr liðinu.
Fjórum umferðum af 22 er nú
lokið í 1. deildinni og hefur Berg-
isch Gladbach hlotið 5 stig og er í
5. sæti í deildinni. Schalke 04 er í
7. sæti. Næsti leikur liðsins ereftir
hálfan mánuð.
„Ég er nú ekki búin að vera hér
nema í 10 daga og finnst mig
vanta dálítið úthald ennþá,“ sagði
Laufey við okkur. „Æfingarnar
hér eru mjög strangar en jafn-
framt stórskemmtilegar. Við not-
um boltann mjög mikið á æfingum
og þær eru fjölbreyttar.“
— Áttu von á að vera í byrjun-
arliðinu næst?
„Ég veit ekki, en vonast til þess
að vinna mér fast sæti í liðinu sem
fyrst en maður verður bara að
sýna þolinmæði.“
— Hvernig heldurðu að Skaga-
liðið myndi standa sig þarna úti?
„Ég held að það ætti að hafa
alla burði til að spjara sig í
deildinni. Sum liðanna hér eru
reyndar býsna sterk.“
Layfey Sigurðardóttir. Myndirt er
tekin þegar hún spjallaði við
Skagablaðið áður en hún hélt
utan.
Hælt í
Hvernig
blöðum
hefur þér verið
Laufey við uppáhaldsiðju sína. Knötturinn á leið í net KA í sumar í
10:0 leiknum frœga.
tekið?
„Mjög vel en verst þykir mér að
forráðamenn liðsins hafa verið að
hæla mér í hástert í blöðunum að
undanförnu. Það setur smá pressu
á mann. T.d. var sagt fyrir leikinn
um helgina, að ég myndi örugg-
lega skora mark gegn Schalke 04.
Það tókst reyndar en það er vont
að fá svona skrif fyrirfram."
—Ertu farin að vinna eitthvað?
„Nei, en mér skilst að ég fái
vinnu á næstu dögum hjá trygg-
ingarfyrirtæki sem auglýsir á bún-
ingum félagsins.“
— Hvernig gengur með þýsk-
una?
„Ja, svona og svona. Mér geng-
ur þokkalega að skilja það sem
við mig er sagt en hins vegar er
ekki eins auðvelt að tjá sig. Ég
skil aldrei orðabókina við mig og
þeir eru farnir að hlæja að mér
þess vegna. Annars fer ég fljót-
lega í kvöldskóla í þýskunni og þá
ætti þetta nú að fara að ganga
betur.“
Björn Thoroddsen
Pétur Grétarsson
Bjarni Sveinbjörnsson
Hörð keppni var í limbóinu.
Haustleikur göngumannafélagsins Hlíöarenda:
Fjörng keppni en
ekki gallalaus
Haustleikar Göngumannafélagsins Hlíðarenda voru haldnir sl.
föstudag og tókust með miklum ágætum. Keppt var í mörgum
greinum, t.d. kringlukasti, limbói, Þor-steini, stökki aftur á bak,
kaffiþambi, ljósastauraklifri, túristahlaupi og sígarettusvælingum.
Allar voru greinarnar innan „íþrótta-rammans" nema ef vera skyldi
ljósastauraklifrið, sem Rafveitan hefur sennilega ekki verið neitt
sérlega hrifin af, svo og hin fáránlega keppni t' vindlingareykingum.
Það, að keppa í slíku, er hvorki Hlíðarenda né öðrum samboðið á
þessum síðustu tímum, þar sem stöðugt er verið að hamra á
skaðsemi reykinga. Þarna var skotið vel yfir þverslána.
Átökin í kringlukastinu voru mikil.
Góðir jassgestir
Skagamenn fengu góða gesti sl.
fimmtudag er þrír snjallir jassarar
skemmtu gestum á Bárunni.
Reyndar var fremur fámennt en
þeir sem sátu og hlustuðu voru
greinilega að hlusta. Þeir sem
spiluðu voru Pétur Grétarsson/
trommur, Björn Thoroddsen/gít-
ar og Bjarni Sveinbjörnsson/
bassi. Þessir kappar eru hver
öðrum betri og fór ekki leynt að
þarna voru á ferð menn sem
kunna sitt fag. Árni tók meðfylgj-
andi myndir á tónleikunum.
4