Skagablaðið - 24.10.1985, Blaðsíða 10
Aldarminning Valgerð-
ar Lárusdóttur Briem
Þar sem á liðnu sumri (í júlí) var minnst aldarafmælis séra
Þorsteins Briem með hátíðlegri athöfn finnst okkur viðeigandi að
minnast nú fyrri konu hans, frú Valgerðar Briem, móður dætranna
fjögurra sem enn eru á lífi — en aldarafmæli hennar var einmitt
þann 12. október síðastliðinn.
Frú Valgerður Lárusdóttir
Briem varð öllum, sem kynntust
henni, ógleymanleg þau fáu ár
sem hún dvaldi hér á Akranesi
(kom hingað 1921 en lést 26.
apríl 1924). Hún hafði sérstakan
persónuleika er kom m.a. fram í
góðvild, gleði og sterkri trú sem
hún miðlaði þeim sem hún
kynntist. Man sú okkar, sem þá
var aðeins 14 ára, vel þegar þau
hjónin og dætur fluttu hér í
næsta nágrenni. Hvað henni
varð starsýnt á þessa fallegu og
glæsilegu konu.
Glaðleg og tónelsk
Frú Valgerður var há og
spengileg og sérstaklega glaðleg.
Þá var eitt sem átti eftir að hrífa
telpuna en það var söngur prest-
frúarinnar. Hún var miklum
sönggáfum gædd og mjög „mús-
íkölsk“ enda af söngfólki komin
í báðar ættir. Hún spilaði vel á
píanó og söng þá gjarnan með.
Telpan 14 ára (nú fullorðin)
minnist þess enn er hún fór til
messu hjá séra Þorsteini Briem
rétt eftir komu hjónanna og sat
nálægt frú Valgerði. Byrjað var
á sálminum „í fornöld á jörðu
var frækorni sáð“ og enn þann
dag í dag finnst henni hún aldrei
hafa heyrt neinn syngja þennan
sálm jafnvel og frú Valgerður.
Þrek og trúartraust
Fjögur ár eru ekki langur tími
er margt getur þó gerst. Prests-
hjónin eignuðust fimmtu dóttur-
ina hér á Akranesi, yndislegt
barn, en misstu hana nokkurra
vikna gamla. Þá sýndi frú Val-
gerður sérstakt þrek og trúar-
traust, sem sú eldri okkar varð
vitni að og gleymir aldrei. Hún
var viðstödd kveðjuathöfn um
litlu stúlkuna heima hjá þeim
hjónum, þar sem móðirin spilaði
sálm og söng sjálf á meðan tár
hrundu niður kinnar hennar.
Þarna átti vel við máltækið: „Sá
getur allt sem trúna hefur.“
Frú Valgerður gekk ekki heil
til skógar þann tíma, sem hún
dvaldi hér á Akranesi enda hafði
hún lengi átt við heilsuleysi að
stríða. Það fékk þó enginn að sjá
á henni.
Eftir frú Valgerði Lárusdóttur
Briem liggja bæði ljóð og lög
sem hún samdi og langar okkur
að láta fylgja þessum fátæklegu
orðum ljóð, sem hún samdi og
lýsir svo vel hennar innra manni.
Stendur til að lag eða lög efir
hana komi síðar út.
Á ogS.
Blíðir morgungeislar glitra,
glóa daggir blóma og titra,
sólarljóma silfurrúnir,
sindra um tún og fjallabrúnir.
Lífog sála til sín teygar,
tœrar Ijóssins kristallveigar,
hjá náttúrunni ég uni einni
við öldunið frá smálind hreinni.
Er sem af öldum úthafs sveimi,
frá ósýnilegum dularheimi,
með unaðssœlum ómi blíðum,
ástarkoss að dal og hlíðum.
í bláan geim ég horfi og hlusta,
heilög mun vera guðsþjónusta.
hafin með söng í himinljóma,
heyri ég þaðan dýrðaróma.
Lindir kveða, leiftrin streyma,
þeim Ijósheimi mun ég aldrei
gleyma,
en gleði himins fann ég fyrsta,
ogfögnuð æðstan sál mín þyrsta.
Valgerður Lárusdsóttir Briem.
Aths. ritstjórnar. Fyrirsögn
greinarinnar sem og millifyrir-
sagnir eru blaðsins.
Vetraráætlun Akraborgar
Þær breytingar á áætlun Akraborgar verða þann 1. nóvember
að kvöldferðir á sunnudögum falla niður og verður svo þar til í
febrúarlok.
Þá verður fyrsta ferð á sunnudögum frá Akranesi kl. 11.30 frá
og með 1. nóvember og til febrúarloka. Fyrsta ferð úr Reykjavík
er þá ekki fyrr en kl. 13.
Aðrar ferðir Akraborgar óbreyttar.
Skallagrímur
Hinir eldri láta sitt ekki eftir liggja. Eiríkur Þorvaldsson og Jóhann
Pétursson.
Ungir og aldnir
sameina kraftana
og ÍA-húsið rís
Sjálfboðavinnan hjá IA gengur vel þótt veður hafí nokkuð versnað
frá því sem var í haust. Við greindum frá því í byrjun mánaðarins að
haustáfanganum væri náð, en það var jarðvinna og að steypa sökkla
hússins.
Forráðamenn ÍA ákváðu að bæta við áfangann og var ákveðið að
stefna að því að steypa upp veggina á báðum göflum hússins, þ.e.a.s.
þann hluta þeirra sem er steyptur, en veggirnir eru steyptir í u.þ.b.
tveggja metra hæð yfir gólfplötu. Núna er búið að steypa eystri gaflinn
og unnið er af fullum krafti við að slá upp mótum fyrir vesturgaflinn.
Ef vel gengur verður jafnvel búið að steypa hann þegar blaðið kemur
út.
Við höfum einnig frétt að þau fyrirtæki sem verslað hefur verið við
með byggingarefni hafi veitt verulegan afslátt á vörum sínum. Allt
virðist því leggjast á eitt með að gera þessa draumabyggingu æskufólks
á Akranesi að veruleika. Mörgum mun vafalaust þykja fróðlegt að fá
upplýsingar um kostnað og hve mikið sparist við sjálfboðavinnuna og
munum við reyna að flytja upplýsingar um það í næsta blaði.
Á ári æskunnar er sérstaklega ánæjgjulegt til þess að vita að menn
eru tilbúnir til að fórna frítíma sínum til sjálfboðastarfa til heilla fyrir
æsku bæjarins, en nýtt íþróttahús mun gjörbreyta möguleikum
æskufólks til hollra og áhugaverðra íþróttaiðkana. Áram ÍA!
Unnið við mótauppsláttinn. Margar hendur vinna létt verk.
Ungir verkamenn slappa af þegar stutt hlé varð á steypuvinnunni.
10