Skagablaðið - 28.02.1991, Blaðsíða 1
—HB & Co, SFA og Heimaskagi öll í eina sæng og hið nýja fyrir
gert að almenningshlutafélagi
Stefnt er að því að saineina
þrjú stærstu útgerðar- og fisk-
vinnslufyrirtækin á Akranesi í
eitt á næstu mánuðum. Sam-
komulag þar að lútandi tókst í
fyrrakvöld með stærstu hluthöf-
um fyrirtækjanna þriggja; Har-
aldar Böðvarssonar & Co, Síld-
ar- og fiskimjölsverksmiðju
Akraness hf. og Heimaskaga hf.,
sem er dótturfyrirtæki SFA.
Boðað verður til hluthafa-
funda í þessum fyrirtækjum
á næstunni vegna þessara straum
hvarfa í útgerðarmálum Akur-
nesinga. Samhliða sameining-
unni hefur verið ákveðið að hið
nýja fyrirtæki verði opnað al-
menningi og hlutafé aukið.
Við sameininguna fæðist nýr
„útgerðarrisi“, ekki aðeins á
mælikvarða Akurnesinga heldur
einnig á landsvísu. Hið nýja
fyrirtæki kemur til með að verða
eitt fimm stærstu sinnar tegundar
á landinu og bætist þar í hóp
fyrirtækja á borð við Útgerðar-
félag Akureyringa, Granda og
Síldarvinnslunnar á Neskaups-
Jarðveqsskipti
á Jaðarsbökkun:
Lægstaboð
fráVélum
ogkrafti
Velar og kraftur áttu
lægsta tilboð í jarðvegsskipti
á bílastæðinu við íþróttamið-
stöðina á Jaðarsbökkum. Til-
boðin voru opnuð í fyrradag.
Alls bárust sex tilboð frá
fimm aðilum í verkið.
Mismunur á hæsta og lægsta
boði var rúmlega 900 þúsund
krónur.
Tilboð Véla og krafts
hljóðaði upp á kr. 1.012,990
og var langlægst. Vélaleiga
Birgis Hannessonar bauð kr.
1.359,521, Skóflan kr.
1.467,357, Vörubílastöðin
Þjótur kr. 1.489,311 og
Þorgeir & Helgi kr.
1.922.620. Þá hljóðaði frá-
vikstilboð Skóflunnar upp á
kr. 1.562,226.
í fjárhagsáætlun bæjarins
er gert ráð fyrir 800 þús. kr.
til þessa verks.
stað. Nýja fyrirtækið verður jafn-
framt stærsta fyrirtækið á Akra-
nesi með um 300 manns í vinnu.
Fyrirtækið ræður eftir samein-
inguna yfir fjórum togurum með
10.000 tonna þorskígilda kvóta
og þremur loðnuskipum með
fjóra loðnukvóta.
Velta fyrirtækjanna þriggja,
sem sameinuð verða síðar á ár-
inu gangi allt eftir, var um 2 mill-
jarðar króna á síðasta ári. Heild-
arlaunagreiðslur námu í fyrra
rúmlega 600 milljónum króna.
Valdimar Indriðason, fram-
kvæmdastjóri SFA, og Haraldur
Sturlaugsson, framkvæmdastjóri
HB & Co, sögðu báðir í samtali
við Skagablaðið í gær, að sam-
einingin væri vissulega blendin
tilfinningum en eigi að síður væri
hún besti kosturinn eins og mál-
um væri nú komið.
Þeir tóku báðir fram, að fjár-
hagsstaða allra fyrirtækjanna
þriggja væri traust. Með breytt-
um tímum, ekki aðeins hér á
landi heldur einnig erlendis, væri
æskilegast að sameina fyrirtækin.
„Við erum með þessu að hugsa
20 ár fram í tímann,“ sagði Har-
aldur. „Við teljum að með þessu
séum við að treysta atvinnu-
grundvöllinn á Akranesi enn
frekar á komandi árum,“ sagði
Valdimar.
Með þessari sameiningu er
brotið blað í útgerðarsögu Ak-
urnesinga. Hér hafa rótgróin
fyrirtæki spunnið saman þræði
sína. HB & Co er 85 ára gamalt
útgerðarfyrirtæki í eigu níu ein-
staklinga og jafnframt elsta starf-
andi útgerðarfyrirtæki landsins.
Breytingin úr einkafyrirtæki í al-
menningshlutafélag er því mikil
á þeim bæ. SFA er 54 ára gamalt
fyrirtæki með á annað hundrað
hluthafa og er með elstu almenn-
ingshlutafélögum á landinu.
Heimaskagi á að baki 48 ára
sögu.
Að sögn þeirra Haraldar og
Valdimars kemur sameiningin til
með að leiða af sér ýmis konar
uppstokkun. Eignir kunna að
verða seldar og áform eru uppi
um að selja Rauðseyna án kvóta.
Starfsmannafjöldi verður lítið
breyttur frá því scm nú er. Þeir
sögðu þó báðir, að óhjákvæmi-
legt væri að einhverjar tilfærslur
yrðu gerðar, t.d. hjá vélsmiðjum
fyrirtækjanna, sem verða eftir
sameininguna undir einu þaki.
Stjórnarmenn í fyrirtœkjunum þremur, ásamt endurskoðendum og fulltrúum Verðbréfamarkaðar Islands-
banka, eftir undirritunina í fyrrakvöld.
Samningar undirritaðir. Frá vinstri: Teitur Stefánsson og Valdtmar Indrtðason frá SFA og brœóurmr
Haraldur og Sturlaugur Sturlaugssynir frá HB & Co. Myndir: Ragnar Th. Sigurðsson
Forskýli leikskólans við Lerki-
grund, sem rætt var um í frétt í
síðustu viku.
Yijjlýsing fra VT-Teiknistofunni hf.:
Abyrgð á hönnun
en ekki byggingu
Skagablaðinu hefur borist eftirfarandi fréttatilkynning: „Vegna
forsíðufréttar í síðasta tölublaði Skagablaðsins óskar VT-Teiknistof-
an hf. eftir að eftirfarandi verði birt á ekki lakari stað í næsta tölu-
blaði blaðsins.
VT-Teiknistofan hf. tekur ábyrgð á hönnun leikskólans við Lerki-
grund eins og allri hönnun er starfsmenn VT framkvæma. VT-
Teiknistofan hf. tekur ekki ábyrgð á byggingu leikskólans né bygg-
ingarframkvæmdum yfirleitt.
VT-Teiknistofan hf. tekur ekki ábyrgð á eftirliti með byggingar-
framkvæmdum við leikskólann enda var samið um það við aðra aðila.
VT-Teiknistofan hf. - Gunnar Gíslason. “