Skagablaðið - 04.04.1991, Blaðsíða 4

4
Kosningar eru á næsta leiti. Þess
sjást merki í öllum fjölmiðlum, líka hér í
Skagablaðinu. Kosningabaráttan ætlar
að verða stutt í ár og málin, sem tekist
er á um, virðast ekki ýkja mörg.
Þær fregnir bárust í vikunni að búið
væri að úthluta meira en tug listabók-
stafa í Reykjavík til framboða sem ætla
að gefa kost á sér í kosningunum þann
20. apríl. Á landsbyggðinni eru fram-
boðin eitthvað færri en mörg samt víð-
ast hvar.
Nokkur þessara framboða eru gerð út
á ákaflega óljósum grunni. Sum eru
samsteypa smáflokka sem ekki hafa
náð að vinna sér sess ein síns liðs, önn-
ur eru hrein skrípaframboð, til þess eins
fallin að gera gys að „alvöru“ stjórn-
málamönnunum. Slíkt er í sjálfu sér
ekki nýlunda og e.t.v. er ekki að undra
þótt slík framboð komi upp af og til
samhlíða dvínandi áliti á þeim fulltrúum
sem sitja í sölum Alþingis.
Ríkissjónvarpið hefur undanfarið
boðið flokkum sem bjóða fram til þings
kost á að kynna stefnumál sín. Flokk-
arnir hafa sjálfir séð um gerð þessarara
þátta og hefur skiljanlega tekist misjafn-
lega vel til. Flokkur mannsins og Þjóð-
arflokkurinn kynntu stefnu sína í gær-
kvöld með eftirminnilegum hætti.
Ekki aðeins minnti þátturinn á köflum
á kvikmyndagerð frá fyrstu áratugum
aldarinnar heldur var boðskapurinn æði
skrautlegur og klisjukenndur. Einn full-
trúinn las upp Ijóð með mynd af Jóhann-
esi Kjarval sér að baki, annar stóð úti í
skógi og talaði um að banna ætti lands-
feðrunum að taka lán og sóa almannafé
og þannig gekk það koll af kolli.
Þeim er þetta ritar er það fullljóst að
framboð Flokks mannsins og Þjóðar-
flokksins á ekki digra kosningasjóði til
að seilast í og greiða gerð stutts kynn-
ingarþáttar en fyrr mega nú vera vinnu-
brögðin. Hafi útgerð þessara flokka átt
erfitt uppdráttar fram til þessa hefur
kynningarþátturinn í gær varla bætt úr
skák.
Lýðræðið býður upp á það að hverj-
um sem hefur áhuga á því er heimilt að
bjóða sig fram til Alþingis svo fremi
hann skili inn tilteknum fjölda meðmæl-
enda. í skjóli þessa verða mörg fram-
boðin til. Hérlendis gilda engar reglur
um að flokkar þurfi lágmarksheildar-
fjölda atkvæða til þess að komast inn á
þing. ( Þýskalandi er t.d. miðað við 5%
atkvæðamagn. Hér á landi ætti lág-
markið að vera a.m.k. 2 - 3% þannig að
ekki sé hætta á að úr verði einn allsherj-
ar hrærigrautur.
Sá mikli fjöldi framboða sem hægt er
að velja um í ár ruglar kjósendur enn
frekar í ríminu. Markviss kynning á
stefnumálum; stutt, skorinorð og hnit-
miðuð, er það sem ræður úrslitum.
Langhundar, innantómt hjal og úrelt
slagorð duga ekki lengur til atkvæða-
veiða.
Sigurður Sverrisson
1
Skagablaðið___________Skagablaðið
Júgóslavinn Luka Koslic í viðtali við Skagablaðið:
„Akranes hefur alla
burði til að endur-
heimta sæti í 1. deikl"
Erlendur leikmaður mun í f'vrsta skipti í sögu knattspyrnunnar a
Akranesi leika með meistaraflokksliði Skagamanna í íslandsmóti. Sá
sem ryður brautina er aldeilis ekki leikmaður af verri endanum. Það
er Luka Kostic, sem áður lék með Þór frá Akureyri, en á þeim tveim-
ur árum sem hann lék fyrir norðan var hann talinn besti varnarmaður
í íslenskri knattspyrnu. Luka hefur byrjað vel með Skagamönnum og
skorað þrjú mörk í fyrstu fjórum leikjum sínum þrátt fyrir að gegna
hlutverki varnarmanns. Skagablaðið ræddi stuttlega við þennan geð-
þekka Júgóslava fyrir skómmu.
ann stutta tíma sem ég hef
verið á Akranesi hefur mér
liðið afskaplega vel og allir lagt
sig fram um að svo mætti vera
bæði leikmenn Akranessliðsins
og aðrir sem ég hef kynnst. Ég
hef eignast marga góða vini,
bæði hér á Akranesi og á Akur-
eyri.
Sex valkostir
Ég ákvað síðastliðið haust að
yfirgefa herbúðir Þórs og fékk
tilboð frá sex knattspyrnufélög-
um um að ganga til liðs við þau.
Akranes var eitt þeirra. Þegar ég
var fyrir norðan hafði ég heyrt
um hversu mikill áhugi væri á
knattspyrnu á Akranesi og að
þetta væri sannkallaður knatt-
spyrnubær. Það hafði vissulega
mikil áhrif, auk þess sem ég hef
mikið álit á Guðjóni Þórðarsyni
sem þjálfara."
Kostic sagði, að með fullri
virðingu fyrir Þór og þeirra
starfi, væri efniviðurinn hér á
Akranesi mun meiri en hann
þekkti fyrir norðan og margir
þeirra leikmanna sem nú væru í
liðinu ættu eftir að ná í fremstu
röð og nokkrir þeirra gætu staðið
fyrir sínu á erlendri grundu.
Hann hefði samanburðinn því
hann hefði æft og leikið með
mörgum frábærum knattspyrnu-
mönnum í Júgóslavíu.
í tíu ár í 1. deild
„Ég lék í 1. deildinni í Júgó-
slavíu í tíu ár með knattspyrnu-
liðinu Osijek, sem nú er í 5. sæti
í deildinni og er með betri knatt-
spyrnuliðum þar í landi. Fyrir
um fimm árum langaði mig til
þess að breyta til og leika knatt-
spyrnu í Vestur - Evrópu. Ég
fékk tilboð frá spænsku liði og
tveimur liðum í Þýskalandi. En
þá varð ég fyrir því óhappi að
meiðast á ökkla og var frá knatt-
spyrnu í um ár. Þegar ég var aft-
ur tilbúinn í slaginn að nýju hafði
margt breyst hjá þessum liðum
og ekkert varð úr félagaskiptun-
um. Þá kom til sögunnar landi
minn og kunningi, sem hafði ráð-
ið sig sem þjálfara hjá Þór á Ak-
ureyri, og bað mig um að koma
með. Ég sló til og hef alls ekki
séð eftir þeirri ákvörðun. Mér
hefur líkað mjög vel við ísland
og íslendinga og ég er ákveðinn í
því að vera hér í nokkur ár í
viðbót."
Luka Kostic hefur búið í
heimalandi sínu á veturna. Hann
hefur farið aftur til Júgóslavíu á
haustin þegar keppnistímabilinu
lýkur hér á landi og gerir það aft-
ur í haust. Yfir vetrarmánuðina
hefur hann æft og keppt með 4.
deildarliði í heimabæ mínum.
Hefur hann gert það eingöngu til
þess að halda sér í góðri æfingu
áður en hann kemur aftur til
íslands.
Fjölskyldan hér í sumar
„Eiginkona mín, Svetlanu, og
sonur minn, Igor, sem er sjö ára
gamall, voru hér á Akranesi um
páskana," sagði Kostic „Þau fara
aftur út en koma svo aftur til ís-
lands í júní og verða hér fram á
haustið. Skólaganga stráksins
okkar í Júgóslavíu gerir það að
verkum að fjölskyldan getur ekki
verið saman allan tímann á ísl-
andi.“
Kostic sagði að Akranesliðið
hefði sýnt það í þeim æfingaleikj-
um, sem það hefur leikið nú í
vor, að það væri til alls líklegt og
ætti að hafa alla burði til þess að
endurheimta sæti sitt í 1. deild að
nýju. Hann sagðist vonast til að
framlag sitt gæti átt þátt í því.
Kostic hefur starfað hjá Tré-
verki sf. síðan hann kom hingað
á Akranes 18. mars sl. í sumar er
ætlunin að hann starfi þar fyrri
hluta dags og sjái síðan um
knattspyrnuskóla fyrir yngstu
knattspyrnumennina síðari hluta
dags. Sagðist hann hlakka til þess
verkefnis.
ítarleg könnun á þörf
stanými
fyrir
Innan skamms fer fram hér á
Akranesi könnun á þörf fyrir
dagvistarrými á vegum félags-
málastjóra Akraneskaupstaðar.
Haft verður samband við 155 for-
eldra/forráðamenn barna að 9
ára aldri. Skagablaðinu hefur
borist eftirfarandi fréttatilkynn-
ing frá Sólveigu Reynisdóttur,
félagsmálastjóra, vegna þessa:
Þegar farið er að rýna í fram-
tíðina þá koma upp í hugann
spurningar eins og:
1) Hver er vistunarþörfin, þ.e.
hversu stór hluti hefur hug á að
fá dagheimili, leikskóla, dag-
mæður eða skóladagheimili fyrir
eqKor
dagvi
barn sitt?
2) Er hægt að koma við ein-
hvers konar sveigjanleika í
rekstri dagheimilis/leikskóla og
þá hvernig?
3) í hve langan tíma á dag
þurfa foreldrar vistun fyrir börn
sín.
4) Hvenær dagsins þurfa for-
eldrar vistun fyrir börn sín?
5) Þarf fólk vistun alla daga
vikunnar fyrir börn sín?
Ákveðið var að hafa þessa
könnun í formi símakönnunar.
Símakönnunin varð fyrir valinu
vegna þess að hún er tiltölulega
ódýr, svarhlutfall er hærra en
póstkönnun og könnunin er fljót-
virkari og hættan á einhverjum
misskilningi hjá svarendum í lág-
marki.
Tekið er 777 manna úrtak úr
þjóðskrá. Hópurinn eru foreldr-
ar/forráðamenn barna á aldrin-
um 0 - 9 ára. Akranesi. Stærð
hópsins er 155 foreldrar/forráða-
menn barna á aldrinum 0-9 ára
á Akranesi.
Símanúmer eru fundin á þann
hátt að leitað verður í síma- og
íbúaskrám. Sigrún Gísladóttir
mun hringja út spurningalistann
á tímabilinu 9. - 18. apríl 1991."
26. mars: stúlka, 3365 g að þyngd og 51 sm á lengd. Foreldrar:
Guðrún Margrét Halldórsdóttir og Jón Óskar Ásmundsson, Jað-
arsbraut 5, Akranesi
27. mars: stúlka, 3755 g að þyngd og 52 sm á lengd. Foreldrar:
Erla Þórðardóttir og Guðmundur Á. Gunnarsson, Háholti 33,
Akranesi.
29. mars: stúlka, 3180 g að þyngd og 53 sm á lengd. Foreldrar:
Guðný Tómasdóttir og Frímann Smári Elíasson, Einigrund 10,
Akranesi.
1. apríl: stúlka, 4135 g að þyngd og 54 sm á lengd. Foreldrar:
Ragnheiður Stefánsdóttir og Skarphéðinn Gissurarson, Arnar-
kletti 12, Borgarnesi.
1. apríl: stúlka, 2975 g að þyngd og 48 sm á lengd. Foreldrar: Sig-
ríður S. Sæmundsdóttir og Valgeir Sigurðsson, Stóru-Fellsöxl,
Skilmannahreppi.
3. apríl: drengur, 3670 g að þyngd og 51 sm á lengd. Foreldrar:
Helga Ingunn Sturlaugsdóttir og Haraldur Reynir Jónsson,
Suðurgötu 69, Reykjavík.
5
SÍM111100 (SÍMSVARI)
Stella
Stórleikararnir Bette Midl-
er og John Goodman fara á
kostum í þessari frábæru og
manneskjulegu gaman-
mynd. Myndin segir frá kjaft-
forri bandarískri stúlku, sem
eignast barn í lausaleik með
forríkum lækni, en uppeldið
sér hún um ein. John Good-
man leikur drykkjusvola sem
er vinur Stellu.
Sýnd kl. 21.00 í kvöld
(fimmtudag) og föstudag.
Tryllt ást
Frábær spennumynd leik-
stýrð af David Lynch (Tví-
drangar) og framleidd af
Propaganda Films (Sigurjón
Sighvatsson). Myndin hlaut
gullpálmann í Cannes
1990. Hún hefur hlotið mjög
góða dóma og aðsókn þar
sem hún hefur verið sýnd.
Sýnd kl. 21.00 á mánu-
dag og þriðjudag.
Alli og
íkornarnir
(Alvin and
the Chipmunks)
Bráðskemmtileg barna-
mynd með Alla íkorna og fé-
lögum hans. Uppátæki þeirra
fá alla til þess að hlæja.
Sýnd kl. 15.00 á sunnu-
dag.
MIÐA VERÐ AÐEINS KR. 200,-