Skagablaðið - 07.11.1991, Blaðsíða 10
Skagablaðið
Framkvæmdastjóraskif>ti
verða formlega hjá ís -
Arctic í dag, fimmtudag.
Ástdís Kristjánsdóttir tekur
þá við af Ásgeiri Eiríkssyni,
sem tekur á morgun við
stöðu bæjarritara í Mosfells-
bæ. Ástdís, sem er fertug að
aldri, er einhleyp fimm barna
móðir. Hún hefur nýlokið
prófi frá Samvinnuháskólan-
um en starfaði áður sem
framleiðslustjóri hjá Fisk-
vinnslunni á Seyðisfirði og
þar áður hjá SH.
Svo virðist sem ekki ríki
fullur jöfnuður á milli
Akraness og Borgarness þeg-
ar vínveitingaleyfi eru annars
vegar. Matsnefnd vínveitinga
húsa var hér á ferð fyrir
skömmu og skoðaði þá m.a.
Þrjá vini og einn í baði.
Nefndin hafnaði útgáfu vín-
veitingaleyfis á þeim forsend-
um að ekki færi saman að
selja bjór og sælgæti. Þegar
eigandi staðarins benti á að
þetta virtist fara ágætlega
saman í Hyrnunni í Borgarn-
esi varð hins vegar minna um
svör.
Tuttugu börn og unglingar
hafa nú þegar skráð sig á
leiklistarnámskeið hjá Guð-
björgu Árnadóttur. Hópur-
inn hittist alla mánudaga kl.
18.
Það vakti óskipta athygli
á uppskeruhátíð Knatt-
spyrnufélags ÍA um helgina,
að Búnaðarbanki íslands
færði félaginu kr. 100.000 að
gjöf vegna frammistöðu
meistaraflokks kvenna í
sumar. Gunnar Sigurðsson,
formaður félagsins, hélt því
fram að þetta væri í fyrsta
sinn á íslandi sem kvennalið
ynni til áheita af þessu tagi.
Bravó stelpur!
Ættingjar skipverjanna á
skólaskipinu Mími RE
3, sem hvolfdi í innsigling-
unni í Hornafjarðarósi í byrj-
un síðustu viku, fréttu fyrst
af slysinu í gegnum fjöl-
miðla. í fréttatilkynningu frá
SVFI að félagið hafi
fengið þetta staðfest. í til-
kynningunni segir ennfrem-
ur: „Sú meginregla hefur gilt
í umfjöllun um alvarleg slys,
að tryggt sé að nánustu ætt-
ingjar hafi fulla vitneskju um
atburði, einkum ef um
mannslát er að ræða, áður en
fréttir eru sagðar eða birtar.
SVFÍ beinir þeim vinsamlegu
tilmælum til fjölmiðla, að
reynt verði að halda þessar
reglur og mun félagið fram-
vegis sem hingað til greiða
fyrir því í samvinnu við fjöl-
miðla að þetta megi takast.“
Snorri Magnússon, þroskaþjálfi, hélt á sunnudaginn fróðlegan fyrirlestur um sund ungbarna. Fjöldi
foreldra sótti fyrirlesturinn og á eftir var haldið niður í Bjarnalaug, þar sem Snorri sýndi kenningar
sínar í verki. Kenningarnar byggjast m.a. á því, að því fyrr sem börn séu sett í sund þeim mun hraðar
þroskist hreyfingar þeirra. Fyrirlestri og sýnikennsklu hans var mjög vel tekið og hittust ntargar þeirra
mæðra, sem þarna mættu með börn sín, í lauginni síðdegis í gær. Þær hafa í hyggju að halda uppteknum
hætti. Því hefur verið komið á framfæri við Skagablaðið að því væri vel tekið ef hægt væri að bæta að-
stöðuna í búningsklefunum lítið eitt. Það sem helst skortir eru felliborð, þar sem hægt er að leggja ung-
börnin á meðan þau eru þurrkuð og klædd. Laugin er höfð sérstaklega heit á miðvikudögum, m.a. vegna
mæðra með ungbörn, og kunna þær hlutaðeigandi bestu þakkir fyrir.
Sundfélag Akraness hefur
ákveðið að efna til „Út-
varps Akraness“ í fimmta
sinn síðustu helgina í þessum
mánuði eða fyrstu helgina f
desember. Undirbúning-
svinna er þegar hafin. Lögð
verður áhersla á vandaða
dagskrá nú sem endranær.
Skagaleikflokkurinn borg-
ar hæstu leigu allra á-
hugamannaleikfélaga á land-
inu samkvæmt samantekt
sem gerð hefur verið þar að
lútandi. Þá greiðir flokkurinn
sömuleiðis hæsta gjald sem
þekkist fyrir sýningarað-
stöðu. Forráðamenn Akra-
neskaupstaðar eiga von á
bréfi frá leikflokknum, þar
sem vakin er athygli á þessu.
Rúmlega tuttugu manns
sóttu um stöðu inn-
kaupastjóra hjá Þorgeir &
Ellert hf. Til starfans hefur
verið ráðinn Sigurgeir
Sveinsson, vélaverkfræðing-
ur frá Reykjavík.
Ragga á sigurbraut vestra
Ragnheiður Runólfsdóttir hefur undanfarið unnið hvern sigurinn á
fætur öðrum í mótum vestanhafs. Þann 11. október sl. keppti hún á
skólamóti Alabamaháskóla og vann sigur í báðum greinunum sem
hún keppti í.
Tími hennar í 200 m baksundi
var 2:28,60 mín. og í 100 m
bringusundi 1:14,80 sek. Keppt
var í 50 metra braut.Viku síðar
keppti hún með skólaliði Ala-
bamaháskóla í keppni við Tenn-
essee - háskóla. Þar var einnig
keppt í 50 metra braut. Ragga
sigraði í 100 m bringusundi á
1:13,02 mín. og í 200 m bringu-
sundi á 2:38,32 mín.
Um helgina sigraði Alabama -
háskóli háskólann í Louisiana
með 134 stigum gegn 59. Þar
sigraði Ragga í 100 jarda bringu-
sundi á 1:03,90 mín. og í 200
jarda bringusundi á 2:17,90 mín.
I báðum greinum hafði hún um-
talsverða yfirburði yfir næstu
keppendur.
Það hefur vakið athygli vestra
að Ragga keppir nú undir merkj-
um íþróttabandalags Akraness
en ekki Alabama - háskóla, þar
sem hún er orðin of gömul til
þess að vera gjaldgeng sem kepp-
andi á vegum skólans. Ragga
verður 25 ára þann 19. þessa
mánaðar.
Sýndubrotúr
Svanavatninu
Þeir Luka Kostic og Karl
Þórðarson fóru á kostum á upp-
skeruhátíð Knattspyrnufélags
ÍA, sem fram fór í Hótel Akra-
nes sl. laugardagskvöld.
Að vanda var boðið upp á
mörg eldfjörug skemmti-
atriði en dans þeirra Kostic og
Kalla, þar sem þeir sýndu brot úr
Svanavatninu, vakti meiri kátínu
en flest.
Til þess að auka áhrifamátt
sýningarinnar enn frekar var
Karl klæddur eins og sannri ball-
erínu sæmir og Luka státaði af
risahreðjum, sem komið hafi
verið fyrir í buxum hans.
Ljósmyndari Skagablaðsins
var að sjálfsögðu á staðnum og
festi þennan skemmtilega við-
burð á filmu.
Hótel Akranes fékk heim-
sókn frá matsnefnd vín-
veitingahúsa í sömu yfirreið
og Þrír vinir og einn í baði.
Nefndin gerði ýmsar kröfur
um úrbætur innanhúss vildi
staðurinn halda vínveitinga-
leyfinu. Hótelið hefur sex
mánuði til þess að koma um-
beðnum úrbótum í kring
áður en nefndin kemur aftur
í heimsókn.
Þrír ökumenn voru teknir
af lögreglunni á Akra-
nesi grunaðir um ölvun við
akstur um helgina.
Sögur hafa gengið í bæn-
um þess efnis undanfarið
að forráðamenn Haraldar
Böðvarssonar hf. hafi verið á
ferð í Færeyjum nýverið til
þess að ganga frá kaupum á
togara þar. Haraldur Stur-
laugsson, framkvæmdastjóri
HB hf., tjáði Skagablaðinu,
að vissulega hefðu menn frá
fyrirtækinu verið í Færeyjum
nýverið, en engin kaup hefðu
verið gerð. Hið rétta væri að
togari hefði verið skoðaður
þar. Það væri liður í þeirri
viðleitni að leita að hentugu
skipi fyrir fyrirtækið.
Æfingar á leikritinu
Leikurinn um hina
vonlausu snillinga, sem Inga
Bjarnason setur upp með
Skagaleikflokknum, eru nú
um það bil hálfnaðar. Leifur
Þórarinsson semur nýja tón-
list við verkið. Æfingar á
henni eru þegar hafnar með
10 manna hljómsveit.