Skagablaðið - 16.01.1992, Blaðsíða 8

Skagablaðið
Viðskiptavinir Verslunar
Einars Ólafssonar hafa
e.t.v. tekið eftir því að neðst
á kassakvittunina er nú
letrað: „1942 Akranes 1992.“
Þetta er auðvitað gert til þess
að minnast fimmtíu ára
kaupstaðarafmælis bæjarins
og er vissulega til eftir-
breytni. Gaman væri ef fleiri
fyrirtæki sæju sér fært að geta
afmælis bæjarins á einn eða
annan hátt þótt kannski verði
það ekki með jafn frumleg-
um hætti og í þessu tilviki.
Sorphreinsunarmenn hugs
uðu hlýlega til íbúanna
við Höföagrund í ófærðinni
sem ríkti hér í síðustu viku.
Heita mátti að búið væri að
ryðja snjó frá öllum sorp-
tunnunum við götuna. Höfðu
þeir vösku menn sem annast
sorphirðu í bænum á orði að
fleiri mættu taka þessa eldri
borgara sér til fyrirmyndar
því allt of sjaldgæft væri að tii
þeirra væri hugsað þegar snjó
kyngdi niður.
Skákþing Akraness hefst
næstkomandi þriðjudag í
Grundaskóla. Taflmennska
hefst kl. 19.30. Tefldar verða
sjö eða níu umferðir, allt eft-
ir fjölda þátttakenda. Skák-
menn hafa tvo tíma á fyrstu
40 leikina en síðan hálfa
klukkustund til að ljúka
skákinni.
Fimm tonn af fatnaði
komu inn í söfnuninni
sem þau Luka og Svetlana
Kostic gengust fyrir hér á
Akranesi fyrir jólin. Eins og
Skagablaðið greindi frá voru
undirtektir góðar en að
magnið næmi heilum fimm
tonnum átt víst enginn von á.
Þau hjón eru afar hamingju-
söm yfir þeim hlýhug sem
Akurnesingar og nærsveita-
menn sýndu þeim og löndum
þeirra.
Stofnað hefur verið félag
um rekstur auglýsinga-
skiltisins sem komið hefur
verið fyrir á gafli Versl. Ein-
ar Ólafsson. Það eru þeir
Magnús Sólmundsson og
Svavar Garðarsson sem
standa að rekstri skiltisins
undir firmaheitinu „Tvisvar
3.“ Vafalítið er leitun að
frumlegra firmaheiti hérlend-
is. Markmiðið með rekstri
skiltisins er að afla fjár fyrir
íþróttahreyfinguna.
Gunnar Magnússon sigr-
aði á árlegu jólahrað-
skákmóti Taflfélags Akra-
ness og varðveitti þar með
titilinn frá fyrra ári. Gunnar
hefur verið ákaflega sigursæll
á innanfélagsmótum TA
undanfarin ár.
Fagnaði jólunum á Botnssúlum
Landsmenn áttu vonandi flest-
ir hverjir notalegar stundir um
nýliðin jól og áramót. Jólahaldið
hefur á síðari árum fengið á sig
þann stimpil að vera frekar hátíð
Mammons en Guðs þótt auðvit-
að gangi öllum gott eitt til þegar
þeir leggja sig fram um að gera
allt sem best úr garði. Ekki eru
þó allir landsmenn fastir í hefð-
bundnu ,Jólamynstri.“ Einn
þeirra er Kristinn Einarsson,
best þekktur fyrir afrek sín á
sviði þreksunds og fjallgöngu.
Hann hélt sín jól á Botnssúlum.
Kristinn sagði í samtali við
Skagablaðið, að hann hefði
haft þennan háttinn á undanfarin
6 ár. „Ég var orðinn leiður á
þessu hefðbundna jólahaldi og
fannst jólaboðskapurinn fara fyr-
ir ofan garð og neðan. Ég ákvað
því að halda jól fjarri manna-
byggðum og líkaði það svo vel að
ég hef haldið þeim sið.“
Kristinn hélt að þessu sinni
upp á Botnssúlur á Þorláksmessu
einn síns liðs og dvaldi þar fram á
annan dag jóla er hann sneri
heim. Hann sagði jólahaldið hjá
sér hafa verið hátíðlegt og á slag-
inu sex á Aðfangadag hefði hann
kveikt á útvarpinu og hlustað á
messuna á meðan hann borðaði
jólahangikjötið sitt.
„Nei, mér leiðist alls ekki í
einverunni. Það viðraði tiltölu-
lega vel á mig þar sem ég dvaldi í
skála íslenska alpaklúbbsins. Ég
notaði tímann til gönguferða og
þess á milli las ég bækur sem ég
hafði með mér.“
Ekki voru það þó hefðbundnar
jólabækur sem Kristinn las þarna
efra. Önnur var um norskan
mann sem bjó einn síns liðs í litl-
um kofa á Svalbarða í heilt ár,
hin var um tvo starfsmenn Warn-
er Brothers fyrirtækisins sem
tóku upp á því á fimmtugsaldri
að klífa hæstu tinda hverrar
heimsálfu.
„Nei, ég var ekki með jólagjaf-
irnar með með mér enda hef ég
fyrir löngu afþakkað allt slíkt. Ég
gef syni mínum alltaf jólagjöf en
það er líka eina jólagjöfin sem ég
kem nærri,“ sagði Kristinn.
Krístinn borðar jólahangikjötið kl. sex á Aðfangadag, einn og yfirgef-
inn uppi á Botnssúlum.
Fegurðarsamkeppni VestuHands haldin ánýeftir þriggja ára hlé:
„Galakvökl" og krýning með reisn
Ætlunin er að hefja Fegurðarsamkeppni Vesturlands til vegs og
virðingar á ný. Keppnin hefur ekki verið haldin frá því 1989 er Guð-
rún Eyjólfsdóttir frá Akranesi sigraði eftirminnilega og hafnaði síðan
í 3. sæti í keppninni um ungfrú ísland. Fjórar ungar konur hér á
Akranesi hafa fengið umboð fyrir keppnina og sögðu í samtali við
Skagablaðið að ætlunin væri að krýna ungfrú Vesturland með glæsi-
brag síðustu helgina í mars.
Við erum þegar búnar að sigta
út nokkrar stelpur sem við
viljum gjarna að taki þátt í kepn-
inni en við tökum fegins hendi
við ábendingum,“ sögðu þær
Silja og Rósa Allansdætur, Ingi-
björg Eggertsdóttir og Kristný
Vilmundardóttir er Skagablaðið
ræddi við þær. Eina skilyrðið fyr-
ir þátttöku er að vera á aldrinum
18 - 23 ára og hafa ekki átt barn.
Þátttakendur mega hins vegar
vera heitbundnir.
Að sögn stallanna fjögurra er
ekki enn búið að ákveða hvort
keppnin verður haldin hér á
Akranesi eða í Borgarnesi. Ann-
ar hvor staðurinn verður fyrir
valinu og verður það tilkynnt
innan skamms. Ætlunin er að
bjóða upp á glæsilegan
kvöldverð, skemmtiatriði og svo
auðvitað sjálfa fegurðarsam-
keppnina.
Næstu dagana verður leitað
eftir stuðningi fyrirtækja á Vest-
urlandi vegna keppninnar. Þegar
hafa fengist vilyrði fyrir stuðningi
frá Líkamsræktinni svo og Versl-
uninni Óðni. Þær Silja, Rósa,
Kristný og Ingibjörg sögðu óger-
legt að halda keppnina án stuðn-
ingsaðila því ljóst væri að þetta
fyrirtæki kostaði sitt.
„Þátttakendur þurfa að fara í
líkamsrækt og ljósaböð, gangast
inn á sérstakt fæði auk þess sem
þær þurfa að fá tilsögn í snyrt-
ingu, laga þarf göngulag þeirra
og hreinlega kenna þeim að
Máni kominn til hafnar eftir hrakningarnar.
ganga á háum hælum. Síðan þarf
auðvitað að búa þær undir að
koma fram. Allt þetta tekur
tíma,“ sögðu þær.
Þegar er búið að „sigta út“
nokkra væntanlega keppendur
sem fyrr segir en enn vantar
stúlkur víðar af Vesturlandi.
Markmiðið er að keppendur
verði 10 - 12 talsins og verða þeir
kynntir í Skagablaðinu og hugs-
anlega einnig í Borgfirðingi.
Skagablaðið tekur við ábending-
um frá fólki sem telur sig vita af
stúlkum sem eru gjaldgengar í
keppnina. Slíkar ábendingar ber
að senda í Pósthólf 170, 300
Akranesi sem allra fyrst.
„Hvernig til tekst sjálft úrslita-
kvöldið veltur mjög mikið á vel-
vild fyrirtækja. Við þekkjum t.d.
til í Keflavík þar sem keppnin
um Ungfrú Suðurnes hefur unnið
sér fastan sess og þar koma fjöl-
margir styrktaraðilar við sögu.
Við vonumst því eftir að fyrir-
tæki á Vesturlandi sýni þessu
áhuga og hjálpi okkur við að
koma keppninni á að nýju með
þeirri reisn sem henni ber.“
Skipverjarnir á Mána voru forsjóninni þakklátir.
Tveir menn björguðust farsæl-
lega úr sjávarháska á laugardags-
morgun er trilluna Mána AK bar
upp á grynningar á Flösinni er
hún var á útstími á leið í róður.
Mjög sterkur straumur var á að-
fallinu.
Bátsverjar skutu upp neyðar-
blysi og barst hjálp á mjög
skammri stundu. Það var trillan
Mundi sem að endingu dró Mána
vélarvana til hafnar. Þrívegis
braut á bátnum og skemmdist
hann nokkuð en hvorugan báts-
verjann sakaði.