Skagablaðið - 16.01.1995, Side 6
6 16. janúar 1995
íþróttir
Skagablaðið
Þórður Emil Ólafsson gerir það gott í golfinu með háskólanum í Lafayette í Louisiana:
F
Atti „glanshring“ á móti í Houston
Þórður Emil Ólafsson, hinn
ungi og efnilegi kylfingur úr
Golfklúbbnum Leyni, hefur
strax á sínu fyrsta ári við
University of South Western
Louisiana í Lafayette náð að
tryggja sér sæti í fimm manna
úrvalsliði skólans í golfi.
Þórður með skorkortið á
Landsmótinu í golfi 1993.
Þórður lék í fyrsta sinn með lið-
inu á stóru háskólamóti í
Houston í Texas í lok nóvember
og lék þar einn hringjanna á 70
höggum, sem var næstbesta
skor sem náðist á mótinu.
Svo skemmtilega vildi til að
þrír Islendingar léku á þessu
sama móti. Auk Þórðar er Björn
Knútsson í liði Lafayette-skól-
ans og annar Skagamaður,
Kristinn G. Bjamason, lék á
þessu móti með liði háskólans í
Monroe í Louisiana.
Ólöglegur
- Þetta hefur gengið vel hjá mér
í vetur eftir að ég var loks lögle-
gur með skólaliðinu. Ég var
reyndar búinn að vinna mér sæti
í 11 manna hópi strax í haust
þegar í ljós kom að ég átti eftir
að ljúka einhverju prófi. Eftir að
ég lauk því tókst mér að vinna
mér sæti í hópnum á ný og
komst í 5 manna úrvalslið
skólans fyrir mótið í Houston,
sagði Þórður er Skagablaðið
ræddi við hann í gærkvöldi.
Að sögn Þórðar keppa kylf-
ingarnir ellefu alltaf um það
fyrir hvert stórmót hvaða fimrn
úr hópnum leika fyrir hönd
skólans á viðkomandi móti. Þar
gildir árangur fjögurra bestu.
Næsta stórmót hjá Þórði og
félögum er í Mexíkó í næsta
mánuði. Hann hélt utan í dag
eftir fimm vikna jólaleyfi hér
heima og við taka strangar æf-
ingar því tiltölulega stutt er í
úrtökumót innan skólans fyrir
Mexíkóförina.
Framfarir
- Það er náttúrlega allt annað að
leika golf þarna en hér heima. I
rauninni má segja að þetta sé
allt önnur íþrótt. Veðrið spilar
stórt hlutverk og þarna þarf
maður ekki að hafa áhyggjur af
suðvestan stormi. Þá eru vel-
lirnir allir aðrir og betri en hér
heima og hugarfarið í kringum
íþróttina er einhvern veginn allt
annað, sagði Þórður.
-Það leikur enginn vafi á því
að ég hef strax tekið framförum
þarna úti og auðvitað vonast ég
til þess að þær verði enn meiri.
Ég er rétt búinn að koma mér
fyrir og á eftir að dvelja þarna í
fjögur ár áður en náminu lýkur.
Að sögn Þórðar hefur Björn
Knútsson átt fast sæti í fimm
manna liði skólans í vetur og
leikið mjög vel. Kristinn G.
Bjarnason hefur sömuleiðis átt
fast sæti í fimm manna liði
Monroe-skólans. Það lið er þó
talið ívið veikara en lið Lafay-
ette skólans. Af þeim sökum
sjást þeir Þórður og Kristinn
ekki oft í keppni. Mótið í
Houston var þó undantekning
og það var reyndar í fyrsta sinn
sem fleiri en einn Islendingur
tekur þátt í háskólamóti sam-
tímis.
Þórður mundar kylfuna á Garðavelli. Hann eltist nú við hvíta
boltann um golfvelli í suðurhluta Bandaríkjanna með úrx’alsliði
háskólans í Lafayette í Louisiana.
Elvar Þórólfsson, þjálfari úrvalsdeildarliðs Skagamanna:
Menn verða að fara
að líta í eigin barm
Úrvalsdeildarlið Skagamanna í
körfuknattleik hefur hafið nýtt
ár illa. Liðið hefur leikið tvo
leiki gegn Val og Þór og tapað
báðum stórt. Gegn Þór skoraði
liðið 116 stig, sem í flestum til-
vikum myndu duga til sigurs,
en fékk á sig 141 stig og stein-
lá. Ekki er laust við að kurr sé
farinn að gera vart við sig á
meðal stuðningsmanna fyrir
leikinn gegn Keflavík hér
heima á fimmtudag.
- Ég get í rauninni engu svarað
um leikinn gegn Þór, sagði
Sigurður Elvar Þórólfsson,
þjálfari liðsins, er Skagablaðið
ræddi við hann í gær. - Ég hef
verið á sjúkrahúsi að undan-
förnu og gat þvf ekki verið með
liðinu á Akureyri. Það eina sem
ég veit í rauninni um leikinn er
það sem ég hef lesið í blöðum.
- En er það ekki út í hött aðfá
á sig 141 stig gegn ekki sterkara
liði en Þór?
- Ég get alveg tekið undir það.
Vörnin hefur verið höfuðverkur
hjá okkur í vetur og það er
slakur varnarleikur sem hefur
orðið okkur að falli.
- Er það ekki borin von að
œtla að ná 8. sœtinu í deildinni
og komast þar með í úrslita-
keppnina?
Enn er von
- Það tel ég alls ekki.
Staða liðsins nú er
ósköp svipuð og hún
var á sama tíma í
fyrra og það eru enn
11 leikir eftir. Það er
enn möguleiki.
- Hvað hefur eigin-
lega farið úrskeiðis í
vetur?
- Það er svo margt
sem á okkur hefur
dunið. Við lentum
strax í vandræðum
Lykilmenn úr leik; Elvar meiddur og ívar
hœttur. Það munar um minna.
Mikið mæðir á yngri leikmönnum Skagaliðisins þessa dagana. Frá
vinstri:Hörður Birgisson, Dagur Þórisson og Jón Þór Þórðarson.
með útlending, síðan misstum
við tvo menn úr byrjunarliðinu
á skömmum tíma eftir að við
fengum nýjan Kana; fyrst mig
sjálfan og síðan ívar Asgríms-
son, þjálfara, sem hætti hjá
okkur. Að missa tvo menn úr
byrjunarliði í körfu er eins og að
rnissa 4 menn úr fótboltaliði.
Mér finnst stuðningsmenn ekki
hafa horft nóg til þessara stað-
reynda.
- Er það rangt mat að upp-
gjafar virðist gæta íliðinu?
- Ég neita því alfarið að um
uppgjöf sé að ræða. Hitt er svo
annað mál, að sjálfstraust leik-
manna hefur beðið hnekki í
kjölfar slaks gengis. Liðið getur
meira en síðustu leikir gefa til
kynna. Stóran hluta vandamáls-
ins tel ég mega rekja allt aftur til
upphafs keppnistímabilsins. Þá
voru allir með óraunhæfar
væntingar, leikmenn, forráða-
menn og ekki síst áhorfendur.
Öll umræða snerist um hvaða
liði við myndum mæta í úr-
slitakeppninni en allir virtust
gleyma því að leika þurfti 32
leiki áður en að henni kemur.
Flugeldasýningin búin
- Finnst þér fólk almennt bera
gengi liðsins saman við spútnik-
árið ífyrra?
- Það er engin spurning.
Fyrsta ár liðsins í Úrvalsdeild-
inni snerist upp í flugeldasýn-
ingu. Henni er lokið en áhorf-
endur ríghalda enn í rakettu-
prikin. En leikmenn geta ekki
bent á neinn nema sjálfan sig.
Við erum búnir að fa nýjan
Kana og nýjan þjálfara og nú
verða menn bara að fara að líta í
eigin barm. Það er ekki við aðra
að sakast en okkur sjálfa. Okkur
vantar meiri breidd en það má
líka segja um fleiri lið.