Skagablaðið - 30.01.1995, Blaðsíða 3

Skagablaðið
Fréttir
30. janúar 1995 3
Guðmundur Páll Jónsson Framsóknarflokki um fjárhagsáætlun:
Áhyggjur af auknum skuldum
Guðmundur Páll Jónsson,
bæjarfulltrúi Framsóknar-
flokksins, segist hafa áhyggjur
af því að í fjárhagsáætlun bæj-
arins er gert ráð fyrir að skuldir
bæjarsjóðs aukist á árinu.
Hann hefur efasemdir um að
rétt sé að taka lán fyrir kaup-
unum á landi Innsta-Vogs nú.
- Menn hafa sett sér það mark-
mið að auka ekki skuldir bæjar-
ins. Við erum sammála um að
bærinn eigi að kaupa Innsta-Vog
en spumingin er hvort það á að
gerast núna með nýrri lántöku.
Bæjarfélagið skuldar nú 440
milljónir króna og staðan er
þröng. Það er því mikilvægt að
menn sleppi ekki fram af sér
beislinu, segir Guðmundur Páll
í viðtali við Skagablaðið.
Ekki hefur enn orðið formleg-
ur ágreiningur við gerð fjár-
hagsáætlunar. Ekki er þó ljóst
hvernig bæjarfulltrúar minni-
hlutans muni standa að af-
greiðslu áætlunarinnar þann 14.
febrúar næst komandi.
Guðmundur Páll varar við því
sem hann kallar skyndiákvarð-
anir um fjárútlát til lengri tíma
og nefnir framlag bæjarins
vegna stúkubyggingar knatt-
spyrnufélagsins, framlagið til
minningarsjóðs sr. Jóns M.
Guðjónssonar og kaupin á
Innsta-Vogi sem dæmi um slfk-
ar ákvarðanir. Hann telur að
taka verði ákvarðanir af þessu
tagi með tilliti til stöðu bæjar-
sjóðs hverju sinni, ella sé ekki
um skynsamlega fjármálastjóm
að ræða.
Hann bendir á að fram-
kvæmdafé bæjarins er að mestu
leyti bundið í ár vegna ákvarð-
ana frá fyrri ámm.
- Þessu verður svipað farið á
næsta ári. Það er þegar búið að
binda mesta hluta framkvæmda-
fjárins á næsta ári í Grunda-
skóla, íþróttasamninginn og
leikskóla. Auk þess er fyrirsjá-
anlegt að við þurfum að leggja í
mjög fjárfrekar framkvæmdir
vegna holræsamála á næstu
ámm. Við þurfum að taka
ákvarðanir um fjárútlát í tengsl-
um við þriggja ára áætlun, segir
Guðmundur Páll.
Kirkjubraut:
Einstefnu
aflétt í bili
Einstefnu sem verið hefur við
Kirkjubraut frá í desember
verður aflétt á miðvikudaginn,
enda var hún sett á til reynslu
til 1. febrúar. íbúar við Suður-
götu afhentu bæjarstjóra
áskorun um að aflétta ein-
stefnunni í síðustu viku.
Bæjarráð fjallaði um málið á
fundi sínum síðast liðinn
fimmtudag. Engin ákvörðun var
tekin um framtíð einstefnunnar
en ákveðið að fela Þórdísi Arth-
ursdóttur ferðamálafulltrúa að
kanna viðhorf verslunareigenda
og íbúa við Kirkjubraut til
breytingarinnar.
í yfirlýsingu 31 íbúa við Suð-
urgötu frá Skagabraut niður á
Akratorg er þeirri ákvörðun
bæjaryfirvalda mótmælt að
flytja umferð af Kirkjubraut yfir
á Suðurgötu.
„Eftir að einstefna var sett á
Kirkjubraut, jókst umferð um
Hönnun Langasands:
Tllboðum
hafnað
Bæjarráð hefur ákveðið að
hafna öllum tilboðum sem
bárust i hönnun opinna
svæða við Langasand og
norðan Garðagrundar.
Mikillar óánægju gætti hjá
bjóðendum með hvernig
staðið var að útboðinu af
hálfu bæjarins. Þeir töldu að
verulega hefði skort á að
nægilega vel hefði verið
vandað til útboðsins og varð
það meðal annars til þess að
Verkfræðiþjónusta Akraness
ákvað að senda ekki tilboð.
Bæjarráð fékk landslags-
arkitekt til liðs við sig og í
samráði við hann var ákveð-
ið að hafna tilboðunum öll-
um. Jafnframt var ákveðið
að ákveða forsendur betur
og skipta svæðinu niður í
smærri áfanga.
Jórunn Sigtryggsdóttir afhenti bæjarstjóra mótmœli 31 íbúa við Suðurgötu vegna aukinnar umferðar
um götuna.
Suðurgötu til mikilla muna.
Einnig jókst hraðakstur mikið
og um helgar færðust drykkju-
læti og hávaði að hluta til af
Kirkjubraut yfir á Suðurgötu.
Við teljum ekki réttlætanlegt að
beina umferð með þessum hætti
frá aðal verslunargötu bæjarins
inn í rólegt íbúðahverfi. Með
því móti er einungis verið að
flytja til vandamálin en ekki
leysa þau. Skorum við á bæjar-
yfirvöld að breyta þessu aftur í
fyrra horf,“ segir í yfirlýsingu
íbúanna.
Kvennalistinn býr sig undir kosningar:
Hansína efst á V-lista
Hansína B. Einarsdóttir, fram-
kvæmdastjóri í Dalabyggð,
skipar efsta sæti framboðslista
Kvennalistans á Vesturlandi
vegna alþingiskosninganna í
apríl. Kvennalistinn á ekki
þingmann á Vesturlandi.
V-listi Kvennalistans var sam-
þykktur einróma á félagsfundi
flokksins sem haldinn var í
Borgarnesi í síðustu viku. List-
inn er skipaður eftirtöldum kon-
um:
2. Sigrún Jóhannesdóttir, lekt-
or við samvinnuháskólann,
Borgarbyggð. 3. Helga Gunn-
arsdóttir, forstöðumaður Far-
skóla Vesturlands, Akranesi. 4.
Þóra Kristín Magnúsdóttir, jarð-
eplabóndi í Staðarsveit. 5. Asa
Sigurlaug Harðardóttir, nemi,
Indriðastöðum. 6. Dóra Líndal
Hjartardóttir, tónlistarkennari,
Hansína B. Einarsdóttir.
Vestri-Leirárgörðum. 7. Sigríð-
ur V. Finnbogadóttir, skrifstofu-
maður í Borgarbyggð. 8. Ingi-
björg Daníelsdóttir, kennari og
bóndi á Fróðastöðum. 9. Svava
Sigrún Jóliannesdóttir.
Svandís Guðmundsdóttir, gisti-
heimilisstjóri í Staðarsveit. 10.
Danfríður Skarphéðinsdóttir,
kennari og fyrrverandi alþingis-
maður, Reykjavík.
Skagamarkaður:
Viðskipti
glæðast
Viðskiptin á Skagamarkaði
voru öllu líflegri í síðustu
viku en vikuna á undan en
þó vantar talsvert á að um-
svifin hafi náð fyrri stærð.
Alls seldust tæplega 47
tonn á markaðnum dagana
20. til 26. janúar.
Verðmæti aflans nemur
rúmlega fimm milljónum
króna og vega ýsa og þorsk-
ur þar lang þyngst að venju.
Alls seldust 17,3 tonn af ýsu
á markaðnum á áðurnefndu
tímabili og fékkst gott með-
alverð fyrir kílóið; nær 128
krónur.
Rúmlega 18 tonn af
þorski koniu á markaðinn
og seldist hvert kíló á að
meðaltali 107,20 krónur.
Hæst fór verðið í 122 krón-
ur á kíló.
Einnig seldist talsvert
magn af steinbíti og tinda-
skötu á markaðnum.
Höfnin:
Krókabátar
gera klárt
Eigendur krókabáta hafa
verið að gera klárt að und-
anförnu en þeir komast á
sjó að nýju nú um mánaða-
mótin eftir tveggja mánaða
landlegu að boði yfirvalda.
Þrír togarar löndu í Akra-
neshöfn í síðustu viku og
15 bátar reru með línu.
Haraldur Böðvarsson AK
12 landaði um 57 tonnum í
síðustu viku, Höfðavík AK
200 59 tonnum og Sturlaug-
ur H. Böðvarsson AK 10
rúmlega 100 tonnum. Sam-
tals komu því um 218 tonn
af togarafiski á land í síð-
ustu viku.
Bresi AK 101 var drýgst-
ur línubáta í síðustu viku
með tæp 10 tonn úr fjórum
róðrum.