Skagablaðið - 20.02.1995, Blaðsíða 3

Skagablaðið
Fréttir
20. febrúar 1995 3
Fjárhagsáætlun:
Deilt um
félags-
ráðgjafa
Bæjarfulltrúar Framsóknar-
flokksins deildu hart við
fulltrúa annarra flokka um
ráðningu félagsráðgjafa
sem gert er ráð fyrir í fjár-
hagsáætlun. Framsóknar-
menn lögðu til að ráðinn
yrði félagsráðgjafi í fullt
starf en meirihlutaflokkarnir
gerðu ráð fyrir að ráða í
hálfa stöðu.
Bæjarstjórn samþykkti að
auglýsa eftir félagsráðgjafa í
50 prósent starf en tillögu
Framsóknarmanna var vísað
til skoðunar í bæjarráði.
Gert er ráð fyrir að kostn-
aður vegna félagsráðgjafa í
hálfu starfi verði 800 þúsund
krónur á ári. Framsóknar-
menn lögðu til að lagt yrði
út fyrir öðrum 800 þúsund-
um króna og svonefnd óviss
útgjöld yrðu skorin niður að
sama skapi.
Félagsráðgjafinn á að
sinna ráðgjafarstörfum á fé-
lagsmáladeild.
Dagvistun:
Sveigjan-
leikinn
aukinn
Stefnt er að því að auka
sveigjanleika í þjónustu
dagvistarstofnana með því
að bjóða upp á fimm og sex
tíma vistun.
Bæjarstjórn samþykkti þetta
í tengslum við afgreiðslu
fjárhagsáætlunar. Bæjar-
stjórn gerir ráð fyrir að gerð
verði könnun á nýtingu þess-
arar þjónustu.
Hundaeftirlit:
Samningi
sagtupp
Bæjarstjórn hefur ákveðið
að segja upp samningi við
Valdimar Þorvaldsson
hundaeftirlitsmann.
Áhugi er fyrir því innan bæj-
arstjórnar að sameina starf
hundaeftirlitsmanns starfi
meindýraeyðis en annars er
umhverfis- og heilbrigðis-
nefnd falið að koma með til-
lögur að breyttu fyrirkomu-
lagi.
Bæjarfulltrúar Framsókn-
arflokksins sátu hjá við af-
greiðslu málsins í bæjar-
stjórn.
Atvinnuhœttir Akurnesinga eru með ýmsum hœtti eins og sjá má afþessari mynd. Kristján Hagalíns-
son vélstjóri liefur átt og nytjað Langeyjarnes í Dalasýslu undanfarin ár ogfyrir skemmstu var hann
ásamt fjölskyldu sinni að hreinsa œðardún sem hann hafði tekið þar vestra. Dúnn hefur selst nú að
undanförnu eftir mörg mögur ár en verðið er enn mun lœgra en áður þekktist. Nú fást um 26 þúsund
krónur fyrir kílóið en að sögn Kristjáns fór verðið upp í 45 þúsund þegar hcest var.
Fjárhagsáætlun samþykkt í bæjarstjórn:
Framsókn sat hjá
Bæjarfulltruar Framsoknar-
flokksins sátu hjá við af-
greiðslu fjárhagsáætlunar bæj-
arsjóðs á fundi bæjarstjórnar í
síðustu viku. Alþýðuflokkurinn
stóð hins vegar að samþykkt
áætlunarinnar ásamt meiri-
hlutaflokkunum.
Bæjarfulltrúar Framsóknar-
flokksins telja að of geyst sé far-
ið í skuldasöfnun bæjarsjóðs
með þessari fyrstu fjárhagsáætl-
un nýs meirihluta í bæjarstjórn.
Ingvar Ingvarsson, Alþýðu-
flokki, upplýsti að bæjarstjórn
væri nú að ráðstafa 17 prósent
meira fjármagni en sem nemur
tekjum bæjarsjóðs. Þetta hlutfall
hefur verið mun lægra á undan-
förnum árum.
Ingunn Anna Jónasdóttir og
Guðbjartur Hannesson, Alþýðu-
bandalagi, mótmæltu gagnrýni
Framsóknarmanna á aukna
skuldasöfnun. Þau töldu að hið
erfiða atvinnuástand í bænum
kallaði beinlínis á að bæjaryfir-
völd héldu uppi framkvæmdum
og þjónustu. Nú er ekki rétti
tíminn til að greiða niður skuld-
ir, sögðu þau.
- Markmið meirihlutans um
að auka ekki skuldirnar fer veg
allrar veraldar með þessari áætl-
un, sagði Guðmundur Páll Jóns-
son, bæjarfulltrúi Framsóknar-
flokksins, hins vegar. Honum
finnst óvarlega farið í fjárhagsá-
ætlun með því að henni er lokað
með nýjum lántökum uppá nær
100 milljónir króna. Skuldir
bæjarins aukast um 40 milljónir
króna, þar af má rekja 20 millj-
ónir til kaupa bæjarins á jörð-
inni Innsti-Vogur.
Bæjarfulltrúar Framsóknar-
flokksins stóðu heldur ekki að
samþykkt bæjarstjórnar um
hækkun útsvars úr 9,0 af
hundraði í 9,2. Guðmundur Páll
sagðist telja að almenningur
hefði þegar orðið fyrir nægileg-
um álögum af hálfu ríkisstjórn-
arinnar.
Ingvar Ingvarsson, bæjarfull-
trúi Alþýðuflokksins, sagðist
telja að fjárhagsáætlun þessa árs
væri eðlilegt framhald af vinnu
undanfarinna ára. Hann minnti á
þá stefnu fyrri meirihluta í bæj-
arstjórn að lækka skuldir jafnt
og þétt en tók undir með fulltrú-
um meirihlutans um að nú væri
nauðsynlegt að snúa við blað-
inu.
Ingvar nefndi ýmsa mála-
flokka sem hann taldi nauðsyn-
legt að gera átak í. Meðal annars
að endurnýja þyrfti lagnir vatns-
veitunnar og finna nýtt vatn.
Hann taldi holræsamálin vera
bænum til vansa, að gera þyrfti
átak í gerð og endurnýjun gang-
stétta og endumýja þyrfti götur í
eldri bæjarhlutum.
Gunnar Sigurðsson, oddviti
Sjálfstæðismanna í bæjarstjórn,
gagnrýndi hvernig staðið væri
að gerð fjárhagsáætlunar, taldi
að vinnan þyrfti að vera mun
markvissari en nú, enda hefði
þessi vinna lítið breyst síðan
hann var starfsmaður bæjarins
fyrir margt löngu.
Hann sagðist hafa áhyggjur af
viðkvæmum rekstri Krossvíkur
hf. og taldi slæmt að bæjaryfir-
völd væru ekki meira megnug í
atvinnumálum.
Atvinnusmiðjan:
Launakjörin
endurskoðuð
Bæjarstjórn samþykkti til-
lögu Sveins Kristinssonar,
bæjarfulltrúa Alþýðubanda-
lagsins, um að launakjör
starfsmanna atvinnusmiðj-
unnar verði endurskoðuð.
Eins og komið hefur fram í
Skagablaðinu hafa starfs-
menn atvinnusmiðjunnar
rúmlega 50 þúsund krónur á
mánuði en ráðning þeirra er
tímabundin. Lægstu laun
sem bærinn greiðir eru hins
vegar tæplega 60 þúsund
krónur. Launakjör starfs-
manna í átaksverkefnum eru
ákveðin samkvæmt samn-
ingi við Verkalýðsfélag
Akraness.
Fjárhagsáætlun:
Beiðnum um
styrki hafnað
Bæjarráð hefur hafnað er-
indum ýmissa aðila um
styrki en fjöldi beiðna um
styrki bíður afgreiðslu bæj-
aryfirvalda.
Meginregla bæjaryfirvalda
hefur verið að hafna styrk-
beiðnum aðila sem ekki
hafa fasta starfsemi í bæn-
um. Þannig hefur styrk-
beiðnum aðila á borð við
Stígamót og Vernd verið
hafnað. Meðal annarra sem
hafa fengið neikvætt svar
frá bæjarráði eru Hjálpar-
stofnun kirkjunnar, Átak um
stöðvun unglingadrykkju,
HM ‘95, og framkvæmda-
sjóður Háskólans á Akur-
eyri. Þá hafnaði bæjarráð
beiðni Elmars Þórðarsonar
talkennara um styrk vegna
námsferðar.
SÖLUMENN
ÓSKAST!
| Skagablaðið óskar eftir að róða fólk til óskriftarsölu í gegnum síma.
| Æskilegt er að viðkomandi sé ekki yngri en 20 óra og hafi aðgang að síma.
Ahugasamir leggi upplýsingar um nafn, aldur, starfsreynslu og símanúmer
inn í pósthólf 170, 300 Akranesi í síðasta lagi föstudaginn 24. febrúar n.k.
Róðið verður í störfin um næstu helgi og er miðaS við að
óskriftarsala hefjist strax í kjölfarið.