Skagablaðið - 20.02.1995, Blaðsíða 7
Skagablaðið
Af lífi og sál
20. febrúar 1995 7
Atvinnulausir
fá frítt í laugina
Bæjarstjórn hefur samþykkt að
fella niður aðgangseyri í sund-
laugarnar fyrir atvinnulausa og
heimila þeim sömu afnot af
tækjum í þreksal íþróttahússins
við Vesturgötu án endurgjalds.
Samkvæmt tillögu sem sam-
þykkt var í bæjarstjórn ber að
framvísa skráningarskírteini frá
vinnumiðlun þegar nota á þessa
þjónustu.
Jóhann áfram
með Bíóhöllina
Menningarmála- og safnanefnd
samþykkti fyrir skömntu að
mæla með því að samningur
við Jóhann Jóhannsson um
rekstur Bíóhallarinnar verði
framlengdur um þrjá mánuði.
Jóhann hefur rekið Bíóhöllina
undanfarna mánuði og sýnt eina
kvikmynd í viku, á sunnudög-
um og mánudögum.
Lindberg Már með verðlaunin, umvafinn félögum sínum á deildinni og starfsfólki, ásamt slökkviliðs-
stjóranum og Ingvari Ingvarssyni skólastjóra.
Vann í getraun slökkviliðs-
manna á eldvarnadaginn
Gangur lífsins
cfQKomuíheiminn
5. febrúai; drengur, 2.475 g, 50
sm. Foreldrar: Belinda Ottós-
dóttir og Jóhann Svansson,
Vesturgötu 59.
ó.febrúar, stúlka, 3.770 g, 50
sm. Foreldrar: Anna Lilja Daní-
elsdóttir og Einar G. Jóhannes-
son, Vesturgötu 66.
9. febrúar, drengur, 3.505 g, 53
sm. Foreldrar: Guðrún O. Guð-
jónsdóttir og Einars S. Valdi-
marsson, Bifröst, Borgarfirði.
10. febrúar, drengur, 3.100 g,
48 sm. Foreldrar: Elín Ragna
Þorsteinsdóttir og Omar Rögn-
valdsson, Esjubraut 18.
15.febrúar, drengur, 3.160 g,
50 sm. Foreldrar: Jófríður
Magnúsdóttir og Hannes G.
Guðmundsson, Hellisbraut 7,
Hellissandi.
Árný Dögg, fædd 2. febrúar,
skírð 12. febrúar. Foreldrar:
Kristján Frímannsson og Stef-
anía Egilsdóttir, Breiðavaði,
Austur-Húnavatnssýslu.
fl döfinni
Mánudagur 20.02.
Kvikmyndin Banvænn fallhraði
sýnd í Bíóhöllinni kl. 21.00.
Þriðjudagur 21.02.
Skákþing Akraness í Grunda-
skóla kl. 19.45.
Miðvikudagur 22.02.
Fundur hjá KFUK að Garða-
braut 1 kl. 20.30.
Fimmtudagur 21.02.
Fyrirbænaguðsþjónusta í Akra-
neskirkju kl. 18.30.
Föstudagur 24.02.
Leikklúbbur Nemendafélags
fjölbrautaskólans frumsýnir
söngleikinn Sögur úr hryllings-
búðinni á sal fjölbrautaskólans.
Sunnudagur 26.02.
Myndlistarsýningu í Kirkju-
hvoli lýkur.
Messa í Akraneskirkju kl.
14.00.
Úrvalsdeildin í körfu: ÍA-Snæ-
fell í íþróttahúsinu við Vestur-
götu kl. 20.00.
Sérdeildin í Brekkubæjar-
skóla fékk góða heimsókn
síðast liðinn fimmtudag þegar
Jóhannes K. Engilbertsson
slökkviliðsstjóri kom á deildina
í sérstökum embættiserindum.
Hann var fyrst og fremst kom-
inn að hitta heppinn nemanda í
deildinni, Lindberg Má Scott,
en hann var með eldvarnirnir á
hreinu og meðal hinna heppnu í
getraun sem Landssamband
slökkviliðsmanna efndi til á
eldvarnadaginn í desember síð-
ast liðnum. Slökkviliðsstjórinn
færði Lindberg Má stóreflis
pakka og félagar hans á deild-
inni fylgdust með því af mikilli
eftirvæntingu þegar Lindberg
Már opnaði pakkann. Fyrst dró
hann reykskynjara úr pakkan-
um en hrifningin meðal við-
staddra varð þó ekki algjör fyrr
en í ljós kom ferðahljómtæki
mikið. Síðast en ekki síst fékk
drengurinn þó viðurkenningar-
skjal frá Landssambandi
slökkviliðsmanna. Hann var sá
eini sem datt í lukkupottinn hér
á Akranesi en að sögn Jóhann-
esar fengu um 20 nemendur vítt
og breitt um landið viðurkenn-
ingu frá slökkviliðsmönnum í
kjölfar eldvarnadagsins.
Tíu krakkar eru á sérdeildinni
í Brekkubæjarskóla en hún
þjónar bænum öllum. Þrír
kennarar sjá um kennslu og að-
stoðarmenn eru sex talsins í
fimm og hálfu stöðugildi.
Jóhannes K. Engilbertsson slökkviliðsstjóri afhenti verðlaunin við
mikinn fögnuð félaga Lindbergs Más.
Eiríkur Þór Eiríksson fæddist á Akranesi 29. maí 1963. Kona hans er Ragnheið-
ur Jónasdóttir og þau eiga tvö börn; Ingunn Dögg er átta ára og Jónas Kári er
átta mánaða gamall.
í brennidepli
Kirkjuhvoll:
Auðursýnir
veflist í mars
Auður Vésteinsdóttir veflista-
maður opnar sýningu í lista-
setrinu Kirkjuhvoli 4. mars
næst komandi.
Næsta sunnudag lýkur hins
vegar myndlistarsýningu sem
staðið hefur í setrinu frá opnun
þess í janúar. Þar eru sýnd rúm-
lega 30 málverk í eigu Akra-
nesbæjar og ýmissa stofnana á
hans vegum. Sýningin í Kirkju-
hvoli er opin virka daga kl.
16.00-18.00 en 15.00-18.00 um
helgar.
Efnt hefur verið til ýmissa
uppákoma í tengslum við sýn-
inguna og nú um helgina söng
Kristján Elís Jónasson einsöng
fyrir sýningargesti.
Bifreið: Nissan Primera, árgerð 1991.
Myndirðu nota göng undir Hvalfjörð?
AÍveg hiklaust. Ég tel að þau geti orð-
ið okkur til framdráttar.
Áttu reiðhjól? Já, og nota það á sumr-
in, fer út að hjóla með fjölskyldunni.
Starfog laun: Ég er kerfisfræðingur
og annar eigenda Tölvuþjónustunnar.
Launin eru alltof lág.
Helsti kostur: Læt aðra dæma um það.
Matur og drykkur í uppáhaldi: Pipar-
steik með góðu rauðvíni.
Uppáhaldstónlist: Eric Clapton er í
miklu uppáhaldi hjá mér núna.
Hvað gerirðu ífrístundum þínum ? Þær
fara í að gera upp gamlan Toyota
jeppa. Svo er ég áhugamaður unt
stangveiði.
Uppáhaldsíþróttamaður: Nafni minn
Cantona.
Uppáhaldsstjórnmálamaður: Ég get
ekki nefnt neinn sérstakan.
Uppáhaldssjónvarpsefni: Ég horfi lítið
á sjónvarp en helst fréttir.
Leikari í uppáhaldi: Það er alltaf gam-
an að Sigurði Sigurjónssyni.
Hvaða bók ertu að lesa? Bókin „The
Unmaking of IBM” hefur verið á nátt-
borðinu hjá mér lengi. Hún segir frá
því hvernig skrifræðið hefur farið með
þetta stórfyrirtæki. Góð bók.
Hvaða kvikmynd sástu síðast? Ég sá
myndband sem ég man bara ekki hvað
heitir. Það hefur þá ekki verið merki-
legt.
Ertufarinn að skipuleggja sumarfríið?
Nei, en vonandi kemst ég í veiðiskap
og svo ferðumst við eitthvað hérna
innanlands.
Hvað meturðu mest ífari annarra?
Þegar fólk kemur hreint og beint fram.
Tekst þér að ná endum saman í heimil-
isbókhaldinu? Það gengur þokkalega.
Hvað líkar þér best við Akranes? Þetta
er góður og rólegur bær, það er gott að
vera hérna með börn.
Hvað veitir þér besta afslöppun? Ég
geri lítið af því að slappa af.
Hvað viltu að bæjarstjórn leggi höfuð-
áherslu á? Atvinnumál, leikskólamál
og gatnagerð í þessari forgangsröð.
Flokkarðu sorp? Nei.
Stundarðu líkamsrœkt? Ég spila fót-
bolta einu sinni í viku en það mætti
vera oftar.
Sœkirðu tónleika eða aðra menningar-
viðburði? Ég geri of lítið af því.
Strengdirðu einhver heit um áramót-
in? Það hef ég aldrei gert.
Eiríkur vill að bæjarstjórn leggi áherslu
á atvinnumál, leikskólamál og gatnagerð
í þessari forgangsröð.