Skagablaðið - 27.02.1995, Blaðsíða 8

Skagablaðið
8. TBL. • 12. ÁRG. «27. FEBRÚAR 1995
Skagamarkaður:
Þorskverðið
í 85 krónur
Meðalverð fyrir hvert kíló af
þorski á Skagamarkaði var
rúmlega 85 krónur í síðustu
viku. Verðið sveiflaðist á bil-
inu 117 krónur og niður í 70
krónur. Alls seldust 77,5
tonn á markaðnum dagana
17. til 23. febrúar fyrir rúmar
sex milljónir króna.
Nær helmingur aflans var
þorskur, alls 37,5 tonn, og
nam heildarverðmæti hans
3,2 milljónum króna. 12,3
tonn seldust af ýsu og fór
hvert kíló á að meðaltali
94,81 krónu.
Nær 14 tonn seldust af
ufsa og var meðalverð á
hvert kíló 70 krónur. Nær 8
tonn seldust af steinbíti á
56,15 krónur að meðaltali
per kíló.
Meðalverð allra tegunda
var 77,86 krónur á kíió.
Höfnin:
Loðnaní
fyrirrúmi
Loðnuskipin settu svip sinn
á lífið við höfnin í síðustu
viku. Loðnuskipin Víkingur
og Höfrungur lönduðu bæði
og loðna var brædd og fryst
í gríð og erg. Tuttugu línu-
bátar lönduðu jafnframt
tæplega 62 tonnum dagana
16. til 22. febrúar, sam-
kvæmt upplýsingum frá
hafnarvoginni.
Línubátarnir komust einu
sinni til fjórum sinnum á sjó
og afli þeirra var afar mis-
jafn. Bresi og Hrólfur stóðu
þar upp úr með um og innan
við tíu tonn í fjórum veiði-
ferðum hvor. Énok fékk rúm
sjö tonn í tjórum róðrum,
Síldin um 5,5 tonn í þremur
veiðiferðum og Keilir fékk
svipað magn úr jafnmörgum
róðrum.
Þá reri Bergþór tvisvar að
vitja neta og dró samtals
1.349 kíló á áðurnefndu
tímabili.
Frystihús HB hf. eitt hið fullkomnasta á landinu:
Nýja vinnslulínan í notkun
Ný vinnslulína var tekin í notk-
un í frystihúsi Haraldar Böðv-
arssonar hf. á föstudaginn.
Nýja línan kostar um það bil 50
milljónir króna og að sögn
Sturlaugs Sturlaugssonar að-
stoðarframkvæmdastjóra
verður frystihúsið eitt hið full-
komnasta á landinu með til-
komu hennar.
- Nýja línan var prófuð á föstu-
daginn og reyndist vel. Starfs-
fólkið tekur vel í breytingarnar
enda á vinnuaðstaðan að batna
með tilkomu þessarar línu auk
þess sem afköstin aukast, segir
Sturlaugur við Skagablaðið.
Hann segir hins vegar að starfs-
fólki verði ekki fækkað þrátt
fyrir aukna tæknivæðingu.
Sem fyrr segir kostaði nýja
línan um 50 milljónir króna en
Sturlaugur bendir á að velta fyr-
irtækisins var um milljarður
króna í fyrra. Línan var smíðuð
hjá Skipasmíðastöðinni Þorgeir
og Ellert hf. en hugbúnaður var
gerður hjá Marel hf.
Helsta nýjungin í nýju
vinnslulínunni felst í tölvu-
stýrðri niðurskurðar- og flokk-
unarvél.
aftur í gag
Björgunarsveitin Hjálpin hefur
tekið björgunarbát sinn aftur í
gagnið og er hann nú til taks
þegar á þarf að halda.
Báturinn var sjósettur og prufu-
keyrður fyrir rúmri viku og tók
þátt í æfingu björgunarsveita
við Faxaflóa á föstudaginn.
Eldur kom upp í bátnum fyrir
rúmum tíu mánuðum og hafa
sveitarmenn unnið að endurbót-
um og breytingum á honum
síðan. Tryggingar bættu tjónið
að mestu leyti.
Bátur björgunarsveitarinnar
var sjósettur fyrir viku og er nú
til taks þegar á þarfað halda.
Kirkjuhvoll:
Leita eftir
stuðningi
bæjarbúa
Hússtjórn listasetursins
Kirkjuhvols leitar nú eftir
stuðningi bæjarbúa með
því að koma á styrktarfé-
iagakerfi. Þetta er gert til
þess að tryggja tilveru
starfseminnar, að sögn
hússtjórnarinnar.
í bréfi sem hússtjórnin
sendir bæjarbúum segir að
kerfið gangi þannig fyrir sig
að þeir sem vilji styðja við
bakið á starfseminni láti
ákveðna upphæð af hendi
rakna reglulega og verða
framlögin að vild hvers og
eins. Ráðgert er að gengið
verði í hús um næstu helgi
til að fylgja bréfinu eftir.
Tilboð í lagnir á bæjarskrifstofum:
Ármann með lægsta boð
Raftækjavinnustofa Armanns sem nam tæplega hálfri ann-
Ármannssonar átti lægsta til-
boð í fjarskiptalagnir í nýju
húsnæði bæjarins í stjórn-
sýsluhúsinu sem flutt verður í
innan tíðar. Aðeins eitt tilboð
var hærra en kostnaðaráætlun
arri milljón króna.
Tilboð Raftækjavinnustofu
Armanns Armannssonar nam
innan við einni milljón. Málið
verður afgreitt í bæjarstjórn á
morgun.
Björgunarsveitin Hjálpin:
Börgunarbatu
Bæjaryfirvöld fá óvænt bréf um lóðareign:
Gerir tilkall til hluta
af jörðinni Æðarodda
Guðbrandur Jónsson hefur rit-
að bæjarráði bréf þar sem
hann gerir tilkall til hluta jarðar-
innar Æðarodda. Guðbrandur
segist með bréfi sínu tilkynna
bæjarráði að hluti jarðarinnar
sé eign hans og hafi lengi verið
og leggur fram fasteignamat
máli sínu til stuðnings.
Bæjaryfirvöld viðurkenna hins
vegar ekki eignaryfirráð Guð-
brands yfir jörðinni, enda sé hún
þinglýst eign bæjarins.
í bréfi Guðbrands segir orð-
rétt:
„Það var langafi minn hr. Jón
Magnússon, trésmiður sem þá
bjó að Bergstöðum, Akranesi,
sem upphaflega átti Æðarodd-
ann. Hr. Jón var bróðir Magnús-
ar Magnússonar í Miðvogi og
áttu þeir hvor um sig mikið
hestastóð sem hafði haga í Æð-
aroddalandinu. Afi minn Hjör-
leifur Magnús Jónsson var
einkaerfingi Jóns Magnússonar
en var frá þriðja degi lífsins
uppeldissonur Magnúsar í Mið-
vogi og var á milli þeirra mjög
kært samband meðan Magnús
lifði. Hr. Jón Magnússon tré-
smiður dó árið 1919.
Það er því hr. bæjarstjóri að
ég vil vinsamlegast fara fram á
það við yður að þér gerið grein
fyrir afskiptum Akraneskaup-
staðar af Æðarodda landi, áður,
nú og í næstu framtíð með tilliti
til skipulags og einnig langar
mig til að krefja yður svara um
allt hugsanlegt jarðrask sem
Æðaroddi hefur mátt þola fram
á þennan dag.“