Skagablaðið - 03.04.1995, Blaðsíða 4
4 3. apríl 1995
Stjómmál
Skagablaðið
Réttlæti - trúnaður
Hvað er réttlæti? Er það rétt-
læti að efnalítið fólk á sífellt erf-
iðara með að kosta börn sín til
náms? Er það réttlæti að launa-
misrétti vex hröðum skrefum?
Er það réttlæti að sífellt meiri
auður skuli safnast á sífellt færri
hendur? Er það réttlæti að á
meðan sumir borga háa skatta af
launum undir eitt hundrað þús-
undum á mánuði, skuli aðrir
sleppa við skattgreiðslur af
margfalt hærri tekjum?
Búum við í réttlátu
þjóðfélagi?
Við sem stöndum að Þjóð-
vaka eigum það sameiginlegt að
vilja breyta því samfélagi sem
við búum í. Við horfumst í augu
við það að samfélag dagsins í
dag er á vissan hátt óréttlátara
en samfélag gærdagsins og slíka
öfugþróun er erfitt að horfa upp
á.
Fyrir okkur sem trúum því að
allir menn séu fæddir jafnir og
að allir eigi rétt á jöfnum mögu-
leikum í sínu lífi, óháð efna-
hagslegum bakgrunni, búsetu
eða kynferði, er óviðunandi að
horfa aðgerðarlaus á slíka þró-
un, slíka afturför. Við teljum því
að það sé siðferðileg skylda
okkar að snúa vörn í sókn.
Og slíkt erum við að gera
með stofnun Þjóðvaka.
Tekjujöfnun og
skattbreytingar
Við viljum breyta skipan
skattamála, draga úr skattpín-
ingu láglaunafólks og að þeir
sem meira mega sín, bæði ein-
staklingar og fyrirtæki, leggi
meira af mörkum til samfélags-
ins. Við bendum á að á meðan
skuldir fólks og vanskil eru
skattlögð, eru hreinar tekjur af
fjármagni skattfrjálsar. I þessu
er ekkert réttlæti.
Við teljum að réttlátari tekju-
skipting og jöfnun lífskjara sé
algjört forgangsverkefni nú-
tímaþjóðfélags.
Við teljum að réttur einstak-
lingsins á sviði velferðarmála,
svo sem heilbrigðis-, félags- og
menntamála, sé grundvallarrétt-
ur í samfélaginu og að tryggja
skuli hann í stjórnarskrá.
Við viljum efla valddreifingu,
m.a. með því að styrkja sveitar-
stjómarstigið og flytja verkefni
frá ríkinu til sveitarstjórna, frá
hinu miðstýrða ríkisvaldi nær
fólkinu.
Við viljum endurskoða sjáv-
arútvegsstefnuna með sameign
þjóðarinnar á fiskimiðum að
leiðarljósi.
Trúnaður við kjósendur
Kjósendur eru vanir því að
flokkarnir lofi öllu fögru fyrir
kosningar en þau fyrirheit
gleymist að þeim loknum. Þjóð-
vaki hefur hins vegar sagt að
orð og efndir verði að fara sam-
an svo trúnaður ríki milli kjós-
enda og okkar sem viljum
þiggja umboð þeirra til setu á
Alþingi.
Þess vegna hefur Þjóðvaki
sagt að einungis aðild að félags-
hyggjustjórn komi til greina að
kosningum loknum. Við skil-
greinum okkur sem félags-
hyggjuafl og það væri ekki í
samræmi við okkar stefnuskrá
að mynda stjórn með öðrum en
félagshyggjufólki. Við höfum
jafnframt skorað á aðra félags-
hyggjuflokka að gera slíkt hið
„Við horfumst í
augu við það að
samfélag dagsins
í dag er á vissan
hátt óréttlátara
en samfélag gær-
dagsins og slíka
öfugþróun er
erfitt að horfa
upp á“
sama. Ég hef í ljósi þess á sam-
eiginlegum framboðsfundum
skorað á frambjóðendur félags-
hyggjutlokkanna hér á Vestur-
fíunólfur
Ágústsson
skrifar
landi að lýsa því yfir að þeir
muni ekki styðja rfkisstjórn
undir forystu Sjálfstæðismanna
eftir kosninga. Jóhann Arsæls-
son hefur sagt að hann telji slíka
stjórn ekki raunhæfan mögu-
leika, Ingibjörg Pálmadóttir
segir að Framsóknarflokkurinn
sé óbundinn og opinn og Hans-
ína Einarsdóttir neitar ítrekað að
svara spumingunni. Þetta eru
svörin sem kjósendur fá um það
hvað þetta fólk ætlar að gera eft-
ir 8. apríl. Gísla þarf ekki að
spyrja.
Okkar tími er kominn!
Þjóðvaki hefur kynnt kjós-
endum stefnu sína. Menn hafa
sagt að í þeirri stefnu sé ekkert
nýtt í velferðar- og félagsmál-
um. Við ætlum okkur ekki það
að hafa fundið upp jafnaðar-
stefnuna. En við ætlum okkur
það að hefja hana til vegs og
virðingar í íslensku samfélagi.
Það þarf meira jafnrétti, meira
frelsi og meira þræðralag í það
samfélag. Okkar tími er kom-
inn!
Runólfur skipar
1. sæti á lista Þjóðvaka
Vinna er velferð
Agœti lesaitdi.
Þegar þetta blað berst ykkur
eru aðeins örfáir dagar þangað
til þið gangið að kjörborðinu.
Nú átt þú val. Vilt þú óbreytt
stjórnarfar, vilt þú ríkisstjóm
Sjálfstæðisflokks og Alþýðu-
flokks? Stjórn flokka sem hafa
háð heilagt stríð allt kjörtíma-
bilið. Flokka sem skilja 7 þús-
und manns án atvinnu í lok kjör-
tímabilsins. Ríkisstjóm sem
skilar menntamálum og heil-
brigðismálum í uppnámi.
Sjálfstæðismenn segja í dag:
Við erum ekki með gylliboð til
kjósenda eins og stjórnarand-
stöðuflokkarnir, en við bjóðum
ykkur áframhaldandi stöðug-
íeika. En svokallaður stöðug-
leiki felst í því að verðbólga
hefur ekki vaxið á kjörtímabil-
inu en það var ríkisstjórn Stein-
gríms Hermannssonar sem kvað
verðbólgudrauginn í kútinn.
Ekki er úr vegi að rifja upp lof-
orð Sjálfstæðisflokksins við síð-
ustu kosningar og hverjar eru
efndirnar.
Þeir ætluðu að hækka skatt-
leysismörkin en raunin er að
þeir lækkuðu skattleysismörkin.
Þeir lofuðu að lækka orku-
verð en raunin er að þeir lögðu
virðisaukaskatt á orku og hækk-
uðu þar með orkuverð verulega.
Þeir lofuðu gjörbreyttri sjáv-
arútvegsstefnu en stóðu ekki við
það.
Nú tala þeir aðeins um gylli-
boð stjórnarandstöðunnar.
Vinna er velferð
Við Framsóknarmenn leggj-
unt höfuðáherslu á atvinnumál-
in í þessari kosningabaráttu.
Gott mannlíf byggist á því að
menn hafi atvinnu og viðunandi
kjör. Við teljum að með sam-
stilltu átaki þjóðarinnar allrar
megi vinna bug á því atvinnu-
leysi sem hér hefur ríkt.
Við boðum þjóðarátak um
aukin atvinnutækifæri.
Við teljum nauðsynlegt að
leggja 1 milljarð til nýsköpunar
í atvinnulífinu og Iðnþróunar-
sjóði verði breytt í áhættulána-
sjóð til að gera ungu fólki kleift
að hefja atvinnurekstur án þess
að leggja alla sína framtíð að
veði.
Við viljum að allir hafi jafnan
aðgang að heilbrigðisþjónustu
óháð efnahag. Á síðasta kjör-
tímabili urðu ntiklar breytingar í
þá veru að sjúklingar þurfa nú
að borga margfalt meira fyrir
heilbrigðisþjónustuna sem er
þess valdandi að efnalítið fólk
veigrar sér við að leita til lækn-
is.
Við viljum setja lög um
greiðsluaðlögun sem gefur ein-
staklingum í alvarlegum
greiðsluerfiðleikum möguleika
á því að ná stjórn á skuldavanda
sínum sem hefur m.a. skapast
vegna minnkandi atvinnu.
Áfangar í jafnréttisbaráttu
Ég sem þetta skrifa hef unnið
í 14 ár að stjórnmálum, fyrst
sem bæjarfulltrúi í 10 ár, en
þegar ég fyrst settist í bæjar-
„Við Framsókn-
armenn leggjum
höfuðáherslu á
atvinnumálin í
þessari kosn-
ingabaráttu. Gott
mannlíf byggist á
því að menn hafi
atvinnu og viðun-
andi kjör. Við telj-
um að með sam-
stilltu átaki þjóð-
arinnar allrar
megi vinna bug á
því atvinnuleysi
sem hér hefur
ríkt“
Ingibjörg
Pálmadóttir
skrifar
stjórn ásamt tveimur öðrum á-
gætum konum hafði aldrei þá í
40 ára sögu Akranesbæjar setið
kona sem aðalmaður í bæjar-
stjórn, en nú er sem betur fer
breyting á. Ég bauð mig fram til
Alþingis fyrir fjórum árum og
leiddi lista Framsóknarmanna,
ein fárra kvenna í hefðbundnum
stjómmálaflokki. Nú stefni ég
ákveðið að því að verða 1. þing-
maður Vesturlandskjördæmis en
áður hefur kona ekki ^egnt því
embætti hér á landi. Eg tel það
stóran áfanga í jafnréttisbarátt-
unni.
I síðustu kosningum fyrir
fjómm árum vantaði mig aðeins
40 atkvæði til þess að ná þess-
um árangri. Ég tel mikilvægt að
ná þeim árangri í þessum kosn-
ingum, en til þess þarf ég mik-
inn stuðning kjósenda, því í
starfi stefni ég áfram. Ég er til-
búin að leggja mikla vinnu af
mörkum fyrir kjördæmið, en ég
heyri raddir um það hér á Akra-
nesi að ég eigi svo öruggt sæti á
þingi að mig þurfi ekki að
styðja. En sá sem ætlar að hafa
áhrif þarf gott kjörfylgi.
Ef starf mitt er einhvers virði
fyrir þig þá bið ég þig ágæti les-
andi að setja X við B á laugar-
daginn.
- Ingibjörg er
alþingismaður og
skipar 1. sœtið á lista
Framsóknarflokksins.
BUSETI
HÚSNÆÐISSAMVINNUFÉLAG
AÐALFUNDUR 1995
Aðalfundur Búseta hsf., Akranesi, verður
haldinn á Barbró þriðjudaginn 11. apríl nk. kl. 20.30.
f DACSKRÁ FUNDAR/NS: 'N
1. Ársuppgjör lagt fram. 2. Skýrsla stjórnar
V 3. Kosning formanns til eins árs. 4. Önnur mál. J
LAUSAR ÍBÚÐIR TIL UMSÓKNAR:
3ja herbergja íbúð í félagslega kerfinu
4ra herbergja íbúð á almennum kjörum.
Uppl. gefa Valdimar í síma 12246 og Ella í síma 12941.