Bæjarblaðið - 15.04.1983, Blaðsíða 3

B«Jorblð<fid
3
Sjálfsbjörg vígir nýtt húsnæði
Eins og fram kom í Bæjarblaðinu
nýlega festi Sjálfsbjörg á Akranesi
kaup á hluta af húseigninni að
Suðurgötu 36 undir starfsemi sína.
Athygli hefur vakið dugnaður og
stórhugur þessa litla félags og
félagsmanna þess, við að eignast
sitt eigið húsnæði og hafa margar
fórnfúsar hendur lagt þarna hönd á
plóginn svo þessi draumur gæti
ræst með húsakaupin.
Það var síðan s.l. laugardag, 9.
apríl, sem húsið var formlega vígt,
þótt starfsemin sjálf hefjist ekki fyrr
en í haust. Við þessa athöfn flutti
formaður félagsins, Halldór M.
Sigurðsson ávarp, þar sem hann
sagði frá starfsemi félagsins hér á
Akranesi, tilurð þess og framtíð, og
einnig frá ýmsum velunnurum
þess. Bæjarblaðið fór þess á leit
við Halldór að fá að birta ávarp
hans til fróðleiks fyrir lesendur
blaðsins. Varð hann góðfúslega
við þeirri beiðni og fer ávarpið hér á
eftir.
Það er ekki óeðlilegt aö við
spyrjum hver er tilgangurinn með
stofnun slíks félags sem Sjálfs-
björg er. Því skal ég leitast til að
svara í stuttu máli.
Fyrir 25 árum síðan eða nánar
tiltekið árið 1958, stofnar fatlað og
dugmikið og framsýnt fólk sitt eigið
félag norður á Siglufirði sem varð
fyrsta Sjálfsbjargarfélagið á fsl-
andi. Stofnun þessa samtaka er
sérstök fyrir það, að þeim standa
einungis fólk með skerta lífsorku.
Fólk þetta hefur sameinast og
starfar nú í 13 félagsdeildum, með
um það bil 1300 meðlimum.
Það eru ekki mörg ár síðan að
fötlun var feimnismál og hver sá,
sem ekki gat gengið til vinnu var
ekki talinn til manna. En þegar
þessi samtök verða til hefst betri og
bjartari tíð fyrir fatlaða, fólkið sam-
einast, byggir upp eigin kröfugerð
um þarfir þessa hóps, eldmóður
lífsins eykst og magnast.
Sjálfsbjörg félag fatlaðra á Akra-
nesi og nágrenni var stofnað 10.
maí 1970. Fyrsta stjórn félagsins
var Karen Guðlaugsdóttir for-
maður og aðalhvatamaður að
stofnun félagsins, Guðjón Guð-
mundsson gjaldkeri, Halldór M.
Sigurðsson ritari, meðstjómendur
Guðlaug Björnsdóttir og Sigurður
Jónsson, varaform. Guðni Hall-
dórsson. Varastjórn Jóhann
Pétursson, Hallgrímur Guðmunds-
son, Helgi Guðmundsson og Jó-
hanna Þorbjarnardóttir.
Frá stofnun félagsins hafa
Jóhanna, Guðni og Halldór starfað
í öllum stjórnum og Ingunn og Sig-
ríkur í flestum. Svo sem fundar-
gerðir félagsins bera með sér hafa
helstsu baráttumál félagsins verið
endurhæfing öryrkja. Þegar það
var í sjónmáli að heilsugæslustöð
yrði opnuð við Sjúkrahúsið gaf
Sjálfsbjörg stöðinni mjög þarft og
fullkomið þjálfunartæki. Þá má
MIÐIER
MÖGULEIKI
Fjöldi stórvinninga á nýju happdrættisári
Mánaðarlega verður dregið um íbúðarvinning; 8-10
bílavinninga; 25 ferðavinninga og hundruð húsbúnaðar-
vinninga.
Aðalvinningurinn sem jafnframt er stærsti vinningur á einn
miða hérlendis er húseign að eigin vali fyrir 1.5 millj. króna
(dregið út í apríl '84).
11 (búðavinningar 100 bílavinningar 300 ferðavinningar
á 400 þús. kr. hver. á 75 þús. kr. hver. á 25 þús. kr. hver.
600 húsbúnaðarvinningar
á 7.500 kr. hver
og 6188 húsbúnaðarvinningar
á 1.500 kr. hver.
HAPPDRÆTTI 83-84
Umboð
á Akranesi
Kirkjubraut 5, Akranesi
Sími 93-1986
Frá vfglsuathöfninniá laugardaginn. Mynd: Dúi
geta þess að Sjálfsbjörg gekkst
fyrir því að sjúkraþjálfari héðan af
Akranesi var styrktur til náms er-
lendis. Við höfum lagt lítillega pen-
inga í sjálfsbjargarhúsið í Reykja-
vík og við höfum lagt peninga til
kaupa innanstokksmuna í gisti-
íbúðir að Hátúni 12. Þá hefur
félagið lagt sig fram um að beita
sér fyrir hvers konar málefnum,
sem bæta réttarstöðu fatlaðs fólks
og þótt sumum finnist ekki nóg að
gert, þá er markvisst unnið að
þessum málum.
Öryrkjavinna (verndaður vinnu-
staður) er áhugamál sem er jafn-
gamalt félaginu. Það þarf ekki að
fjölyrða hvers virði vinnan er
manninum, því allt okkar lífskapp-
hlaup fæst fyrir peninga og pen-
ingana fáum við flest fyrir vinnu, en
velferðarþjóðfélagið er byggt upp
eingöngu með þarfir þess heil-
brigða í huga, hinir gleymdust.
Þetta sýnir brýna þörf á skjótum
úrbótum við teljum nú að mál þetta
sé í höfn og við fögnum öllum að-
gerðum sem beinast að bættum
lífskjörum fatlaðs fólks. Við munum
því leggja þessu máli lið, svo sem
við megum. Við tjáum okkur fús til
samstarfs við hvern þann aðila,
sem reynist þess megnugur að
koma á fót öryrkjavinnu hér á
Akranesi.
Þriðja stórmálið í okkar huga
hefur lengi verið að eignast eigið
húsnæði. Því marki er náð og
Sjálfsbjörg festi kaup á hluta hús-
eignarinnar að Suðurgötu 36 sern
mun vera 12 1/2% hússins. Aö
þetta varð hægt eigum við að
þakka bæjarbúum, sem svo dyggi-
lega hafa reynst okkur í gegnum
árin með stuðningi við málefni
okkar, en svo sem kunnugt er erum
við með tvö happdrætti árlega svo
og merkja og blaðasölu, eru það
okkar föstu tekjur. Sölulaunin sem
við fáum, eru af happdrættinu 60%
sem er hreinn ágóði. Fleira kemur
til. Árið 1977 færði Ármann Sigur-
björnsson Akurgerði 6 félaginu ný-
kr. 10.000 en hann andaðist 28.
ágúst 1978. Hann lét þess getið
nokkuð fyrir andlát sitt að það væri
hans ósk og vilji að gkr. 1.000.-
000,- af eignum hans yrði afhentar
félaginu Sjálfsbjörgu á Akranesi til,
þeirrar ráðstöfunar sem það helst
óskaði. Þessa upphæð færði félag-
inu eftirlifandi systir Ármanns, frú
Elísabet Sveinbjörnsdóttir samkv.
gjafabréfi 14. júlí 1979. Frú Ólafína
Ólafsdóttir, Dvalarheimilinu Höfða
gaf félaginu samkv. gjafabréfi 23.
jan. 1981 kr. 1.000.000.- til minn-
ingar um son sinn Heiðar Ólafsson
sem andaðist 27. des. 1978.
Skipasmiðafélag Akraness gaf
175.000.- Árið 1982 gaf sjúkra-
sjóður Verkalýðsfélags Akraness
kr. 30.000.- og Bæjarsjóður
Akraness veitti okkur í fyrra og
aftur nú í ár kr. 25.000.- í hvort
skipti. Stundum hafa sölubörn
gefið okkur hluta af sölulaunum
sínum og að loknum síðustu for-
setakosningum gáfu stuðnings-
menn Alberts Guðmundssonar
Sjálfsbjörgu kr. 12.000,- sem
reyndust vera í sjóði umfram gjöld.
Fyrsta gjöfin sem til félagsins barst
var frá Jóhanni Stefánssyni og frú
til minningar um son þeirra látinn.
Síðan hafa börn hér í bænum
haldið hlutaveltu og gefið félaginu
síðan ágóðann.
Að lokum viljum við þakka öllum
þeim sem rétt hafa félaginu hjálp-
arhönd, og hér hafa verið taldir,
svo og hinum sem ekki hafa verið
nefndir. Við þökkum þeim af alhug
fyrir að gera okkur kleift að funda í
eigin húsi. Án skilnings og velvildar
hefði það ekki verið fært.
Að svo búnu lýsi ég húskynnum
þessum sem formlega tekin í notk-
un og bið þess að blessun Guðs
fylgi því starfi, sem hér á eftir að
farafram.
Að athöfninni lokinni spjallaði
Bæjarblaðið stuttlega við þá Hall-
dór M. Sigurðsson og Guðna Hall-
dórsson og kom fram hjá þeim að
hugmyndin hjá félaginu væri sú að
opna skrifstofu í nýja húsnæðinu
með haustinu, en þá aðeins hluta
úr degi og mundi skrifstofan sjá um
að veita því fatlaða fólki upplýs-
ingar sem til þeirra leita um hina
ýmsu málaflokka sem það varðar
svo sem Tryggingamál, fjármál,
farartækjamál, félagsmál og at-
vinnumál. Einnig kom fram hjá
þeim að síðasta landsþing Sjálfs-
bjargar var haldið á vegum Sjálfs-
bjargar á Akranesi og fór þing-
haldið fram í Heiðarskóla og lögðu
félagar bæði hér á Akranesi og í
sveitunum hér fyrir ofan mikið að
mörkum svo þingið gæti farið sem
best fram og mikil vinna var unnin
fyrir sama og enga þóknun.
Þeir báðu síðan blaðið um að
koma á framfæri miklu þakklæti til
allra þeirra aðila sem hafa veitt
félaginu aðstöðu til þess að halda
fundi sína í gegnum árin endur-
gjaldslaust áður en tilkoma nýja
húsnæðisins varðtil.
Eftir að hafa rætt við þá félaga
Halldór og Guðna duldist okkur
ekki að þótt Sjálfsbjargarfélagar á
Akranesi keppist ekki mikið um að
vera í sviðsljósinu með sína starf-
semi, þá hafa þeir alltaf verið að
vinna að hagsmunamáli sínu að
tryggja fötluðum á Akranesi eðli-
legt líf og örugga framtíð. Þeir
hafa unnið ómetanlegt starf sjálf-
um sér og öðrum til handa.