Bæjarblaðið - 08.11.1984, Blaðsíða 3
3
BoeJorblodid
Sýningargestir Skagaleikflokksins teknir tali:
Almenn ánægja
„Spenntir gikkir, “gamanleikur-
inn sem Skagaleikflokkurinn hef-
ur nú til sýninga hefur vakið mikla
athygli og hefur aðsókn verið góð.
Bæjarblaðið lagði leið sína á
þriðju sýningu flokksins, sem var
á mánudagskvöld. í hléi tókum
við nokkra sýningargesti tali og
spurðum þá hvernig þeim líkaði
verkið, það sem af væri?
Gréta og Heiða:
„Jú, þaðergaman."
Óskar Magnússon AK 177:
Ðoðinn upp
á morgun
Uppboðið á togaranum
Óskari Magnússyni fer fram á
skrifstofu Bæjarfógetaem-
bættisins hér á Akranesi á
morgun, föstudaginn 9. nóv-
emberkl. 14,30.
Eins og Bæjarblaðið hefur
sagt frá mun nú afráðið að
Krossvík hf. bjóði í skipið og
samkvæmt heimildum Bæjar-
blaðsins er ekki vitað að aðrir
aðilar en kröfuhafar muni
bjóða í það, þó er ekkert hægt
að útiloka í þeim málum en
Ijóst er að hér í bæ hefur allt
verið gert sem í valdi heima-
manna er til að halda skipinu í
bænum.
Við verðum svo bara að
vona hið besta og bíða til
morguns en þá verður Ijóst
hvort tekist hefur að tryggja
þessu mikla atvinnutæki
áframhaldandi útgerð héðan.
Ingimundur Sigurpálsson,
bæjarstjóri:
„Það er gaman að þessu og þetta
er jafnvel léttara en ég bjóst við.
Ég er búinn að sjá öll þau leikrit
sem Skagaleikflokkurinn hefur
sett upp síðan ég kom hingað og
þetta er þá það þriðja. Mér hefur
alltaf þótt þetta vera býsna gott
hjá þeim."
Ragnheiður Þóra Grímsdóttir,
kennari:
„Mér finnst þetta alveg stórkost-
lega gott og þetta er jafnvel betra
en ég bjóst við. Mér finnst leikur-
inn, söngurinn og undirspilið mjög
gott og ekki síst leikmyndin hún er
mjög góð.“
Sigurður Ólafsson, forstöðu-
maður:
„Mér finnst þetta alveg prýðilegt
og reyndar svipað og ég bjóst við,
létt og gott og með því skemmti-
legra sem Skagaleikflokkurinn
hefurtekið fyrir."
Hinrik Haraldsson, hárskeri:
„Þetta er alveg stórskemmtilegt.
Það er margt gott í þessu og sér-
staklega finnst mér þeir Guðjón
og Kristján leika vel.“
Kristín Jónsdóttir, dyravörður
í Bíóhöllinni:
„Mér finnst mjög gaman. Alla-
vega lofar fyrrihlutinn góðu um
framhaldið."
Akranesvegamótin:
„Engin endanleg
breyting fyrr en
næsta sumar“
- segir umdæmisverkfræðingur Vegagerðarinnar
Akranesvegamótin nýju, þar
sem Akranesvegur nr. 51 tengis
hringveginum hafa oft komið ti
umræðu hér í Bæjarblaðinu, eða
allt frá því að þau voru opnuð í
byrjun júní sl. Um miðjan sept-
ember sl. sendi svo Bæjarstjórn
Akraness bréf til vegagerðarinn-
ar, eins og sagt hefur verið frá hér
í blaðinu. í bréfi þessu vakti
bæjarstjórn athygli á þeirri hættu
sem stafað gæti af þessum vega-
mótum og beindi þeim tilmælum
til vegagerðarinnar að gerðar
yrðu tillögur um breytingar þarna
sem fyrst.
Til að forvitnast um framgang
þessa máls hafði Bæjarblaðið
samband við Birgi Guðmundsson
umdæmisverkfræðing Vegagerð-
arinnar á Vesturlandi og spurðum
við Birgi hvort eitthvað hefði verið
ákveðið í sambandi við breytingar
þarna?
„Við reiknum nú ekki með því
að nein endanleg breyting á þess-
um vegamótum verði gerð fyrr en
næsta surnar", sagði Birgir.
„Næsta sumar er meiningin að
ganga frá nýjum vegi inn að
Lambhaga og leggja slitlag á það
sem eftir er frá Urriðaá að Laxá og
þann nýja kafla sem lagður
verður. Við erum að skoða þessi
mál svolítið núna og ég tel að ef
breytingar verði gerðar þarna þá
verði þær einhverjar litlar breyt-
ingar á sjálfum gatnamótunum,
t.d. með því að skipta þeim með
eyju eða eitthvað í þá áttina."
Er ekki ráðgert að gera neitt til
að auðkenna vegamótin beturfyr-
ir veturinn. Nú sjást þau mjög illa í
myrkri og eru kröpp og gætu því
reynst hættuleg í myrkri?
Aðalfundur Sundfélags Akra-
ness var haldinn fyrir stuttu. Á
fundinum var kosinn nýrformaður
félagsins, Sturlaugur Sturlaugs-
son, en Guðjón Guðmundsson
fyrrverandi formaður félagsins er
að flytjast til Danmerkur.
Fjölmenn stjórn var auk þess
kosin og skipa hana þessir: Viðar
„Það er rétt þau sjást illa og það
vandamál er víða hjá okkur. Við
höfum rætt merkingarmál nokkuð
á fundum undanfarið og líklega
verður reynt að koma fyrir ein-
hverjum sjálflýsandi merkjum við
þessi vegamót."
Birgir sagði jafnframt að fljót-
lega yrði boðin út vinna við undir-
byggingu nýs vegar í framhaldi af
því sem lagt var í sumar og sér
þætti líklegt að þá yrði jafnframt
hugað að breytingum á vegamót-
unum.
Einarsson varaform., Sigríður
Guðmundsdóttir, gjaldkeri, Ing-
unn Ríkaharðsdóttir, ritari, Ragn-
heiður Gísladóttir, spjaldskrárr.,
og meðstjórnendur eru Hallur
Gunnlaugsson , Guðrún M. Hall-
dórsdóttir, Hanna Rúna Jóhanns-
dóttir og María Gunnbjörnsdóttir.
Sturlaugur
formaður
Bækur og ritsöfn á hagstæðu verði
Hvergi meira úrval af gjafabókum á
einum stað
íslendingasögur 3 útgáfur
Öll íslensk ritsöfn
Biblíur og sálmabækur
Þjóðlegur fróðleikur
Endurminningabækur
Ferðabækur
Byggðasögur
Ættarskrár
Jarðfræðirit
Landakortabækur
Listaverkabækur
Ljóðabækur
Matreiðslubækur
Blómabækur
Nótnabækur
Föndurbækur
Orðabækur
Barnabækur
Skáldsögur eftir íslenska og
erlenda höfunda
Vorum að taka upp mikið úrval af ódýrum bókum
Gamlar og nýjar bækur á einum stað
Leitið ekki langt yfir skammt
Tryggið ykkur ódýrar bækur í Bókaskemmunni fyrir jólin
i BÓKASKEMMAN
Stekkjarholti 8-10 — Sími: 2840