Fréttir - Eyjafréttir - 19.07.2012, Blaðsíða 2

Dagana 17.-19. júlí eru 385 ár liðin
frá Tyrkjaráninu. Í tilefni af því
verður boðið upp á sögugöngu á
morgun, fimmtudaginn 19. júlí, um
slóðir Tyrkjaránsins sem lýkur með
dagskrá við Skansinn.
Sameinast verður í bíla við Safna -
húsið kl. 18:00. Þeir sem tök hafa á
eru vinsamlegast beðnir um að
mæta þá og taka með sér farþega.
Bílstjórum verður ekið að Brimurð
að dagskrá lokinni til að sækja bíla
sína.
Lagt verður af stað úr Brimurð kl.
18:15 og gengið sem leið liggur
niður á Skansinn. Staldrað verður
við á nokkrum stöðum og Ragnar
Óskarsson, kennari, lýsir atburða -
rásinni þessa þrjá örlagaríku daga.
Kl. 19:30 hefst dagskrá við Skans -
inn. Þar munu börn af leiklistar -
námskeiði Leikfélags Vestmanna -
eyja flytja stuttan leikþátt, byggðan
á sögu Tyrkjaránsins.
Þá verður flutt stutt frásögn sr.
Ólafs Egilssonar af atburðarás
daganna og nöfn hertekinna lesin
upp. Dagskránni lýkur með sama
hætti og Tyrkir yfirgáfu Eyjarnar –
með öflugu fallbyssuskoti. Boðið
verður upp á súpu og brauð.
Dagskránni lýkur kl. 20:00.
Dagskráin er styrkt af Menningar -
ráði Suðurlands.
Sögusetrið 1627.
Sunnudaginn 15.júlí var frumsýn-
ing á einleiknum Gestaboð Hall -
gerðar, á Sögusetrinu á Hvolsvelli.
Hlín Agnarsdóttir skrifar leikinn og
leikstýrir en Elva Ósk Ólafsdóttir
leikur sjálfa Hallgerði sem í þetta
sinn rekur menningartengda ferða -
þjónustu á Hlíðarenda ásamt manni
sínum, hrossabóndanum Gunnari.
Sjálf er Hallgerður listakona sem
hefur sérhæft sig í að búa til list -
muni upp úr Njálssögu úr alls kyns
hári og köðlum. Gunnar sendir á
hana óvæntan gestahóp á Hlíðar -
enda og hún verður að redda
veitingum og sendir vinnumann
sinn Melkó til að kaupa Ritzkex og
Kirkjubæjarcamembert. Á meðan
hefur hún ofan af fyrir gestunum
með því að segja þeim sögur af
skrautlegu lífi sínu.
„Við frumsýndum á sunnudag
fyrir fullu húsi. Þetta er Hallgerður
í dag en það er margt líkt með lífi
hennar og Hallgerðar langbrókar,“
sagði Elva Ósk þegar Fréttir heyrðu
í henni. „Hlín fer ofan í Njálu og
vísar í setningar þaðan og svo hafa
margir skrifað bækur um Njálu og
hún styðst einnig við ýmislegt
þaðan. Hallgerður er mjög áhuga -
verð kona, margir hafa fellt dóma
yfir henni og þeir ekki allir rétt látir.
Hlín kemur með nýja sýn á þessa
sögu og þess vegna er mjög
áhugavert að takast á við þetta
verkefni.“
Hvernig er að takast á við einleik?
„Það er allt annað form en ég hef
fengist við og svolítið eins og að
henda sér út í djúpu laugina. Ég
hefði ekki viljað takast á við þetta
fyrir tíu árum en held að þetta sé
alveg rétti tíminn. Ég held líka að
allir leikarar hafi gott af því að
takast á við þetta. Mér finnst vel
við hæfi að sýna þetta á Sögusetr -
inu á Hvolsvelli í næsta nágrenni
við sögusvið atburðanna. Ég hef
verið að glugga í Njálu og ég held
að höfundurinn hafi ekki verið
tengdur Fljótshlíðinni því þar er
aldrei minnst á Vestmannaeyjar.
Útsýnið yfir til Eyja í þessari
veðurblíðu er engu líkt. Ég vonast
til að sjá sem flesta og alveg tilval-
ið fyrir Eyjafólk að droppa við og
detta inn á Gestaboð Hallgerðar,“
sagði Elva Ósk sem tengist
Eyjunum órjúfanlegum böndum.
Gestaboð Hallgerðar verður sýnt
um helgar á Sögusetrinu í allt
sumar og nánari upplýsingar um
sýningar eru á vefslóðinni njala.is
Sýningin tekur um klukkustund í
flutningi.
Guðbjörg Sigurgeirsdóttir.
°
°2 Fréttir / Fimmtudagur 19. júlí 2012
Útgefandi: Eyjasýn ehf. 480278-0549 - Vestmannaeyjum. Ritstjóri: Ómar Garðarsson.
Blaðamenn: Guðbjörg Sigurgeirsdóttir og Júlíus Ingason. Ábyrgðarmenn: Ómar Garðars -
son & Gísli Valtýsson.
Prentvinna: Eyjasýn/ Eyjaprent . Vestmannaeyjum. Aðsetur ritstjórnar: Strandvegi 47.
Símar: 481 1300 & 481 3310. Netfang/rafpóstur: frettir@eyjafrettir.is. Veffang:
http//www.eyjafrettir.is
FRÉTTIR koma út alla fimmtudaga. Blaðið er selt í áskrift og einnig í lausasölu á Kletti,
Tvistinum, Toppnum, Vöruval, Herjólfi, Flughafnarversluninni, Krónunni, Ísjakanum,
Kjarval og Skýlinu í Friðarhöfn.. FRÉTTIR eru prentaðar í 2000 eintökum. FRÉTTIR
eru aðilar að Samtökum bæjar- og héraðsfréttablaða. Eftirprentun, hljóðritun, notkun
ljósmynda og annað er óheimilt nema heimilda sé getið.
Jón Pétursson:
Þjóðhátíð
Vest -
manna eyja
Nú fer senn að líða að þjóðhátíð
sem er eins og
við öll vitum,
okkar stærsta
hátíð á sumr -
inu. Fáar úti-
hátíðir eiga
sér eins sögu -
legar rætur og
í augum okkar
Eyjamanna er
þetta dýrmæt -
ur arfur sem öllum þykir vænt
um og vilja vernda. Þjóðhátíð er
fjölskylduhátíð þar sem Herj -
ólfs dalur er prýddur fallegum
skreytingum, tjöldum slegið upp
og gleðin látin ríkja.
En með þjóðhátíð, eins og
öllum öðrum hátíðum, birtist
áfengisaustur og óregla sem
engum er holl. Fjölskyldu- og
tómstundaráð, sem fer með
hlutverk barnaverndarnefndar,
vill brýna fyrir foreldrum barna
yngri en 18 ára, að heimila þeim
ekki að fara á útihátíð án fylgdar
og eftirlits lögráða og ábyrgs
aðila.
Ráðið beinir því til foreldra og
forsvarsmanna Þjóðhátíðar
Vestmannaeyja að leita allra
leiða til að koma í veg fyrir að
ólögráða börn (undir 18 ára)
komi ein og eftirlitslaus á þjó ð -
hátíð. Þjóðhátíð Vestmanna eyja
er líklega sú hátíð sem ber af
hvað snertir vöndun og stemm -
ingu og vonandi á hróður
Eyjanna eftir að aukast enn fyrir
verkan hennar. Eigum gleðilega
þjóðhátíð.
F.h. fjölskyldu- og tóm -
stundaráðs, Jón Pétursson
framkvæmdastjóri.
Milljónatjón á
veiðarfærum
Um klukkan hálf sex síðdegis á
mánudaginn var slökkviliðið
kallað út vegna elds í veiðar-
færum inni á Eiði, norðan við
Skipalyftuna.
Um var að ræða veiðarfæri í
eigu Ísfélags Vestmannaeyja en
þegar að var komið, var mikill
eldur og náðu eldtungurnar
marga metra upp í loftið.
Slökkvistarf tók nokkurn tíma.
Ekki liggur fyrir hver eldsupp-
tökin eru en margt bendir til
íkveikju. Þá liggur ekki endan -
lega fyrir hversu mikið tjónið er
en það skiptir milljónum.
Steingrímur J. Sigfússon, sjávar -
útvegs- og landbúnaðarráðherra,
hefur tekið ákvörðun um heildar -
afla á næsta fiskveiðiári 2012 til
2013. Aukning aflamarks er í
þorski, gullkarfa, löngu og fleiri
teg undum en samdráttur til að
mynda í ýsu, steinbít og skötusel.
Leyfilegur heildarafli á fisk -
veiðiárinu 2012 til 2013.
Þorskur 195.400 tonn, gullkarfi
45.000 tonn, djúpkarfi 10.000
tonn, ýsa 36.000 tonn, ufsi 50.000
tonn, grálúða 14.700 tonn,
steinbít ur 8.500 tonn, skrápflúra
200 tonn, skarkoli 6.500 tonn,
sandkoli 800 tonn, keila 6.400
tonn, langa 11.500 tonn, þykkva -
lúra 1.400 tonn, skötuselur 1.800
tonn, langlúra 1.100 tonn, humar
1.900 tonn, Íslensk sumargotsíld
64.000 tonn.
Eyjamenn hafa verið stórir í ýsu
undanfarin ár. Minni ýsukvóti
bitnar hart á Vestmannaeyjum en
það er mat ráðuneytisins að þrátt
fyrir þann samdrátt megi gera ráð
fyrir nálægt 10 milljarða verð -
mætisaukningu í heild.
„Það er búið að rigna 1,2 mm það
sem af er júlí, það er sama sem
ekki neitt. Það telur lítið í jarðveg-
inum og dauðir blettir alltaf að
stækka. Þetta er mjög óvenjulegt,“
sagði Óskar Sigursson, veðurat -
hugunarmaður í Stórhöfða þegar
Fréttir ræddu við hann um tíðarfar-
ið á miðvikudagsmorgun.
Trausti Jónsson, veðurfræðingur,
segir á vefsíðu sinni http://www.trj.
blog.is að úrkoma á Stórhöfða sé
venjulega 50 mm á fyrstu 17
dögum júlímánaðar og saman-
burðurinn segir heilmikið til um
stöðuna.
„Stillan er líka óvenjuleg, þrátt
fyrir austan rok þann 8. júní, fór þá
upp í 25 metra á sekúndu í Stór -
höfða. Síðan þá hefur verið góð -
viðrasamt. Það er notalegt að hafa
stillur og annað veðurfarslegt við -
mót,“ sagði Óskar og var því næst
spurður hvort ekki væri von á
rigningu og roki næstu daga.
„Það er farið að draga úr vind-
spánni fyrir laugardag, að minnsta
kosti ekki spáð eins hvössu sam -
kvæmt nýjustu tölvuspám. Það er
gott að fá smá rigningu og svo
spáir norðanátt í næstu viku en það
getur auðvitað breyst. Jörðin er
orðin gegnþurr og það þarf tölu-
verða rigningu til að bleyta í jarð -
veginum. En það styttist í haustið
og við erum búnir að kveikja á
vitanum, þetta hefur allt sinn
gang,“ sagði Óskar og það eru orð
að sönnu.
Guðbjörg Sigurgeirsdóttir.
GAMAN Í SUNDI Þau kunnu að meta það að slappa af í heita pottinum í sundlaugargarðinum.
ELVA ÓSK í hlutverki Hallgerðar, stödd í Fljótshlíðinni. - Stóri Dímon
og Vestmannaeyjar í baksýn.
Sögusetrið Hvolsvelli - Gestaboð Hallgerðar - Elva Ósk leikur hana:
Tilvalið fyrir Eyjafólk að droppa við
Fiskveiðiárið 2012 - 2013:
Mun minni ýsukvóti
Sögusetrið 1627 -Tyrkjaránsdagar 17. til 19. júlí:
Boðið til sögugöngu og leik dagskrár
Notalegt að hafa stillurnar
-Óskar í Stórhöfða - Mjög óvenjulegt veður - Nær engin úrkoma í júlí