Fréttir - Eyjafréttir - 16.09.2015, Blaðsíða 6
6 Eyjafréttir / Miðvikudagur 16. september 2015
lokahóf yngri flokka
Fimmtudag 17. september kl. 17:00 á Hásteinsvelli
Iðkendur mætið í keppnistreyjunum því við ætlum að taka hópmynd. Einnig hvetjum við foreldra til að mæta
með krökkunum. Slegið verður upp grillveislu að loknu hófinu.
Árgangsmót ´86 árgangsins í Eyjum
fór fram helgina 4. til 5. september.
Föstudagurinn hófst með fyrirpartýi
fyrir hvorn skóla, Barnaskóla og
Hamarsskóla. Á eftir var haldið í
veislu uppi á Háalofti. Þar sá Einsi
kaldi um veitingar eins og honum
einum er lagið. Skemmtiatriðin
voru fjölbreytt, Hanna og Dóra
kennarar voru með skemmtisögur af
liðinu síðan úr unglingadeildinni,
Una Þorvalds tók nokkur lög,
spurningakeppni var milli liða og
ný nefnd kölluð á svið.
Laugardagurinn hófst á því að
lögð voru blóm á leiði Önnu
Ragnheiðar skólasystur okkar og
hennar minnst. Eftir það var fyllt á
orkubirgðirnar með dýrindis súpu í
boði Einsa kalda áður en haldið var
af stað í ratleik. Liðin frá deginum
áður voru send af stað í alls kyns
verkefni sem fólust meðal annars í
því að syngja í karioki, keppni í
boðhlaupi síðan var endaði á 900
Grillhús í pizzupartýi.
Um kvöldið skellti fólk sér svo í
búning og hélt niður á Skipasand í
svakalegt partý. Úrslit úr ratleik
dagsins voru kynnt en það var Hvíta
liðið sem bar sigur úr býtum. Síðan
var það enginn annar en Ingó veður-
guð sem sá um fjörið langt fram
eftir nóttu og allir fóru sáttir heim
að lokum.
Nefndin vill þakka öllu þessu
fáránlega skemmtilega fólki í
árgangi 86 og mökum þeirra fyrir
frábæra helgi og við hlökkum til
næsta móts!
Lögreglan hafði í ýmis horn að líta
í liðinni viku án þess þó að um
alvarleg mál hafi verið að ræða.
Töluverður erill var um helgina og
nokkuð um að lögreglan þurfti að
aðstoða fólk sökum ölvunarástands
þess. Þá var eitthvað um að
kvartað væri yfir hávaða í tengslum
við skemmtanahald fólks.
Að morgni 7. september sl. var
óskað eftir aðstoð lögreglu að húsi
hér í bæ vegna veikinda. Þegar
lögreglan kom á staðinn reyndi
einn, sem var gestkomandi í
húsinu, að hindra lögreglu í að
sinna verkum sínum. Endaði það
með því að gesturinn var hand-
tekinn og fékk hann gistingu í
fangageymslu lögreglu. Má hann
búast við að mál hans endi hjá
ákæruvaldinu. Sá veiki var hins
vegar fluttur á sjúkrahús til
aðhlynningar. Töluverð ölvun var í
gangi í umræddu húsi.
Eitt umferðaróhapp var tilkynnt
lögreglu í vikunni en um var að
ræða minniháttar óhapp og engin
slys á fólki.
Eins og í mörgum áhugamanna-
félögum miðast starfsemi Tafl-
félags Vestmannaeyja að mestu við
haust- og vetrarmánuðina. Nú er
starfsemin í haust að hefjast og fara
hraðskákæfingar af stað annað
kvöld, fimmtudaginn 17. septem-
ber kl. 20.00 í Skákheimilinu að
Heiðarvegi 9 a jarðhæð. Nýir og
eldri félagsmenn velkomnir. Verið
er að leggja hönd á dagskrá
haustsins en teflt verður á fimmtu-
dagskvöldum.
Þetta kemur fram í frétt frá
félaginu. Fram að áramótum er
áformað að halda skákþing og
nokkur hraðskákmót og einnig
munu félagar fara yfir eftirminni-
legar skákir. Aðstaða í Skákheim-
ilinu að Heiðarvegi 9 er til
fyrirmyndar og gerist ekki betri
annars staðar. Undanfarin ár hefur
starfsemi TV verið með miklum
blóma sem útilokað er að toppa.
Skákkennsla og unglingastarf var
einn af mestu burðarásum í starfi
TV og mikil þörf að koma skák-
kennslu í gang á nýjan leik.
Miklar breytingar hafa orðið í
forystusveit félagsins síðustu ár og
öflugir einstaklingar flutt úr
bæjarfélaginu en eru áfram
félagsmenn og í góðu sambandi.
Félagið mun senda eina sex manna
sveit á Íslandsmót skákfélaga 2015
til 2016, en fyrrihluti mótsins fer
fram 25.-27. sept. nk. í Rimaskóla í
Reykjavík. Vegna mikillar vinnu
við skipulagningu og þátttöku í
Íslandsmótinu var ákveðið sl. vor
að senda ekki sveit í efstu deild
Íslandsmóts skákfélaga en þar hefur
átta manna sveit félagsins, sem
skipuð hefur verið innlendum og
erlendum skákmeisturum, verið í
2-3 sæti nokkur undanfarin ár.
Aðalfundur TV var haldinn 5.
sept. sl. Ægir Páll Friðbertsson gaf
ekki kost á sér áfram sem formaður
og voru honum færðar þakkir fyrir
mikið og gott starf. Í stjórn voru
kjörnir Arnar Sigurmundsson,
formaður, Karl Gauti Hjaltason,
gjaldkeri, Sigurjón Þorkelsson,
ritari, Þórarinn Ingi Ólafsson og
Stefán Gíslason. Skoðunarmaður
var kjörinn Ægir Páll Friðbertsson.
Arnar hefur lengi verið viðloðandi
Taflfélagið og var síðast formaður
fyrir 53 árum.
Eftir rétt ár verða liðin 90 ár frá
stofnun fyrsta Taflfélags Vestmanna-
eyja, en stofnfundur þess var
haldinn 29. ágúst 1926. Ákveðið
var að minnast þessa merka atburðar
í skáksögu Eyjanna í september
2016 og var kosin sérstök afmælis-
nefnd á aðalfundinum.
Þau sem mættu: Neðsta röð frá vinstri: Brynjar, Jan, María, Hafþór, Hildur Dögg og Davíð Þór. 2. röð frá vinstri: Aníta, Garðar, Kristín,
Sigríður Ósk, Erla Signý, Kristjana, José, Anna Ester, Grétar Þór, Eva María, Birna, Thelma, Steinunn Hödd, Hjördís, Helena Ósk, Hilmar og
Guðrún. 3. röð frá vinstri: Guðrún Lena, Lárus, Bryndís, Hafliði, Birgir Már, Björgvin Már, Jóhann, Ólafur Stefnir, Hallur, Orri, Einar Páll,
Tinna, Bjarni Geir, Guðjón Vídalín, Alexandre, Þorgils Orri og Ragnar.
Árgangur '86 fór að sjálfsögðu á kostum
Hauststarfsemi Taflfélagsins að fara af stað:
Eftir rétt ár verða liðin 90 ár
frá stofnun fyrsta Taflfélags
Vestmannaeyja
:: Ægir Páll hættir sem formaður :: Arnar Sigurmundsson tekur aftur
við eftir 53 ár
Páll Magnússon og Karl Gauti Hjaltason á skákmóti þar sem þeir
tefldu fyrir hönd Taflfélags Vestmannaeyja.
Lögreglan ::
Helstu verkefni
vikunnar:
Truflaði
lögreglu
við að
sinna
veikum
manni