Fréttir - Eyjafréttir - 06.01.2016, Page 6
6 Eyjafréttir / Miðvikudagur 6. janúar 2016
Í smærri samfélögum þar sem allir
þekkja alla verður gjarnan deila um
ráðningar í opinber störf. Er þetta
ekki í fyrsta skipti og væntanlega
ekki síðasta sem það gerist. Þess
vegna er mikilvægt að verkferlar
séu skráðir og fyrirfram ákveðnir.
Þá er einnig til bóta ef pólitískir
fulltrúar koma sem minnst nálægt
ráðningu starfsmanna í almennum
störfum.
Pólitíkin kemur ekki nærri
ráðningu á almennum
starfsmönnum
Ólíkt því sem margir halda þá er
það þannig hjá Vestmannaeyjabæ að
þar fara framkvæmdastjórar og
forstöðumenn, eftir umboði, með
ráðningar í störf. Ekki pólitískir
fulltrúar eða bæjarstjóri.
Í skráðri starfsmannastefnu segir:
„Bæjarstjórn ræður bæjarstjóra og
aðra starfsmenn í helstu stjórnunar-
stöður svo sem framkvæmdastjóra
fagsviða. Framkvæmdastjórar ráða
aðra starfsmenn.“
Þetta eiga allir sem sitja í nefndum
og ráðum að vera upplýstir um og
því hreinlega óheiðarlegt að reyna
að gera pólitíska fulltrúa ábyrga
fyrir ráðningum eða starfsmanna-
málum almennt. Best væri því að
taka alla pólitík strax út úr um-
ræðunni. Hún kemur hvergi nærri
ráðningum né starfsmannamálum.
Þar sem verið var að sameina
störf, bar ekki að auglýsa
Á seinustu dögum hefur sprottið
upp nokkur umræða um ráðningu í
stöðu slökkviliðsstjóra. Almenna
reglan er sú að það beri að auglýsa
allar stöður hjá Vestmannaeyjabæ
áður en ráðið er í þær. Undantekn-
ing er m.a. þegar stjórnandi lætur af
störfum, ber framkvæmdastjóra að..
„meta þörf fyrir ráðningunni, þ.e.
hvort hægt sé að hagræða í rekstri
annaðhvort með tilfærslu á þeim
starfsmönnum sem fyrir eru eða
með því að leggja starfið niður.“
Það var og er mat undirritaðs sem
framkvæmdastjóra umhverfis og
framkvæmdasviðs Vestmannaeyja-
bæjar að þegar slökkviliðsstjóri lét
af störfum vegna aldurs þá væri rétt
að sameina aftur stöðu slökkviliðs-
stjóra og eldvarnaeftirlitsmanns.
Slíkt myndi skila hagræðingu og
styrkja faglega stöðu beggja
hlutverka. Þannig kynnti ég afstöðu
mína fyrir mínum yfirmönnum sem
og fulltrúum í fagráðinu. Á báðum
stöðum fékk ég stuðning við þessi
áform.
Þeim starfsmanni sem fyrir er
verði boðið starfið
Ástæðan fyrir því að þeim starfs-
manni sem hingað til hefur farið
með eldvarnareftirlit var boðin
sameinuð staða slökkviliðsstjóra og
eldvarnareftirlitsmanns, var því
einfaldlega sú að hann var fyrir í
hluta af þessari stöðu. Honum var
sem sagt boðið að halda áfram
störfum í breyttu starfi. Fordæmi
þessa eru víða og þarf undirritaður
ekki að vísa í annað en eigið starf
því þegar staða framkvæmdastjóra
var sameinuð við stöðu hafnarstjóra
var honum boðið að gegna því
áfram í breyttri mynd. Slíkt var þá
sem nú gert án auglýsingar. Einnig
eru nýleg dæmi rekstrarstjóra
Hraunbúða og forstöðumanns
Hamars hæfingastöðvar þar sem
störfum var breytt eða þau sam-
einuð öðrum. Ef ekki hefði verið
farin þessi leið hefði hugsanlega
þurft að segja upp starfsmönnum
eða störfum að hluta.
Rétt og sanngjarnt
1. Það er rétt og sanngjarnt að líta
til þess að við þessa ráðningu var
öllum verkferlum - bæði
skráðum og óskráðum - fylgt.
2. Það er því rétt og sanngjarnt að
til baka verði dregin brigsl um
að bæjarstjóri eða aðrir sem
tengjast stjórnmálum hafi verið
að hygla einhverjum úr meintri
„hirð“ sinni. Hvorki bæjarstjóri
né aðrir pólitískir fulltrúar tóku
beinar ákvarðanir um þessa
ráðningu.
3. Það er rétt og sanngjarnt að líta
til þess að sá sem kemur nú til
með að gegna stöðu slökkviliðs-
stjóra og eldvarnaeftirlits var
áður í hluta þeirrar stöðu en
bætir nú við sig ábyrgð og
verkum og verður staðan mjög
svipuð þeirri stöðu sem
fyrrverandi slökkviliðsstjóri
gegndi þar til hann óskaði eftir
að minnka við sig starfshlutfall,
sem var veitt á grundvelli sömu
reglna og greint var frá í upphafi.
4. Það er rétt og sanngjarnt að líta
til þess að við sem vinnum sem
embættismenn fyrir Vestmanna-
eyjabæ, berum hag Vestmanna-
aeyja fyrir brjósti. Við erum
heiðarleg og viljum vinna störf
okkar af sanngirni og réttsýni.
Það getum við illa gert ef
pólitísk afstaða þarf að liggja að
baki öllum okkar ákvörðunum í
starfsmannamálum.
Að lokum óska ég öllum
gleðilegs nýs árs.
Ólafur Þór Snorrason
framkvæmdastjóri
Umhverfis- og framkvæmdasviðs
Vestmannaeyjabæjar
Nýr slökkviliðsstjóri :: Ólafur Þór Snorrason framkvæmdastjóri
Umhverfis- og framkvæmdasviðs:
Öllum verkferlum bæði
skráðum og óskráðum fylgt
Í yfirlýsingu framkvæmdastjóra
umhverfis- og framkvæmdasviðs
Vestmannaeyjabæjar vegna ráðning-
ar á slökkviliðsstjóra þar sem segir:
„Það var og er mat undirritaðs sem
framkvæmdastjóra umhverfis og
framkvæmdasviðs Vestmannaeyja-
bæjar að þegar slökkviliðsstjóri lét
af störfum vegna aldurs þá væri rétt
að sameina aftur stöðu slökkviliðs-
stjóra og eldvarnareftirlitsmanns.
Slíkt myndi skila hagræðingu og
styrkja faglega stöðu beggja
hlutverka. Þannig kynnti ég afstöðu
mína fyrir mínum yfirmönnum sem
og fulltrúum í fagráðinu. Á báðum
stöðum fékk ég stuðning við þessi
áform.“
Undirritaðir vilja af þessu tilefni
koma eftirfarandi á framfæri:
Ráðning slökkviliðsstjóra hefur
aldrei verið rædd eða samþykkt af
umhverfis- og skipulagsráði eða
hafnar- og framkvæmdaráði. Öðru
hefur verið haldið fram í fjöl-
miðlum. Nauðsynlegt er að
starfsmenn Vestmannaeyjabæjar
vandi vinnu sína og greini rétt frá.
Stefán Jónasson
oddviti E- Listans og fulltrúi í
umhverfis- og skipulagsráði.
Georg Eiður Arnarson
varabæjarfulltrúi E-listans og fulltrúi
í hafnar- og framkvæmdaráði.
Nýr slökkviliðsstjóri :: Yfirlýsing
vegna ummæla framkvæmda-
stjóra umhverfis- og framkvæmda-
sviðs Vestmannaeyjabæjar:
Aldrei rætt
í fagráðum
bæjarins
Vegna skrifa fulltrúa E-listans um
sameiningu starfs slökkviliðsstjóra
og eldvarnaeftirlitsmanns, vilja
undirritaðir taka fram að fram-
kvæmdastjóri Umhverfis- og
framkvæmdasviðs Vestmannaeyja-
bæjar upplýsti okkur um fyrirhug-
aðar breytingar er varða sameiningu
starfs slökkviliðsstjóra og starf
eldvarnaeftirlitsmanns. Líkt og
hann hélt fram í grein sinni í
Eyjafréttum.is og Eyjar.net. Þetta
gerði hann, okkur til upplýsinga líkt
og hann gerir með mörg önnur mál
sem í gangi eru innan sviðsins, utan
dagskrár, á fundum ráðsins. Því er
rétt, eins og fram kemur í grein
framkvæmdastjóra, að hann hafi
kynnt fulltrúum ráðsins fyrirhug-
aðar breytingar og einnig er rétt,
eins og fram kemur í skrifum
fulltrúa E-listans, að „Ráðning
slökkviliðsstjóra hafi aldrei verið
rædd eða samþykkt af umhverfis-
og skipulagsráði eða hafnar- og
framkvæmdaráði. „Enda ber
framkvæmdastjóra engin skylda til
að leita samþykkis pólitískra
fulltrúa á slíku þar sem starfs-
mannamál falla ekki undir valdsvið
ráðsins. Hins vegar er alrangt að
halda því fram að öðru hafi verið
haldið fram í fjölmiðlum. Nauðsyn-
legt er að pólitískir fulltrúar vandi
vinnu sína og greini rétt frá.
Sigursveinn Þórðarson
formaður framkvæmda-
og hafnarráðs
Jarl Sigurgeirsson
varaformaður framkvæmda-
og hafnarráðs.
Formenn framkvæmda- og hafnarráðs:
Vorum upplýstir um
sameiningu starfanna
Vegna skrifa Sigursveins Þórðar-
sonar, formanns og Jarls Sigurgeirs-
sonar, varaformanns framkvæmda-
og hafnarráðs, þar sem fram kemur
að framkvæmdastjóri sviðsins hafi
upplýst þá, formenn ráðsins, um
fyrirhugaðar breytingar varðandi
starf slökkviliðsstjóra. Það getur
verið rétt, en þær voru aldrei kynntar
undirrituðum, eins og kemur
réttilega fram hjá formönnunum!
Í yfirlýsingu formannanna segir:
„Því er rétt eins og fram kemur í
grein framkvæmdastjóra að hann
hafi kynnt fulltrúum ráðsins
fyrirhugaðar breytingar og einnig er
rétt eins og fram kemur í skrifum
fulltrúa E-listans að „Ráðning
slökkviliðsstjóra hafi aldrei verið
rædd eða samþykkt af umhverfis og
skipulagsráði eða hafnar og
framkvæmdaráði.””
Finnst þessum ágætu formönnum
rétt af framkvæmdastjóra sviðsins
að segja í skrifum sínum að hann
hafi kynnt fulltrúum ráðsins
fyrirhugaðar breytingar ef hann
hefur eingöngu kynnt þær sumum
fulltrúum ráðsins? Okkur finnst það
rangt og það beri einfaldlega að
leiðrétta!
Öll laus störf skulu auglýst
Í starfsmannastefnu Vestmannaeyja-
bæjar segir orðrétt:
„Öll laus störf hjá Vestmanna-
eyjabæ önnur en afleysingarstörf
skulu auglýst í samráði við
viðkomandi stjórnendur.“
Væri kannski ráð að formennirnir
könnuðu hvort starf slökkviliðs-
stjóra hefði verið auglýst til
umsóknar?
Svo er líka spurning hvort ekki sé
eðlilegt að ræða það í fagráðum ef
sameina á störf? Er nokkuð bannað
að hafa skoðun á því?
Stefán Jónasson
Georg Arnarson
Nýr slökkviliðsstjóri :: Yfirlýsing vegna ummæla
formanna framkvæmda- og hafnarráðs:
Kynnti „sumum“ fulltrúum
fyrirhugaðar breytingar
Eyjafréttir
- vertu með á nótunum!
Stefán Örn Jónsson.