Fréttir - Eyjafréttir - 06.01.2016, Blaðsíða 11

11Eyjafréttir / Miðvikudagur 6. janúar 2016
Hjaltalín, formaður Drífanda, sagði
launafólk búið að fá nóg af eilífum
gráti um að ekki væri hægt að borga
laun sem nægðu fyrir grunnfram-
færslu. Lág laun, langur vinnutími
og vaxandi misskipting yrði ekki
lengur liðin. Atkvæðagreiðsla fór
fram um að boða vinnustöðvun
fljótlega eftir páska. Var hún
samþykkt en ekki varð þó af henni
þar sem samningar náðust milli
atvinnuveitenda og SGS.
Styrmir yfirmaður
sjúkraflutninga HSU
Styrmir Sigurðsson, sjúkraflutn-
ingamaður í Vestmannaeyjum, var
ráðinn yfirmaður sjúkraflutninga
við Heilbrigðisstofnun Suðurlands.
Hann var valinn úr hópi átta
umsækjenda og sagðist ákveðinn í
að búa áfram í Vestmannaeyjum.
Aftur á móti reiknaði hann með
mikilli viðveru á Selfossi.
FÍT verðlaunaði
Eldheima
Félag íslenskra teiknara afhenti
árlegar viðurkenningar sínar fyrir
grafíska hönnun sem þótti standa
upp úr á árinu 2014. Í flokknum
„gagnvirk miðlun og upplýsinga-
hönnun“ hlaut hönnunarstofan
Gagarín verðlaun fyrir hönnun sína
í Eldheimum. Þar útbjó stofan fjóra
gagnvirka sýningarmuni sem
útskýra mismunandi þætti eldgoss-
ins á Heimaey 1973. Kristín
Jóhannsdóttir, forstöðumaður
Eldheima, sagði þetta afar góða
viðurkenningu fyrir Eldheima og
sýndi það og sannaði að vandað
hefði verið til verka við hönnun og
uppsetningu sýningarinnar.
Konur í öndvegi
Þess var minnst á árinu að hundrað
ár voru liðin síðan íslenskar konur
öðluðust kosningarétt. Segja má að
allt árið hafi verið samfelld sýning í
Safnahúsinu til að minnast þessa;
konur og verk þeirra í öndvegi. Í
ársbyrjun reið Listasafnið á vaðið
með sýningaröðinni Konur í listum,
skipulögðum sýningum fyrstu níu
mánuði ársins. Í mars voru síðan
þrjár uppákomur í Safnahúsi; þann
19. mars var Saga og súpa í
Sagnheimum þar sem Guðbjörg
Matthíasdóttir, athafnakona, flutti
erindi um konur í atvinnulífi. Sama
dag opnaði Ásdís Loftsdóttir,
hönnuður, sýningu sína, Náttúran á
efni. Laugardaginn 21. mars var
síðan á dagskrá samstarfsverkefni
Sagnheima, Safnahúss og Fram-
haldsskólans í Vestmannaeyjum;
Konur og bókmenntir í 100 ár. Þar
var kynnt verkefni sem nemendur í
íslensku við Framhaldsskólann
höfðu unnið um íslenskar konur og
bókmenntir.
Nýtt fyrirtæki á gömlum
merg
Hreinlæti virðist ganga í erfðir. Um
áratugaskeið hafa hjónin Marta
Karlsdóttir og Helgi Sigurlásson frá
Reynistað rekið hreingerningaþjón-
ustu undir nafninu Teppahreinsun
Helga Sigurláss. Nú urðu kynslóða-
skipti því að sonur þeirra, Huginn
Helgason, keypti fyrirtækið sem um
leið fékk nýtt nafn, Hugþrif.
Huginn sagði að foreldrarnir yrðu
sér til aðstoðar og myndu leysa sig
af þegar hann færi í frí.
Birgir Þór sigraði
Í hinni árlegu nemakeppni sem
fyrirtækið Kornax stendur fyrir í
samvinnu við bakarameistara og
Hótel- og matvælaskólann, kepptu
sjö bakaranemar frá jafnmörgum
bakaríum. Verkefnið var að útbúa
sem glæsilegast hlaðborð úr
brauðmeti og skrautstykkjum. Þar
sigraði Eyjamaðurinn Birgir Þór
Sigurjónsson, sem hóf bakaraferil-
inn í Eyjum hjá Vilberg og síðan
Arnóri bakara en starfar nú hjá
bakaríinu Passion í Reykjavík.
22 milljónir á 12 árum
Í lok mars flutti Endurvinnslan í
húsnæði Kertaverksmiðjunnar
Heimaeyjar og ráðamenn þar tóku
við rekstri hennar. Þar með hætti
Friðrik Már Sigurðsson störfum í
Endurvinnslunni en þar hafði hann
staðið vaktina í tólf ár. Hann sagði
að flæðið hefði verið nokkuð jafnt
milli ára, yfirleitt hefði hann tekið á
móti u.þ.b. tveimur milljónum af
dósum og flöskum á ári, eða 22
milljónum í heildina.
Thelma Hrund
formaður Eyverja
Nýr formaður var kosinn hjá
Eyverjum, félagi ungra sjálfstæðis-
manna í Eyjum. Theódóra Ágústs-
dóttir lét af störfum og við tók
Thelma Hrund Kristjánsdóttir,
verkefnastjóri hjá Ísfélagi Vest-
mannaeyja. Hún sagðist spennt að
taka við formennskunni í Eyverjum.
Infrarauður saunaklefi
Verslunin Active, sem verið hafði
að Strandvegi 45, flutti á Vest-
mannabrautina. Active, sem er í
eigu þeirra Karenar Ingu Ólafs-
dóttur og Sæþórs Orra Guðjóns-
sonar, sérhæfir sig í heilsuvörum og
nú var boðið upp á nýjung,
infrarauðan saunaklefa sem Karen
sagði að nyti gífurlegra vinsælda.
Fjölmenni fylgdist með
sólmyrkva
Þann 27. mars bauðst landsmönnum
að líta augum fágætt sjónarspil,
almyrkva á sólu. Fólk flykktist út til
að fylgjast með þessu náttúrufyrir-
bæri og flestir Vestmannaeyingar
söfnuðust saman austur á Haugum
þar sem Stjörnufræðifélag Vest-
mannaeyja hafði komið upp litlum
kíki. Þetta var mesti sólmyrkvi hér
á landi frá árinu 1954 og ekki er
von á þeim næsta fyrr en 12. ágúst
2026.
Sögu Sparisjóðsins
lokið
Í lok marsmánaðar lauk endanlega
rúmlega 70 ára sögu Sparisjóðs
Vestmannaeyja en hann var
stofnaður 3. desember 1942. Þann
19. mars fékk stjórn sjóðsins
vitneskju um mikið útlánatap. Var
leitað allra leiða til að auka fé
sjóðsins um 1200 milljónir króna
sem var skilyrt af hálfu Fjármála-
eftirlitsins, ella myndi FME grípa
til aðgerða og skipa skilanefnd yfir
sjóðinn. Ekki tókst að afla þess fjár
og niðurstaðan varð sú að ákveðið
var síðustu helgina í mars að
Landsbanki Íslands yfirtæki rekstur
Sparisjóðs Vestmannaeyja. Þetta
kom nokkuð flatt upp á marga enda
aðdragandinn ekki langur. Sér-
staklega voru þeir aðilar ósáttir, sem
lögðu sjóðnum lið við endurreisn
hans árið 2010 með nýju stofnfé.
Stærstu aðilar í þeirri endurreisn
voru Lífeyrissjóður Vestmannaeyja,
Vestmannaeyjabær og Vinnslu-
stöðin. Voru þeir m.a. ósáttir við að
hafa ekki fengið að koma að ferlinu
á sömu forsendum og Landsbank-
inn.
Mía Rán sigraði
Stóra upplestrarkeppnin er árlegur
viðburður þar sem nemendur úr 7.
bekkjum grunnskóla landsins
keppa. Að þessu sinni var keppnin
haldin á Laugalandi og sendi
Grunnskólinn í Vestmannaeyjum
þrjá keppendur til leiks. Það var svo
einn þeirra, Mía Rán Guðmunds-
dóttir, sem stóð uppi sem sigur-
vegari.
Sandeyjahafnarblús
Landeyjahöfn hafði verið lokuð
síðan í nóvember á síðasta ári og
engin teikn um að hún yrði opnuð á
næstunni. Ástand hafnarinnar hafði
orðið mörgum að umræðuefni bæði
á síðum Eyjafrétta sem og á öðrum
vettvangi. Eyjamaðurinn Kristinn
R. Ólafsson tjáði hugsanir sínar í
bundnu máli á þennan hátt:
Þeir reyndu að leggja frá landi
en lögðu strax árar í bát,
því höfnin var haugfull af sandi
og Herjólfur aldeilis mát.
Bravó!
Leikfélag Vestmannaeyja frumsýndi
í lok mars leikverkið Litlu hryll-
ingsbúðina í leikstjórn Stefáns
Benedikts Vilhelmssonar. Stærstur
hluti leikenda er ungt fólk úr LV og
er óhætt að segja að vel hafi tekist
til. Leikhúsgagnrýnandi Eyjafrétta,
Helena Pálsdóttir, var gagntekin
hrifningu og notaði orðið „Bravó“
alls níu sinnum í umfjöllun sinni.
Nýr formaður
fulltrúaráðs
Íris Róbertsdóttir var kosin nýr
formaður fulltrúaráðs Sjálfstæðis-
félaganna í Vestmannaeyjum í lok
mars. Íris sagði það bæði gaman og
gefandi að starfa í pólitík og sagði
stefnuna þá að búa til betri vettvang
fyrir hinn almenna flokksmann.
Uppistandaradúóið Jói
og Steini
Íþróttahreyfingin stendur á hverju
ári fyrir alls kyns uppákomum sem
ekki tengjast íþróttaiðkun beinlínis.
Fastur liður er t.d. Herrakvöld
handboltans hjá ÍBV sem bæði er
hugsað sem fjáröflunarleið og svo
skemmtun. Að þessu sinni, eins og
ævinlega, var fullt hús í Akóges þar
sem tveir af frægustu uppistönd-
urum Íslands, þeir Þorsteinn
Guðmundsson leikari og Jóhann
Pétursson lögmaður fóru á kostum.
Valdimar mætti til leiks
Aðstandendur Háaloftsins voru
duglegir við að fá hingað þekkta
tónlistarmenn. Að þessu sinni var
það hljómsveitin Valdimar sem hélt
tónleika en söngvari sveitarinnar,
Valdimar Guðmundsson, var valinn
sögnvari ársins á Íslensku tónlistar-
verðlaununum 2014. Salurinn var
þétt setinn eins og búast mátti við
þegar stórstirni sækja okkur heim.
APRíl

Arion banki í Eyjum
1. apríl
Í fyrsta tölublaði Eyjafrétta í
aprílmánuði fór stór hluti af rými
blaðsins í umfjöllun um yfirtöku
Landsbankans á Sparisjóði
Vestmannaeyja. Mörgum kom það
því spánskt fyrir sjónir að á baksíðu
blaðsins var frétt þar sem sagði að
Arion banki væri að leita að
húsnæði í Vestmannaeyjum, ásamt
samsvarandi auglýsingu inni í
blaðinu. Þar kom fram að forsvars-
menn bankans væru óánægðir með
að litið skyldi hafa verið framhjá
þeim við þessa yfirtöku en þetta
væru aðeins þreifingar eins og væri.
Fram kom að starfsmaður eignaum-
sýslu bankans yrði til viðtals á
skrifstofu Eyjafrétta til upplýsinga
vegna væntanlegs húsnæðis. Ekki
munu þó margir hafa komið til
viðtals, þar sem flestir ráku augun í
að útgáfudagur þessa tölublaðs var
1. apríl.
Góð loðnuvertíð
Erfiðri en góðri loðnuvertíð lauk
um mánaðamótin mars apríl..
Frysting gekk vel sem og hrogna-
taka síðustu daga vertíðarinnar og
tókst Eyjaskipunum því sem næst
að veiða þann kvóta sem þeim var
úthlutað, þrátt fyrir eitthvert versta
veðurfar sem menn mundu eftir á
loðnuvertíð. Samanlagður afli þeirra
á vertíðinni var 108.902 tonn eða
þrefalt meiri en vertíðina 2013
þegar hann var rúm 35 þúsund tonn.
Aflahæsta skipið var Heimaey VE
með rúmlega 25 þúsund tonna afla.
Of stór biti fyrir okkur
Það var erfiður túr hjá áhöfn
Lóðsins þegar þeir drógu flutninga-
skipið Hauk frá Hornafirði til
Vestmannaeyja eftir að stýri
skipsins hafði bilað. Fyrst í stað var
ágætis veður en síðan brældi og
dráttartaugin slitnaði. Mátti litlu
muna að skipið ræki á land en aftur
tókst að koma taug um borð og eftir
það þokaðist hægt til Eyja.
Upphaflega átti Lóðsinn að draga
Hauk til Hafnarfjarðar en vegna
veðurs og ölduhæðar varð að ráði
að varðskipið Þór tæki við þegar
komið var að Eyjum. „Þetta var
bara of stór biti fyrir okkur á
Lóðsinum við þessi skilyrði,“ sagði
Sveinn Valgeirsson, skipstjóri á
Lóðsinum.
Þorsteinn nýr formaður
Jötuns
Valmundur Valmundsson lét af
formennsku í Sjómannafélaginu
Jötni þegar hann var kosinn forseti
Sjómannasambands Íslands. Á aðal-
fundi Jötuns í byrjun apríl var í stað
hans kosinn formaður Þorsteinn
Ingi Guðmundsson, sem lengi var
varaformaður félagsins. Þorsteinn,
sem var búsettur í Hafnarfirði, flutti
búferlum til Vestmannaeyja þegar
hann tók við formennskunni. Eitt
aðalmálið á þessum aðalfundi var
krafa um að viðskipti með fisk milli
útgerðar og fiskvinnslu verði
gagnsæ og uppfylli skilyrði um
heilbrigða samkeppni og góða
viðskiptahætti.
Vosbúð á Flötum
Nytjamarkaðurinn Vosbúð, sem um
nokkurra ára skeið hafði verið í
samnefndu húsi við Strandveg, flutti
starfsemi sína á Flatirnar þar sem
Múrbúðin var áður til húsa og
Geisli þar áður. Helga Dís Gísla-
dóttir sagði að markaðurinn myndi
áfram heita Vosbúð og sagðist
bjartsýn á framtíðina.
Nám á sviði nýsköpunar
Fundur númer 3000 í bæjarráði
Vestmannaeyja var hátíðlegur
haldinn í Eldheimum þann 15. apríl.
Á þeim fundi var undirrituð
samstarfsyfirlýsing við þekkingar-
Fyrsta barnið, sem fæddist í Eyjum á árinu, kom í heiminn 23. mars.
Ferðamálasamtök Vestmannaeyja efndu til ljósmyndakeppni og bárust alls 350 myndir. Sigurmyndina átti
Gunnar Ingi Gíslason.