Fréttir - Eyjafréttir - 06.01.2016, Side 12
12 Eyjafréttir / Miðvikudagur 6. janúar 2016
setur Vestmannaeyja um að komið
verði upp námi við starfandi
háskóla á sviði nýsköpunar í
sjávarútvegi. Ásamt Elliða,
bæjarstjóra, undirrituðu þrír
ráðherrar þennan samning, þau
Illugi Gunnarsson, Ragnheiður Elín
Árnadóttir og Sigurður Ingi
Jóhannsson.
Óþægindi samfara
verkfalli
Verkfall félaga í BHM, sem kom til
framkvæmda í apríl, hafði nokkur
áhrif á starfsemi Heilsugæslunnar.
Geislafræðingar voru í verkfalli og
sinntu aðeins bráðatilfellum og
einnig var skert þjónusta í blóð-
prufum vegna þessara verkfallsað-
gerða. Ekki skapaðist hættuástand
meðan á verkfallinu stóð en ýmis
óþægindi voru því samfara.
Snorri sýknaður
Snorri Óskarsson, oftast kenndur
við Betel í Vestmannaeyjum, stóð í
ströngu norður á Akureyri þar sem
hann er búsettur. Orð, sem hann lét
falla um samkynhneigð, urðu til
þess að honum var vikið úr starfi
sem kennari. Innanríkisráðuneytið
úrskurðaði þá uppsögn ólögmæta
og þá höfðaði Akureyrarbær mál
gegn Snorra. Héraðsdómur
Norðurlands sýknaði svo Snorra í
dómi sínum. Snorri var að vonum
ánægður með þau málalok og
sagðist ekki eiga von á að þeim
dómi yrði áfrýjað.
Enginn kemur til Eyja
Ekkert hafði verið siglt til Land-
eyjahafnar það sem af var ári og um
miðjan apríl var ekki útlit fyrir að
þær siglingar myndu hefjast fyrr en
einhvern tíma í maí. Tvö dýpkunar-
skip voru að störfum en gekk
brösótt vegna veðurs, sjólags og
bilana. Fólk í ferðaþjónustu í
Vestmannaeyjum var langþreytt á
ástandinu enda höfðu mörghundruð
afbókanir borist í mat og gistingu
og tjón þessara aðila tilfinnanlegt.
Magnús Bragason, hótelhaldari á
Hótel Vestmannaeyjum, sagði að
240 gistinætur hefðu verið afbók-
aðar í mars og væntanlega yrðu þær
fleiri í apríl. Og Hólmgeir, veitinga-
maður á 900 Grill, sagði: „Það er
lágmark að hægt sé að sigla í
Landeyjahöfn þegar veður er gott
en svo er ekki í dag. Landið er fullt
af ferðamönnum en enginn kemur
til Eyja. Maður er að verða
langþreyttur á þessu.“
98% samþykktu verkfall
Í atkvæðagreiðslu um verkfalls-
boðun hjá félagsmönnum Drífanda,
var yfirgnæfandi meirihluti því
samþykkur. Alls voru 298 því
samþykkir eða 98% þeirra sem
atkvæði greiddu. Ótímabundið
verkfall átti því að skella á 26. maí.
Ekki kom þó til þeirra aðgerða þar
sem samningar tókust milli
deiluaðila fyrir þann tíma.
Dagur bókarinnar
Í Safnahúsinu létu menn sér ekki
nægja að minnast 100 ára afmælis
kosningaréttar kvenna í fjölmörgum
sýningum og uppákomum. Fleiri
uppákomur flutu með og á sumar-
daginn fyrsta var hátíðlegur haldinn
Dagur bókarinnar, alþjóðlegur
dagur bóka og höfundaréttar. í
Safnahúsinu var metnaðarfull
dagskrá undir yfirskriftinni Bók
Íslands, sagnaarfurinn í nútímanum.
Þar fjallaði Vésteinn Ólason,
prófessor, um kvenhetjur Eddu-
kvæðanna og bar þær saman við
kvenhetjur Íslendingasagnanna;
Einar Kárason, rithöfundur, ræddi
um átök sín við Sturlungu og Guðni
Ágústsson, fyrrum þingmaður og
ráðherra, ræddi um ástríðuna til
sagnaarfsins. Þessi dagskrá bætti
enn einni fjöður í hatt Safnahúss-
fólks.
Blítt og létt
bæjarlistamaður
Hefð er fyrir því á sumardaginn
fyrsta að þá er tilnefndur Bæjar-
listamaður Vestmannaeyja. Í ár var
það sönghópurinn Blítt og létt sem
hlaut þá tilnefningu. Þetta var í
annað sinn á árinu sem hópurinn
hlaut slíka viðurkenningu en í
janúar hlaut hann einnig Fréttapýra-
mídann fyrir framlag til menningar-
mála.
Færðu gestum
birtu og yl
Salurinn í Eldheimum hefur haslað
sér völl sem góður tónleikastaður.
Það sannaðist enn á ný á sumar-
daginn fyrsta þegar Eyjamennirnir
Rúnar Kristinn Rúnarsson og Silja
Elsabet Brynjarsdóttir héldu þar
tónleika ásamt Steinunni Birnu
Ragnarsdóttur, píanóleikara.
Aðsókn var mjög góð og í umsögn
um tónleikana sagði að þau hefðu
fært gestum birtu og yl í hjarta
meðan kaldur norðanvindurinn blés
fyrir utan.
Kenneth Máni
á Háaloftinu
Ekki var þó líklega hægt að tala um
birtu og yl í sýningu Kenneths
Mána í meðförum Björns Thors, á
Háaloftinu. Ekki beint gleðiboð-
skapur, heldur stórskemmtileg
sýning þar sem leikið er á allan
tilfinningaskalann; salurinn ýmist lá
í hláturskrampa eða þá að stutt var í
tárin.
Kvöddu Eyjar með
söknuði
Í lok apríl kvöddu Gunnar Magnús-
son, handboltaþjálfari ÍBV og
fjölskylda hans Vestmannaeyjar.
Með söknuði, eins og þau orðuðu
það. Á þeim tveimur árum sem
Gunnar þjálfaði ÍBV liðið tókst
honum að gera piltana bæði að
Íslands- og bikarmeisturum. Gunnar
sagði að fyrir utan erfiðar sam-
göngur hefði það komið sér mest á
óvart hve samheldnin er mikil í
Eyjum og mikið af góðu og
almennilegu fólki hérna.
MAí
Loksins fært
í Landeyjahöfn
Loksins föstudaginn 1. maí sigldi
Herjólfur frá Eyjum til Landeyja-
hafnar. Þá voru liðnir nákvæmlega
158 dagar frá því að skipið sigldi
þangað síðast. Reyndar stóð dýrðin
ekki lengi yfir því strax mánudag-
inn eftir varð skipið að sigla til
Þorlákshafnar. En þetta boðaði betri
tíð og forstöðumaður Eldheima
sagði að um helgina hefði fjöldi
gesta á dag farið úr tíu manns upp í
hundrað.
Bílaumboð
í Goðahrauninu
Suðurhluti hússins að Goðahrauni 1
hefur hýst ýmsa starfsemi. Nú
síðast var þar húsgagnaverslunin
Reynistaður sem flutti út í vetur. En
húsnæðið stóð ekki lengi autt. Þau
Ómar Steinsson og Arndís Kjartans-
dóttir keyptu húsið og hyggjast vera
þar með ýmsa starfsemi, m.a.
bílaumboð fyrir B&L.
Slæmur kostur
Útvegsmenn í Vestmannaeyjum
voru langt í frá ánægðir með
frumvarp um breytingu á lögum um
veiðigjöld sem lá fyrir alþingi.
Samkvæmt þeirra útreikningum
myndi veiðigjaldið þar með hækka
um 45% á fyrirtæki í Vestmanna-
eyjum eða um rúmlega hálfa
milljón á hvern íbúa í Eyjum. Töldu
þeir þetta slæman kost.
Endurnýttu ónýtar bækur
Þó svo að útkoma úr samræmdum
prófum í grunnskólum sé ekki alltaf
eins og menn vildu helst hafa hana,
dylst þó engum að í grunnskólum
landsins er unnið gott starf. Og
stundum er farið út fyrir hefðbund-
inn ramma námsskrárinnar.
Nemendur í 8. til 10. bekk Grunn-
skólans í Eyjum unnu skemmtilegt
verk á vormánuðum. Þá fengu þau
ónýtar bækur frá Bókasafninu og
útbjuggu þrívíddarskúlptúra úr
þeim. Það var Drífa Þöll Arnar-
dóttir, kennari, sem stjórnaði því
verki. Síðan héldu nemendurnir
sýningu á verkum sínum í Safna-
húsinu.
Ljósmyndir af konum
úr Eyjum
Og enn sem fyrr var nóg um að vera
í Safnahúsinu. Sísí Högnadóttir
opnaði í maí ljósmyndasýningu,
tileinkaða konum í Vestmanna-
eyjum. Sísí valdi úr nokkur þúsund
myndum, 218 myndir af 419
konum. Þessi sýning þótti einkar
skemmtileg.
Bonafide opna stofu
í Eyjum
Eyjamennirnir Lúðvík Bergvinsson
og Sigurvin Ólafsson, sem eiga og
reka lögmannsstofuna Bonafide
Lögmenn í Reykjavík, ákváðu að
færa út kvíarnar og opna stofu í
Vestmannaeyjum. Og liðsmaður
þeirra í Eyjum var líka ættuð héðan,
Aníta Óðinsdóttir, lögfræðingur.
Nýr liðsmaður Pacta
Og breytingar urðu á fleiri stöðum í
lögmennskunni. Páley Borgþórs-
dóttir, sem starfað hafði á lög-
mannsstofunni Pacta, lét af störfum
þar þegar hún tók við embætti
lögreglustjóra. Við því tók Sigurður
Árnason, lögfræðingur sem áður
hafði starfað hjá Arctic lögmönnum
í Reykjavík.
ÍBV 70 ára
Þann 6. maí voru 70 ár frá stofnun
Íþróttabandalags Vestmannaeyja og
var þess minnst á ýmsan hátt. M.a.
var saga félagsins rakin í átta síðna
sérblaði sem fylgdi Eyjafréttum á
afmælisdaginn en Gísli Valtýsson,
fyrrverandi framkvæmdastjóri Eyja-
frétta sá um þá samantekt.
Vel heppnaður
Starfadagur
Í maí gengust Grunnskólinn,
Framhaldsskólinn og Viska fyrir
svonefndum Starfadegi í Fram-
haldsskólanum. Þá kynntu fulltrúar
frá fyrirtækjum og stofnunum í
Vestmannaeyjum hin ýmsu störf
fyrir nemendum Framhaldsskólans
og Grunnskólans sem og öðrum
áhugasömum bæjarbúum. Áhersla
var lögð á að kynna störf sem
krefjast menntunar og alls 57
starfsgreinar kynntar. Þessi kynning
þótti heppnast mjög vel og margir
áhugasamir um hin ýmsu störf sem
þarna voru kynnt.
Spáð falli
Fótboltavertíðin hófst í maí. Í
árlegri spá var karlaliðinu spáð falli
úr efstu deild en konunum 6. sæti.
Ekki var sú spá fjarri lagi, karlaliðið
átti í verulegu basli allt sumarið og
rétt náði að halda sæti sínu í
deildinni en konurnar sigldu heldur
lygnari sjó og enduðu í 5. sæti.
Verkföll lama flutninga
Verkfallsaðgerðir Starfsgreinasam-
bandsins, sem Verkalýðsfélagið
Drífandi í Vestmannaeyjum er aðili
að, höfðu talsverð áhrif á daglegt líf
í Eyjum eins og raunar víðar á
landinu. Þetta voru stutt verkföll og
lömuðu m.a. flutninga hingað.
Nokkuð bar á vöruskorti í versl-
unum vegna þessa.
Ítalskur matur og tónlist
Einsi kaldi og hans fólk bauð upp á
nýbreytni í matarmenningunni í
Eyjum með ítölsku kvöldi á
föstudegi í maí. Þar var ítalskur
matur og drykkur í öndvegi sem og
ítölsk tónlist, flutt af Höllu Margréti
Árnadóttur, óperusöngkonu og
Svetlönu Makedon, píanóleikara.
Þær stöllur buðu reyndar upp á
eins konar forrétt að þessari veislu
með sérstökum tónleikum á
fimmudagskvöld í Safnaðarheim-
ilinu þar sem flutt var ítölsk
óperutónlist.
Tanginn opnaður
Tanginn, nýr veitingastaður við
Básaskersbryggju, var opnaður í
maí. Eitt helsta aðdráttarafl
staðarins, auk ljúffengra rétta, var
frábært útsýni yfir höfnina enda var
hann vel sóttur þetta sumar, bæði af
innlendum og erlendum gestum.
FÍV hástökkvari ársins
Starfsfólk og nemendur Framhalds-
skólans í Vestmannaeyjum höfðu
ástæðu til að kætast í maí. Þá var
skólinn í hópi þriggja stofnana sem
fengu viðurkenninguna Hástökkvari
ársins í árlegri könnun um Stofnun
ársins og SFR, VR og efnahags- og
fjármálaráðuneytið standa fyrir.
Markmið þessarar könnunar er að
veita stjórnendum og starfsmönnum
tæki til að vinna að umbótum í
stjórnun og starfsumhverfi sem og
aðhald í rekstri. Framhaldsskólinn
hækkaði sig um 40 stig frá því í
samsvarandi könnun í fyrra.
Eyjakonur í íþróttum
Enn ein sýningin sem tengist
konum, var opnuð í Sagnheimum.
Að þessu sinni voru það Eyjakonur
í íþróttum í 100 ár. Við opnun
þeirrar sýningar flutti Eyjakonan
Þórhildur Ólafsdóttir, íþróttafræð-
ingur, einkar athyglisvert erindi um
umfjöllun fjölmiðla á þriggja ára
tímabili, um knattspyrnu karla og
kvenna. Þar kom fram að umfjöll-
unin var níu sinnum meiri um
karlana.
Ein af frumkvöðlunum
Á hvítasunnunni var svo opnuð
sýning á verkum Jóhönnu Erlends-
dóttur frá Ásbyrgi en hún var ein sú
fyrsta í hópi kvenna í Vestmanna-
eyjum sem lagði stund á myndlist.
Rótarýklúbburinn
60 ára
Rótarýklúbbur Vestmannaeyja
fagnaði 60 ára afmæli sínu.
Formaður klúbbsins, Stefán
Sigurjónsson, sagði að hin síðari ár
hefði félögum fækkað í klúbbnum
og í raun stæði klúbburinn nú á eins
konar krossgötum. Í lok maí bauð
svo klúbburinn upp á áhugavert
erindi í Sagnheimum í tilefni
afmælisins þegar Margrét Arnar-
dóttir flutti erindi um vindmyllur og
hagkvæmni raforkuvinnslu með
vindorku.
Keyptu tvö skip
Vinnslustöðin festi kaup á tveimur
uppsjávarveiðiskipum af HB
Granda, Ingunni AK og Faxa RE.
Auk þess keypti Vinnslustöðin
0,67% aflahlutdeild í loðnu.
Forsvarsmenn Vinnslustöðvarinnar
sögðu þetta gert til að styrkja
fyrirtækið í uppsjávarveiðum.
Tveimur eldri skipum Vinnslu-
stöðvarinnar var lagt, Ísleifi VE og
Kap VE og fengu nýju skipin nöfn
þeirra.
Ólafur Freyr dúxaði
Framhaldsskólanum var slitið í maí.
Alls útskrifaðist 31 stúdent frá
skólanum að þessu sinni og er það
með stærstu hópum sem útskrifast
hafa frá upphafi. Hæstu meðal-
einkunn á stúdentsprófi hlaut Ólafur
Freyr Ólafsson, 9,45.
Vel heppnuð
Óskarsvaka
Andi Óskars heitins á Háeyri sveif
yfir vötnum á Háaloftinu á
föstudagskvöldi í maí. Þá mætti
hingað Pálmi Gunnarsson með frítt
lið hljóðfæraleikara á jasskvöldi,
Óskarsvöku, sem var tileinkað
minningu Óskars sem var jass-
geggjari af guðs náð alla tíð.
Á hverju vori „dimmittera“ stúdentsefni Framhaldsskólans, uppáklædd í hinar ýmsu múnderingar. Fyrir kemur að óviðkomandi aðilar lauma sér
inn í myndatökuna.