Fréttir - Eyjafréttir - 06.01.2016, Síða 14

14 Eyjafréttir / Miðvikudagur 6. janúar 2016
„Nú eru allir framhaldsskólar
landsins að ganga í gegnum
umfangsmiklar breytingar á
námskrá og förum við ekki varhluta
af þeim. Ein af þeim er að nú eru
skil milli kennslu og hefðbundinna
prófdaga afnumin. Meiri fjölbreytni
er því orðin í námsmatinu en áður
og byggir matið í mörgum áföngum
á jafnri vinnu nemenda yfir alla
önnina. Til að mæta þessu voru
haldnar tvær námsmats- og
verkefnatarnir á önninni. Sú hin
fyrri var sjötta til níunda október og
sú seinni nú í desember,“ sagði
Björgvin Eyjólfsson, aðstoðarskóla-
meistari Framhaldsskólans þegar
hann fór yfir starfið á haustönn.
„Reynsluna af þessu metum við
síðan og ákveðum hvort framhald
verður á. Augljóst er þó að
mikilvægi þess að nemendur mæti
vel í skólann og sinni náminu af
kostgæfni alla önnina eykst við
þessar breytingar. Minna svigrúm er
því fyrir vinnu utan skólans og hægt
er að gleyma því að fá frí til
utanlandsferða á skólatíma.
Starfið á haustönn var samt sem
áður tiltölulega hefðbundið.
Samstarfinu við skólann í Tallin var
fram haldið og fóru fjórir kennarar
auk skólameistara í vel heppnaða
heimsókn þangað í október.“
Nokkur fækkun nemenda varð á
haustönn og er það í takt við þær
samfélagslegu breytingar sem
landsbyggðin tekst nú á við þar sem
ungu fólki fækkar með hverju árinu
sem líður. Námið hófu 234
nemendur í mismörgum einingum.
„Rúmlega 90% þessara eininga
skiluðu sér til prófs og telst það
ásættanlegt,“ sagði Björgvin.
Fab lab
Meðal annars sem hann nefndi var
að Sigríður Hulda Jónsdóttir hélt
námskeið fyrir kennara um
árangursrík samskipti í nóvember.
Flutningi Fab lab smiðjunnar undir
stjórn Nýsköpunarstofu og Frosta
Gíslasonar lauk nú í sumar.
„Smiðjan starfar nú hér í skólanum
af fullum krafti og væntum við
okkur mikils af samstarfinu,“ sagði
Björgvin.
Ýmsir fræðslufundir hafa verið
haldnir fyrir nemendur á önninni og
má þar nefna fyrirlestur um hættur
internetsins og vandamál sem fylgja
aukinni snjalltækjanotkun fólks.
Af félagsstarfi nemenda er það að
segja að haldið var nýnemaball í
ágúst, miðannarball í október og
lokaball í nóvember. Einnig tóku
nemendur upp þá nýbreytni að
halda kvikmyndakvöld og spila-
kvöld í samkomusal skólans.
Mæltist það vel fyrir og var þátttaka
góð, að sögn Björgvins.
Með góða skólasókn
Á önninni fengu 80 nemendur
einingu fyrir góða skólasókn og er
það svipað hlutfall og á síðustu önn.
Til að fá skólasóknareiningu þarf
raunmæting nemenda að vera yfir
90%. Skapast hefur sú venja að
veita nemendum með frábæra
raunmætingu fría innritun á næstu
önn og að þessu sinni eru það 5
nemendur. Þessir nemendur eru
þau:
Eydís Ögn Guðmundsdóttir
Mirra Björgvinsdóttir
Guðný Charlotta Harðardóttir
Maríanna Ósk Jóhannsdóttir
Víðir Gunnarsson.

Útskriftarnemar
Birta Marinósdóttir,
félagsfræðibraut.
Dagur Arnarsson,
viðskipta- og hagfræðibraut.
Daníel Freyr Jónsson,
félagsfræðibraut.
Díana Dögg Magnúsdóttir,
náttúrufræðibraut.
Hafsteinn Gísli Valdimarsson,
náttúrufræðibraut.
Hallgrímur Heimisson,
félagsfræðibraut.
Hlynur Georgsson,
vélstjórnarbraut.
Magnea Jóhannsdóttir,
náttúrufræðibraut.
Nökkvi Dan Elliðason,
náttúrufræðibraut.
Rakel Ýr Eydal Ívarsdóttir,
félagsfræðibraut.
Sigrún Agatha Árnadóttir,
félagsfræðibraut.
Sigurður Grétar Benónýsson,
félagsfræðibraut.
Svanur Páll Vilhjálmsson,
náttúrufræðibraut.

Af breytingu mannahalds er það að
segja að Hjördís Friðjónsdóttir sneri
til baka úr námsleyfi og Gunnar
Friðfinnsson fór í leyfi til framhalds-
náms, Kristjana Ingibergsdóttir kom
í starf stuðningsfulltrúa á starfsbraut
og Ólafur Friðriksson tók að sér
stundakennslu í hönnun skipa.
Breyting var gerð á skipulagi
ræstinga og hættu þar þrír starfs-
menn. Einnig var starf kaffikonu á
kennarastofu aflagt.
Díana Dögg Magnúsdóttir, dúx
skólans ávarpaði gesti fyrir hönd
nýstúdenta og byrjaði á að óska
öllum til hamingju með daginn.

„Á stundum sem þessari þegar
settum markmiðum hefur verið náð
og komið er að útskrift togast á í
okkur sem hér höfum stundað nám
síðastliðin ár sérkennileg blanda af
gleði þess sem uppsker, eftirvænt-
ingu þess sem veit að eitthvað
óþekkt og spennandi er í vændum,
eftirsjá þess sem veit að tíminn sem
liðinn er kemur ekki aftur og
þakklæti þess sem veit hvað átt
hefur. Nú er skólaárum okkar hér í
Framhaldsskólanum í Vestmanna-
eyjum lokið. Skólaárum sem hafa
fært okkur nemendurna nær
markinu að aukinni þekkingu og
auknum þroska,“ sagði Díana
Dögg.
„Það er litlum samfélögum eins og
Vestmannaeyjum mikilvægt að hafa
öflugan framhaldsskóla sem gerir
ungmennum kleift að stunda nám í
sinni heimabyggð, búa áfram í
foreldrahúsum í stað þess að fara
sextán ára gömul að heiman til
náms með tilheyrandi kostnaði.
Öflugur framhaldsskóli dregur úr
brottflutningi fólks og þar með
fólksfækkun. Ef ekki væri fram-
haldsskóli í Eyjum og ungmenni
þyrftu að fara annað til að ná sér í
menntun yrði erfitt að manna
íþróttaliðin hér svo og aðra
félagsstarfsemi. Með tilkomu
akademíunnar hafa tengsl skólans
og íþróttanna aukist mikið. Það er
frábært að þeir nemendur sem það
vilja fá tækifæri til að stunda sína
íþrótt með álagi afreksmanna
samhliða bóknámi. Þetta hefur
gagnvirk áhrif, kemur sér vel fyrir
bæði íþróttamanninn og íþróttafé-
lagið.
Útskriftardagurinn er dagur
gleðinnar og stoltsins af farsælum
verklokum, dagur nýrra markmiða
og nýrra væntinga. Fátt er eins
gefandi og að hafa lagt á sig við
nám og uppskorið af því, bætt við
sig þekkingu og getu til þess að
takast á við ný og krefjandi
verkefni. Það sem maður öðlast í
náminu verður ekki af manni tekið,
það er bara maður sjálfur sem getur
kastað frá sér þekkingu sinni. Takk
fyrir okkur og megi Framhalds-
skólinn í Vestmannaeyjum halda
áfram að vaxa og eflast,“ sagði
Díana Dögg að endingu.
FíV :: Björgvin Eyjólfsson, aðstoðarskólameistari :: nokkur fækkun nema:
Breytingar auka mikilvægi
þess að nemendur mæti
vel í skólann
:: Það að sinna náminu af kostgæfni alla önnina eykst við þessar breytingar
:: Minna svigrúm er því fyrir vinnu utan skólans
Ómar GarðarSSon
omar@eyjafrettir.is
FíV :: Díana Dögg flutti ávarp fyrir hönd útskriftarnema:
Gleði, eftirvænting,
eftirsjá og þakklæti
Vel var mætt á útskriftina frá Framhaldsskólanum í Vestmannaeyjum nú rétt fyrir jólin.