Fréttir - Eyjafréttir - 06.01.2016, Blaðsíða 15
15Eyjafréttir / Miðvikudagur 6. janúar 2016
Helga Kristín Kolbeins, skóla-
meistari byrjaði á að nefna
breytingar á skólastarfinu í ræðu
sinni og nefndi m.a. að í haust
hafa farið fram ítarlegar kann-
anir meðal nemenda á líðan
þeirra, hvernig þeim líkar
námið, brottfallsskimun auk
hefðbundins áfangamats þar
sem nemendur meta kennsluna
í þeim áföngum sem þeir leggja
stund á.
„Samhljómur er í niðurstöðum og
almennt er það meirihluti nemenda
sem svarar því að þeir vinni vel í
kennslustundum, læri heima, mæti
vel, finnist mátulegt vinnuálag og
séu ánægðir með verkefnin sem
þeir vinna og kennarana sem kenna
þeim.
Þeim finnst samt að kennarar
mættu sýna meiri stuðning og
hvatning forráðamanna mætti vera
meiri,“ sagði Helga Kristin.
„Við nýtum niðurstöðurnar til að
meta hvað gera megi betur.
Það að hlusta á raddir nemenda er
að vinna með þeim og fá þá til að
vinna með okkur. Það er ekki það
sama og láta allt eftir þeim og leyfa
þeim að hafa námið bara eins og
þeim sýnist, lýðræði snýst ekki um
það.
Við þurfum að kenna nemendum
okkar að bera ábyrgð á námi sínu
og um leið að bera virðingu fyrir
því sem þeir eru að gera.
Niðurstöður kannanna gefa einnig
til kynna að nemendum Framhalds-
skólans líður betur, þeir eru
hamingjusamari, glíma við minna
þunglyndi, kvíða og svefnleysi en
nemendur annarra framhaldsskóla,
sem þátt tóku í sömu könnun en
nemendur okkar eru með neikvæð-
ara viðhorf og sýna skólanum
sínum minni hollustu.“
Nauðsynlegt að kynna
skólann
Helga Kristín sagði það vera
sameiginlegt hlutverk kennara og
stjórnenda á næsta skólaári að vinna
enn frekar að þeim markmiðum
sem við höfum sett okkur til
framtíðar. „Skólann þarf að kynna í
nærsamfélaginu. Við þurfum að
kynna vel fyrir hvað við stöndum,
hvað fer fram í skólanum og
hvernig við erum að skila nem-
endum okkar áfram í háskóla og til
atvinnulífsins.
Við höfum alltaf sagt að FÍV sé
góður skóli fyrir alla nemendur og
við það viljum við standa. Þegar við
skoðum brautskráningarhlutfall
skólans, þá erum við þar fyrir
miðju. Skoðaður var árgangur sem
innritaðist árið 2007 og hversu hátt
hlutfall hafði útskrifast sjö árum
seinna.
Við ætlumst að sjálfsögðu til þess
að nemendur leggi sig fram en við
horfum ekki á einkunnir, stétt eða
stöðu þegar við tökum nemendur
inn í skólann – við viljum geta
boðið nemendum okkar upp á
fjölbreytileika því það er það sem
bíður nemenda okkar í framtíðinni.
Fjölbreytileikinn er einmitt það sem
margir okkar nemenda nefna sem
einn af helstu kostum skólans. Sú
hæfni sem nemendur okkar fá við
að takast á við breytingar og
kynnast ólíku fólki, sem stefnir í
fjölbreyttar áttir, er veganesti sem
styrkir þá til framtíðar.“
Ekki nóg að tala
Helga Kristín sagði oft talað um
það á hátíðar- og tyllidögum að efla
þurfi iðn- og tækninám en enginn
útskýri frekar hvað það er og hvað
þurfi til.
Iðn- og tækninám kallar á meiri
tækjabúnað en hefðbundið bóknám.
„Það er því mikil lyftistöng fyrir
þróun skólans að Nýsköpunarmið-
stöð sé flutt hingað til okkar.
Framhaldsskólar landsins hafa
eins og aðrar stofnanir þurft að
spara og lítið hefur verið keypt af
tækjum inn í skólana. Tækjabúnað
skólanna þarf að efla og ein leið til
þess er að fá atvinnulífið í lið með
okkur og vonast ég til að okkur
takist með hjálp góðra velunnara
skólans að efla tækjakostinn.
Í dag er uppgangur og bjart yfir
málmiðnaðinum í landinu og
vöntun á starfsmönnum með góða
menntun á því sviði. Framundan
eru spennandi tímar fyrir málm- og
véltæknigreinar.
En það nægir ekki að bjóða upp á
nám og aðstöðu það þarf einnig
nemendur, nemendur þurfa að vilja
leggja fyrir sig iðnnám. Staðreyndin
er sú að afskaplega fáir nemendur
sækja um að læra iðnnám.
Einnig er það áhyggjuefni hversu
hátt hlutfall verknámsnema klárar
ekki námið. Það eru allt of margir
sem byrja, taka sér hlé frá námi og
klára það ekki. Einnig of margir
sem eru að reyna að taka námið
með vinnu, láta síðan vinnuna í
forgang, námið situr á hakanum og
þeir heltast úr lestinni.“
Verðum að standa
okkur betur
Í ávarpi sínu til nemenda sagði
Helga Kristín að menntun ungs
fólks þurfi að vera þannig að það
geti nýtt sér öll þau tækifæri sem
framtíðin ber í skauti sér. „Við
verðum að standa okkur betur í að
hugsa til framtíðar. Ég hef áhyggjur
af því að á meðan að stofnuð eru á
Íslandi að meðaltali þrjú til fjögur
ný fyrirtæki á hverja 500 íbúa á ári
þá eru einungis stofnuð eitt til tvö
ný fyrirtæki í Vestmannaeyjum á
hverja 500 íbúa. Við verðum að
horfast í augu við að atvinnuþátt-
taka okkar er að breytast. Ef við
ætlum að vera tilbúin að mæta
nýjum tímum og geta nýtt okkur þá
tækni sem er í boði, þarf miklu
meira en orðin tóm. Við verðum að
láta námið vera í forgangi og gera
einstaklingana hæfa til að takast á
við störf framtíðarinnar. Ég fagna
því að á nýju ári stefnir í að boðið
verði upp á staðbundið háskólanám
í Eyjum.“
Glæsilegir íþróttamenn
Á haustönn útskrifuðust 13
nemendur af fjórum námsbrautum
sem hafa allar sameiginlegan
kjarna. Námið er mislangt og hefur
tekið þá mislangan tíma að ljúka
því. „Skólinn er búinn að slíta
barnsskónum og í útskriftinni í dag
eru margir í hópnum sem eiga
systkini, foreldra og meira að segja
ömmu sem hafa útskrifast frá
skólanum. Við sáum einnig áðan,
þegar Dóra Björk var að veita
einstaklingum viðurkenningar frá
ÍBV, að í skólanum eru margir
afburða íþróttamenn, 30% af
útskriftarhópnum spila með
landsliði, tæp 10% af nemendahóp
Framhaldsskólans í Vestmanna-
eyjum er í úrtakshóp eða æfingahóp
á vegum landsliða í einhverri
íþróttagrein.
Markmið skólans er að bjóða
fjölbreytt og gott nám, sem mætir
kröfum nemenda og nærsamfélags-
ins á hverjum tíma. Það er mikil-
vægt að í Vestmannaeyjum sé
starfræktur sjálfstæður framhalds-
skóli, ef skólinn yrði gerður að
útibúi annars skóla þá er alltaf hætta
á því að áherslur skólastarfsins
tækju mið af því umhverfi þar sem
höfuðstöðvarnar eru staðsettar, en
ekki af þeim aðstæðum sem ríkja
hér í Vestmannaeyjum.
Menntun ungs fólks á að hafa
forgang, við þurfum öll sem
samfélag að sameinast um verk-
efnið og aðstoða unga fólkið við að
forgangsraða.“
Hafið staðið ykkur vel
Helga Kristín þakkaði nemdnum
samstarfið, þau hefðu staðið sig vel
og verið skólanum til sóma. „Til
hamingju með árangurinn ykkar.
Þótt við höfum verið að verðlauna
sum af ykkur hér áðan þá eruð þið
öll sigurvegarar. Þið hafið náð
takmarki ykkar. Sum ykkar hafa
þurft að leggja á sig mikla vinnu,
blóð, svita og tár til að ná þessum
áfanga en það dugði til því hér
standið þið nú.
Verið stolt af árangri ykkar og
horfið björtum augum til framtíðar.
Verið trú landi ykkar og uppruna og
farið vel með tungumálið okkar.
Berið virðingu fyrir fjölskyldu
ykkar og vinum og því samferða-
fólki sem verður á vegi ykkar í
framtíðinni. Fyrst og fremst, berið
virðingu og umhyggju fyrir ykkur
sjálfum og þeim verkefnum sem þið
takið að ykkur í framtíðinni.
Ég vona að þið eigið góðar
minningar frá tíma ykkar hér í
skólanum. Á framhaldsskólaárum
kynnumst við oft á tíðum okkar
bestu vinum sem við eigum
ævilangt þótt leiðir skilji á vissan
hátt nú við brautskráningu.
Viðhaldið vináttunni
hvert til annars
Ég minni ykkur á að þið eruð
ekki laus við Framhaldsskólann í
Vestmannaeyjum þó að þið séuð að
útskrifast héðan í dag. Þið eruð alla
ævi nemendur skólans og hann er
stoltur af ykkur eins og þið eruð
stolt af ykkar skóla og nú er það
ykkar að nota hvert tækifæri til að
tala vel um hann,“ sagði Helga
Kristín sem að endingu þakkaði
starfsfólki skólans fyrir þessa önn.
„Að stjórna skóla eins og FÍV er
ekki einnar konu verk, samheldinn
starfsmannahóp þarf líka til. Þá vil
ég þakka skólanefnd og Illuga
Gunnarssyni, mennta- og menn-
ingarmálaráðherra, fyrir traustið
til að leiða skólastarfið í FÍV
næstu ár.“
FíV :: Helga Kristín Kolbeins, skólameistari segir nauðsynlegt að kynna skólann betur og
það sem þar fer fram:
nemendum FíV líður betur og
eru hamingjusamari en nem-
endur annarra framhaldsskóla
:: Glíma við minna þunglyndi, kvíða og svefnleysi :: Með neikvæðara viðhorf og sýna
skólanum sínum minni hollustu
Ómar GarðarSSon
omar@eyjafrettir.is
Helga Kristín ásamt útskriftarnemum. Efsta röð frá vinstri, Sigurður Grétar, Hallgrímur, Hlynur, Rakel Ýr,
Sigrún Agatha. Önnur röð f.v. Dagur, Hafsteinn Gísli, Díana Dögg, Birta.
Fremst f.v. Svanur Páll, Daníel Freyr, Nökkvi Dan og Magnea.