Fréttir - Eyjafréttir - 06.01.2016, Síða 16
16 Eyjafréttir / Miðvikudagur 6. janúar 2016
Árið 2015 var gott ár á Rauðagerði.
Fastir liðir áttu sinn sess, eins og
söngkeppni, Stíll og ferð okkar á
Samfesting standa helst upp úr sem
viðburðir. Lopasokkamótið er alltaf
jafnvinsælt, einnig kepptum við í
CRUD og FIFA. Stelpu- og
strákakvöld eru haldin einu sinni á
ári, þar sjáum við alltaf ný andlit.
Brjóstsykurs- og karamellugerð er
alltaf vinsæl enda fátt betra en að
borða glænýtt nammi, sem þú býrð
sjálfur til. Í sumar tók ungmenna-
ráðið okkar á móti Svíum og
Ítölum, í verkefninu Loving Life á
vegum Erasmus+. Unglingaráðið
okkar fór á Landsmót Samfés í
október, þar sem þau sátu námskeið
í SEXTING, en í janúar munu þau
halda námskeið hér í Eyjum fyrir
unglingadeildina. Mikill meirihluti
barna í Vestmannaeyjum gerir sér
ferð, vikulega eða oftar í félagsmið-
stöðina sína en frá því að við
opnuðum í september hafa 130 börn
af unglingastigi komið í opið starf.
Heimsóknirnar, það sem af er
starfsárinu, voru 2276 um áramót, á
83 opnunardögum. Tölur sem
þessar hljóta að segja okkur að við
séum að gera eitthvað rétt!
Það má reikna með að starfið á
Rauðagerði verði töluvert öðruvísi
en fyrri ár, vegna mikilla breytinga
á opnunartímum og þjónustu.
Mannabreytingar verða miklar í
kjölfarið á breytingunum, enda ekki
á allra færi að vinna fimm kvöld í
viku allan veturinn. USSS,
söngkeppni suðurlands, verður
haldin strax í janúar og virðist allt
stefna í krúttlega skemmtiferð í
Flóahreppinn. Árlega menningar-
ferðin okkar á Samfestinginn verður
í mars og komast færri með en vilja.
Um páskana mun svo Ungmenna-
ráðið loka verkefninu Loving Life
með því að fara til Svíþjóðar.
Við áramót er gott að horfa um öxl
og líta jafnframt fram á veginn. Árið
2015 hófst með ágreiningi við meiri-
hlutann um áherslur varðandi fjár-
veitingar til aldraðra og fatlaðra. Við
í E-listanum vildum setja þá fjár-
muni, sem eyrnamerktir voru Fisk-
iðjunni, í fjárhagsáætlun 2015 í mál-
efni aldraðra og fatlaðra.
Við urðum undir í baráttunni þá en
dropinn holar steininn. Í síðustu fjár-
hagsáætlun bar svo við að
200.000.000 kr. voru settar í Hraun-
búðir og ég er sannfærður um að ef
ekki hefði komið til málefnaleg bar-
átta okkar á síðasta ári hefði meiri-
hlutinn aldrei sett fjármunina í
Hraunbúðir heldur haldið áfram að
hlaða undir eigin gæluverkefni.
Það merkilega er að samkvæmt
upplýsingum, sem ég hef aflað mér
frá Framkvæmdasjóði aldraðra, hef-
ur Vestmannaeyjabær aldrei sótt um
úr þeim sjóði frá 2008 fyrr en núna.
Vafalaust hefði meirihlutinn látið
Hraunbúðir drabbast áfram niður ef
ekki hefði komið til baráttu okkar
fyrir þessum hagsmunum aldraðra.
Þetta er því skýrt og augljóst dæmi
um hvernig minnihlutinn getur haft
jákvæð áhrif þótt oft þurfi að bíða
eftir réttlætinu. Almennt talað er
samstarfið gott, en vandinn er sá að
sjónarmiðin eru oft svo gerólík. Við
viljum forgangsraða í þágu fjöl-
skyldna eins og frístundakortin okk-
ar eru gott dæmi um. Kannske mun
D-listinn sjá að sér árið 2016 líkt og
með Hraunbúðir og koma sjálfur
fram með hugmyndina um frí-
stundakortin á næsta ári. Ég verð að
segja að mér er sama hvaðan hug-
myndin er sögð koma, bara ef hægt
er að láta stjórnmálin snúast um að
þjónusta bæjarbúa.
Sjálfum fannst mér skemmtilegasti
tími ársins þegar ÍBV varð bikar-
meistari í handbolta 2015. Úrslita-
leikurinn var ótrúlegur og algerlega
vonlaust að sitja kyrr yfir leiknum,
heldur gekk maður milli herbergja
og varð algerlega heltekinn. En að
fara niður á bryggju og sjá nánast
hálfan bæinn samfagna var ógleym-
anleg stund.
Almennt talað er árið 2015 gjöfult
ár. Fyrirtækjum í sjávarútvegi geng-
ur vel og það smitar út frá sér til alls
samfélagsins. Því miður hefur þó
ekki allt verið okkur hagfellt. Á
árinu féll Sparisjóðurinn, þetta
gamla og merka fyrirtæki, og var
yfirtekið af Landsbankanum. Þetta
var ótrúlegt áfall og ótrúlegt að
aldrei hafi kviknað á viðvörunar-
ljósum. D-listinn hefur fengið mikla
gagnrýni fyrir að hafa fjárfest í
Sparisjóðnum stuttu fyrir fall hans
og þar með valdið því að bæjarsjóð-
ur tapaði stórum fjárhæðum.
Á árinu 2016 ætlar E-listinn sér
áfram að stunda hagsmunabaráttu
fyrir bæjarfélagið. Við einsetjum
okkur að standa vörð um barnafjöl-
skyldur, halda áfram að berjast fyrir
frístundakortunum enda um ótrúlega
brýnt hagsmunamál að ræða fyrir
fjölskyldur. Við náðum árangri fyrir
aldraða með því að fá D-listann til
að sækja loksins í Framkvæmdasjóð
aldraðra og eins munum við berjast
fyrir bættum hag öryrkja. Þá stendur
nú yfir vinna með aðalskipulag Vest-
mannaeyja fyrir næstu 20 árin. Hér
er frábært tækifæri til að skapa enn
betra bæjarlíf.
Hvað umhverfismálin áhrærir, ætl-
um við okkur að fá meirihlutann til
að láta af því stórkostlega hirðuleysi
sem hér viðgengst svo víða. Eldfell-
ið okkar er orðið okkur til vansa,
svæði víða um bæinn eru óslegin og
almennt talað vantar meiri metnað.
Þá eru málefni sjúkrahússins komin
í öngstræti. Það er grundvallaratriði
í samfélagi okkar að heilbrigðis-
málin séu í góðu lagi en þegar börn
geta ekki lengur fæðst í heimabyggð
þá höfum við farið áratugi aftur á
bak í þróuninni. Samt ætti D-listinn
að geta fengið heilbrigðisráðherrann
til að huga að þessum málum, en
kannske má ekki styggja flokks-
bróður.
Ég er sannfærður um að árið 2016
verður gott ár fyrir Vestmannaeyjar.
Það er margt jákvætt að gerast í
samfélagi okkar þótt samgöngurnar
séu að sliga okkur nú um stundir. En
nóg um það í bili.
Ég óska Vestmannaeyingum öllum
gleðilegs árs og vona að við munum
áfram sem hingað til standa saman í
öllu því sem eflir og bætir mannlíf
Vestmannaeyja.
Þegar litið er til baka yfir árið 2015
kemur í ljós að margt var vel gert
sem áfram má byggja á til fram-
tíðar. Staðan í efnahagsmálum
þjóðarinnar er góð og laun á
vinnumarkaði hækkuðu verulega í
vor og bætur almannatrygginga
hækkuðu um 7% umfram verðbólgu
um áramót. Það er því mikilvægt að
halda haus og missa ekki niður
kjarabæturnar með hækkandi
verðbólgu og verðlagi. Þar verða
allir að leggja sitt af mörkum til að
halda fengnum hlut. Vörugjöld hafa
verið afnumin, tollar felldir niður
um áramót sem eiga að skila sér í
betri afkomu heimilanna. Það er
mikilvægt að þessar lækkanir skili
sér til neytenda og vel verður fylgst
með því að það gerist.
Heilbrigðismál
Heilbrigðismálin eru sá málaflokkur
sem skiptir alla landsmenn miklu
máli ekki síst í Vestmannaeyjum.
Ég tek eftir því að starfsandi og
starfsemi Heilbrigðisstofnunar
Suðurlands í Vestmannaeyjum
gengur vel eins og víðast annars-
staðar í kjördæminu. Starfsfólkið er
ákveðið í því eins og áður að gera
sitt besta til að tryggja þá bestu
þjónustu sem því er unnt að veita á
hverjum tíma. Jákvæð teikn eru á
lofti og mikilvægt að sameining
heilbrigðistofnunarinnar skili sér
með festu í starfseminni, auknu
öryggi og þjónustu fyrir fólkið hvar
sem er á starfssvæðinu. Ég ætla að
leyfa mér að vera bjartsýnn á
áframhaldandi jákvæðar fréttir af
heilbrigðismálum í Eyjum.
Utanspítalaþjónusta eins og
sjúkraflutningar eru snar þáttur í
öryggi íbúa á landsbyggðinni og sá
þáttur sem mikilvægt er að efla og
ég bind vonir um að aukin menntun
sjúkraflutningamanna muni skila
sér í auknu öryggi íbúanna.
Samgöngur
Þau miklu vonbrigði sem Eyjamenn
hafa upplifað vegna vandamála
tengdum siglingum til Landeyja-
hafnar er það mál sem hvert
mannsbarn í Eyjum hefur skoðun á.
Mín skoðun er alveg klár í þessu
máli. Ég vil að fengnir verði
sérfræðingar sem ekki komu að
hönnun og uppbyggingu Land-
eyjahafnar til að yfirfara forsendur
hafnargerðarinnar og koma með
tillögur um úrbætur sem tryggja
notkun Landeyjahafnar allt árið,
sem er ekki í hendi í dag. Niður-
stöður slíkrar úttektar verða síðan
hönnunarforsendur fyrir nýjum
Herjólfi. Kunnugir segja mér að slík
könnun kosti 100-200 mkr. sem er
ekki stór peningur ef miðað er við
þær 2,000 milljónir sem farið hafa í
sanddælingu í og við Landeyjahöfn
frá opnun hafnarinnar og Vegagerð-
in er engu nær um framhaldið. Ég
hvet ráðamenn til að hafa það þrek
sem til þarf að endurskoða forsendur
Landeyjahafnar sem algjörlega hafa
brugðist vonum Eyjamanna um
tryggar samgöngur allt árið.
Einnig þarf að skoða með hvaða
hætti er hægt að auka og tryggja
flugsamgöngur við Eyjar, en
flugfélagið Ernir hefur sinnt því
verkefni með miklum sóma og
ánægju Eyjamanna.
Nýsköpun
Það liggur fyrir að störfum í
fiskveiðum og vinnslu muni fækka
á næstu árum. Það mun gerast með
aukinni hagkvæmni og nýsköpun í
veiðum og vinnslu sem enn er
innistaða fyrir í Eyjum. Við sjáum
þegar færri, öflugri og fullkomnari
fiskiskip sem eru með færri menn í
áhöfn. Vinnslan er í sífelldri þróun
og þar munu afköstin og verðmæta-
sköpunin halda áfram að aukast en
starfsfólkinu fækka. Jákvæðu
afleiðingarnar ættu að vera betri
afkoma fyrirtækjanna og mögu-
leikar til að greiða færri starfs-
mönnum betri laun. Neikvæðu
afleiðingarnar eru fækkun starfa og
hvar það fólk á að leita sér að
nýjum starfsettvangi. Ég hef sagt
það við forystumenn í atvinnulífi í
Eyjum að mikil ábyrgð hvílir á
fyrirtækjunum að leggja reynslu og
fé í uppbyggingu nýrra atvinnu-
tækifæra og nýsköpunar sem
skapað getur fjölda vel launaðra
starfa í Eyjum. Bæjarfélagið er
lykilaðili í slíkri uppbyggingu sem
tengiliður atvinnulífs, menntastofn-
ana og aðila í nýsköpun og klasasam-
starfi eins og Sjávarklasans. Upp-
bygging Þekkingarseturs Háskólans
og Fiskiðjunnar er mjög gott skref í
þá átt, fyrirmyndin er til, reynslan er
til staðar og það þarf ekki að vaða yfir
marga læki til að leita svaranna. Það
má ekki gleyma því sem vel er gert
og þakka fyrir það.
Í Eyjum er gríðarleg þekking og
reynsla þjónustufyrirtækja við
sjávarútveginn og atvinnulífið og ég
tel þá aðila ekki síður lykilaðila í
frekari uppbyggingu nýsköpunar
sem mun í enda dagsins efla þau
fyrirtæki enn frekar og treysta
starfsemi þeirra til framtíðar.
Í mínum huga er fjölgun vel
launaðra starfa í Eyjum stærsta mál
samfélagsins á næstu misserum og
árum. Árangurinn af því verkefni
ræðst af samstarfsvilja og sameigin-
legri sýn atvinnulífs og sveitar-
félagsins. Náist sú samstaða, koma
allir í mark sem sigurvegarar.
Lokaorð.
Í stuttum pistli er aðeins minnst á
það helsta. Ég er bjartsýnn fyrir
hönd Eyjamanna á framtíðina, hún
er að mestu undir þeim sjálfum
komin. Sterkt samfélag sem byggir
á traustu atvinnulífi, sterkum
einstaklingum, sögu sem allir geta
verið stoltir af og stóru Eyjahjarta,
nær þangað sem það ætlar sér.
Gangið þá vegferð saman, fyrir
opnum tjöldum í takt, þá farnast
öllum vel.
Ég vil þakka þeim mikla fjölda
Eyjamanna sem leita til mín um
margvísleg mál og fyrir að veita
mér þá ánægju að geta orðið að liði.
Ég er tilbúinn að halda því áfram.
Þakka samstarfið á liðnu ári og óska
Eyjamönnum öllum farsældar á
nýju ári.
Nýsköpun og fjölgun vel laun-
aðra starfa mikilvægasta málið
:: Samgöngu- og heilbrigðismálin áfram í brennidepli
Á tímamótum eins og nýju ári
rifjum við upp það liðna og
förum yfir málin. Hvort sem það
er á persónulegu nótunum,
vinnan eða samfélagið. Eyja-
fréttir fengu nokkra einstaklinga
til að gera upp árið í nokkrum
orðum.
Uppgjör við 2015 og
markmiðin fyrir 2016
Sara SjöFn GrETTiSdÓTTir
sarasjofn@eyjafrettir.is
Ásmundur Friðriksson
alþingismaður.
Almennt talað var
árið 2015 gjöfult ár
Stefán Jónasson
oddviti E- Listans í bæjarstjórn
Líf og fjör í
Rauðagerði
Sigþóra Guðmundsdóttir
forstöðumaður Rauðagerðis.