Fréttir - Eyjafréttir - 06.01.2016, Side 17
17Eyjafréttir / Miðvikudagur 6. janúar 2016
Á síðasta ári eignuðumst við
bikarmeistara í meistaraflokki karla
í handbolta og þá átti meistara-
flokkur kvenna gott tímabil.
Meistaraflokkur kvenna í fótbolta
átti ágætt tímabil en tímabilið hjá
strákunum var okkur erfitt. Við
erum mjög stolt af því að eiga 4 lið
í úrvalsdeildunum enn eitt árið. Við
áttum marga unga og efnilega
krakka í yngri landsliðum Íslands
og spiluðu margir af leikmönnum
félagsins landsleiki fyrir Íslands
hönd. Sendum við lið til keppni á
Íslandsmót/bikarkeppni í öllum
flokkum karla og kvenna og
uppskárum þrjá titla. Hátíðir
félagsins gengu mjög vel, gestir
okkar á Þrettándanum voru margir
og þrátt fyrir erfiða veðurspá þá var
nokkuð fjölmennt í göngunni og
veðrið framar björtustu vonum.
Þjóðhátíðin var einnig fjölmenn og
var hátíðin ein af stærstu hátíðum
sem félagið hefur staðið að. Gestir
okkar voru upp til hópa mjög flottir
og voru mættir til Eyja til að
skemmta sér og sínum. Mót
félagsins skiptu um nöfn á árinu en
nú heita þau Orkumótið, Tm mótið
i Eyjum og Eyjablikksmótið. Tm
mótið hefur farið stækkandi síðustu
ár en mótið er fyrir 5. flokk kvenna
í fótbolta. Orkumótið hefur verið
fullbókað síðustu ár og var engin
breyting þar á í sumar en mótið er
fyrir 6. flokk karla í fótbolta.
Eyjablikksmótið er handboltamót
sem er fyrir 5. flokk karla og
kvenna og er það fyrsta mót
tímabilsins í handboltanum. Segja
má að á þessum mótum hafi félagið
tekið á móti 2500 leikmönnum sem
og auðvitað töluverðu af foreldrum
og þjálfurum auk okkar iðkenda
sem að sjálfsögðu voru á þessum
mótum. Árið var félaginu að öllu
jöfnu gott rekstrarlega, rúmlega
fjörutíu manns eru á launaskrá að
jafnaði á mánuði og eru stöðugildin
okkar rúmlega 30. Við höfum á
undanförnum árum verið að velta
um hálfum milljarði á ári og
keyptum vörur og þjónustu af
fyrirtækjum og stofnunum í Eyjum
fyrir 150 milljónir á árinu 2015. Við
erum stolt af því að vera stór hluti
af frábæru samfélagi sem er hér í
Eyjum og viljum leggja okkar af
mörkum til að gera samfélagið
okkar enn betra.
Árið 2015 var Eyjamönnum í flesta
staði gott. Atvinnulífið hélt áfram
að styrkjast og dafna og er nú orðið
sérlega áberandi hversu öflugan
sprota Eyjamenn eiga í ferðaþjón-
ustu. Sú atvinnugrein hefur í dag
alla burði til að vaxa til hliðar við
- og ásamt - sjávarútvegi.
Afrek...
...á sviði menningar og íþrótta voru
víða og ljóst að Eyjamenn eru
öflugir á þeim sviðum sem öðrum.
Við Eyjamenn erum ríkir. Ríki-
dæmi okkar samanstendur meðal
annars af öflugu leikfélagi, sterkri
lúðrasveit, fjölmennum kórum,
stórri sveit myndlistarfólks,
rithöfundum, grafískum hönnuðum
og fleira. Við erum einnig með
úrvalsdeildarlið í fótbolta og
handbolta, bæði karla og kvenna.
Við bjóðum upp á æfingar í
frjálsum, fimleikum, sundi, blaki,
badminton, karate og þar fram eftir
íþróttagötunni. Klúbbastarf er
gríðarlega öflugt og skemmtanir vel
sóttar. Í Eyjum er maður manns
gaman.
Við vorum...
... reglulega minnt á að víða eru
blikur á lofti hvað tilveru okkar
Eyjamanna varðar. Samþjöppun í
sjávarútvegi er hvött áfram af
ofurskattlagningu og eftir standa
sjávarbyggðirnar með einhæfara
atvinnulíf og færri störf. Sam-
göngur á sjó eru hér í algerri
pattstöðu. Áfram er siglt á elsta
skipi sem verið hefur í áætlun milli
lands og Eyja í höfn sem ekki stenst
þær kröfur sem gerðar voru til
hennar. Þannig verður það þar til
eitthvað verður gert. Heilbrigðis-
þjónusta er minni en þörf er á og
fæðingaþjónusta hefur nánast verið
lögð af.
Í þessum vanda...
....öllum má þó finna þann ótvíræða
kost að hann er fyrst og fremst
mannanna verk. Sé til þess vilji er
hægt að gera á þeim breytingar og
hindra frekari skaða. Það á að vera
sjálfsagt og eðlilegt að íbúar
sjávarbyggða og fyrirtækin þar njóti
þess þegar vel gengur í sjávarút-
vegi. Ofurhár skattur á sjávarút-
vegsfyrirtækin er í dag lands-
byggðaskattur sem erfitt er að una.
Frá örófi alda hafa samgöngur við
Vestmannaeyjar verið erfiðar og
þannig verður það áfram í nánustu
framtíð. Öllum má þó ljóst vera að
tvennt þarf tafarlaust að koma til.
Það þarf tarfarlaust að ráðast í smíði
á nýrri ferju og smíðatíma hennar
þarf að nota til að gera breytingar á
Landeyjahöfn. Þar er sennilega
stærsta hagsmunamál okkar í dag.
Heilbrigðisþjónusta í Eyjabyggð á
síðan að vera jafn sjálfsögð og vatn
og rafmagn. Það kann að vera að
það sé eitthvað dýrara að veita þá
þjónustu í stórri byggð umluktri af
sjó en það verður þá svo að vera.
Verkefni ársins 2016...
...verða víðtæk og margs konar.
Höfuðáhersla verður þar lögð á
uppbyggingu á þjónustu fyrir
aldraða og fatlaða. Fjöliðjan
Heimaey (verndaður vinnustaður)
verður byggð upp og þjónustan þar
efld. Stefnt er að byggingu á
íbúðum sérhönnuðum fyrir fatlaða.
Fjármagn hefur verið tekið frá í
byggingu nýrrar deildar fyrir fólk
með heilabilun (Alzheimer) við
Hraunbúðir, fjölga á herbergjum við
Hraunbúðir og stefnt er að bygg-
ingu nýrra þjónustuíbúða fyrir
aldraða. Þá standa vonir til þess að
hægt verði að finna tæknilegar og
hagkvæmar lausnir í sorpmálum og
er þar sérstaklega horft til þess að
hefja á ný sorpbrennslu í Vest-
mannaeyjum. Að lokum verður
mikil áhersla lögð á uppbyggingu á
fræða- og nýsköpunarumhverfi og í
því samhengi eru miklar vonir
bundnar við hið nýja háskólanám
sem verið er að undirbúa sem og
stofnun sjávarklasa í Fiskiðjunni.
Hvað vettvang stjórnmála...
...varðar má öllum ljóst vera að
meirihluti sjálfstæðismanna mun
halda áfram þeirri ábyrgu og
ákveðnu framgöngu sem einkennt
hefur hann. Átök um málefni eru í
senn eðlileg og mikilvæg. Persónu-
legt skítkast og árásir á einstaka
embættismenn eða kjörna fulltrúa
eru hins vegar skaðlegar og vinna
gegn þeim hagsmunum sem
kjörnum fulltrúum er ætlað að
vinna að. Á komandi ári mun
meirihluti sjálfstæðismanna áfram
leggja áherslu á virðingu fyrir jafnt
samherjum sem andstæðingum og
þrátt fyrir vaxandi vilja minni-
hlutans til að hefja á ný þann
leðjuslag sem lengi einkenndi
samfélag okkar Eyjamanna þá
munu sjálfstæðismenn ekki leggjast
í þá for.
Vestmannaeyjar eru...
... sterkt samfélag. Þar býr gott fólk
sem ætíð er tilbúið að leggja lykkju
á leið sína fyrir samfélagið. Við
viljum koma vel fram hvert við
annað og við viljum rétta þeim
hálparhönd sem á þurfa að halda.
Þótt verkefnin séu mörg, og sum
hver stór, þá er því ekki að kvíða á
meðan Eyjamenn búa því yfir þori,
þreki og samstöðu sem tryggt hefur
velferð okkar í gegnum aldirnar.
Gleðilegt nýtt ár
Það eru forréttindi að vinna í
ferðaþjónustu í Vestmannaeyjum.
Fallegasta stað í heimi, sem lætur
engan ósnortinn. Það er ekki hægt
að segja annað en að hér hafi fólk
gripið tækifærin, sem til urðu í
ferðaþjónustu við opnun Land-
eyjahafnar fyrir 5 árum. Ég man
vel eftir umræðunni um hvort
Vestmannaeyjabær og ferðaþjón-
ustan hér væru yfirhöfuð tilbúin í að
taka við ferðamannafjöldanum sem
kæmi í kjölfar nýju hafnarinnar.
Hafi einhver haldið að við réðum
ekki við þetta þá hefur heldur betur
annað komið í ljós. Hér hefur
þjónustustigið vaxið með eftir-
spurninni. I dag státar bærinn af
einu glæsilegasta hóteli landsins,
fjölda góðra gististaða, bestu
veitingastöðum landsins, ein-
stökum íþróttamannvirkjum,
fjölbreyttri afþreyingu og söfnum.
Ég vil auðvitað nefna sérstaklega
það sem stendur mér næst, sem eru
Eldheimar. Safnið hefur fengið
mikinn meðbyr. Um 30.000
ánægðir gestir á liðnu ári, sem er
mun meira en nokkur þorði að vona
og svo Hönnunarverðlaun Íslands,
sem er bæði mikil viðurkenning og
auglýsing fyrir safnið.
Í Eyjum er allt klárt fyrir mun
fleiri ferðamenn, en því miður eru
samgöngurnar ennþá þannig að öll
hin metnaðarfulla uppbygging
nýtist ekki allt árið og skilar þar
með ekki tekjum og störfum á
ársgrundvelli. Ég á mjög erfitt með
að sætta mig við að horfa á
ferðamennina hverfa um leið og
óöryggið með siglingarnar byrjar
þegar líður á haustið, vitandi af
þeim mikla ferðamannafjölda sem
er á landinu yfir vetrarmánuðina.
Nú er að vona að Landeyjahöfn
opnist sem allra fyrst, það er
óásættanlegt að búa við ótryggar
samgöngur langt fram í maí eins og
raunin var á síðsta ári. Að þessu
sögðu er ég annars bjartsýn á það
sem framundan er á nýju ári.
Það sem er mér efst í huga frá árinu
2015 er allt það góða fólk sem ég
hef kynnst á árinu. Það er mikill
fjársjóður fólginn í því að fá að
kynnast eldri borgurum Vestmanna-
eyja sem eru upp til hópa bráð-
skemmtilegt fólk. Opnun á Kviku,
félagsaðstöðu Félags eldri borgara,
þann 1. desember er eitthvað sem
við öll í Eyjum getum verið stolt af,
það skiptir svo gríðarlega miklu
máli að huga vel að kynslóðinni
sem byggði upp samfélagið og
gerði það að því sem það er í dag.
Það hefur einnig verið margt
skemmtilegt gert á Hraunbúðum á
árinu, farið í kaffihúsaferðir,
goslokahátíðin færð til okkar,
haldið þjóðhátíðarpartý, jólahlað-
borð og ýmiss konar tilbreyting í
boði.
Það er líka fjársjóður fólginn í því
frábæra starfsfólki sem vinnur á
Hraunbúðum og ég hef orðið þess
aðnjótandi að kynnast. Ég held að
það geri sér ekki allir grein fyrir því
hversu dýrmætt og óeigingjarnt
starf þetta fólk vinnur. Allt með
sama markmiðið, að láta eldra
fólkinu okkar líða sem best.
Framundan á árinu eru mörg
spennandi verkefni sem tengjast
vinnunni. Ég er mjög glöð yfir því
að nú sé verið að teikna viðbygg-
ingu við Hraunbúðir ásamt því að
unnið sé að því að bæta aðstöðu
fyrir dagfólkið okkar. Það er líka
spennandi starfsemi framundan í
Kviku og mótun á starfi þar í
samvinnu við Félag eldri borgara.
Það verður markmið ársins 2016 að
bjóða eldri borgurum, sem eru langt
frá því að vera einsleitur hópur,
fjölbreytta þjónustu og mæta þannig
ólíkum þörfum og óskum.
Elliði Vignisson
bæjarstjóri.
Sólrún Gunnarsdóttir
félagsráðgjafi, deildarstjóri í
öldrunarmálum
Dóra Björk Gunnarsdóttir
Framkvæmdastjóri ÍBV
Árið 2015 hjá ÍBV
Gott ár að baki,
enn betra ár í
vændum
:: víða eru þó blikur á lofti sem bregðast þarf við
Markmið að
láta fólkinu
líða vel
Aðsóknarmet
í Eldheimum
og víðar
:: Frábæru ferðaári lauk með
lokun Landeyjahafnar
Kristín Jóhannsdóttir, menningarfulltrúi og safnstjóri Eldheima.