Fréttir - Eyjafréttir - 06.01.2016, Side 18

18 Eyjafréttir / Miðvikudagur 6. janúar 2016
KÆRU
VIÐSKIPTAVINIR GOTT
Við verðum með
vetrarlokun til 1.mars.
Þökkum viðskiptin á síðast-
liðnu ári og hlökkum til að sjá
ykkur í mars á nýja árinu.
Í maí síðastliðnum, nánar tiltekið
um hvítasunnuna, var haldin
Óskarshátíð á Háaloftinu. Hug-
myndin fæddist í spjalli þeirra
Bjarna Ólafs og Pálma Gunnars-
sonar, þegar verið var að æfa og
undirbúa tónleikana „Ég þrái
heimaslóð“ sem haldnir voru í
Hörpu í febrúar 2014. Pálmi og
Óskar heitinn á Háeyri kynntust í
gegnum sameiginlegt áhugamál
þeirra, jazzinn og tónlist almennt.
Þeir urðu miklir mátar og þegar
Pálmi færði þessa hugmynd í tal, að
keyra af stað Óskarshátíð, eins og
hann nefndi hana þá, var ekki aftur
snúið. Fljótlega eftir þennan fyrsta
fund Dadda og Pálma var hafist
handa við að skipuleggja og velta
hlutum upp en ekki náðist að hafa
hátíðina árið 2014 og því var
stefnan tekin á hvítasunnuhelgina
2015. Það átti reyndar einkar vel
við, því þá helgi hefði Óskar heitinn
orðið 75 ára. Óskar var ekki einung-
is mikill stuðningsmaður jazz-
tónlistarinnar hér í Eyjum, heldur
einnig uppi á fastalandinu og margir
af mestu jazzgeggjurum þjóðarinnar
og bestu jazzspilararnir, voru miklir
vinir Óskars. Það kom því aldrei
annað til greina en að tileinka og
kenna þessa upprisu listahátíðar-
innar „Dagar lita og tóna“ við
þennan mikla karakter og ljúfa
mann, sem lagði svo mikið til
þessarar tónlistarstefnu hér á landi.

Fyrsta tilraun gekk vel, þótt
mætingin á þennan frábæra
tónlistarviðburð hefði mátt vera
betri. En áfram skal haldið og nú
hafa forráðamenn hátíðarinnar
ákveðið að breyta nafninu úr
Óskarshátíð í Óskarsvöku og nú
skal ekki tjaldað til einnar nætur,
því ákveðið hefur verið að Óskars-
vakan 2016 verði dagana 5. til 8.
maí. Á næstu dögum verður
tilkynnt um það hverjir munu spila
þessi kvöld og án vafa verður þar
valinn maður í hverju rúmi. Ekki
má heldur gleyma því að Dagar lita
og tóna var ekki eingöngu jazzvaka,
heldur lítil og metnaðarfull
listahátíð, með t.d. listviðburðum
eins og málverkasýningum. Birgir
Nielsen, trommuleikari og tónlistar-
kennari og þar að auki fyrrum
formaður Leikfélags Vestmanna-
eyja, mun hafa veg og vanda af
skipulagningunni og ekki ólíklegt
að hann komi jafnvel sjálfur við
sögu þessa helgi á Háaloftinu.

Músík, list og matur
í Vestmannaeyjum
Um leið og haldin verður heljar-
innar jazz- og tónlistarveisla á
Háaloftinu, verður einnig blásið í
herlúðra í miðbæ Heimaeyjar og
þar mun fara fram sannkölluð
matarveisla. Frekari skipulagning
og kynning bíður betri tíma, en ef
markmið skipuleggjenda nást fram,
verður þetta stórkostleg opnun á
sumrinu hér í Eyjum. Allt verður
þetta kynnt með viðeigandi hætti
þegar sól verður hærra á lofti, en
samt nógu snemma til að starfs-
mannahópar, fyrirtæki, einstak-
lingar og allir aðrir sem áhuga hafa,
hafi tíma og ráðrúm til að skipu-
leggja komu sína til Eyja.
Óskarssjóður – til styrktar
tónlistarfólki úr Eyjum.
Um leið og ákveðið var að hefja
þessa jazz- og tónlistarvöku aftur til
vegs og virðingar, var ákveðið að
allur ágóði af hverri hátíð fyrir sig
færi í sérstakan sjóð, Óskarssjóð.
Hann ætti síðan að styrkja ungt
tónlistarfólk úr Eyjum, sem hygðist
mennta sig enn frekar. Þótt ekki hafi
orðið hagnaður af þessari fyrstu
Óskarshátíð, ákváðu eigendur
Háaloftsins, sem stóðu að hátíðinni,
að styrkja einn einstakling um
100.000 krónur. Silja Elsabet Brynj-
arsdóttir varð fyrir valinu í þetta
sinn. Silja Elsabet stundar nú nám
við The Royal Academy and Music
í London. Um leið og við óskum
Silju Elsabetu til hamingju með
styrkinn, óskum við henni velfarn-
aðar í krefjandi námi sem fram-
undan er.
Óskarsvaka – Óskarssjóður
– arfur okkar allra
Á næstu dögum og vikum munu
forsvarsmenn Óskarsvökunnar fara
á fullt í að skipuleggja þetta
skemmtilega verkefni, sem
Listvinafélag Vestmannaeyja með
þá Hermann Einars, Inga Tómas og
fleiri góða menn og konur keyrðu af
stað á sínum tíma, en nú með
eitthvað breyttum áherslum.
Verkefnið þarf stuðning og vonum
við að forsvarsmenn fyrirtækja
komi að verkefninu og styðji þannig
við menningar- og listsköpun í
Eyjum og um leið styðji og hvetji
tónlistarmenn úr Eyjum til dáða.
Það er og verður arfur okkar allra.
Ekkert byggðarlag er eins ríkt og
Eyjarnar af tónlistarsögu og má
rekja það beint og óbeint til þeirrar
gerjunar, þeirrar sögu sem Oddgeir
Kristjánsson, Eyjamaður síðustu
aldar og hans vinir áttu svo mikinn
þátt í að skapa.

Fréttatilkynning:
Óskarshátíð styrkir Silju Elsabetu
:: Óskarshátíð komin til að vera :: Verður Óskarsvaka :: Fer fram dagana 5. til 8. maí
Silja Elsabet tekur við styrknum úr höndum Birgis Nielsen og Bjarna
Ólafs forsprakka Óskarsvöku.
RæstingaR og þRif
Þekkingarsetur Vestmannaeyja leitar eftir starfsmanni
við ræstingar og þrif. Starfið felst í ræstingu og þrifum á
skrifstofuhúsnæði og öðru rými að Strandvegi 50 (önnur
og þriðja hæð). Um er að ræða hlutastarf sem unnið er
virka daga á dagvinnutíma.
Hæfniskröfur:
Reynsla af sambærilegu
starfi er æskileg. Umsókn-
arfrestur er til 12. janúar
nk. og æskilegt er að
viðkomandi geti byrjað
strax. Nánari upplýsingar
veitir Páll Marvin Jónsson í
síma 694-1006. Umsóknir
má senda á
pmj@eyjar.is.
Þekkingarsetur Vestmannaeyja | Strandvegur 50 | 900 Vestmannaeyjum
FÉLAGSMENN
ATHUGIÐ!!
Vinsamlegast takið þátt
í skoðunarkönnun um næstu
skref í kjarabaráttunni.
Svarblöð liggja á skrifstofu Jötuns í Alþýðuhúsinu.
Á samningafundum SFS hefur komið skýrt fram að þeir
eru eingöngu tilbúnir að ræða  ögur atriði til að loka
kjarasamningum næstu 3 árin. Þau eru:
1. Hækkun á kauptryggingunni og kaupliðum.
2. Lagfæring á olíuverðsviðmiðun.
3. Útgerðir verði skyldaðar til að kaupa brúttó rúmlesta
mælingu sé hún ekki fyrir hendi.
4. Mánaðarleg uppgjör á ís sktogurum þó hver veiðiferð
verði áfram sérstakt kauptryggingartímabil.
Svarmöguleikar í skoðunakönnun:
Óbreytt ástand, þ.e. samningar lausir áfram
Undirbúa verkfallsaðgerðir.
Semja um hækkun kauptryggingar, launaliða
og þrjú atriði önnur samkvæmt meðfylgjandi
upplýsingablaði til ársloka 2018.
SJÓMANNAFÉLAGIÐ
JÖTUNN