Fréttir - Eyjafréttir - 06.01.2016, Page 19

19Eyjafréttir / Miðvikudagur 6. janúar 2016
Hafsteinn Briem skrifaði undir
nýjan þriggja ára samning við
ÍBV nú á dögunum. Hafsteinn
var lykilmaður í liði ÍBV á síðasta
tímabili og var valinn besti leik-
maður ÍBV á lokahófinu.
Hafsteinn ólst upp í HK en hefur
einnig leikið með Val, Haukum og
Fram.
Blaðamaður Eyjafrétta setti sig í
samband við Hafstein sem var að
vonum sáttur með nýjan samning.
„Mér líst mjög vel á metnaðinn hjá
klúbbnum fyrir komandi tímabil.
Við erum ansi þunnskipaðir eins og
er en ég hef fulla trú á því að við
verðum með sterkan mannskap
þegar mótið byrjar næsta vor,“
sagði Hafsteinn en ásamt því að
stunda fótboltann hefur hann sest á
skólabekk og lærir viðskiptafræði
við Háskóla Íslands. Hafsteinn flutti
til Vestmannaeyja í febrúar 2014 og
líkaði vel. „Það er frábært að vera í
Eyjum, algjör paradís á sumrin. Þar
getur maður verið knattspyrnumað-
ur allan sólarhringinn og það gerði
mér klárlega gott síðasta sumar. Það
er vel hugsað um mann og ég held
að þetta sé fullkominn staður fyrir
leikmenn sem vilja ná lengra.
Planið var að fjölskyldan kæmi svo
í maí en það gekk því miður ekki
upp. Ég byrjaði hins vegar í skóla í
haust og var því með annan fótinn
upp á landi síðustu tvo mánuði
keppnistímabilsins.“
Gekk vel persónulega
á síðasta tímabili
Þegar tal okkar Hafsteins berst að
síðasta tímabili segir hann að það
hafi verið vonbrigði hvað stigasöfn-
una varðar en að honum hafi gengið
vel persónulega. „Það var mikið rót
á leikmannahópnum og þjálfara-
teyminu sem skilaði sér í mjög
sveiflukenndum úrslitum,“ sagði
Hafsteinn en hann er fullur
tilhlökkunar með að vinna með
Bjarna Jóhannssyni, nýjum þjálfara
ÍBV. „Með Bjarna fylgir ákveðinn
kraftur og hann hefur sýnt það í
gegnum tíðina að hann er topp-
þjálfari.“
Hvaða væntingar hefur þú til næsta
tímabils?
„Það er erfitt að segja til um það
eins og staðan er núna. En eftir að
hafa talað við Bjarna og stjórnar-
menn er ég ekki í nokkrum vafa að
við eigum eftir að gera betur en
síðasta sumar. Ef við fáum
stuðningsmenn félagsins á okkar
band verður hægt að gera mjög
skemmtilega hluti er ég viss um.“
Íþróttir
u m S j Ó n :
Guðmundur TÓmaS
SiGFúSSon
gudmundur@eyjafrettir.is
Knattspyrna |
Heimir Hallgrímsson
þjálfari ársins 2015
Það kom fáum á óvart að Heimir
Hallgrímsson skyldi vera kjörinn
þjálfari ársins 2015 í kjöri Samtaka
íþróttafréttamanna. Heimir fékk 215
stig í kjörinu en niðurstöður voru
kynntar í Hörpu miðvikudaginn 30.
desember. Þórir Hergeirsson,
þjálfari norska kvennalandsliðsins í
handbolta, fékk 69 stig en hann
varð heimsmeistari á dögunum.
Heimir náði ótrúlegum árangri með
íslenska landsliðið sem hann stýrir
ásamt Lars Lagerback. Saman
stýrðu þeir félagar liðinu inn á
Evrópumótið sem fram fer í júní á
þessu ári. Þetta er í fyrsta skiptið
sem íslenskt karlalandslið fer á
stórmót og því um ótrúlegan
árangur að ræða.
Knattspyrnuráð ÍBV gekk á
dögunum frá samningi við Óskar
Jósúason en hann mun taka við
stöðu framkvæmdastjóra hjá
meistaraflokki og 2. flokki félags-
ins. Óskar er fæddur og uppalinn í
Eyjum þar sem hann spilaði upp
yngri flokkana með ÍBV, Tý og Þór.
Þá var Óskar á mála hjá ÍBV árin
1998 til 2002. Hann lék t.a.m. í leik
gegn Leiftri um titilinn meistari
meistaranna árið 1998. Óskar hefur
undanfarin ár starfað við Grunn-
skóla Vestmannaeyja þar sem hann
hefur hlotið gott orð fyrir störf sín
sem kennari. Hjálmar Jónsson, sem
gegndi starfinu síðustu misseri,
ákvað að taka ekki slaginn á ný með
stjórninni.
Knattspyrna |
óskar Jósúa-
son fram-
kvæmda-
stjóri knatt-
spyrnudeild-
ar karla
:: Hefur störf
seinna í janúar
Knattspyrna |
Skogsrud
farinn
í C-deild
í Noregi
Tom Skogsrud, fyrrum leikmaður
ÍBV, hefur ákveðið að halda í
C-deildina í Noregi þar sem Moss
FK hafði áhuga á honum. Það er
ljóst að ÍBV mun sakna Toms sem
lék átján leiki í fyrra með liðinu.
Áður hafði Tom verið í unglinga-
liðum Manchester City og Rangers.
Hann skrifaði undir tveggja ára
samning við lið Moss FK en þar eru
menn spenntir fyrir honum.
Yfirmaður íþróttamála hjá félaginu
segir Tom vera góðan leikmann, í
góðu formi og hann geti spilað sem
miðjumaður og varnarmaður.
Unglingurinn Sandra Erlings-
dóttir hefur leikið vel með Füchse
Berlin í þýsku Bundesligunni á
tímabilinu. Sandra er einungis
sautján ára gömul en hefur samt
átt fast sæti í leikmannahópi
liðsins á tímabilinu. Þýska deildin
er ein sú sterkasta í Evrópu og
jafnvel í heiminum en samkvæmt
EHF er deildin sú sjötta sterk-
asta, til samanburðar er íslenska
deildin í 26. sæti. Lið Söndru
byrjaði tímabilið illa og tapaði
fyrstu fimm leikjunum, liðið
hefur þó unnið fimm næstu og
situr því um miðja deild. Sandra
hefur komið við sögu í átta
leikjum en í þeim hefur hún
komist á blað fimm sinnum.
Á dögunum var Sandra einnig valin
mikilvægasti leikmaður æfingamóts
þar sem U-18 ára landslið Íslands
var að spila. Það er þó ekki alltaf
dans á rósum að vera að spila í eins
sterkri deild og þeirri þýsku en
fjölskylda Söndru fór í frí til Íslands
yfir áramótin. Sandra var ekki með í
för en tveir leikir voru á næstunni
hjá Füchse, hvor sínum megin við
áramótin. Þar spilaði liðið við
Göppingen og Celle en báðir
leikirnir unnust örugglega. Gegn
Celle komst Sandra ekki á blað en
nældi sér þó í eina tveggja mínútna
brottvísun. Síðasta mark hennar
kom í sigri á Rosengarten-Buchholz
í sjöundu umferð.
Eldgamalt dagblað í Berlín sem
nálgast 150 ára afmæli sitt, veitti
Söndru athygli í vikunni þar sem
lítið viðtal var tekið við hana. Þar er
sérstaklega tekið fram að um dóttur
Erlings Richardssonar sé að ræða
en hann virðist ekkert vera að kippa
sér upp við aðstæður og segir meðal
annars: „Ég er ekkert stressaður
fyrir hennar hönd, sömu sögu er
ekki hægt að segja um konuna mína
sem er hrikalega stressuð.“
Þá er einnig spjallað við Söndru
þar sem hún segist hafa spilað
handbolta síðan hún var sex ára, þá
hafi hún æft og spilað fótbolta
samhliða handbolta upp að 15 ára
aldri. Hún segist einnig hafa vonað
að pabbi hennar fengi ekki starfið í
fyrstu þar sem hún hafi eignast
mjög góða vini í Austurríki en hún
sé orðin ánægð núna og viti að hún
eigi eftir að læra mikið hjá Füchse.
Þá vonum við að liði Söndru haldi
áfram að ganga svona vel en þær
eru með fullt hús stiga í síðustu
fimm leikjum, einungis Thüringer,
topplið deildarinnar, hefur safnað
jafnmörgum stigum í síðustu
umferðum.
Handbolti |
Sandra Erlingsdóttir að spila
vel með liði Füchse Berlin
:: Spilað átta leiki það sem af er leiktíð
Knattspyrna | Hafsteinn Briem semur til þriggja ára
Líst mjög vel á metnaðinn hjá
klúbbnum fyrir komandi tímabil
GÍGja ÓSKarSdÓTTir
gigja@eyjafrettir.is
Hafsteinn Briem og Sigríður Lára Garðarsdóttir voru valin bestu
leikmenn meistaraflokkanna í fótbolta eftir síðasta tímabil.