Fréttir - Eyjafréttir - 13.01.2016, Blaðsíða 7
7Eyjafréttir / Miðvikudagur 13. janúar 2016
Eins og áður hefur komið fram
er þessi annáll að mestu unninn
upp úr Eyjafréttum ársins 2015.
Reynt að tína til það fréttnæm-
asta, athyglisverðasta og
skemmtilegasta sem við
hefur borið.
JúLÍ
Milli 40 og 50 viðburðir
Goslokahátíðin er fyrir löngu orðin
önnur stærsta bæjarhátíðin í
Vstmannaeyjum. Nokkru fjöl-
skylduvænni en þjóðhátíðin að
sumum finnst enda sækja hana
margir brottfluttir Eyjamenn. Að
þessu sinni voru milli 40 og 50
viðburðir á dagskránni, sem stóð frá
fimmtudegi til sunnudags, þar á
meðal ellefu myndlistarsýningar.
Sem fyrr var fjölmennt á laugar-
dagskvöld á samkomuna á
Skipasandi, stærsta ættarmót
landsins eins og sumir segja.
Minnisvarði um Ársæl
Eitt athyglisverðasta atriðið á
goslokahátíð var á laugardag þegar
afhjúpaður var minnisvarði um
Ársæl Sveinsson frá Fögrubrekku,
útgerðarmann og athafnamann í
Vestmannaeyjum á fyrri tíð. Þeim
minnisvarða var valinn staður við
Strandveginn, vestan og ofan við
Slippinn sem var miðpunktur
athafnasvæðis Sælanna eins og
Ársæll og synir hans voru jafnan
kallaðir.
Kynferðisbrot til
rannsóknar
Það skyggði nokkuð á vel heppnaða
goslokahátíð að kynferðisbrot var
kært til lögreglu. Það afbrot átti sér
stað á sunnudagsmorgni og var
karlmaður á sextugsaldri hand-
tekinn vegna þess.
Fækkun nemenda
um 35%
Þótt hásumar væri og skólastarf
lægi niðri til hausts, var þó byrjað
að huga að skólastarfinu næsta
vetur. Í tölum, sem fræðslufulltrúi
lagði fram hjá fræðsluráði, kom
fram að fjöldi nemenda í grunnskól-
anum næsta vetur yrði 519. Það er
35% fækkun nemenda á fimmtán
árum en árið 2000 voru nemendur
grunnskólans 805 talsins. Þetta mun
einkum stafa af því að árgangar eru
nú mun fámennari en áður var.
Aukinn metnaður,
agi og ástundun
Skýrsla íþróttaakademíu grunn-
skólans og ÍBV var einnig til
umræðu hjá fræðsluráði. Þar kom
fram að á síðasta vetri hefðu 50
nemendur í 9. og 10. bekk verið
skráðir í akademíuna. Kennurum
grunnskólans bar saman um að þeir
hefðu fundið fyrir auknum metnaði
í námi, ástundun og aga hjá þeim
nemendum.
Séra Kristján á förum
Séra Kristján Björnsson, sóknar-
prestur Ofanleitissóknar, sem
þjónað hefur Eyjamönnum frá
1998, tilkynnti að hann væri á
förum; myndi taka við Eyrarbakka-
prestakalli þann 1. ágúst. Í fram-
haldi af því var séra Úrsúla
Árnadóttir ráðin hingað til starfa
með séra Guðmundi Erni Jónssyni.
Nýr Canton
Hjónin Weniy Zeng og Hallgrímur
Rögnvaldsson, sem um þriggja ára
skeið höfðu rekið „aktu taktu“
staðinn Canton, færðu heldur betur
út kvíarnar þegar þau opnuðu nýjan
stað með sama nafni að Strandvegi
49. Fullt var út úr dyrum fyrstu
dagana eftir opnunina og Hall-
grímur sagði að 99% gestanna væru
heimamenn.
Miðvikudagstónleikar
Og meira af veitingarekstri.
Veitingahúsið Slippurinn stóð fyrir
þeirri nýlundu þetta sumarið að
bjóða upp á tónleikakvöld á
miðvikudögum. Það sem af var
sumri höfðu verið haldnir þar fernir
tónleikar og nú komu þeir fimmtu
þegar hljómsveitin Skarkali lék fyrir
gesti staðarins.
Lundaveiði leyfð
í þrjá daga
Umhverfis- og skipulagsráð ákvað
að heimila lundaveiði í þrjá daga á
þessu sumri. Í umsögn frá ráðinu
sagði að þetta væri meira gert til að
reyna að halda í hefðir og kenna
ungu fólki handtökin og menn-
inguna kringum veiðarnar. Reyndin
varð enda sú að sárafáir brugðu háfi
á loft þessa þrjá daga.
Biðlistar í flestar ferðir
Nýtt met var slegið í flutningum
Herjólfs milli lands og Eyja í
júnímánuði. Farþegar voru 48.781
eða 2000 fleiri en gamla metið
hljóðaði upp á. Þrátt fyrir að farnar
voru fimm ferðir á dag og sex ferðir
tvo daga vikunnar, hafðist ekki
undan og voru biðlistar í flestar
ferðir.
Tyrkjaráns minnst
Og enn var líf og fjör í Safnahúsinu.
Að þessu sinni var það Tyrkjaránið
en þann 16. júlí var þess minnst að
388 ár voru frá þeim atburði. Efnt
var til Sögu og súpu í Sagnheimum
þar sem dr. Þorsteinn Helgason,
sagnfræðingur, flutti erindi sem
hann nefndi Píslarvætti í Rauðhelli
og upprisa í Krosskirkju. Þar var
fjölmenni eins og á flestum öðrum
uppákomum í Safnahúsinu.
Engir bekkjabílar
Ekki voru allir á eitt sáttir við þá
ákvörðun lögreglustjóra og
þjóðhátíðarnefndar sem kvað á um
að á þjóðhátíð skyldu bekkjabílar
ekki lengur leyfðir en fjórir
strætisvagnar myndu leysa þá af
hólmi. Þar með var aflagður
áratugagamall siður sem fylgt hafði
þjóðhátíðarhaldi.
Haltu fast í höndina
á mér
Höfundur þjóðhátíðarlagsins í ár,
Guðmundur Jónsson, oft kenndur
við hljómsveitina Sálina, hélt
tónleika á Háaloftinu. Þar kynnti
hann m.a. nýja þjóðhátíðarlagið
sem heitir Haltu fast í höndina á
mér en textinn er eftir annan
góðkunnan tónlistarmann, Stefán
Hilmarsson.
Tólfti sigurinn
Vestmannaeyjameistaramótið í golfi
var haldið í júlí samkvæmt venju.
Þar kom fátt á óvart, í meistara-
flokki karla sigraði Örlygur Helgi
Grímsson í 12. sinn en Vestmanna-
eyjameistari kvenna varð Katrín
Harðardóttir, í annað sinn.
Katrín Íslandsmeistari
Og meira af golfi. Íslandsmót eldri
kylfinga fór fram í Vestmanna-
eyjum. Heimamenn blönduðu sér
lítt í baráttu um efstu sæti nema í
eldri flokki kvenna þar sem önnur
Katrín kom við sögu; Katrín Lovísa
Magnúsdóttir frá Gvendarhúsi varð
Íslandsmeistari í sínum flokki með
forgjöf og er þetta í annað sinn sem
hún afrekar það á ferlinum.
Þjóðhátíðin kynnt
í höfuðborginni
Þó svo að tæplega þurfi að kynna
Þjóðhátíð Vestmannaeyja fyrir
landsmönnum, ákvað þjóðhátíðar-
nefnd að standa fyrir kynningu í
höfuðborginni. Hún fór fram á
veitingastaðnum Bergsson RE í
húsi Sjávarklasans á Grandagarði.
Þar var sett upp þjóðhátíðartjald
með öllu tilheyrandi og einn af
gömlum þjóðhátíðarlagahöfundum,
Hreimur Heimisson, tók lagið.
Tjaldið var sett upp um miðjan júlí
og var opið gestum allt til loka
þjóðhátíðar þann 3. ágúst.
Eyjablikk 18 ára
Eyjablikk hélt upp á að átján ár
voru liðin frá því að fyrirtækið hóf
starfsemi sína í Vestmannaeyjum.
Fyrirtækið hefur vaxið mjög á
þessum átján árum, byrjaði í 100
fermetra húsnæði en nú er sú tala
komin upp í 1000. Fyrsta árið voru
starfsmennirnir tveir en nú starfar
21 hjá Eyjablikki.
Ásdís á Skólaveginn
Ásdís Loftsdóttir, hönnuður, sem
um tveggja ára skeið hafði verið
með vinnustofu heima hjá sér,
ákvað að flytja sig að Skólavegi 14
með vinnustofuna og opna þar
verslun. Um haustið tók hún svo þá
ákvörðun að hætta þar og flytja sig
aftur heim.
Nýir hártæknar
Ný menntastofnun í Reykjavík,
Hárakademían, sem, eins og nafnið
bendir til, sérhæfir sig í því sem
viðkemur hári og snyrtingu þess,
útskrifaði fyrstu nemendur sína í
júlímánuði. Í þeim fjórtán manna
hópi voru fjórar Eyjakonur, Arna
Björk Guðjónsdóttir, Henný Dröfn
Davíðsdóttir, Sandra Dís Pálsdóttir
og Dóra Kristín Guðjónsdóttir. Þær
munu væntanlega koma til með að
hafa hendur í hári Eyjamanna og
-kvenna á næstunni.
Fyrra gjálífi kemur ekki
til greina
Sú ákvörðun Landsbanka Íslands að
ætla að reisa nýjar höfuðstöðvar á
einni dýrustu lóð landsins, Hörpu-
reitnum svonefnda í Reykjavík,
hleypti illu blóði í marga. Þar á
meðal fulltrúa Vestmannaeyjabæjar
sem er í hópi hluthafa bankans eftir
yfirtökuna í Eyjum fyrr á árinu.
Elliði bæjarstjóri sagði það skoðun
þeirra að fyrra gjálífi kæmi ekki til
greina. Hvort sem það var þess
vegna eða annars, þá hurfu
ráðamenn bankans frá þeirri
ákvörðun.
Gáfu rafdrifin rúm
Eykyndilskonur í Vestmannaeyjum
leggja gjörva hönd að mörgu. Þess
var getið í júlí að þær dugnaðar-
konur hefðu fært hjúkrunar- og
dvalarheimilinu Hraunbúðum ný
rafdrifin rúm og væru þær með því
langt komnar í því að endurnýja öll
rúm á Hraunbúðum.
Opið til fjögur
í stað fimm
Í júlí tók bæjarráð Vestmannaeyja
til endurskoðunar reglur um
opnunartíma veitinga- og skemmti-
staða í Vestmannaeyjum. Samþykkt
var að breyta reglum um opnunar-
tíma um helgar. Fram til þessa hafði
verið heimilt að hafa opið til kl.
fimm að morgni en nú var sá tími
styttur til kl. fjögur. Þessi breyting
tók svo gildi 1. september.
Þórður Rafn
skattakóngur Íslands
Skattskráin var lögð fram í lok júlí
og samkvæmt henni voru heildar-
gjöld á Eyjamenn rúmir fimm
milljarðar, nánast sama tala og á
síðasta ári. Skattakóngur Íslands var
Eyjamaðurinn Þórður Rafn
Sigurðsson, fyrrum útgerðarmaður
sem seldi Ísfélaginu útgerðarfyrir-
tækið Dala-Rafn ehf. Alls var Þórði
Rafni gert að greiða tæpar 672
milljónir króna. Sá næsti á listanum
var ekki hálfdrættingur á við Þórð
Rafn.
ÁgúST
Fjölmenni á þjóðhátíð
Talið var að um 15 þúsund manns
hefðu verið í Herjólfsdal á þjóðhá-
tíð þegar mest var eða ívið færri en
í fyrra. Veður var gott og fór hátíðin
fram með hefðbundnum hætti,
hvítum tjöldum, tónleikum, brennu
og brekkusöng. Þrátt fyrir mikla
gæslu á svæðinu og mjög auknar
varúðarráðstafanir komu upp þrjú
kynferðisbrot og þótti hátíðarhöld-
urum það að sjálfsögðu miður.
Úlfaþytur vegna
ákvörðunar
lögreglustjóra
Við lá að sjálf þjóðhátíðin félli í
skuggann af fjölmiðlaumræðu í
kjölfar þess að Páley Borgþórs-
dóttir, lögreglustjóri í Vestmanna-
eyjum, tók þá ákvörðun að
fjölmiðlum yrðu ekki veittar
upplýsingar um kynferðisbrot sem
upp kynnu að koma á hátíðinni.
Þetta var af ýmsum túlkað sem svo
að þarna ætti að þagga niður
óþægilega umræðu. Páley útskýrði
að markmiðið með þessari
ákvörðun hefði verið að hlífa
fórnarlömbunum við fjölmiðlaum-
fjöllun meðan málin væru í
rannsókn. Þegar um hægðist mun
það hafa verið álit flestra að þessi
ákvörðun hafi bæði verið réttmæt
og skynsamleg.
Enn slegið met
Og enn var slegið met í flutningum
með Herjólfi. Fram kom að farþegar
í júlímánuði voru 74.036 núna eða
rúmlega fjórtán þúsund fleiri en í
fyrra. Þá fjölgaði líka í flutningi á
bílum og vögnum.
Myndavélin hvarf
Yfirleitt eru næstu vikur eftir
þjóðhátíð fremur rólegar hjá
lögreglumönnum í Vestmanna-
eyjum. Að þeirra sögn var hvað
mest að gera í því að svara
fyrirspurnum fólks sem tapað hafði
lausamunum á þjóðhátíð. En
erlendur ferðamaður leitaði til
lögreglu þegar myndavélin hans var
tekin ófrjálsri hendi. Þetta var
Annáll ársins 2015 – seinni hluti
SiGurGeir jónSSon
sigurge@internet.is
Birgir Nielsen, trommuleikari, gaf út sína fyrstu sólóplötu og hlaut hún nafnið Svartur 2. Það nafn varð til á Hárstofu Viktors en Svartur 2 er litur-
inn sem fer í hárið á Viðari Togga, þeim þekkta Bítlaaðdáanda.