Fréttir - Eyjafréttir - 13.01.2016, Blaðsíða 8
8 Eyjafréttir / Miðvikudagur 13. janúar 2016
svokölluð útivistarmyndavél og
hafði hann komið henni fyrir að
morgni dags til sjálfvirkrar
myndatöku við lundaholu í
Stórhöfða. Þegar hann svo hugðist
vitja hennar síðdegis, var hún horfin
ásamt fylgihlutum og mun ekki
hafa spurst til hennar meir.
Fréttir frá upphafi
á netinu
Í ársbyrjun 2012 var gerður
samningur milli Vestmannaeyja-
bæjar og blaðsins Frétta um að
Fréttir frá upphafi yrðu skannaðar
inn á netið og þannig gerðar
aðgengilegar. Haraldur Halldórsson,
starfsmaður Safnahúss, sá um
verkið og nú var því lokið. Alls
voru þetta 30.652 blaðsíður í 2.153,
fjörutíu ára blaðaútgáfa, frá 28. júní
1974 til 26. júní 2014.
Eyjamenn á HM
Það er ekki daglegt brauð að
Eyjamenn keppi á heimsmeistara-
mótum en gerðist í ágúst þegar tveir
ungir handboltamenn úr ÍBV voru
valdir í landsliðið undir 19 ára. Það
voru þeir Hákon Daði Styrmisson
og Nökkvi Dan Elliðason sem
kepptu á HM í Rússlandi og nældu í
bronsverðlaun þar með félögum
sínum.
Rafmagnsskömmtun
Um miðjan ágúst skapaðist
vandræðaástand í rafmagnsmálum í
Vestmannaeyjum þegar spennir á
Landeyjasandi bilaði. Þetta hafði í
för með sér að rafmagn fór af á nær
öllum bænum og í kjölfarið varð að
skammta rafmagn mill bæjarhluta.
Fiskvinnsla fór úr skorðum og allar
sjö aflvélar HS-veitna voru keyrðar
á fullu. Varaspenni var komið upp í
Landeyjunum en áfram var ótryggt
ástand um nokkurra vikna skeið og
lagaðist ekki fyrr en um miðjan
september þegar loks var lokið við
að setja upp nýjan spenni.
Gunnar Geir
Íslandsmeistari
Íslandsmótið í golfi, 35 ára og eldri,
var haldið í Vestmannaeyjum í
ágúst. Eyjamaðurinn Gunnar Geir
Gústafsson gerði sér lítið fyrir og
sigraði þar með yfirburðum, 15
höggum á undan næsta manni.
230 nemendur í FÍV
Skólahald hefst núorðið síðari hluta
ágústmánaðar, bæði hjá grunnskóla
og framhaldsskóla. Að þessu sinni
hófu 230 nemendur nám við
Framhaldsskólann í Vestmanna-
eyjum. Skólameistari sagði verða
kennt eftir nýrri námskrá og
spennandi tímar væru framundan.
Varmadælur
framtíðarlausnin?
HS-veitur ákváðu að bjóða út kaup
og uppsetningu á varmadælum fyrir
hitaveituna í Vestmannaeyjum. Ívar
Atlason hjá HS-veitum sagði að
með varmadælum væri hægt að
vinna varma úr umhverfinu og ef af
þessu yrði hér, yrði sá varmi unninn
úr sjó. Þetta gæti, ef vel tækist til,
orðið hluti af því að leysa orku-
vandamál Eyjamanna.
Betra ástand
á lundanum
Og góðar fréttir bárust af ástandi
lundastofnsins. Erpur Snær Hansen,
hjá Náttúrustofu Suðurlands, sagði
ástand stofnsins ekki lakara en
undanfarin ár, líklega ívið betra.
Þetta hélst í hendur við að mun
fleiri pysjur skiluðu sér þetta árið í
Sæheima. Reyndar var pysjan
langtum seinna á ferðinni en venjan
hefur verið, aðaltími hennar var
fyrrum tíð í ágúst og byrjun septem-
ber en að þessu sinni birtist fyrsta
pysjan ekki fyrr en 8. september og
var aðalpysjutíminn í október, nær
tveimur mánuðum á eftir áætlun.
Gáfu húsgögn
í sólhýsið
Hin ýmsu félagasamtök í Vest-
mannaeyjum eru ekki aðeins í
baráttu fyrir bættum kjörum
félagsmanna sinna. Þau leggja
einnig sitt af mörkum til að bæta
kjör og aðbúnað þeirra sem eiga um
sárt að binda eða eru komnir af
léttasta skeiði. Þeir hjá Sjómannafé-
laginu Jötni eru til að mynda
velunnarar Hraunbúða og færðu
stofnuninni ný húsgögn í sólhýsið,
stóla og borð.
Aníta hjúkrunar-
deildarstjóri
Nýr hjúkrunardeildarstjóri var
skipaður á sjúkradeild HSU í
Vestmannaeyjum, Aníta Ársæls-
dóttir, hjúkrunarfræðingur, sem
hefur starfað við stofnunina frá
2008. Hún leysti af hólmi Steinunni
Jónatansdóttur sem hélt í námsleyfi.
Kaldar kveðjur
Helga Tryggvadóttir, náms- og
starfsráðgjafi við Barnaskólann og
Hamarsskóla, var ekki sátt þegar hún
kom úr námsleyfi og var þá boðið
50% starf en hafði áður verið í fullu
starfi. Henni þóttu þetta kaldar
kveðjur eftir átján ára starf við
grunnskólann og ákvað að hætta.
Forsvarsmenn bæjarins sögðu það
hafa verið ákvörðun fræðsluráðs að
minnka stöðu faglærðs ráðgjafa í
50% en auka starf ráðgjafa skóla-
skrifstofu úr 30-40% í 90%.
Ánægðir með góðar
móttökur
Evrópskir lýsis- og mjölframleið-
endur héldu árlega ráðstefnu sína í
Vestmannaeyjum í lok ágúst. Meðal
annars skoðuðu þeir verksmiðju
FES og lýstu ánægju sinni með það
sem og annan viðurgerning af hálfu
Eyjamanna.
SEPTEMBER
Nýir eigendur
Eigendaskipti urðu á fyrirtækjunum
Rib Safari og Veitingahúsinu
Tanganum í byrjun september.
Þórðar Rafn Sigurðsson, fyrrum
útgerðarmaður Dala-Rafns, keypti
ásamt fleirum bæði fyrirtækin og
voru stofnuð tvö ný félög um
reksturinn.
Sex Eyjamenn í Hollandi
Mikil eftirvænting var á Íslandi
fyrir leik íslenska landsliðsins í
knattspyrnu við Hollendinga enda
hafði liðið staðið sig einkar vel í
baráttunni um að komast á EM í
Frakklandi næsta sumar. Hlutur
Eyjamanna var ekki lítill í þeirri
baráttu, því þótt enginn væri frá
ÍBV í sjálfu landsliðinu, voru sex
Eyjamenn sem komu við sögu:
Þjálfarinn Heimir Hallgrímsson;
kokkur landsliðsins, Einar Björn
Árnason, sem var sérstaklega
fenginn til þess hlutverks; Jóhannes
Ólafsson sem verið hefur í stjórn
KSÍ um árabil; Ómar Smárason,
fjölmiðlafulltrúi landsliðsins; Víðir
Reynisson, öryggisstjóri KSÍ og
Guðmundur Hermannsson,
markvarðaþjálfari, en þrír þeir
síðastnefndu eru fæddir í Eyjum en
búsettir í Reykjavík. Það jók svo
enn á ánægjuna þegar okkar menn
unnu frækinn sigur úti í Amsterdam
og tryggðu sér svo þátttökurétt á
EM nokkrum dögum síðar með
jafntefli við Kazaka á Laugardals-
velli.
Tilfæringar við
Bárustíginn
Talsverðar breytingar voru gerðar á
húsnæðinu í Baldurshaga þar sem
Arnór bakari og Veitingahúsið
Vinaminni voru til húsa. Davíð
Arnórsson, bakari, einn af eigend-
um, sagði standa til að breyta
rekstrinum, færa bakaríið og
kaffihúsið yfir í norðurhlutann og
láta af veitingarekstri. Síðar um
haustið fluttist svo skrifstofa VÍS,
Vátryggingafélags Íslands, sem
verið hafði í húsnæði Sparisjóðsins,
yfir götuna þangað sem bakaríið var
áður.
Unu og Kristínar minnst
Ekki voru Safnahússmenn hættir að
minnast kvenna. Nú var blásið til
dagskrár til að minnast tveggja
atorkukvenna frá Vestmannaeyjum,
Unu Jónsdóttur skáldkonu og
Kristínar Magnúsdóttur frá Litlabæ.
Þau Páll Halldórsson, varaformaður
BHM og Kristín Ástgeirsdóttir
fluttu þar erindi um langömmur
sínar og í framhaldi af því var svo
opnuð farandsýning Kvenréttinda-
félags Íslands.
Aglow 25 ára
Aglow eru þverkirkjuleg samtök
kvenna og hafa starfað í Vestmanna-
eyjum í 25 ár. Þeirra tímamóta var
nú minnst með hátíðarsamkomu þar
sem fjöldi gesta mætti.
HM í tennisgolfi
Keppt hefur verið í tennisgolfi í
Vestmannaeyjum allt frá árinu 2007
en árlega er hér haldið Heimsmeist-
aramótið í þeirri íþrótt. Samkvæmt
bestu upplýsingum mun íþróttin
ekki stunduð annars staðar. Þessi
íþrótt er, eins og nafnið bendir til,
sambland af tennis og golfi og
spilað bæði með kylfum og
Fjöldi skemmtiferðaskipa nær tvöfaldaðist milli ára þetta sumar. Í fyrra voru þau 21 talsins en í ár 39. Hollenska skipið Ryndam var eitt þeirra
sem hingað komu í ágúst.
Sumarið var ekki beint til að hrópa húrra fyrir veðurfarslega séð. En mjög þokkalegt tíðarfar um haustið bætti það upp. Þessir krakkar nýttu sér
gott veður í byrjun september til að busla í sjónum við Skansinn.