Fréttir - Eyjafréttir - 13.01.2016, Blaðsíða 9

9Eyjafréttir / Miðvikudagur 13. janúar 2016
spöðum. Þeir tíu, sem komust í
úrslit, léku síðasta hluta mótsins á
svæðinu kringum sviðið í Herjólfs-
dal. Heimsmeistari að þessu sinni
varð Eyjamaðurinn Stefán Bragason
og er þetta í fjórða sinn sem
Vestmannaeyingar hampa heims-
meistaratitli í þessari íþrótt.
Aukinn þorskkvóti
Fiskistofa gaf út hverjar aflaheim-
ildir yrðu á nýju kvótaári. Sam-
kvæmt þeim niðurstöðum var
þorskkvótinn aukinn verulega og
glöddust útvegsbændur í Vest-
mannaeyjum, sem og annars staðar
á landinu, yfir þeim fréttum.
Þingað um skatta,
áfengi og fíkniefni
SUS, Samband ungra sjálfstæðis-
manna, hélt sambandsþing sitt í
Vestmannaeyjum. Að sögn
formanns Eyverja í Vestmanna-
eyjum voru margar athyglisverðar
tillögur samþykktar á þinginu, m.a.
um skattamál, áfengismál og
fíkniefnamál.
Minna af dóti,
meira af atlæti
Elsti Vestmannaeyingurinn,
Kristjana Sigurðardóttir, íbúi að
Hraunbúðum, fagnaði hundrað ára
afmæli sínu þann 5. september í
faðmi vina og ættingja. Hún var
skorinorð í tali um uppeldi barna nú
til dags; taldi þau fá of mikið af
veraldlegu dóti en minna af því
atlæti sem þau ættu skilið.
Tekið til á Klifinu
Mikil tiltekt átti sér stað uppi á Klifi
þar sem öll helstu fjarskiptafyrir-
tækin hafa verið með sinn búnað.
Jón Sighvatsson, sem um árabil
hefur haft umsjón með þeim
tækjum, sagði að búið væri að
skipta út bæði tækja- og sjónvarps-
búnaði, gömlu tækin væru farin og
ný komin í staðinn.
Tangafólk hittist
á Tanganum
Hópur fyrrverandi starfsfólks á
Tanganum gamla, versluninni sem
um árabil var rekin þar sem Krónan
stendur í dag, ákvað að hittast og
gera sér glaðan dag. Það voru þau
Sigmar Georgsson, fyrrum
verslunarstjóri á Tanganum og
Þórunn Gísladóttir, sem vann á
skrifstofunni, sem skipulögðu
þennan hitting. Að sjálfsögðu fór sá
gleðskapur fram á veitingastaðnum
Tanganum við Básaskersbryggju.
Skæringarnir
með ættarmót
Og fleiri vinamót fóru fram í
september. Afkomendur tvíbura-
bræðranna Baldvins og Georgs
Skæringssona hittust í Vestmanna-
eyjum og minntust þess að 100 ár
voru liðin frá fæðingu þeirra. Fjöldi
afkomenda þeirra er orðinn 126 og
fjöldi þeirra býr í Vestmannaeyjum.
Margir þekktustu
hlauparar landsins
Hið árlega Vestmannaeyjahlaup fór
fram í september og var aðsókn
heldur meiri en í fyrra, þar á meðal
margir af þekktustu hlaupurum
landsins. Veður hefði reyndar mátt
vera betra en engu að síður luku
allir hlaupinu sem hófu það og voru
aðstandendur þess mjög ánægðir
með hvernig tiltókst í þessu
skemmtilegasta útihlaupi á Íslandi.
Nýir læknar væntanlegir
Málefni heilsugæslunnar í Vest-
mannaeyjum voru mikið til umræðu
á árinu. Fannst mörgum hafa orðið
afturför, til að mynda fækkun
heimilislækna sem og fáar fæðingar
í Eyjum. Hjörtur Kristjánsson,
læknir og framkvæmdastjóri
lækninga við HSU, taldi að mál
hefðu þokast til hins betra eftir sam-
eininguna við HSU og nú væri von
á fleiri læknum til starfa, m.a.
svæfingalæknum þannig að unnt
væri að bjóða upp á skurðaðgerðir
eins og var. Þá yrðu tveir nýir
læknar fastráðnir á heilsugæsluna í
byrjun næsta árs.
Belgar mættir
í sanddælingu
Nýtt sanddæluskip, Taccola frá
Belgíu, var fengið til að dæla sandi
í og við Landeyjahöfn en eigendur
þess voru með lægsta tilboðið í
sanddælinguna. Björgun hf., sem
séð hefur um dælingu undanfarin
ár, skilaði ekki inn tilboði en skip
félagsins munu þó enn verða til
staðar þar sem félagið er með
samning við Vegagerðina um
dælingu og rennur hann út í lok
febrúar næsta árs.
Hindraði lögreglu við
að sinna veikum manni
Lögregla fær oft misskemmtileg
mál til viðureignar. Mánudags-
morgun einn var óskað eftir aðstoð
lögreglu vegna veikinda í heima-
húsi. Þegar lögreglumenn mættu á
staðinn, vildi maður sem þar var
gestkomandi hindra þá í að aðstoða
sjúklinginn. Enduðu þau viðskipti
með því að sá veiki var fluttur á
sjúkrahús til aðhlynningar en hinn í
fangageymslu lögreglu og sagði
ekkert í skýrslu lögreglu um
aðhlynningu þar.
Nýir eigendur að Joy
Eigendaskipti urðu á veitingastaðn-
um Joy í Baldurshaga. Þau Ingi
Sigurðsson og Fjóla Jónsdóttir, sem
opnuðu staðinn fyrir ári, seldu þeim
Ernu Dögg Sigurjónsdóttur og
Herði Orra Grettissyni reksturinn.
Nýju eigendurnir sögðust hafa það
að markmiði að Joy yrði áfram sá
notalegi staður sem hann hefði
verið.
Snyrtimennska
verðlaunuð
Umhverfis- og skipulagsráð og
Rótarýklúbbur Vestmannaeyja
veittu hinar árlegu viðurkenningar
sínar. Snyrtilegasti garðurinn þótti
vera að Vestmannabraut 55,
snyrtilegasta húseignin að Búhamri
84, snyrtilegasta fyrirtækið Tanginn
og snyrtilegasta gatan Gerðisbraut.
Þá fékk eigandi hússins að
Vesturvegi 4 viðurkenningu fyrir
vel heppnaðar endurbætur.
Kiwanis með
umdæmisþing í Eyjum
Kiwanismenn á Íslandi héldu
umdæmisþing sitt í Vestmanna-
eyjum að þessu sinni og sátu um
250 manns þingið. Voru fulltrúar
ofan af landi hinir ánægðustu með
aðbúnað og móttökur í Eyjum.
Eyjamaðurinn Tómas Sveinsson var
á þessu þingi kosinn svæðisstjóri.
Við nám í handritsgerð
Eyjakonan Sigurlaug Birna
Leudóttir hefur undanfarin ár verið
við nám, bæði hérlendis og
erlendis, aðallega í Kanada, í
kvikmyndagerð með áherslu á
handritsgerð og lokaáfanginn í því
námi var gerð stuttmyndar. Hún
sagði að fram til þessa hefði þetta
verið bransi hvítra karlmanna og
það þyrfti að rétta hlut kvenna.
Lið Erlings
heimsmeistarar
Erlingur Richardsson, handbolta-
maður og þjálfari frá Vestmanna-
eyjum, sem síðustu ár hafði þjálfað
í Austurríki, söðlaði um og tók við
þýska liðinu Füchse Berlín af Degi
Sigurðarsyni. Liðið, undir hans
stjórn, tók þátt í HM félagsliða í
Katar en þar keppa sigurvegarar
bikarkeppna. Þar stóðu Erlingur og
hans menn uppi sem sigurvegarar
og þar með heimsmeistarar.
Eigið fé tæpir
17 milljarðar
Ársreikningar Ísfélags Vestmanna-
eyja fyrir árið 2014 voru birtir og
þar kom fram að laun og launatengd
gjöld félagsins námu rúmum 3,3
milljörðum króna. Bókfært eigið fé
nam tæpum 17 milljörðum og
eiginfjárhlutfall félagsins var
48,1%.
Ekki útilokað að taka
við flóttamönnum
Málefni flóttafólks frá Sýrlandi
voru ofarlega á baugi í umræðu
haustsins. Fram kom að þrjú
bæjarfélög á landinu höfðu lýst sig
reiðubúin til að taka á móti
flóttamönnum. Elliði Vignisson,
bæjarstjóri í Eyjum sagði ekki
útilokað að Vestmannaeyjabær
myndi taka á móti flóttafólki ef eftir
því yrði leitað. Eyjamenn hefðu þó
ekki reynslu af slíku og því gæti
aðstoð okkar orðið með öðrum
hætti, svo sem fjárframlagi eða
vinnuframlagi.
Andvíg skerðingu
Í fjárhagsáætlun Vestmannaeyja-
bæjar var verulega skorið niður til
Félagsmiðstöðvarinnar Rauðagerð-
is. Fram kom í viðtali við forstöðu-
mann Rauðagerðis að 30 til 50
krakkar nýta sér aðstöðuna þar á
hverju kvöldi sem opið er. Leist
starfsfólkinu ekki vel á ef til stæði
að skerða þá þjónustu meira en
orðið var og tóku krakkarnir undir
þau orð.
Lundaballið í
sögubækurnar
Loks var haldið Lundaball eftir að
það hafði fallið niður árið 2014. Að
þessu sinni var það einvalalið
Helliseyinga sem sá um fram-
kvæmdina og óhætt að segja að vel
hafi tekist til. Gestir voru um 400
talsins og mál manna að þetta
lundaball færi í sögubækurnar, svo
vel þótti það heppnast.
Á slóðum mormóna
Mormónar frá Utah í Bandaríkj-
unum hafa hin síðari ár verið einkar
iðnir við að heimsækja Vestmanna-
eyjar enda eiga margir þeirra rætur
sínar hér. En nú var komið að því að
endurgjalda þær heimsóknir og þrír
Eyjamenn, sem allir tengjast rekstri
bæjarins nokkuð, héldu á vit frænda
vorra vestra. Það voru þeir Elliði
Vignisson, bæjarstjóri, Kári
Bjarnason, fostöðumaður Safnahúss
og Páll Marvin Jónsson, formaður
bæjarráðs. Þeir létu vel af förinni og
öllum móttökum þar sem þeim var
tekið með kostum og kynjum og
leystir út með gjöfum.
Gísli Matthías
„framúrskarandi“
Enn bætti Gísli Matthías Auðuns-
son, veitingamaður í Eyjum og
Reykjavík, fjöðrum í hatt sinn. Við
athöfn í Háskólanum í Reykjavík
var hann í hópi þeirra sem hlutu
viðurkenninguna „Framúrskarandi
ungir Íslendingar“ en JCI afhendir
þær árlega.

OkTóBER
Fékk 11 þúsund volta
straum gegnum sig
Hann var heppinn að ekki fór verr,
hann Þórarinn Ólason, starfsmaður
HS-veitna, þegar hann fékk 11
þúsund volta straum gegnum sig við
vinnu sína á HS-veitum. Fór
straumurinn gegnum hægri hönd og
út um vinstra hné. Brenndist hann
nokkuð og var fluttur á heilbrigðis-
stofnunina. Þar kom í ljós að
meiðslin voru ekki jafnalvarleg og í
fyrstu var óttast.
Íslenska gámafélagið
hætt
Íslenska gámafélagið sem verið
hafði starfandi í Eyjum frá 2006,
tilkynnti að það hygðist flytja
reksturinn upp á fastalandið. Ekki
var þó öll þjónusta félagsins fyrir bí
með því, þar sem HS Vélaverk,
fyrirtæki þeirra Hermanns Sigur-
geirssonar og Hafþórs Snorrasonar
tók yfir þann hluta rekstrarins sem
snýr að jarðvinnu. Verður sú
starfsemi því áfram í Eyjum.
Vill endurbyggja
skýlið á Eiðinu
Pétur Steingrímsson, lögreglumað-
ur, sem er áhugamaður um útivist,
úteyjalíf, fjárbúskap og kótelettur
ásamt reyndar ýmsu fleiru, kom
fram með áskorun til framkvæmda-
og hafnarráðs. Pétur vill láta byggja
skýli undir gamla björgunarbátinn
sem var á Eiðinu. Skýlið yrði á
sama stað og svipað útlits og hið
gamla. Ekki yrði þó um eiginlegt
björgunarbátsskýli að ræða heldur
væri hugmyndin einkum sú að gefa
gestum og gangandi innsýn í liðna
tíma.
Nýr löglærður fulltrúi
Í hugum margra fram til þessa hefur
lögreglustarfið frekar verið
karlastarf en kvenna. Sú er þó ekki
raunin hjá embætti lögreglustjórans
í Vestmannaeyjum. Þar eru þrír
starfsmenn, allt konur. Fyrst skal
telja nýskipaðan lögreglustjóra,
Páleyju Borgþórsdóttur, á skrif-
stofunni er Karen Haraldsdóttir og
nú bættist í hópinn Kristín Jóns-
dóttir, löglærður fulltrúi en hún
starfaði áður hjá Fulltingi í
Reykjavík. Hún sagði ráðningu sína
ekki hafa haft langan aðdraganda,
hún hefði haft sex daga til að rífa
sig upp með rótum og koma sér til
Eyja en lét vel af dvölinni hér.
Nornanótt hjá Snorra
Fyrrum Gámavinur, Siglfirðingur-
inn og skáldið Snorri Jónsson, lét
drauminn rætast. Hann hafði lengi
gælt við að gefa út ljóðabók en
ákvað síðan að gefa út geisladiskinn
Nornanótt með ljóðum sínum og
textum. Hann fékk gott fólk í lið
með sér við að semja tónlist og
flytja hana og sagðist ánægður með
útkomuna.
Hafsteinn og Sigríður
Lára best
Á lokahófi fótboltans sem haldið
var í október voru veittar viður-
kenningar þeim sem best þóttu hafa
staðið sig á liðnu sumri. Þau
Hafsteinn Briem og Sigríður Lára
Garðarsdóttir voru valin bestu
leikmenn meistaraflokka karla og
kvenna á leiktíðinni.
Um 30% lækkun
á afurðaverði
Makrílveiðum lauk í október og við
tóku síldveiðar hjá uppsjávarveiði-
skipum. Makrílvertíðin gekk vel en
innflutningsbann Rússa setti þó
verulegt strik í reikninginn og taldi
Páll Guðmundsson, hjá Hugin VE,
að lækkun á afurðaverði næmi um
30% vegna þess. Tekjur útgerðar og
fiskvinnslu, sjómanna og land-
verkafólks hefðu dregist verulega
saman vegna þeirra aðgerða.
Hjónin Guðbjörg Guðmannsdóttir og Óskar Jósúason ákváðu sumarið 2014 að hlaupa saman 200 km á tíu dögum til styrktar Krabbavörn í Vestmannaeyjum og söfnuðu þannig 20
þúsund krónum. Í sumar buðu þau fleirum að hlaupa með sér og úr varð 12 manna hópur sem safnaði samtals 35 þúsund krónum til þessa góða málefnis.