Fréttir - Eyjafréttir - 13.01.2016, Blaðsíða 11

11Eyjafréttir / Miðvikudagur 13. janúar 2016
Pink Floyd messa
Enn var boðað til annars konar
messuhalds í Landakirkju, að þessu
sinni var það tónlist Pink Floyd sem
var í öndvegi. Aðsóknin að þessari
messu, sem og öðrum ámóta sem
haldnar hafa verið, sýnir að fólk
kann vel að meta slíka nýbreytni í
kirkjustarfi.
Gjörningurinn
rifjaður upp
Í Safnahúsinu var þess minnst með
sýningu að listamaðurinn Þórður
Ben Sveinsson fagnar á árinu
sjötugsafmæli sínu. Þórður, sem er
fæddur í Vestmannaeyjum, kenndi
hér við myndlistarskólann veturinn
1969 og er hans sérstaklega minnst
fyrir gjörning sem hann flutti í
Akógeshúsinu þá um vorið. Sá
gjörningur var þarna rifjaður upp
ásamt fleiru sem á daga listamanns-
ins dreif þennan vetur.
Hrekkjalómar komnir
á bók
Ásmundur Friðriksson, þingmaður,
kynnti nýútkomna bók sína um
Hrekkjalómafélagið. Á fjölmennu
kynningarhófi í Safnahúsinu sagði
hann frá bókinni og rifjaði upp
sögur og sögupersónur, ásamt því
sem lesið var úr bókinni.
Hver arða etin
„Þarna var hver arða af kjöti etin og
sogin upp til agna,“ sagði í umsögn
Eyjafrétta af Kótelettukvöldi sem
nú var haldið í annað sinn í
Höllinni. Eins og nafn uppákom-
unnar ber með sér var aðeins einn
aðalréttur í boði, lambakótelettur og
svo að sjálfsögðu hið staðlaða
meðlæti. Royalbúðingur í eftirrétt.
Sem sagt, ákaflega gamaldags og
gott. Alls gæddu 130 manns sér á
kótelettum í Höllinni þetta kvöld og
fór enginn svangur heim.
Kóratónleikar
á Háaloftinu
Karlakór Vestmannaeyja, sem stofn-
aður var í fyrra, hélt sína fyrstu
tónleika á Háaloftinu í Höllinni og
með þeim söng Drengjakór íslenska
lýðveldisins sem er skipaður einkar
þroskuðum drengjum. Þetta var hin
ágætasta skemmtun og undruðust
gestirnir úr Reykjavík hve góðum
árangri nýliðarnir í Vestmanna-
eyjum hefðu náð á einu ári.
1. des. kaffi í nóvember
Líknarkonur bjóða árlega upp á 1.
des. kaffi og fyrr á árum fór sú
veitingasala fram 1. desember. Hin
seinni ár hafa þær ágætu konur þó
breytt út af þeirri venju og nú er
boðið til veislu á þeim fimmtudegi
sem næstur er fyrsta sunnudegi í
aðventu. Fjölmenni var hjá
Líknarkonum í Höllinni á 1. des.
kaffinu eins og jafnan.
Ógilding samruna
Héraðsdómur Suðurlands ógilti
ákvörðun hluthafafundar Vinnslu-
stöðvarinnar um samruna VSV og
Ufsabergs frá síðasta ári sem og þá
ákvörðun sama fundar að auka
hlutafé í VSV. Þeir Stillubræður,
Guðmundur og Hjálmar Kristjáns-
synir höfðuðu mál vegna þeirrar
ákvörðunar og höfðu betur.
Framkvæmdastjóri VSV taldi
þessar aðgerðir bræðranna aðeins
þjappa hluthöfum í Eyjum betur
saman og taldi víst að málinu yrði
áfrýjað til Hæstaréttar.
Slapp heill á húfi
Mildi var að ekki fór verr þegar
eldur kviknaði í trillubátnum Brandi
VE rétt austan við Eyjar. Einn var
um borð, Gunnlaugur Erlendsson,
og sýndi hann hárrétt viðbrögð,
kom gúmbátnum útbyrðis og var
bjargað um borð í Frá VE skömmu
síðar. Báturinn var hins vegar
gjörónýtur eftir.
Konukvöld og fleira gott
Þegar jólin nálgast bjóða hin ýmsu
fyrirtæki og verslanir upp á alls
kyns uppákomur sem alla jafna eru
ekki í boði á öðrum árstímum. Nú
voru t.d. haldin sérstök konukvöld
hjá Geisla, Hárstofunni Dízó og
Active. Húsasmiðjan var með sitt
kvöld, Helga Dís og Rafn í Vosbúð
buðu upp á heitt súkkulaði og
smákökur eitt kvöldið og svo
opnaði handverksfólk markað í
Svölukoti. Allar voru þessar
samkomur vel sóttar og fólk ánægt
með framtakið.
Örn og Hrefna gáfu tréð
Kveikt var á jólatrénu á Stakkó í lok
nóvember. Að þessu sinni var tréð
gjöf frá þeim hjónum Hrefnu
Hilmisdóttur og Erni Ólafssyni,
Eyjamönnum sem búa í Kópavogi.
Tréð var orðið heldur fyrirferðar-
mikið í garðinum þeirra og því tóku
þau þá ákvörðun að fella það og
senda á æskustöðvarnar til að gleðja
gamla samsveitunga.
DESEMBER
Ekki meira siglt
til Landeyjahafnar
Ekki hafði verið siglt til Landeyja-
hafnar síðustu daga nóvembermán-
aðar bæði vegna veðurs sem og
ónógs dýpis. Fulltrúar Vegagerðar-
innar gáfu út í byrjun desember að
líkast til yrði ekki meira siglt til
Landeyjahafnar á þessu ári. Er það
svipað og var og gerðist á árinu
2014.
Vonbrigði með
samrræmd próf
Forsvarsmenn Grunnskólans í
Vestmannaeyjum sögðu það
vonbrigði hve nemendur kæmu
almennt illa út úr samræmdum
prófum, ekki síst þar sem farið
hefði verið í samstillt lestrarátak hjá
nemendum skólans og það skilað
góðum árangri. Einkunnirnar reynd-
ust undir landsmeðaltali í nær öllum
greinum sem prófað var í.
Ný aðstaða í Kviku
Eldri borgarar í Eyjum héldu upp á
vígslu nýrrar félagsaðstöðu á efstu
hæð í Kviku þar sem áður var
Félagsheimilið til húsa. Þar með var
aðstaðan í gamla Ísfélagshúsinu
kvödd en á þeim stað hafði félagið
haft aðstöðu sína nokkur undanfarin
ár.
„Kall á sjötugsaldri“
Bergur Sigmundsson, bakari, sem
reyndar hefur lagt bakstur á hilluna
í bili, opnaði málverkasýningu í
Papakrossinum, galleríi þeirra
bræðra, hans og Andrésar að
Heiðarvegi 7. Þetta var fyrsta
sýning Bergs og hann sagðist
spenntur, kall á sjötugsaldri að fara
út í slíkt. En svo varð spennufall því
að gestir voru hinir ánægðustu með
sýninguna.
Sigurður með sýningu
Og ekkert lát var á sýningum.
Gamall Eyjamaður, Sigurður K.
Árnason, setti upp sýningu á
verkum sínum í Einarsstofu. Mörg
verkanna sýndu æskustöðvar
listamannsins eins og þær litu út
áður en þær urðu hraunstraumi að
bráð.
Þór sæmdur gullmerki
Sá heiðblái fyrrum Þórari og
núverandi formaður ÍBV, Þór Ísfeld
Vilhjálmsson, hélt upp á sjötugsaf-
mæli sitt. Við það tækifæri var hann
sæmdur gullmerki ÍBV. Þór þakkaði
fyrir sig og tilkynnti að hann
hygðist láta af embætti formanns
ÍBV á vordögum, nú væri nóg
komið.
Eitt hið versta
í manna minnum
Eitthvert mesta óveður í manna
minnum skall á landinu mánudag-
inn 7. desember. Austanátt með
úrkomu og í Vestmannaeyjum, þar
sem veðrið varð hvað verst, fór
veðurhæðin í 46,7 m/sek á Stór-
höfða og í hviðum yfir 50 m/sek.
Björgunarsveitin sinnti um 30
útköllum, lögregla hafði í nógu að
snúast við að aðstoða fólk og
lögreglustjóri lét lýsa yfir hættu-
ástandi á mánudagskvöld. Það hafði
ekki gerst síðan í gosinu árið 1973.
Ekki urðu slys á fólki en talsvert
eignatjón, mest þó á húsi við
Smáragötu þar sem stór hluti
þaksins sviptist af og fauk inn á
nærliggjandi lóð.
Hlutu forvarnaverðlaun
Tvær ungar Eyjastúlkur, Elínborg
Eir Sigurfinnsdóttir og Sigurlaug
Margrét Sigmarsdóttir, tóku við
verðlaunum úr hendi forseta Íslands
á Bessastöðum vegna forvarnadags-
ins. Þær voru í hópi sex ungmenna
sem þau hlutu og sögðu athöfnina
hafa verið rosalega flotta og allt
mjög formlegt.
Nýtt skip – Kap VE
Vinnslustöðin tók á móti nýju skipi
í desember, Kap VE 4 og hét áður
Faxi RE. Skipstjórarnir á Kap, þeir
Jón Atli Gunnarsson og Gísli
Garðarsson voru hæstánægðir með
nýja skipið eins og raunar útgerðar-
mennirnir líka.
Gjafmildir Ufsaskallar
Ufsaskalli Invitational heitir
óformlegur félagsskapur nokkurra
ungra manna í Eyjum sem á hverju
sumri heldur golfmót til styrktar
ýmsum góðum málum. Eitt slíkt var
haldið á liðnu sumri og nú afhentu
forsvarsmenn Ufsaskalla, þeir
Kristján Georgsson, Valtýr
Auðbergsson og Magnús Steindórs-
son hagnaðinn af uppátækinu. Fyrst
héldu þeir á sjúkrahúsið og afhentu
þar níu sjónvörp. Svo var röðin
komin að Fjölskylduhjálp Vest-
mannaeyja en prestar Landakirkju
tóku við 700 þúsund krónum úr
hendi þessara gjafmildu pilta.
Vilja meira samstarf
Á aðalfundi Ferðamálasamtaka
Vestmannaeyja var ákveðið að fara í
samstarf við ferðaþjónustuna á
Suðurlandi, með sameiningu í huga.
Þá var einnig samþykkt að skoða
aðkomu samtakanna að Markaðs-
stofu Suðurlands en samtökin hafa
ekki átt aðild að henni til þessa.
Slippurinn annar besti
Enn bættust fjaðrir í hatta veitinga-
fólks í Eyjum. White Guide, sem
árlega birtir lista yfir 300 bestu
veitingahús á Norðurlöndum, var
með veitingahúsið Slippinn í
Vestmannaeyjum í 2. sæti yfir bestu
veitingastaði á Íslandi. Að sjálf-
sögðu voru eigendur Slippsins hinir
ánægðustu með það.
Fáir tónleikar
Tónleikahald hefur oft verið fyrir-
ferðarmeira í Vestmannaeyjum í
desembermánuði en núna. Fyrir fimm
árum voru a.m.k. fernir slíkir á dagskrá
á aðventunni og tónlistarfólk úr
höfuðborginni með helming þeirra. Nú
er slíkt aflagt, líkast til vegna erfiðleika
í samgöngum. En söngnemendur
Tónlistarskólans héldu lítinn konsert
og svo var Kór Landakirkju með sína
árlegu jólatónleika og húsfyllir þar
eins og venjulega.
Í landsliðið í
kraftlyftingum
Alltaf er gaman að geta þess þegar
Eyjafólk skarar fram úr á einhverju
sviði. Nú var það Eyjastúlkan Birgit
Rós Becker sem var valin í lands-
liðið í kraftlyftingum en því fylgir
þátttaka í bæði EM í mars og svo
HM í júní. Birgit Rós sagðist vera
spennt og hlakka til komandi átaka.
Gleðigjafar á ferð
Og fyrst minnst er á íþróttir.
Gleðigjafarnir svonefndu þurftu
ekki að kvarta yfir aðsóknarleysi á
Stjörnuleiknum sem nú fór fram í
annað sinn. Þar kepptu tvö lið frá
Gleðigjöfunum í handbolta og
styrktu hvort um sig liðsheildina
með einum lánsmanni úr meistara-
flokki. Margir segja að þetta sé
íþróttauppákoma ársins, þarna ríki
hin sanna gleði og íþróttaandi.
Endurbætur hjá Lands-
banka
Viðamiklar breytingar áttu sér stað í
húsnæði Landsbankans við
Bárustíg. Um miðjan desember var
svo opnað í nýju aðstöðunni sem
þótti hin glæsilegasta. Áður hafði
starfsemi Sparisjóðsins verið á
tveimur hæðum en nú er starfsemin
öll komin á jarðhæðina.
Þrettán útskrifuðust
Skólaslit haustannar Framhalds-
skólans voru samkvæmt venju í
desember. Að þessu sinni voru
útskriftarnemar þrettán talsins (og
þótti vel við hæfi á þessum
árstíma), tólf stúdentar og einn af
vélstjórnarbraut.
Vel útfært safn
Eldheimar höfðu hlotið ýmsar
viðurkenningar frá því að safnið var
opnað og nú bættist enn ein við,
Íslensku hönnunarverðlaunin en
Eldheimar voru valdir úr rúmlega
100 tilnefningum. Í áliti dómnefnd-
ar sagði að safnið væri til vitnis um
hugmyndaríkar og vel útfærðar
leiðir til að ná til gesta með
sjónrænum og gagnvirkum hætti.
Kostnaður bæjarins 882
milljónir
Á sama tíma var upplýst að
kostnaður við Eldheima næmi 1150
milljónum króna. Af þeirri upphæð
er hlutur bæjarins 882 milljónir en
ríkisstyrkir nema 198 milljónum.
Jólaandi í bænum
Jólaverslun var lífleg í desember og
bærinn fagurlega skreyttur að
vanda. Áfram héldu ýmsir aðilar að
gleðja viðskiptavini sína með
ýmsum uppákomum, til að mynda
verslanir í Baldurshaga, Miðstöðin
og Eymundsson auk Tölvunar sem
bauð upp á sérstakt peyjakvöld til
mótvægis við öll konukvöldin sem
haldin höfðu verið. Og sjálf
jólahátíðin fór svo vel og friðsam-
lega fram eins og venjan er í Eyjum.
Undirritaður hefur séð um ritun
þessa annáls í rúmlega þrjátíu
ár eða frá því að hann hóf störf á
Fréttum eins og blaðið hét í
þann tíð. En nú er mál að linni.
Þessi annáll verður sá síðasti
sem hann sér um að rita, auk
þess sem hann hyggst um leið
hætta sem starfsmaður Eyja-
frétta í blaðamennsku og
prófarkalestri. Hann vill þakka
lesendum blaðsins þolinmæði
og langlundargeð um þriggja
áratuga skeið og vill einnig
þakka hinum mörgu samstarfs-
mönnum á blaðinu góða
samveru.
Með ósk um góðar stundir á
nýju ári og komandi árum.
Sigurgeir Jónsson
Eitt atriði á Safnahelgi vakti verðskuldaða athygli. Sjö kjarnakonur, sem allar eru fæddar erlendis en búsettar í Vestmannaeyjum, komu fram og
veittu gestum innsýn í menningarheim viðkomandi lands, lásu upp stuttan texta á móðurmáli sínu og sumar tóku lagið. Þessar kjarnakonur voru
Kateryna Sigmundsson frá Úkraínu, Jackie Cardoso frá Brasilíu, Dagný Pétursdóttir (Deng) frá Thailandi, Tina Merete Henriksen frá Danmörku,
Evelyn Consuelo Bryner frá Sviss, Sarah Jane Hamilton frá Englandi og Anna Federowicz frá Póllandi.