Fréttir - Eyjafréttir - 13.01.2016, Blaðsíða 15

15Eyjafréttir / Miðvikudagur 13. janúar 2016
Íþróttir
u m S j ó n :
Guðmundur tómaS
SiGfúSSon
gudmundur@eyjafrettir.is
Framundan
Fimmtudagur 14. janúar
Kl. 19:30 Afturelding - ÍBV
Olís-deild kvenna
Föstudagur 15. janúar
Kl. 20:00 KA/Þór - ÍBV
Bikarkeppni 4. fl. kv. - eldri
Laugardagur 16. janúar
Kl. 15:30 ÍBV - Valur
2. flokkur karla
Kl. 13:30 ÍBV - Valur
3. flokkur karla
Kl. 12:00 ÍBV 1 - Afturelding1
4. flokkur karla - yngri
Kl. 13:30 ÍBV 2 - Afturelding2
4. flokkur karla - yngri
Kl. 11:55 KA/Þór - ÍBV
4. flokkur kvenna - eldri
Kl. 10:00 ÍBV - Víkingur
Bikarkeppni 4. fl. kv. - yngri
Sunnudagur 17. janúar
Kl. 13:00 ÍBV 2 - HKR
3. flokkur karla
Kl. 10:00 ÍBV - KA/Þór
4. flokkur kvenna - eldri
Kl. 11:00 ÍBV - Grótta
4. flokkur kvenna - eldri
Miðvikudagur 20. janúar
Kl. 19:30 ÍBV 1 - Stjarnan
Coca-cola bikar kvenna
ÍBV vann frábæran sigur á Fram
í Olís-deild kvenna á dögunum en
2. sætið var undir í leiknum sem
lauk með eins marks sigri ÍBV
27:26.
Hefði ÍBV tapað væri liðið í 5.
sætinu en það er ljóst að sigurinn er
virkilega mikilvægur. Það verður að
viðurkennast að eftir tuttugu
mínútna leik hafði ÍBV ekki sýnt
sínar bestu hliðar. Liðið var fjórum
mörkum undir, 4:8 og hafði meðal
annars klikkað á þremur vítaköst-
um, gert sig sekt um allt of marga
tæknifeila og látið markvörðinn
verja sig í kaf.
Næstu mínútur hjá liðinu voru
hins vegar frábærar, liðinu tókst að
snúa leiknum við og var staðan
jöfn, 13:13 þegar liðin gengu inn til
búningsherbergja.
Líkt og síðasti kafli fyrri hálfleiks
þá var fyrsti kafli síðari hálfleiks
frábær hjá Eyjakonum. Staðan var
orðin 20:16 áður en leikmenn Fram
vöknuðu úr rotinu, þá tókst þeim að
minnka forskotið niður í eitt mark
áður en þær komust yfir á lokamín-
útum leiksins. Þökk sé frábærri
lokamínútu þar sem Vera Lopes og
Ester Óskarsdóttir náðu að skora
tvö síðustu mörk leiksins og landa
eins marks sigri.
Erla Rós Sigmarsdóttir varði
fjórtán skot í marki ÍBV en Ester
Óskarsdóttir skoraði tíu mörk, þá
skoruðu Telma Amado og Vera
Lopes þrettán mörk samtals.
Handbolti | Olísdeild kvenna :: ÍBV 27:26 Fram
Frábær sigur í baráttunni
um annað sætið
Grótta 14 12 1 1 370:233 25
ÍBV 14 12 0 2 417:348 24
Valur 14 11 0 3 395:284 22
Haukar 14 10 2 2 395:331 22
Fram 14 10 1 3 390:303 21
Stjarnan 14 10 0 4 385:316 20
Selfoss 14 8 0 6 395:370 16
Fylkir 14 5 0 9 348:363 10
HK 14 4 0 10 285:341 8
Fjölnir 14 4 0 10 303:441 8
KA/Þór 14 3 1 10 295:349 7
FH 14 1 3 10 296:351 5
ÍR 14 2 1 11 294:370 5
Afturelding 14 1 1 12 287:455 3
Olísdeild kvenna
Hinn ungi og feikilega efnilegi
Hákon Daði Styrmisson, leikmaður
ÍBV, leitar sér að nýju liði eftir að
hafa beðið um að fá að yfirgefa
félagið.
ÍBV stóð alls ekki í vegi fyrir
Hákoni og mun hann því finna sér
nýtt lið á fastalandinu en um
lánssamning er að ræða. Óvíst er
enn í hvaða lið Hákon ætlar sér að
fara enda liggur ekkert á því að taka
ákvörðun þar sem frí er í deildinni
fram í febrúar. Hákon Daði var hluti
af liði ÍBV sem varð Íslandsmeistari
árið 2014 og átti sjálfur stóran þátt í
því að liðið varð bikarmeistari í
fyrra.
Þar átti Hákon mjög góðan leik í
undanúrslitum eftir að Grétari Þór
Eyþórssyni var vísað af velli með
rautt spjald.
Handbolti |
Hákon Daði
farinn frá
ÍBV á láni
:: Heldur til
reykjavíkur í nám
Dröfn Haraldsdóttir, fyrrum
markvörður ÍBV í handbolta, tók
fram skóna á ný og mun leysa af
markvörð FH sem tók sér frí frá
handbolta vegna anna í vinnu á
dögunum.
Dröfn var ekki hjá neinu liði en
hún mun leika með FH út þetta
leiktímabil. Hún á níu A-landsleiki
fyrir Íslands hönd en megnið af
þeim kom á lokakeppni EM árið
2012.
Handbolti |
Dröfn Haralds-
dóttir til FH
Eftir landsleikina gegn Portúgal á
dögunum þurfti Aron Kristjánsson,
landsliðsþjálfari, að skera leik-
mannahóp sinn niður um þrjá
leikmenn. Þeir átján leikmenn sem
standa eftir halda út til Póllands á
Evrópumótið.
Kári Kristján Kristjánsson er einn
þriggja línumanna sem fara með út
en hann hefur verið fastamaður í
landsliðinu í mjög mörg ár. Kári er
annar tveggja sem leika á Íslandi en
Guðmundur Hólmar Helgason
spilar með Val og heldur út á sitt
fyrsta stórmót.
Liðið spilaði tvo æfingaleiki við
þýska landsliðið á dögunum þar
sem Íslendingurinn Dagur Sigurðs-
son ræður ríkjum. Fyrri leiknum
tapaði Ísland með einu marki en sá
síðari vannst með þremur en í þeim
leik tókst Kára Kristjáni að skora
þrjú mörk.
ÍBV vann frábæran 2:0 sigur á
Breiðabliki í Fótbolti.net mótinu
um helgina, mörkin skoruðu þeir
Benedikt Októ Bjarnason og
Gunnar Heiðar Þorvaldsson.
Bæði komu þau í síðari hluta
fyrri hálfleiks.
Leikurinn var sá fyrsti sem liðin léku
í mótinu en hjá ÍBV fengu margir
ungir og efnilegir leikmenn sénsinn.
Felix Örn Friðriksson, Sigurður
Arnar Magnússon, Ásgeir Elíasson
og Tómas Aron Kjartansson spiluðu
allir og Felix fékk meðal annars að
leika í 90 mínútur og Ásgeir rúman
hálfleik. Þessir leikmenn eru fæddir
frá árinu 1997 til 1999. Auk þeirra
léku tveir fæddir árið 1996 og fjórir
fæddir árið 1995.
Framtíðin virðist því vera björt hjá
meistaraflokki karla í fótbolta.
Benedikt Októ var nokkuð heppinn
eftir 30 mínútur þegar hann fékk
boltann í sig af stönginni og þaðan
fór hann inn. Mark Gunnars
Heiðars var öllu flottara en hann
klippti boltann í hliðarnetið eftir
hornspyrnu.
Halldór Páll Geirsson stóð vaktina
í markinu í fjarveru Abel Dhaira,
sem er ekki kominn til landsins. Þá
byrjaði Pablo Punyed á bekknum
ásamt Jonathan Barden en þeir eru
nýkomnir erlendis frá.
Sindri Snær að koma? Og Mario
Brlecic að fara?
Leikmannamál hjá meistaraflokki
karla í fótbolta virðast vera í
nokkurri óvissu. Mesta óvissan ríkir
yfir því hvort Króatinn Mario
Brlecic verði áfram hjá félaginu en
hann kom sterkur inn í liðið á miðri
síðustu leiktíð.
Liðið á þó von á erlendum
leikmönnum á reynslu á næstu
dögum eða vikum og auk þess
koma þeir Mees Siers og Abel
Dhaira til baka úr fríi á næstunni.
Sindri Snær Magnússon, fyrrum
leikmaður Keflavíkur, hefur verið
að æfa með ÍBV á dögunum en
samningur hans við Suðurnesjaliðið
er útrunninn. Óskar Örn Ólafsson
sagði í viðtali við vefsíðuna
Fótbolta.net að liðinu lítist mjög vel
á leikmanninn og leikmanninum
lítist mjög vel á liðið.
Knattspyrna | Fótbolti.net mótið :: ÍBV - Breiðablik 2:0
Frábær sigur á Blikum
í Fótbolta.net mótinu
:: Benni og Gunnar skoruðu mörkin
Fyrrum leikmaður ÍBV, George
Baldock, lék 90 mínútur í sigri
Oxford United á Swansea í 3.
umferð enska bikarsins sem fram
fór um helgina.
Baldock er fæddur árið 1993 og
lék sautján leiki í deild og bikar
fyrir ÍBV árið 2012. Það tímabil var
virkilega gott hjá drengnum en ÍBV
endaði í 3. sæti. Hann var öllu
þekktari fyrir að safna spjöldum
heldur en fyrir markaskorun þar
sem hann fékk tíu slík í dvöl sinni
hérlendis en tókst einungis að skora
eitt mark. Oxford sigraði Swansea
með þremur mörkum gegn tveimur
en Gylfi Þór Sigurðsson var ekki í
leikmannahópi Swansea.
Handbolti |
Kári í EM
hópnum
ÍBV mætti HK á dögunum í 16-liða
úrslitum bikarsins í 3. flokki.
Sigurvegari leiksins fengi ferð til
Mosfellsbæjar að launum í 8-liða
úrslitin.
Það var fljótt ljóst hvernig
leikurinn myndi fara, fyrstu mínutur
leiksins voru vægast sagt frábærar
fyrir ÍBV. Andri Ísak Sigfússon átti
meðal annars frábæran fyrri hálfleik
og lék vel í markinu fyrir aftan
feikisterka vörn liðsins. Fram á við
var það sama uppi á teningnum,
ÍBV hafði öll völd á vellinum. Í
hálfleik var staðan síðan 15:8 en
ÍBV gaf örlítið eftir á síðustu
mínútum fyrri hálfleiks. Í upphafi
síðari hálfleiks spýtti ÍBV aftur í
lófana en HK-ingar sáu í raun aldrei
til sólar í leiknum, vörn ÍBV var þó
villt á köflum en liðið fékk sjö
tveggja mínútna brottvísanir í
leiknum á móti einungis tveimur
hjá gestunum. Lokatölur voru svo
33:21 og hefði munurinn hæglega
getað verið meiri.
Elliði Snær Viðarsson skoraði sjö
mörk fyrir ÍBV og var markahæstur
þeirra, á eftir honum kom Friðrik
Hólm Jónsson með sex mörk. Þeir
Logi Snædal Jónsson, Darri Viktor
Gylfason, Ágúst Emil Grétarsson
og Daníel Örn Griffin gerðu síðan
allir fjögur mörk. Strákarnir eru því
búnir að vinna alla fjóra leiki sína í
deildinni auk þessa leiks í bikarn-
um. Liðið mætir Val um næstu helgi
heima í Eyjum og hvetjum við alla
til að kíkja á strákana í þeim leik.
Handbolti | 3. flokkur karla :: 16. liða bikarúrslit:
Auðveldlega áfram
:: Enn taplausir á tímabilinu
Knattspyrna |
Baldock lék
allan leikinn í
sigri á Swansea
Ester Óskarsdóttir átti stórleik og skoraði tíu mörk.