Fréttir - Eyjafréttir - 20.01.2016, Blaðsíða 2
2 Eyjafréttir / Miðvikudagur 20. janúar 2016
útgefandi: Eyjasýn ehf. 480278-0549.
Ritstjóri: Ómar Garðarsson - omar@eyjafrettir.is.
blaðamenn: Gígja Óskarsdóttir - gigja@eyjafrettir.is
Sara Sjöfn Grettisdóttir - sarasjofn@eyjafrettir.is
Íþróttir: Guðmundur Tómas Sigfússon
- gudmundur@eyjafrettir.is
ábyrgðarmaður: Ómar Garðarsson.
prentvinna: Landsprent ehf.
ljósmyndir: Óskar Pétur Friðriksson og blaðamenn.
aðsetur ritstjórnar: Strandvegur 47,
Vestmannaeyjum.
símar: 481 1300 og 481 3310.
netfang: frettir@eyjafrettir.is.
veffang: www.eyjafrettir.is
Eyjafréttir koma út alla miðvikudaga. Blaðið er
selt í áskrift og einnig í lausasölu á Kletti, Tvistinum,
Toppnum,Vöruval,Herjólfi,Flughafnarversluninni,
Krónunni, Kjarval og Skýlinu.
Eyjafréttir eru prentaðar í 2000 eintökum.
Eyjafréttir eru aðilar að Samtökum bæjar-
og héraðsfréttablaða.
eftirprentun, hljóðritun, notkun ljósmynda og
annað er óheimilt nema heimilda sé getið.
Eyjafréttir
Eyjafréttir fóru á stúfana og
spjölluðu við marga verslunar-
eigendur í bænum. Flest allir
voru sammála um að jólaversl-
un hafi gengið vel og ánægðir
með þann vilja bæjarbúa að
versla í heimabyggð.
Verslun og þjónusta sem er í boði í
Vestmannaeyjum er að flestu leyti
til fyrirmyndar og kaupmenn
almennt sammála um að jólaversl-
unin hafi gengið vel og verið á
svipuðum nótum og árið áður. Fyrir
jólin í fyrra var slegið met í
mörgum verslunum. Var það m.a.
vegna veðurs sem hamlaði
samgöngum. Voru Eyjamenn því
minna á ferðinni. Það er því
glæsilegt að ná sama árangri fyrir
þessi jól þegar samgöngur voru
greiðar þó ekki væri siglt í
Landeyjahöfn.
Samgöngumál okkar Eyjamanna
spila mjög stórt hlutverk hvað
varðar alla þjónustu, á meðan
einhverjum finnst Landeyjahöfn
vera að skemma fyrir rekstri
verslanna finnst flestum hún
nauðsynleg þar sem mörg fyrirtæki
blómstra yfir þann tíma sem
Landeyjahöfn er virk og eru
langflestir á því máli.
Mikið var um að vera í desember
hjá verslunnarmönnum, mörg kvöld
þar sem m.a. var boðið upp
konukvöld og lengri opnunartími.
Fram kom hjá nokkrum verslunar-
eigendum að reyna eigi að sameina
þessi kvöld, hafa opið á sama tíma,
því meira sem er opið því fleiri
mæta.
Erla í Pennanum vill líkja þessu
við að ef hálf Kringlan væri opin en
allt hitt lokað ,,Það er ekki gert í
hefndarskyni að hafa alla mat-
sölustaði á sama stað í Kringlunni
þar sem er fjölbreytt þjónusta og úr
mörgu að velja,“ sagði Erla en hún
ásamt fleirum finnst verslunarfólk
eigi að vinna betur saman.
Allir verslunareigendur voru
ánægðir með bæjarbúa og vildu
skila til þeirra þakklæti, því án
þeirra mundi þetta ekki ganga.
Upp úr slitnaði í viðræðum
Samtaka fyrirtækja í sjávarútvegi
(SFS) og sjómannasamtak-
anna, SSÍ, FFSÍ og VM þann
fjórða desember síðastliðinn.
Síðan hefur allt verið strand og
samkvæmt nýjustu fréttum gæti
stefnt í verkfall sjómanna.
Blaðamaður Eyjafrétta hafði
samband við Valmund Valmunds-
son, formann Sjómannasambands
Íslands til að kanna hvernig staðan
væri. ,,Við vorum í viðræðum allt
síðasta haust og vorum við sáttir
með hvernig þær þróuðust. Ætlun
okkar var að breyta núverandi
samningi í grunninn enda er hann
næstum tíu ára gamall. Upp úr
viðræðunum slitnaði þegar SFS
kom með tilboð þar sem þeir settu
meðal annars fram fjögur atriði sem
komu okkur ekki við og var bara
uppfærsla,“ sagði Valmundur.
„SFS bauð hækkun kauptrygg-
ingar og launaliða án þess þó að
útfæra það nánar og þrjú önnur
atriði sem engu máli skipta. Allt
virðist því stefna í átök.“
Valmundur sagði að eins og staðan
er í dag sé ekkert í gangi. „Við
erum að kanna í sjómannafélög-
unum hvað menn vilja gera. Mér
sýnst að með örfáum undantekn-
ingum verði í verkfall ef ekki verða
frekari viðræður. Við ætlum að
funda í samninganefnd Sjómanna-
sambands Ísland í lok mánaðar. Þar
verður ákvörðun tekin hvort farið
verður í aðgerðir,“ sagði Valmundur
að endingu en nú eru sjómenn
komnir á sjötta árið með lausan
kjarasamning.
Enn á ný er blásið til þess sem
kallað er Landsleikurinn í lestri,
Allirlesa.is sem var fyrst haldinn
fyrir tveimur árum síðan, í
október og nóvember 2014 og
lauk á Degi íslenskrar tungu 16.
nóvember. Var keppt í opnum
flokki, skólaflokki og vinnu-
staðaflokki. Auk þess kepptu
sveitarfélögin innbyrðis. Hvað
varðar sveitarfélögin urðu
Vestmannaeyjar lang hlutskörp-
ust.
Kári Bjarnason, forstöðumaður
Safnahúss, sagði þetta mjög
spennandi og gaman fyrir Eyja-
menn að sýna að þeir geti fleira en
að sparka eða kasta bolta. „Árangur
okkar vakti athygli og er hvatning
fyrir skóla- og menningarstarf í
Vestmannaeyjum. Af þeim sökum
lagði ég til að nú þegar komið er að
því að landsleikurinn verður
endurtekinn, 22. janúar þá verði ýtt
úr vör hér í Einarsstofu og það var
samþykkt,“ sagði Kári.
Eyjamenn sigruðu með glæsibrag,
lásu að meðaltali í 51 klukkustund,
næst kom Hveragerði með 24,5,
Sveitarfélagið Ölfus með 22,3,
Dalvíkurbyggð með 21,6 og
Sveitarfélagið Skagafjörður með
18,8 klukkustund.
Bergrún Íris Sævarsdóttur er
framkvæmdastjóri átaksins að þessu
sinni og sagði hún að Lands-
leikurinn Allir lesa fari aftur af stað
á bóndadaginn, 22. janúar, og standi
yfir í um mánuð eða fram að
konudegi, 21. febrúar. „Fyrsti
leikurinn sló í gegn en lesnir
klukkutímar voru vel yfir 70.000.
Þegar lestur var skoðaður eftir
búsetu sátu Vestmannaeyingar í
efsta sæti og báru höfuð og herðar
yfir önnur sveitarfélög. Konur
reyndust lesa töluvert meira en
karlar en fróðlegt verður að sjá
hvernig lesturinn dreifist í ár,“ sagði
Bergrún Íris.
Allir geta keppt
Liðakeppnin skiptist sem fyrr í þrjá
flokka, vinnustaðaflokk, skólaflokk
og opinn flokk. „Landsleikurinn er
tilvalin leið til að hrista fólk saman
og skemmta sér við lestur um leið
og keppt er til sigurs. Hægt er að
mynda lið með hverjum sem er, til
dæmis vinnustaðnum, fjölskyld-
unni, leshringnum, saumaklúbbnum
eða vinahópnum. Þátttakendur
mynda lið og skrá lestur á vefinn
allirlesa.is. Þau lið sem verja
samanlagt mestum tíma í lestur
standa uppi sem sigurvegarar. Í
lokin eru sigurlið heiðruð með
viðurkenningum og verðlaunum.“
Á heimasíðunni, allirlesa.is segir
að landsleikurinn gangi út að skrá
lestur á einfaldan hátt og halda
þannig eigin lestrardagbók. „Allar
tegundir bóka eru gjaldgengar. Það
skiptir ekki máli hvernig bækur þú
lest eða hvort þú lest prentaðan
texta, rafbók eða hljóðbók. Hér er
átt við allar bækur sem innihalda til
dæmis skáldskap, fræði, skýrslur
eða eitthvað allt annað. Á milli
landsleikja er tilvalið að nýta vefinn
sem lestrardagbók og taka þannig
þátt í lestrarsamfélaginu allan ársins
hring,“ er meðal þess sem fram
kemur á heimasíðunni.
Kári hvatti að lokum alla sem tök
hefðu á að mæta á dagskrána sem
eins og áður segir hefst á föstudag-
inn kl. 11.00 í Einarsstofu. „Ég
vona að vinnustaðir leyfi starfsfólki
sínu að skjótast á dagskrána, það er
svo mikilvægt að liðsstjórar og aðrir
sem ætla að taka þátt í lestrarátak-
inu komi og fái nauðsynlegan
bakstuðning. Það væri enda aldeilis
saga til næsta bæjar ef Vestmanna-
eyingar héldu titlinum. Við höfum
fyrr virkjað keppnisskapið í það
sem sumir myndu vilja kalla ekki
mikið merkilegra“, sagði Kári að
lokum.
Allir lesa í Einarsstofu á föstudaginn kl. 11 til 12:
Vestmannaeyjar
lang hlutskörpust
í keppni sveitar-
félaga 2014
:: Árangur okkar vakti athygli :: Hvatning fyrir skóla-
og menningarstarf í Vestmannaeyjum
Ómar GarðarSSon
omar@eyjafrettir.is
Jólaverslun á pari við síðasta ár:
Kaupmenn
vilja samræma
opnunartíma
:: Landeyjahöfn góð fyrir verslun
Sara SjöFn GrETTiSdÓTTir
sarasjofn@eyjafrettir.is
Ekkert er að gerast í samninga-
málum sjómanna og SFS:
Allt virðist
stefna í átök
:: Verið að kanna í sjómannafélög-
unum hvað menn vilja gera
GÍGja ÓSKarSdÓTTir
gigja@eyjafrettir.is
Valmundur Valmundsson
formaður Sjómannasambandsins.
Lestrarömmur koma í skólana og lesa með og fyrir börnin. Tilgangurinn er að hjálpa börnunum að
ná tökum á lestri.