Fréttir - Eyjafréttir - 20.01.2016, Blaðsíða 6

6 Eyjafréttir / Miðvikudagur 20. janúar 2016
Það var stór stund fyrir samfé-
lagið okkar þegar Kiwanis-
klúbburinn Helgafell gaf á
dögunum nýjan leitarhund. Hún
heitir Rökkva og er svartur
labrador retriever og kemur frá
viðurkenndum hundaræktanda
Noregi. Þetta er þriðji leitar-
hundurinn sem Kiwanisklúbb-
urinn gefur lögreglunni í
Vestmannaeyjum.
,,Það má segja að Kiwanisklúbbur-
inn Helgafell eigi þetta verkefni
lögreglunnar með húð og hári”,
sagði Páley Borgþórsdóttir
lögreglustjóri við formlega
afhendingu hundsins. ,,Án þeirra
byggjum við ekki svo vel að hafa
fíkniefnaleitarhund að störfum hjá
lögreglunni í Vestmannaeyjum en
svona hundur er eitt mikilvægasta
tæki lögreglunnar í baráttunni við
fíkniefni,“

Ekki minna um fíkniefni
Fyrsta hundinn gaf Kiwanis-
klúbburinn lögreglunni árið 2001
sem var Tanja, þýskur fjárhundur.
Næsta hund gáfu þeir árið 2008 og
það er hún Lúna sem er enskur
Springer spaniel og er hún enn í
þjónustu lögreglunna en er að
eldast. Fann þó fíkniefni um borð í
Herjólfi daginn áður en afhendingin
var. ,,Lúna er orðin hjartveik og
það styttist í að hún hætti að geta
unnið sem leitarhundur. Vinna
þessara hunda reynir mikið á þá og
þeir þurfa að vera í toppstandi til að
sinna henni því þeir þurfa að hafa
mikið úthald”, sagði Páley.
Fíkniefnaleitarhundur er eitt
öflugasta tæki sem lögregla getur
notað að mati Páleyjar. ,,Magn
fíkniefna er ekki minna á markaði,
síður en svo því miður. Farið er að
bera nokkuð á því að minna er
innflutt til landsins en þeim mun
meira framleitt hér heima. Fíkniefni
hafa eyðilagt margar fjölskyldur og
tekið líf fjölda fólks, annað hvort
haldið þeim í heljargreipum eða
orðið þeim að bana. Fíkniefnaleitar-
hundur er eitt öflugasta tæki sem
lögregla getur notað í þessari
baráttu.“
Þurfa fjölskyldu og
sitt heimili
Rökkvi er fæddur í febrúar á síðasta
ári, hlaut grunnþjálfun í Noregi og
er enn í þjálfun og kemur til með að
taka við af Lúnu innan tíðar.
Umsjónarmaður hans er Heiðar
Hinriksson, varðstjóri sem er
viðurkenndur hundaþjálfari og
hefur haft umsjón með öllum
hundum lögreglunnar í Vestmanna-
eyjum. Því þrautreyndur í þessum
störfum og er eflaust alltaf líf og
fjör á heimili hans. Hann hefur nú
tekið við Rökkva á heimili sittþar
sem Lúna er fyrir. En eins og gefur
að skilja eru þetta dýr sem þurfa að
eiga sína fjölskyldu og sitt heimili
eigi þeim að líða vel.
Aðspurður sagði Heiðar að uppeldi
á leitarhundum sé yfirleitt strangara
en hinum venjulega heimilishundi
en að sama skapi þarf að vera
gaman hjá þeim og þeim þarf að
líða vel. ,,Þá miðast uppeldið
einnig við það hlutverk sem
hundurinn á að hafa og þá þjálfun
sem hann mun hljóta. Leitarhundar
lögreglu þurfa að vera agaðir og
vita sitt hlutverk.“
Heiðar segir leitarhunda að mestu
leyti eins og aðrir hundar þegar þeir
eru búnir í vinnunni. ,,Þegar þeir
eru heima hjá sér fá þeir að slappa
af og njóta samverunnar með
fjölskyldunni. Þó ber að hafa í
huga að leitarhundar lögreglu eru
yfirleitt erfiðari heimilishundar, eru
yfirleitt mjög orkumiklir og þurfa
að hafa eitthvað fyrir stafni.“

Erfið barátta án
leitarhundanna
Í baráttunni gegn fíkniefnunum eru
leitarhundarnir mjög mikilvægir og
erfitt að vinna það verk vel án
þeirra, sagði Heiðar. ,,Þrátt fyrir
alla þá tækni sem til er í dag er ekki
ennþá búið að finna upp tæki sem er
betra en hundarnir í að leita uppi
fíkniefni.“
Hægt er að þjálfa hundana í fleiru
en bara að leita að fíkniefnum. ,,Til
marks um það hvað hundarnir eru
góðir starfskraftar þá eru öll
lögreglulið í löndunum í kringum
okkur með stórar hundadeildir,
hundaskóla og lögreglumenn sem
vinna bara við það að sjá um
hundana. Hundarnir eru vanmetin
tæki hér á Íslandi en vonandi fara
menn fljótlega að átta sig á því hvað
þeir eru öflugir og nýta þá betur en
gert er í dag” , sagði Heiðar að
lokum.
Fyrsti saumaklúbbur erlendra
kvenna varð til í Vestmanna-
eyjum fljótlega eftir gos og hefur
starfað með nokkrum hléum
síðan þá. Þar hittast konur af
erlendum uppruna og deila
reynslusögum og spjalla um hin
ýmsu kvennamál yfir kaffi og
meðlæti.
Fljótlega á nýju ári kallaði Katerina
Sigmundson saumaklúbbinn saman.
Hún sagði í samtali við Eyjafréttir
að hún hafi verið að bíða eftir að
Margo Renner mundi koma til
landsins en hún sækir Eyjarnar
heim yfirleitt í kringum jólin, en
hún er ein af þeim sem byrjaði með
klúbbinn á sínum tíma.
„Það eru fimm til sex konur sem
hafa verið lengi í klúbbnum og
mæta alltaf,“ sagði Kateryna en svo
stokkast reglulega upp í hópnum
því nýjar konur koma og aðrar flytja
burt. Kateryna segir þetta vera hinn
hefðbunda kvennaklúbb, spjallað er
um allt milli himins og jarðar ásamt
því að miðla sinni reynslu og segja
skemmtilegar sögur af þeirra fyrstu
kynnum af landi og þjóð og
Vestmannaeyjum. Aðspurð sagði
Kateryna hennar upplifun á
Eyjamönnum vera góða, allir mjög
vinalegir.
Konurnar hafa safnað saman
heimildum og minningum fyrir
klúbbinn sem þær halda utan í
tveimur bókum. Þær skrifa eftir
hvern klúbb minningu eða taka
myndir, heimildir þessara bóka
spanna þrjá áratugi klúbbsins.
:: Kiwanisklúbburinn Helgafell :: Spilar stórt hlutverk gegn fíkniefnum í Vestmannaeyjum
Leitarhundur öflugasta tæki
sem lögregla getur notað
:: Leitarhundar lögreglu þurfa að vera agaðir og vita sitt hlutverk :: Eru vanmetnir hér
á landi :: Vonandi fara menn fljótlega að átta sig á því hvað þeir eru öflugir
Sara SjöFn GrETTiSdÓTTir
sarasjofn@eyjafrettir.is
Foreigner, saumaklúbbur erlendra kvenna í Vestmannaeyjum:
Hittast og deila reynslusögum og
spjalla um hin ýmsu kvennamál
Sara SjöFn GrETTiSdÓTTir
sarasjofn@eyjafrettir.is
Heiðar með Rökkva í fanginu.
Páley Borgþórsdóttir, lögreglustjóri tók við gjöfinni frá Kára Hrafn-
kellssyni forseta Kíwanisklúbbsins Helgafell.
Konurnar sem hittust í byrjun árs eru Kateryna Sigmundsson, Natalija Yatsenko, Viktoria Pettypiece,
Sarah Jane Hamilton, Aisuluu Shatmanova, Leonora Raustiené, Lucie Kázová Lúkas, Angelika Deduh
og Margo Renner.