Fréttir - Eyjafréttir - 20.01.2016, Síða 18
18 Eyjafréttir / Miðvikudagur 20. janúar 2016
Silja Elsabet Brynjarsdóttir flutti
til London síðastliðið haust og
er þar að láta drauma sína
rætast. En hún lærir söng í Royal
Academy of Music .
Fædd: 15. ágúst 1991.
Fjölskylda: Móðir mín er Ragn-
heiður Borgþórsdóttir. Ég á eina
svoleiðis, en ég er svo heppin að
eiga tvo pabba, Sindra Óskarsson
og Brynjar Kristjánsson. Ég er
einnig alveg einstaklega rík af
systkinum, en þau eru: Óskar Alex,
Guðbjörg Sól, Herborg, Teitur,
Marinó Bjarki og Kristján Guðni.
Hvað ertu að gera í London: Ég er
að læra klassískan söng við the
Royal Academy of Music. Sem
þýðir að ég ætla mér að verða
óperusöngkona. Námið er marg-
slungið og allskyns fög sem mér
hefði ekki dottið í hug að þurfa að
leggja áherslu á. Ég þarf til dæmis
að læra að semja tónlist og við
byrjum á að semja verk eins og þau
fyrstu sem til eru í sögunni, síðan
fikrum við okkur upp tímalínuna og
endum á að semja nútímaverk. Þetta
fag er algjör snilld en alveg
ofboðslega krefjandi. Að auki fer ég
í leiklistartíma, leikfimi, já ég fer í
leikfimi í skólanum (ég sem hélt að
leikfimi væri bara í barna- og
framhaldsskóla), tónlistarsögu,
ítölsku, þýsku, frönsku og margt
fleira.
Ertu að lifa drauminn? Ó já! Ég er í
uppáhalds borginni minni (verð nú
reyndar að viðurkenna að ég hef
ekki séð þær allar), að læra það sem
mig hefur dreymt um að læra síðan
ég man eftir mér. Syngjandi allan
daginn út og inn, það gerist ekki
betra!
Hvað er það besta við borgina: Það
er allt yndislegt við þessa borg. Það
er svo vel hugsað um allar bygg-
ingar að þær fá að njóta sín til hins
ítrasta. Veðrið er líka dásamlegt, ef
það kemur rigning þá skellir maður
bara upp regnhlífinni og heldur
áfram að vera sætur. Fólkið hérna er
svo kurteist og yndislegt. Þegar ég
var á leiðinni heim fyrir jólafríið
var ég með tvær þungar töskur og
ákvað í minni þrjósku að taka
erfiðustu leiðina uppá Heathrow.
Þegar ég mæti kófsveitt eftir allt
labbið uppá underground-stöðina
mæti ég stiga og hugsa, nei þetta er
ómögulegt! En viti menn, í hvert
skipti sem ég kom að stiga kom
maður og hjálpaði mér, ég þurfti
aldrei að bera töskurnar ein niður
stiga. Yndislegt fólk! Og svo er
maður alltaf spurður hvernig maður
hefur það hvert sem maður kemur,
æj þetta er bara allt svo hlýtt.
Uppáhalds veitingarstaðurinn þinn:
Ég hef ekki farið mikið út að borða
en ef mig langar í English breakfast
á góðum sunnudagsmorgni þá skelli
ég mér á uppáhalds pubbinn minn
sem heitir Weatherspoons, ódýr og
góður. Við krakkarnir í bekknum
förum líka stundum þangað til að fá
okkur einn góðan hamborgara eða
fish and chips. Frábær staður, ég
mæli eindregið með honum, þar fær
maður alvöru breska stemningu.
Hvað mælirðu með að gera þar: Ég
mæli alveg eindregið með því að
kíkja í Covent Garden, það er
ofboðslega fallegur staður. Trafalgar
Square er svo þarna rétt hjá og um
að gera að kíkja á það í leiðinni. Í
framhaldi af því er hægt að rölta
niður á Big Ben og sjá hann og The
House Of Parlament í allri sinni
dýrð. Ef fólk hefur gaman af
klassískri tónlist eða hljóðfærum
yfir höfuð, þá mæli ég með safninu
sem er í skólanum mínum, það er
frítt inn og þetta er alveg frábært
safn þar sem krakkar í skólanum
sýna hvernig var spilað á hljóðfærin
svo fólk heyrir hvernig þau hljóma.
Mér finnst þetta safn vera alveg
frábært. En það er alveg ótrúlega
mikið af söfnum í London svo að
allir geta fundið eitthvað fyrir sig.
En því sem má ekki sleppa þegar
maður kemur til London er að
labba, borgin er svo stórkostleg að
maður verður bara að njóta hennar
til fulls, það er allavega mitt
markmið.
Eyjamenn í útlöndum :: Silja Elsabet í London
Í uppáhaldsborginni
að syngja allan daginn
Sara SjöFn GrETTiSdÓTTir
sarasjofn@eyjafrettir.is
Ég hef lengi tekið þátt í og fylgst
með því sem er að gerast í leik- og
grunnskólunum í Vestmannaeyjum.
Oft snýst umræðan um það sem við
erum óánægð með eða ósátt við, en
því miður sjaldnar um það sem er
jákvætt og á uppleið.
Þegar litið er til þróunar hjá okkur
í Vestmannaeyjum hefur komið í
ljós að börn, sem eru að hefja nám
í 1. bekk í grunnskóla eru að koma
betur undirbúin úr leikskólanum en
áður enda styðjast kennarar
leikskólans við viðurkenndar
kennslu- og matsaðferðir sem eiga
að stuðla að betri árangri. Sama
gildir með kennara yngsta stigs í
grunnskólanum sem hafa tekið í
notkun viðurkennt kennsluefni
samið af helstu lestrarsérfræðingum
landsins. Með nýjum vinnubrögð-
um skapast möguleikar á að fylgjast
betur með lestrarþróun og árangri
barnanna og grípa inn í með
viðeigandi aðgerðum ef þróunin er
ekki í rétta átt.
Niðurstöður, sem fram hafa komið
hjá sviðstjóra Menntamálastofn-
unar, er að á undanförnum árum
hefur tíundu bekkingum í hópnum,
sem teljast ekki geta lesið sér til
gagns, fækkað marktækt í Grunn-
skóla Vestmannaeyja. Þetta eru
góðar fréttir sem styðja við
vísbendingar um að við séum á
réttri leið.
Starfsmenn bæði í leik- og
grunnskólunum leggja sig alla fram
um að stuðla að betri árangri.
Unnið er markvisst að því að
framfylgja framtíðarsýninni, sem er
að skólarnir okkar verði meðal
þeirra fremstu í landinu hvað varðar
vellíðan nemenda, faglegt starf,
kennslu og námsárangur. Þessum
markmiðum er m.a. fylgt eftir með
athugunum á stöðu hópa í lestri og
stærðfræði. Í kjölfarið fer fram
kröftug þjálfun undir stjórn
kennaranna. Endurteknar athuganir
gefa til kynna að sýnilegur árangur
er af slíkri þjálfun. Þeir nemendur
sem hafa tekið áskoruninni og æfa
lesturinn og stærðfræðina af sama
kappi og þeir æfa íþróttir eru að ná
mun betri námsárangri en hinir,
sem ekki taka námið nógu
alvarlega.
Þar kemur að mikilvægi foreldra
því það er svo óendanlega stór
þáttur fyrir nemendur að foreldrar
þeirra hafi áhuga á því sem þeir eru
að gera og þeim árangri sem þeir
eru að ná. Skólinn er máttlaus ef
hann hefur ekki foreldra í liði með
sér. Margir foreldrar eru afar
öflugir stuðningsmenn og það sést
vel þegar árangur barna þeirra er
skoðaður.
Því beinum við því til ykkar kæru
foreldrar að hafa hvatningu og
stuðning við það sem börnin ykkar
eru að gera í skólanum í forgangi.
Árangur í skóla er vísbending um
árangur í lífinu. Þeir sem læra að
leggja sig fram í skólanum munu
kunna að leggja sig fram þegar út í
lífið kemur. Þeir munu leggja alúð
við störf sín, hver sem þau verða og
það mun skila þeim til betra lífs.
erna jóhannesdóttir
fræðsluful ltrúi og
kennsluráðgjafi
skólaskrifstofunnar
Lestur og stærðfræði
eru íþróttir hugans
:: Þarf að æfa til að ná árangri
Fjöldi rannsókna hafa sýnt að það
að vera jákvæður og bjartsýnn hefur
jákvæð áhrif á heilsu, andlega,
líkamlega og félagslega. Ein
ástæðan virðist vera að þessir
einstaklingar eiga auðveldara með
að takast á við streitu í daglegu lífi á
uppbyggilegan hátt, lifa heilbrigð-
ara lífi og hafa jákvæðar væntingar
til lífsins.
Rannsóknir hafa sýnt að til eru
aðferðir til að draga úr neikvæðri
hugsun og auka jákvæðni og bæta
líðan. Þær eru sem dæmi hugræn
atferlismeðferð og að tala við
sjálfan sig með því markmiði að
auka jákvæðni og bjartsýni.
Sumir virðast vera jákvæðir og
bjartsýnir að eðlisfari, aðrir þurfa
hreinlega að æfa sig. Ef þér hættir
til að vera neikvæður þá er
óraunhæft að ætla að breytingin taki
aðeins einn dag og að maður verði
alltaf bjartsýnn og jákvæður.
Kannski er raunhæft markmið að
bæta líðan með því að draga úr
neikvæðni og auka umburðarlyndi
gagnvart sjálfum sér og öðrum.
Gott er að byrja á einfaldri reglu.
Ekki segja eða hugsa neitt um
sjálfan þig sem þú myndir ekki
segja við næsta mann. Vertu
umburðarlyndur og hvetjandi við
þig sjálfa(n) og ef neikvæðar
hugsanir fylla hugann reyndu þá að
verjast þeim með því að finna
jákvæða hluti varðandi sjálfa(n) þig
eða eitthvað sem þú hefur gert
Fyrir suma er þetta erfiðara,
stundum gerir fólk óraunhæfar
kröfur til sjálfs sín, finnst það aldrei
standa sig nógu vel og er fullt efa
um eigið ágæti. Þá þarf stundum að
brjóta upp ósæskilegt munstur og
setja sér raunhæf markmið.
Landlæknir gaf fyrir nokkrum
árum út ,,Geðorðin 10“ og er
geðorð eitt: Hugsaðu jákvætt, það
er léttara. Þar kemur fram að hægt
sé að hafa áhrif á líðan með
jákvæðu hugarfari en að dagarnir
geti verið misjafnir. Stundum fullir
af jákvæðni, bjartsýni og gefandi
samskiptum við fólk, en aðra daga
getur verið erfitt að hugsa jákvætt.
Áföll og erfiðleikar geta orðið til
þess að neikvæðar hugsanir fylla
hugann. Mikilvægt er að viður-
kenna þær hugsanir, leita aðstoðar
vina og ættingja eða fagfólks ef
þörf er á. Vellíðan og velgengni er
langhlaup, ef ekki eilífðarvinna.
f.h. Heilbrigðisstofnunar Suðurlands
Guðný Bogadóttir
http://www.landlaeknir.is/um-
embaettid/greinar/grein/item19641/
Engin-heilsa-an-gedheilsu
http://www.mayoclinic.org/
healthy-lifestyle/stress-manage-
ment/in-depth/positive-thinking/
art-20043950?pg=1
Hefur jákvæðni
áhrif á líðan og
heilsu
:: er jákvæðni val?
guðný bogadóttir
hjúkrunarstjóri
hei lsugæslunnar
í Vestmannaeyjum