Fréttir - Eyjafréttir - 24.02.2016, Side 1

Margir Eyjamenn fagna því
að brátt mun Bardaga-
félagið Mjölnir opna útibú í
Vestmannaeyjum. Formaður
Mjölnis og einn af stofnend-
um er Jón Viðar Arnþórs-
son. Jón Viðar á ættir að
rekja til Vestmannaeyja en
faðir hans er Vestmannaey-
ingurinn Arnþór Sigurðsson
eða Addi Yellow eins og
flestir þekkja hann. Móðir
hans er Þóra Sigurðardóttir.
Þegar Jón Viðar er spurður út í
tengslin til Eyja, segir hann að sér
þyki virkilega vænt um Eyjarnar,
enda hafi hann eytt hér öllum
sumrum sem ungur peyi hjá
ömmu sinni og afa, Sigga í Engey
og Boggu. ,,Tengslin eru ástæðan
fyrir því að við opnum Mjölni í
Eyjum á árinu og við erum
virkilega spennt,“ segir Jón Viðar.
Mjölnir var stofnaður árið 2005 af
tíu strákum sem allir áttu það
sameiginlegt að hafa brennandi
áhuga á bardagaíþróttum. ,,Við
vorum tíu strákar sem tókum
okkur saman og stofnuðum
Mjölni. Við höfðum ekki hugmynd
um hvað við vorum að gera þegar
við fórum út í þetta. Með opnun
félagsins vildum við skapa
vettvang hér á landi til að æfa
blandaðar bardagaíþróttir (MMA)
og brasilískt jiu-jitsu. Áður en við
vissum vorum við orðin stærsti
bardagaklúbbur landsins og nú
með þeim stærstu í heiminum,“
segir formaðurinn.
Aðspurður um opnunina í Eyjum
segir Jón Viðar að þeir stefni á að
opna núna í sumar. ,,Það kom
bakslag með húsnæðið sem við
vorum búnir að fá þannig að við
erum að líta í kringum okkur eftir
öðru og erum nú þegar komnir
með augastað á einu.“
Að sögn Jón Viðars hafa þeir
margoft verið beðnir um að opna
hér og þar á landinu og einnig
erlendis en alltaf neitað. Því sé
virkilega spennandi að opna
fyrsta útibú Mjölnis í Vestmanna-
eyjum á næstunni.
Jón Viðar segir að þeir séu á fullu
að vinna að undirbúningi opnun-
arinnar. ,,Við erum á fullu að skoða
þjálfaramálin og hvernig við
ætlum að hafa þetta uppsett.
Planið er að þjálfa upp fólk frá
Eyjum og senda svo reglulega
þjálfara frá okkur til Eyja. Við
munum byrja á því að bjóða upp á
brasilískt jiu-jitsu og víkingaþrekið
og svo munum við bæta einhverju
við seinna meir. Einnig ætlum við
að plana ferðir fyrir iðkendur okkar
hér í bænum til Eyja og öfugt.“
Mjölnir býður auk þess fjöldan
allan af námskeiðum eins og
kickbox, box og yoga svo eitthvað
sé nefnt. Einnig eru þeir með virkt
starf fyrir börn og unglinga og
halda reglulega námskeið í
sjálfsvörn fyrir konur.
,,Aðalsmerki okkar er að vera með
lifandi æfingar til að komast að því
hvað virkar og hvað ekki í raun-
verulegum aðstæðum. Kennslu-
kerfið er því í sífelldri þróun og
alltaf að breytast til hins betra, fólk
er farið að ná mun betri árangri og
farið að verða betri fljótar núna en
fyrir um fimm árum síðan,“ segir
Jón Viðar að lokum.
HEilSAn
Eyjafréttir | S é r b l a ð h e l g a ð h e i l s u n n i m e ð E y j a f r é t t u m m i ð v i k u d a g i n n 2 4 . f e b r ú a r 2 0 1 6 |
Spinning

Hressó var með fyrstu líkams-
ræktarstöðvum á Íslandi til að
bjóða upp á spinninghjól. Það
var fyrir 17 eða 18 árum og var
byrjað í litlu hornherbergi. Síðar
var flutt upp á miðhæðina og
loks upp í ris. Strax myndaðist
mjög öflugur hópur iðkenda og
fyrstu kennararnir voru Jóhanna
Jóhannsdóttir og Hafdís
Kristjánsdóttir. Nokkuð hefur
kvarnast úr hópnum og nýir
kennarar tekið við.
Gömlu hjólin stóðu fyrir sínu en
kominn tími til að endurnýja.
Það var gert og fyrir skömmu
voru tekin í notkun 20 ný hjól
sem hafa slegið í gegn. Aðal-
kennarar eru Birta Baldursdóttir
og Sara Rún Markúsdóttir og
þær kunna sitt fag. Hjól henta
flestum þar sem hver ræður
þyngd og hraða. Auk þess er
alltaf stemmning í tímum og
gaman þannig að það er bara að
mæta og byrja.
:: Mjölnir opnar útibú í Vestmannaeyjum í sumar:
Tengslin við Eyjarnar sterk
:: segir Jón Viðar sem á ættir að rekja til Vestmannaeyja
SædíS eva birgiSdóttir
seva@eyjafrettir.is
Jón Viðar Arnþórsson, formaður Mjölnis.