Fréttir - Eyjafréttir - 16.03.2016, Blaðsíða 2

2 Eyjafréttir / Miðvikudagur 16. mars 2016
Útgefandi: Eyjasýn ehf. 480278-0549.
Ritstjóri: Ómar Garðarsson - omar@eyjafrettir.is.
Blaðamenn: Sædís Eva Birgisdóttir - seva@eyjafrettir.is
Sara Sjöfn Grettisdóttir - sarasjofn@eyjafrettir.is
Íþróttir: Guðmundur Tómas Sigfússon
- gudmundur@eyjafrettir.is
Ábyrgðarmaður: Ómar Garðarsson.
Prentvinna: Landsprent ehf.
Ljósmyndir: Óskar Pétur Friðriksson og blaðamenn.
Aðsetur ritstjórnar: Strandvegur 47,
Vestmannaeyjum.
Símar: 481 1300 og 481 3310.
Netfang: frettir@eyjafrettir.is.
Veffang: www.eyjafrettir.is
Eyjafréttir koma út alla miðvikudaga. Blaðið er
selt í áskrift og einnig í lausasölu á Kletti, Tvistinum,
Toppn­um,­Vöruval,­Herjólfi,­Flughafnar­versluninni,­
Krónunni, Kjarval og Skýlinu.
Eyjafréttir eru prentaðar í 2000 eintökum.
Eyjafréttir eru aðilar að Samtökum bæjar-
og héraðsfréttablaða.
Eftirprentun, hljóðritun, notkun ljósmynda og
annað er óheimilt nema heimilda sé getið.
Eyjafréttir
Á fundi framkvæmda- og hafnar-
ráðs greindi framkvæmdastjóri frá
tjóni sem varð á lyftupalli upptöku-
mannvirkja Vestmannaeyjahafnar
þegar Gullberg VE skall utan í
pallinn 16. febrúar sl.
Fyrir liggur að sérfræðingur er
væntanlegur í apríl í árlega skoðun
og mun hann taka út skemmdirnar
og gefa skýrslu um málið. Ráðið
fól framkvæmdastjóra að gæta
hagsmuna Vestmannaeyjahafnar í
málinu og upplýsa ráðið um
framgang þess.
Skömmu eftir að átök brutust út í
Úkraínu í upphafi árs 2014 fór
Stefán Haukur Jóhannesson til
starfa sem yfirmaður alþjóðlegs
eftirlitsteymis Öryggis og Sam-
vinnustofnunar Evrópu (ÖSE)* í
Kænugarði. Á sýningunni eru
ljósmyndir sem Stefán Haukur tók í
störfum sínum en hann ferðaðist
m.a. til Chernobyl sem var
vettvangur eins stærsta kjarnorku-
slyss sögunnar árið 1986 og fór að
flaki malasísku farþegavélarinnar
sem skotin var niður skammt frá
rússnesku landamærunum 17. júlí
2014. Auk þess eru ljósmyndir af
mannlífinu í Kænugarði, einkum
Maidan torgi í miðborginni sem var
vettvangur borgarabyltingarinnar.
Stefán Haukur Jóhannesson er ráðu-
neytisstjóri utanríkisráðuneytisins.
Hann er fæddur og uppalinn
Eyjapeyi, sonur hjónanna Jóhann-
esar Tómassonar (í bankanum) og
Guðfinnu Stefánsdóttur (Minnu í
Skuld). Hann á að baki langan feril
í utanríkisþjónustunni. Hann hefur
gegnt ýmsum ábyrgðastöðum heima
og erlendis m.a. sem sendiherra
Íslands í Genf og Brussel. Stefán
Haukur leiddi samningaviðræður
um aðild Rússlands að Alþjóðavið-
skiptastofnunni, var aðalsamninga-
maður Íslands í viðræðum við ESB
auk þess að hafa gegnt formennsku
í gerðardómi í milliríkjadeilu um
alþjóðaviðskipti. Stefán Haukur er
áhugaljósmyndari og er myndavélin
iðulega með í för við leik og störf.
Sýningin verður opnuð 19. mars kl.
13.
Stefán Haukur segir frá átökunum
og byltingunni í Úkraínu og
störfum sínum þar. Tónlistarflutn-
ingur: Kitty Kovács og Balázs
Stankowsky.
Ljósmyndasýningin er í Einars-
stofu, í Safnahúsi Vestmannaeyja,
og stendur yfir 19. mars –19. apríl.
Opið á opnunartíma Safnahúss,
virka daga 10-18 og laugardaga
13-16.
Opnunarhelgi sýningarinnar verður
opið laugardag og sunnudag 13-17.
* ÖSE gegnir mikilvægu hlutverki
viðeflingu öryggis, mannréttinda,
lýðræðis og átakavarna í aðildar-
ríkjunum sem eru fimmtíu og sjö
talsins.
Ákveðið er að Sumarstúlkan 2016
verði laugardaginn 9. júlí nk.
þannig að Sumarstúlkan 2016
verður haldin um mitt sumar og
mun því bera nafn með rentu.
Auglýst er eftir ábendingum um
stelpur sem hefðu áhuga á að taka
þátt í keppninni en þær þurfa að
verða 18 ára á árinu eða eldri.
Upplýsingar gefur Súsanna í síma
690 3479 og eins getur fólk sent
henni skilaboð í gegnum Facebook.
Í bæjarráði í gær var samþykkt
að selja fjórðu hæð Fiskiðju-
hússins og Vigtarhúsið sem er
norðuhluti hússins þar sem
Miðstöðin er til húsa. Það var
fyrirtækið Eyjablikk ehf. sem
keypti hlutinn í Fiskiðjunni.
Óstofnað hlutafélag Daða
Pálssonar, eins af eigendum
Godthaab og Sigurjón Ingvars-
son, skipstjóri og stýrimaður
með meiru keyptu hins vegar
Vigtarhúsið.
Á fundinum lá fyrir tilboð í fjórðu
hæð Fiskiðjunnar, sem er 615,4 fm
upp á 42.750.000 kr. Bærinn
eignaðist Fiskiðjuna eftir eldsvoða
2007. Alls er Fiskiðjan 4200 fm og
hefur verið að drabbast niður með
árunum. „Í samræmi við skipulags-
ráðgjöf Alta og miðbæjarskipulag
Vestmannaeyja tók Vestmanna-
eyjabær ákvörðun um að endurgera
húsnæðið sem næst upprunalegu
útliti og nýta til vaxtar í stað þess að
láta það grotna niður fyrir augum
bæjarbúa og gesta. Fyrirliggjandi
tilboð er gert með það að markmiði
að styðja við þær hugmyndir,“ segir
m.a. í fundargerð og var tilboðið
samþykkt.
Fyrir bæjarráði lágu tvö kauptil-
boð í Vigtarhúsið sem er 740,9 fm
skv. fasteignaskrá, þar af kjallari
sem er 410 fm. Hærra tilboðið
hljóðaði upp á 16.000.000 kr. og
var samþykkt. Húsinu fylgja
skipulagskvaðir um að á jarðhæð
skuli rekin miðbæjartengd starfsemi
svo sem verslun, þjónusta, veitinga-
sala eða svipaður rekstur. Þá liggur
einnig fyrir byggingaréttur um
hæðir ofan á húsið.
„Það hefur aldrei verið keppikefli
bæjarins að eiga eignir umfram það
sem er nauðsynlegt fyrir kjarna-
rekstur okkar. Þessar eignir voru
keyptar af skipulagsástæðum og
það er frábært fyrir okkur að fá til
liðs við okkur aðila sem hafa
metnað til að taka þátt í að þróa
Vestmannaeyjar áfram,“ sagði Elliði
Vignisson, bæjarstjóri um söluna og
aðdraganda hennar.
„Það versta sem gerist er stöðnun
þar sem öllum hugmyndum um
framþróun er mætt með neikvæðni
og afturhaldi. Þegar farið var í að
byggja hið nýja útisvæði við
sundlaugina var því mætt með
hverskonar formælingum og
ásökunum um að þetta yrði allt
vonlaust. Eftir stendur þetta svæði
sem er margrómað um allt land og
heimamönnum til sóma. Þegar
farið var í framkvæmdir við
Eldheima var því mætt á svipaðan
máta. Ryðið milli fella og hvað
þetta allt var nú kallað. Eftir
stendur ekki bara eitt glæsilegasta
safn á landinu heldur rekstur sem
skilar okkur 40 milljónum í tekjur
umfram gjöld. Tekjur sem nýtast í
velferðarþjónustu o.fl.
Ákvörðun um Fiskiðjuna var mætt
með hverskonar tortryggni og
ásökunum um að þá yrði ekkert gert
í öldrunarmálum. Brátt eignumst
við þarna verðmæti sem okkur er
sómi að og standa vonandi undir sér
– og skilja jafnvel hagnaði – með
sölu og leigutekjum. Á sama tíma
er stefnt að framkvæmdum bæði í
málefnum aldraðra og fatlaðra. Við
sem tímabundið sitjum í þeim
miklu ábyrgðastöðum sem eru svo
langtum stærri en einstaklingarnir
eigum og verðum að hafa trú á
framtíðinni og haga ákvörðunum
okkar samkvæmt því. Ef við höfum
ekki trú á Vestmannaeyjum hverjir
hafa það þá?,“ spurði Elliði.
Hann segir nýja eigendur deila
þessari bjartsýni með bæjarstjórn
og að þeir ætli að koma húsunum í
gagnið. „Skapa þannig framtíðar-
verðmæti úr því sem einhverjir hafa
eingöngu séð sem fortíðar hnignun.
Hvað hinar þrjár hæðirnar í
Fiskiðjunni varðar þá erum við í
viðræðum við mjög stóran
rekstraraðila um leigu á nánast allri
neðstu hæðinni en öll önnur hæðin
verður leigð til Þekkingarseturs
Vestmannaeyja. Við eigum enn
eftir einhverja fermetra á þriðju
hæðinni en höfum verið að vinna
með frumkvöðlum að ákveðnum
hugmyndum sem vonandi skýrast á
næstu vikum. Það er rétt að nota
þetta tækifæri og þakka þeim
fjölmörgu sem komið hafa að
þessari fasteignaþróun þarna í hjarta
byggðarinnar og óska nýjum
eigendum Vigtarhússins og fjórðu
hæðar Fiskiðjunnar velferðar í
þeirra framkvæmdum,“ sagði Elliði
að endingu.
Bæjarráð :: Fjórða hæð Fiskiðjunnar og Vigtarhúsið selt:
Frábært að fá inn aðila
með metnað fyrir þróun
Vestmannaeyja
:: Eignumst verðmæti sem okkur er sómi að, segir bæjarstjóri
Ómar GarðarSSon
omar@eyjafrettir.is
Ljósmyndasýning – Stefán Haukur Jóhannesson
Úkraína: Átök og andstæður
:: Einarsstofa 19. mars kl. 13. Stefán Haukur kynnir sýninguna
Sumar-
stúlkan
valin
9. júlí
Gullberg
skemmdi
lyftupall
Fyrir fundi framkvæmda- og
hafnarráðs í síðustu viku lá erindi
frá slökkviliðsstjóra vegna dælu í
útkallsbifreið.
Óskað er eftir fjármagni í kaup á
nýrri dælu og nemur kostnaður 2,5
milljónum króna. Ráðið tók undir
áhyggjur slökkviliðsstjóra og
samþykkti að beina því til bæjar-
ráðs að fjármagn sem fengist hefur
frá EBÍ vegna arðgreiðslna verði
notað til endurnýjunar á dælu í
slökkvibifreið.
Skipalyftan
stækkar
Fyrir síðasta fundi framkvæmda- og
hafnarráði lá erindi frá Skipalyft-
unni ehf. þar sem óskað er eftir
stækkun lóðar undir byggingu í
svokallaðri hliðarfærslu norðan við
núverandi húsnæði fyrirtækisins.
Ráðið frestaði erindinu og óskaði
eftir ítarlegri gögnum varðandi fyrir-
hugaða uppbyggingu fyrirtækisins.
Umrætt svæði er ekki skipulagt
sem byggingarsvæði og þarf því að
breyta deiliskipulagi ef af uppbygg-
ingu verður. Ráðið fól framkvæmda-
stjóra að ræða við bréfritara.
Ný dæla
Unnið er að endurbótum á Fiskiðjunni og búið að setja glugga í allt húsið. Í forgrunni má sjá Vigtarhúsið.