Fréttir - Eyjafréttir - 16.03.2016, Síða 14
14 Eyjafréttir / Miðvikudagur 16. mars 2016
MIÐASALA í síma 852-1940
Frumsýning 23.mars kl. 20:00
2. sýning 24.mars kl. 20:00
3. sýning 25.mars kl. 20:00
4. sýning 26.mars kl. 20:00
UPPSELT
Hönnunarmars er haldinn
árlega í Reykjavík. Þar koma
saman hönnuðir allsstaðar að til
að kynna sínar vörur og verk.
Einnig er þetta kaupstefna þar
sem fólk frá fyrirtækjum alls
staðar að koma til þess að
uppgötva það nýjasta í hönnun.
Eyjakonan, Emilía Borgþórs-
dóttir var meðal þeirra sem tóku
þátt í hönnunarmars að þessu
sinni. Kynnti hún nýju vitalín-
una.
Vitar er ný lína kertastjaka úr
renndum við sem sækir innblástur
til þeirra fjölmörgu vita sem norpa á
annesjum landsins. Vitarnir eru í
fimm mismunandi formum sem
endurspegla fjölbreyttan byggingar-
stíl íslenskra vita. Þeir koma í
nokkrum stærðum og litum, hvítir,
bláir, appelsínugulir og viðarlitaðir.
„Vitar hafa alltaf veitt mér inn-
blástur, þeir eru traustir en jafn-
framt sveipaðir dulúð. Þeir vísa
sjófarendum veginn og koma þeim
öruggum heim. Það er fallegt og
táknrænt að hafa ljós í vitanum,“
segir Emílía.
„Vitar hafa sterkt aðdráttarafl og á
ferðalagi fjölskyldunnar síðastliðið
sumar fékk ég þá hugmynd að
hanna kertastjaka úr formum þeirra.
Ég byrjaði strax að skissa og við
tók teikning í þrívíddar forriti til að
meta betur form og hlutföll. Ég
byrjaði í nóvember að renna þá úr
við og hafa þeir tekið miklum
breytingum frá tölvuteikningunum.
Mér finnst mjög mikilvægt að gera
frumgerðirnar sjálf þar sem hlutirnir
breytast mikið þegar maður hefur
þá í höndunum.“
Emilía fékk dygga aðstoð og
kennslu hjá frænda sínum Valdóri
Bóassyni og þegar hún var sátt við
stjakana fékk hún félaga hans,
Magnús Alfonsson til að renna út
fleiri fyrir sig þar sem hún ætlaði að
vera með þá á Hönnunarmars.
Emilíu var boðið að vera með á
samsýningu í Epal til að sýna
fjölbreytta línu.
„Ég tók vitana síðan og sprautu-
lakkaði nokkra en sumir fengu að
halda eigin áferð. Tilgangurinn var
að ná meiri fjölbreytni enda hrifust
margir af stjakanum úr gullregninu.
Það lögðu margir leið sína í Epal á
Hönnunarmars eins og síðustu ár og
fengu vitarnir góðar undirtektir. Ég
vinn nú að því að koma þeim í
framleiðslu og vona ég að brátt geti
áhugasamir fest kaup á þeim og
tendrað ljós í þeim.“
Emilía Borgþórs tók þátt í Hönnunarmars :: Viti ný íslensk hönnun og smíði :
Sækir innblástur til þeirra fjölmörgu
vita sem norpa á annesjum landsins
:: Ætlar að koma þeim í framleiðslu og vonar að brátt geti áhugasamir fest kaup
á vitunum og tendrað ljós í þeim
Sara SjöFn GrETTiSdÓTTir
sarasjofn@eyjafrettir.is
Frænkurnar Emilía og Júlía Petra Andersen sýndu bekkinn sinn,
B-reka í heimildarsýningu í Hannesarholti á Hönnunarmars. Þar voru
sýndir smærri hlutir og heimildarmynd um rekavið og sýningu sem
tveir hönnuðir stóðu fyrir á Djúpuvík á Ströndum síðasta sumar.
Vitar er ný lína kertastjaka frá Emilíu, úr renndum við sem sækir
innblástur til þeirra fjölmörgu vita sem norpa á annesjum landsins.